اختي حكاية نورتينا مرة تانية ... ومبروك حبيبتي الله يتمملك على خير فرحتلك من كل قلبي يا عسل ماشاءالله لا قوة الا بالله عقبال كل الي في القروب

نفسي اجمع كل نسوان القروب في سهرة ونلعب ضيوف هههههه

وعليكم السلام في الحقوق الخاصه تطول شوي بعدها تروح لسكرتاريه الزواج تاخذ شهر وكم يوم كمان بعدها تغلق وتروح لمركز الاتصالات الادرايه واجلسي يوم او يومين تلاقيها صدرت للاماره لكن اذا اغلقت بدون ماتمر للسكرتاريه معناه فيه شي ناقص في معاملتك
الله يوفقك يارب

رسوووله منورره وحشتييييييييييني

حكايه اهلا فيكي منوره والله يتمم حملك
ويقر عينك بالنونو ويجعل بار فيكم يارب
ويقومك بالسلامه

الله يبارك في حياتك وعقبال مانفرح فيكم كوووووولكم
ههههههه يلا خلينا نلعب ضيوف ضيوف ههههههه عاد مافي احلا من ايام الطفوله.
ربي يسعدك ويسر امرك انتي والبنات والشباب ويجمعكم مع من تحبو ع خيرر

يسعدك يارب اللهم امين انا عرفت انه في تسهيل للمواضيع

النور كله بوجودك حبيبتي
لكي وحشات قد الدنيا
كيفك ان شاءالله تمام
الله يسمع منك ويجي النونو بالسلامه واشوفو ونفرح فيه
ويفرحك ربي بالرجال . الطيب الحنون الي يريح قلبك وخاطرك

ازا متواصلع مع البنات الي كانو معانا سلمي عليهم ولهم وحشه

ويسعد قلبك ياعمري
تغير الوضع عن زمان والحمدلله انهم سهلو معاملات الزواج
يختي خلي الناس تتزوج عاد الين متا يعقدوها

بس صراحة لو تشوفي المشاركات اللي قبل والله تخوف والكل يقول انحفظت ومعرف ايش يالطيف لدرجة حسيت انه حتى لو احد يبغا يقدم ممكن يتراجع معرف هي مبالغة من الاعضاء ولا حقيقة ولا ايش الله اعلم الله ييسر

ياقلبي
هيا كانت تحفظ بسبب العمر الي غيروه لل 30
ودحين خلاص هالشي انشال
يعني السعوديه الي تاخد اجبني مولود لازم عمرها21
والسعوديه الي بتاخد اجنبي مقيم وغير مولود 25
والرجال السعودي الي ياخد اجنبيه مولوده لازم عمرها18 وفوق
والي بيتزوج من برا اتوقع 30 او ف هالحدود والله اعلم مو متاكده
ف عشان كدا اغلب الي كانو هنا حفظت معاملاتهم بسبب هالعمر
ف اتوكلو ع الله. ومافي شي صعب دام الواحد يبا حلال
احنا انتظرنا سنتين ونص بسبب معامله لكن اول ماتتزوجي تنسي كل هالتعب وتعيشي احلا ايامك

فعلا والله كلامك يريح البال الله يسعدك يارب طيب انتي ليش انتظرتي طول دي الفترة ؟؟ بصراحة ان شاء الله ان تزوجت برضو رح استمر عالمنتدى زيك اطمن الناس

ياعمري انا زيك في الداخليه لسه لها دحين 3 اساببع في ادارة سكرتارية الزواج والسستم مازال عطلان ومتوووووووووووتره من هالوضع ماعرف متي حيصلحو السستم الله ييسر امورنا وتجينا الموافقه ونرتاح

السلام عليكم
صباح الخير
كيفكم يا اعضاء المنتدى
الف الف مبرووك للي جاتهم الموافقه ربي يتمملكم على خير ويوفقكم

صار اكتر من شهر المعامله في الامارة وانا اجنبية مولوده كم تاخد المعامله في الاماره ؟؟

ان شاء الله يوصل. انا الحمدلله ماشي حالي. يااارب تشوفي قرة عينك وتفرحي فيه
حلو انك. متواصله معانا ومانستينا الله يوفقك ويسعدك. بحياتك
لا مو مبالغه اول كانت توجه الاعضاء مشكلتين اولها العمر وثانيها التحاليل
الحمدلله انها سهلووها ورجع العمر زي اول وعقبال التحاليل يااارب يسهلو هذا الموضوع اللي مسبب ازمه للناس وفرقهم عن بعض

