انا رحت اليوم على الشرطة شرطة جدة

المعاملة اترفضت من الامارة امارة منطقة مكة المكرمة
الشرطة والمحافظة موافقه ومكتمل الشروط ومن مواليد جدة
وخطيبتي
عمرها 28 وهيا الطرف السعودي
الحمد لله على كل حال
ان شاء الله بقدم معروض للامير امير جدة وان شاء الله خير
ولو في حل مجرب ياليت احد يفيدني. وشكرا

نسيت اقولكم السبب

بدون سبب بس كدا رفض

نصيحة لوجه الله تعالي
انتبهواااا منه
انتبهواااا منه
انتبهواااا منه
يبغي يتحول له المبلغ كامل 45 ألف قبل لا يعمل اي حاجة
و كلمته بنفسي عالجوال كلامه بصراحة ما كان منطقي لي
ولا اقنعني و حجته ضعيفة و لا وثقت فيه اعيد و اكرر
نصيحة انتبهوووواااا منه و من غيره من المعقبين
انا جاني شخص قال اخلص لك الموضوع ب 13 ألف
قلت له ماشي خلص و خذ الفلوس يقولي لا الدفع مقدم
قلت له ع قول المصريين ( مقدم دي تبئي خالتك )
تخلص تاخذ فلووسك غير كذا انسي
و لمن شافني ما اهتميت فيه و لا اعرته انتباه
رجع لي يقولي لقيت لك واحد ثاني يخلص الموضوع ب 6 آلاف
و انا والله اطالع فيه و هو يكلمني شفت الخبث و الكذب في عينه
قلت له نفس الكلام يخلص ياخذ فلوسه غير كذا ما عندي
قال لي لااااا الدفع مقدما قلت له يلا انتظرني شويتين و اكلمك
عارف انا الشعور انكم تكونوا في قمة اليأس لمن تترفض معاملاتكم
و تسمعوا انه فيه شخص ممكن يخلص لكم المعاملة و يطلع الموافقة
تصيروا مثل الغريق الي بيتعلق بأي قشة قدامه و يبي يدفع اي شي و يعمل اي شي
عشان الموافقة
بس انتبهوااااااااا
هم النصابين و المعقبين يلعبوا علي هذا الوتر
يعرفوا اننا ضعيفين و نبي أي بصيص أمل عشان نتعلق فيه

ههههههههه
الحمدلله علي كل حال
ما اضحك عليك اضحك علي نفسي والله
تعال أسالني انا هذا السؤال يا طويل العمر
انا في كل مكان لي ملف محفوظ
كأني كل ما اعدي من مكان و يرفضوني
اسيب لهم بصمة و ذكري يذكروني فيها gfdasdw
معاملتي الاولي اتحفت في المحافظة
الاسترحام الاول برضه اتحفظ في المحافظة
الاسترحام الثاني الي راح الداخلية في الرياض و ردوه بالرفض اتحفظ في مكتب الزواج في شرطة جدة
المعاملة الثانية اتحفظت في مكتب الزواج في شرطة العاصمة المقدسة في مكة
الاسترحام الثالث الي قدمته اخر شي لسي في الامارة و مدري عنه
الشاهد من كلامي هذا كله
المعاملة تحفظ في اخر مكان وصلت له
انت بما انها معاملتك راحت البحث الجنائي
ف اتوقع انها تحفظ يا في مكتب الزواج في شرطة جدة
او في المحافظة
هذا الي اتوقعه و الله اعلم

الله المستعان
حسبي الله ونعم الوكيل

هل اقدر ارجعها للأماره تاني مره بدون ما اعيدها من جديد ؟؟؟؟؟؟؟؟؟؟

سؤال لو نبغى نقابل امير مكة مشعل بن عبدالله هل يكون في امارة مكة الي في مكة وله في جدة
وكيف مواعيد المقابلات وهل في احد راح قدم معروض للامير مو الوكيل

طيب ممكن اذا سمحتي تقوليلي كيف دخلتي بالتفصيل
وكمان ابغى اعرف ﻻزم يطلبو ولي امرك يدخل معاكي وﻻ ؟
وكيف المواعيد بعد كم يعني ؟
ياريت تفيديني

أخوي كلام الغربية
ممكن اعرف كم كان عمرك وعمر خطيبتك لما قدمتو استثناء للامير ؟؟

اتوقع في الوضع الطبيعي لا ما تقدر
و المعاملة لمن تحفظ خلاص
ما عاد تاخذ منها ولا ورقة
هذا الوضع الطبيعي
ولو فيه واااو
كل شي يمشي
و العلم عند الله

مجلس الأمير عادة ما يكون كل يوم أحد في امارة مكة الرئيسية الي في مكة في المعابدة بجانب امانة مكة
تروحوا بدري بدري يعني الساعة 8 و انتوا في الامارة و تعطوهم المعروض و تقولوا لهم بندخل علي الأمير
و لو هو موجود تدخلوا تنتظروه لمن يجي مجلسه يبدأ الساعة 10 الصباح
انا اخذت اجازة من عملي و والدي استئذن و رحنا الأحد
و لمن وصلنا قالوا لنا الامير أعتذر بس الوكيل موجود و قلت خلاص امري لله ندخل علي الوكيل لانه صعبة اخذ اجازة ثانية و الوالد يستئذن برضه
و شي ثاني في معاملات الزواج علي كلامهم لابد من وجود ولي الامر للطرف السعودي سواءا رجل او حرمة
انا رحت لهم يوم قبلها انا و عمي ابو خطيبتي و لا رضوا يدخلوني قالوا لازم ولي امرك معاك
و الوكيل اتوقع مجلسه يكون بشكل يومي
الا اليوم الي فيه مجلس للأمير ما يكون فيه مجلس للوكيل
و باقي الايام الي يكون ماهو فيها الامير يكون فيه مجلس للوكيل و هكذا

قدم طلب استثناء لأمير منطقة مكة أو للداخلية
مجرد خطاب توضح فيه إنك مستوفي للشروط جميعًا وتم رفض المعاملة بلا سبب
واكتب فيه بياناتك وبياناتها مع رقم المعاملة الأساسية ورقم الحفظ ومكانه وتاريخه

طبعًا الطرف السعودي هو الي يقدم الخطاب سواء لأمير المنطقة أو للداخلية

كيف عرفتي انه ارسلوها للداخليه
من الموقع ؟
وانتي ايش ارفقتي مع الشكوى
امين يارب الله يفرجها

ارسلو رساله على الجوال انه تم قيد المعامله
وفيها رقم تدخلى على الموقع الداخليه وتلاقيها فعلا بالوزاره
ماارفقت سوى الهويه بالاول ارسلنا التقرير الطبي بس رفضو يستلموه وطلبو الهويه

غريبة انا ماجاتني رساله ولاشي
بس في الموقع فيه رقم القيد وانها تحت الاجراء
وبرضو ارفقت الهويه بس
ان شاء الله خير يارب تسهلها علينا جميعا
يعطيك العافيه اختي