وعليكم السلام وصباح النور هي باي اداره الان؟

طوولي بالك خلااص معاملتك قربت تخرج من الداخليه بعد السكرتاريه تغلق ويكتبو مركز الاتصالات الاداريه بعد يوم او يومين شيكي تلاقيهم كاتبين لك وين تصدرت اصبررري شوووي ولاتتوتري الله يسهل لك يارب

بالنسبة لموضوع التحاليل انا صار معايا تقريبا نفس للموضوع وقالولي انه حطيبك مريض ب انيميا الفول وانا لاني دارسة عن المرض قلتلهم مستحيل وقلبت الدنيا على الزفت الغامدي ومارضيت اخد التحليل الا لما يكتب سليم لانه كذاب وبيستغل جهل الناس يالمرض احب اقلكم يا بنات انه هدا المرض للذكور للشخص يا مصاب او سليم مافي شي اسمه حامل للمرض حسبي الله فيهم على المسخرة اللي عملوها

صباح الخير جمييعا
كيفكم حبيباتي ان شاءالله ربي يفرح قلوبنا بتحرك معاملاتنا اليوم للاحسن يارب

انا معاملتي اليوم كملت شهر بالضبط في الداخلية .. يارب تيسرها من عندك

في وحدة معايا في الشغل مخطوبة لأردني ماشاءالله اوراقها جلست في الداخلية بس شهر وكم يوم وجلسو اسبوع وحاليا كتبو كتابهم ..

عقبالنا يارب تتسهل زيهممممم ..

بطة ... يسعد صباحك يا قلبي

معليش بسألك انتي معاملتك قد ايش جلست في ادارة الحقوق الخاصة وكم لكي في المعاملة .. ومن اي مدينة ...

ربي يسعدك يا لحظة عالرد .. بس انا صحبتي في الشغل جلست اوراقها شهر وكم يوم وخلصت منها تتوقعي بيسهلو للمطلقات ؟؟؟

مااعرف خطيبي هوا اللي يتابع الامور ومانكلم بعض بس يطمن بابا ويقول باقي شويه وصار شهر وكم يوم المعامله في الاماره

ياجماعة كل وحدة تقوللي كم اخدت معاملتها في الشرطة الين يطلع لها رقم صادر ؟؟؟

وانتي وحششششتيني اكثر والله
كيفك يا قلبي وكيف امورك
ربي يسعدك ولايحرمنا طلتك اللي تجيب السعادة

السلام عليكم
انا صاحبي توقفت معاملته وكنسل الزواج بسبب انه في التحاليل قالو ان عنده نفس المرض ( الانيميا الفوليه )
انتي ايش عملتي ؟ مشي موضوعك ؟
هل تنصحي اني اعمل كشف من نفسي في اي مكان قبل مااقدم المعاملة تبعي ؟
في حال وجود نفس هالمرض عندي لا سمح الله , في طريقة اتفادى فيها الغاء المعاملة بسبب هالشيء ؟

السلام عليكم ,
خطيبتي الان في كرت العائلة ولسى ماعندها بطاقة احوال , فهل اقدر اقدم المعاملة وهي في كرت العائلة او لازم تكون ببطاقة احوال لحالها وبعد كذا اقدم ؟
وشكراً

اول شي الرجل ان كان يقدر ياكل فول ا وبقوليات فهذا شخص سليم مية بالمية وانصحك لاتسكتو عن هذا الظلم اللي من مستشفى المحجر ترة كلاب تاني شي حاول معاهم اكتر من مرة وكلم مدير المستشفى واقلب الدنيا عليهم وقدم شكوى لوزارة الصحة ان تمادو بالموضوع لانه عيب عليهم يمرضو خلق الله.... انا كشفت اللعبة حسبي الله فيهم اما بالنسبة للبنات فنمكن تكون حاملة للمرض او سليمة او مصابة يفضل برضو تتاكدو من مختبرات متعددة لانه المحجر كلاب والله تجربة شخصية كانت حتوديني في داهية لولا حكمة ربي واني دارسة امراض الدم لكان ضحكو علينا زي ماًضحكو على كثيرين ونصيحة لاتسكتو خلي صاحبك يرجع يثبت من اول وجديد انه غير مصاب وانه هدا كله كلام فاضي لتعطيل اتمام الزواج

لازمها بطاقة احوال لانه رح يطلبو يرنت اخوال مدنية ومارح يسلموها برنت الا ببطاقة الاحوال

ياختي ممكن استفسار

انا اجنبي وطلع عندي انيميا الفول مع انه عمري ماحسيت بالمرض دا

اتمنى انك تفيديني بهذا الموضوع

وهل اذا راحت خطيبتي المستشفى واقنعتهم بانه ماعندها مشكله بالنسبه للمرض يوافقوا ؟؟؟؟؟

الموضوع هذا مايخليني انام

أنا من كثر ماقريت عن الانيميا دي صار معايا دكتوراه فيها
جابولي البلا بها الله يبلي من حطها في فحص الزواج بأمراض الدم كلها

طيب بسألك هم مايحددو اصلا اذا مريض والا مصاب هم بيقيسو فقط الانزيم واذا طلع اقل من النسبة اللي محددينها يكتبو انه في نقص وانه الشخص عنده الانيميا دي
انتي كيف قالولكم انه مريض
حكاية مريض او حامل هذي يبغالها تحليل من نوع آخر كدا قالو دكاترة الدم اللي سألتهم

علا اي اساس قالو مريض؟؟

طيب كيف غيرولك النتيجه حيقولولك الجهاز مايكدب زي مالقالولي
واش بيننا وبينك عشان نتبلا عليكي

تخيلي ناقصني بس نص درجه وخربت كل شي حسبي الله عليهم
وانا اعتبر طبيعيه نسبتي بس هم محددين 5 وانا جبت 4 ونص

رحت لمديرة المركز مافي فايده
راح الخاطب لمدير المستشفا مافي فايده برضو
اش نسوي؟؟؟

اخي الفاضل هل عندك حساسية ضد اي نوع من البقوليات اوالفولً؟؟ ومنذ متى هذه الحساسية

ياجماعة ايش هرجة الفول دي ؟؟؟؟؟؟

انا رحت استشاري امراض الدم وقالي هذا شي تافه المفروض ما يختبروه في الفحص

اختي النسبة الطبيعية لانزيم G6PD هي من 100:200 واقل من كدا يسبب انيميا الفول او انيميا البقوليات وبالنسبة لموضوع الانيميا هادي عاملينا حجة للطرف الاجنبي عشان يعرقلو الزواج لكن اول شي بازم تتاكدي وبعدها تشتكي عليهم وانصحك تروحي تسوي الفحص في البرج او اي مستشفى حكومي معروف عشان تثبتي بطلان صحة التحاليل وغالبا هادي اوامر جايتهم عشان يقللو نسبة الزواج من غير سعوديين الله المستعان

ابدا ماعندي اي حساسيه

للأسف اغلبية الناس واجهتهم مشكلة من دا النوع معناها لازم نقدم شكوى لوزراة الصحة يس الغا ايالكم مين الرئيس اللي اخدتو منه النتايج؟؟؟

انا مقدم من مكه وقالولي اسم مديرة المركز هدى فلمبان

وازيدك من الشعر بيت حتى البنت كتبوا انها تعاني من الفول

انا عشن بغيرو لي النتيجة طلبو خطيبي من جديد واخدو عينه دمم تانية رغم اني قلت له لاتروح ومافيك شي ترى كدابين بس هو راح وقالو له بنعيد الفحص الله لا يعيدها من ايام وحسبي الله على الكذب

اصلا انا مستغربه
انتي تقولي مارضيتي تستلمي النتيجه لين عدلوها
اصلا ولا يخلوكي تحلمي تمسكيها يرسلوها للشرطه علا طول ومن هناك برقم الصادر تسألي عن النتيجه
مو من المستشفا استلمناها
انا من مكه

النسبه اللي محددينها مستشفا الولاده هنا من 5 الين 16
هو علا حسب الجهاز والنظام
في مختبرات زي البرج النتيجه من 100 الين 200 صح
وانا عملت عندهم تحللين كمي ونوعي طلعت سليمه
وقلت للمديره قالت احنا مالنا دخل
احنا عندنا اجهزة متطوره(( مالت ))

يعني انا نفسي افهم ايش معنى اتفقو في المرض دا ليش مانوعه غشن نقدر نصدقهم ... ماعلينا انا من جدة واستلمت النتيجة الاصلية والشرطة اخدو صورة واعطوني الأصل لاتسكتي نصيحة روحي قدمي شكوى والافضل تروحي اي مستشفى حكومي وتسوي دا الفحص

يسألك أحلام معليش

النسبه الطبيعيه في المحجر دا من كم لكم ؟؟
لأنه يختلف من مستشفا لأخر حسب الجهاز

أبغا إجابه أكيده الله يسعدك
إنتي شفتي بعيونك النسبه حقهم من 100 الين 200؟؟

على حسب مافهمت من بعض الاخوان


قالولي حاول تعيد الفحص بعد شهر احتمال تطلع النتيجة ومايكون عندك الفول لانه يروح ويجي من فتره لفتره


ايش رايكم هل كلامهم صحيح ؟؟؟؟