اقتباس:
من زمان اصلا غسلت يدي من البشر و ارتحت وش ترجي من اللي يسمون الطيبة هبالة و يعدون النذالة فهلوة و ذكاء ؟ |
والله صادقة يا عيوووون بس ما تخلى فيه ناس اجواد وطيبة وافعالهم تشهد له
انا بالنسبة لي عندي خوي ما قصر معي بشي اشهد انه كفو وقول وفعل الحمدالله على كل حال اهم شي الواحد يكون على بينه وفطين ويعرف يختار الرفقة الطيبة |
ياخاطري لا تضيق الله يرضى عليك
الناس قامت وطاحت دون رغباتها وياقلب لا تحترق لو شعلت النار فيك لا تفرح اعداك حاسدها وشماتها لو ان ظروفك سواة المسبحة في يديك ما سمعوا الناس في جوفك تنهاتها وان كانوا باعوك خلان الرخا يشتريك اللي يدور رضا عينك ومشهاتها |
و الله يا محمد كرهت الحياة و الخروج
ان ما لقيت احدهم مدعوس او رضيع مرمي اشوف الحوامل و المرضعات واقفات على قوائمهم الخلفية و يدينهم على قزاز محلات الشاورما او الملاحم او مطاعم الاسماك عويناتهن تبي تظهر من مكانها و الجوع قاتلهن على قطعة لحم و ما احد ينظر لهم بعين العطف و الشفقة ، و تلقاهن بالساعات على ذا الحال تدري يوم سووا بحث عن القطط المصدومة و المدعوسة وجدوا ان الغالبية مرضعات لان بسبب الجوع الشديد الناتج عن الرضاعة ينخفض معدل السكر و يدوخن و ما ينتبهن للسيارات اللي تحمل الموت لهن تاركات وراهن الرضع الايتام يموتون من الجوع و الصراخ تدري اني شفت بعيوني مرضعة مضروبة على راسها بخشبة ميتة و عيالها من الجوع زحفوا لها يرضعون منها و هي ميتة لين تعفنت جثتها و هم تسمموا لدرجة يوم قدر الله انقذهم في اليوم الثالث او الرابع من وفاتها ما عاشوا غير يومين عندي ماتوا من اثر السم و لحقوها بالله هذي اسمها حياة |
الطيبيين موجودين ما ننكر و لكنهم قلة بل قلة القلة
و النادر لا يقاس عليه في الاحصائيات لذلك تلقاهم يقولون على سبيل المجاز البلاغي مثلا : البشر صاروا انانيين |
لا حول ولا قوة إلا بالله
اكيد يا بسمة مب حياااااة الشكوى لله على كل ظالم |
اقتباس:
هذه قوانين المنتدى و بعدين بدون اقول اسني بيكون مكتوب في التعديل اسفل المشاركه و اتمنى منك تكنس لنفسك لان هذه انظمه المكان هنا. |
صباح الخير
احس اني محطمه حزينه صدري مقبوض متشائمه |
ما تشوفين شر يا غيوم شدة وتزول
---------------------------------------------- خاطري اسافر اريح شوي من الهم والاااحزااان ودي اروح لاختي بالدمام اريح شوي من النفسية واغير جو واشوف البحر واغير من مكاني بس تعباااان حدي وخايف اجيب العيد بالطريق مسافه مو سهله 400 كيلوا سفر بالسيارة |
اقتباس:
شكرا لك على التوضيح يا ابن هذال ......... اعجبني الاسم كثيرا ، تبارك الله اذا انت من اهل الحضر .... ( مشتقة من التحضر ) اللهم بارك شكرا لك اخي |
اقتباس:
الفرق بين السمك و الطيور هو : ان مربي السمك لا يتمتع الا بلونها و شكلها اي يتمتع بالنظر اليه اما مربي الطيور فيتمتع بالنظر الى اشكالها و الوانه. ثم. سماع اصواتها و تغريداتها |
اقتباس:
|
لاحول ولا قوة الا بالله ..
|
وش تبين تقولين عدلت مشاركتي 😊
|
اقتباس:
|
طيب خوذي راحتك
|
السلام عليكم
أسعد الله صباحاتكم جميعا بكل خير يارب تكونون دوم من خير إلى خير سلامة قلبك غيوم من الضيقة ان شاء الله انها شدة و تزول وش نسوي لابد نغالب اوجاعنا و همومنا و احزاننا عشان نقدر نكمل بالحياة ما شاء الله أن نكمل فيها .. البدراني فرصة بالعكس تغير جو لا تفوتها ، حاول تاخذ معك ونيس لك بالطريق يقطع عليك طوله ، و إقامة سعيدة يارب سائل شفت كيف ان البشر انانيون حتى يوم يربون لهم الطيور و الأسماك لمتعتهم هم فقط يمتعون انظارهم و كأنهم الواح مرسومة معلقة على الحوائط هذا اللي بغيت اوصله بس ما احد فهمني بالمشاركة السابقة اجيب سمك و احبسه و اعذب الطيور بالحبس فقط عشان استمتع بالوانها و جمالها اعوذ بالله هذا الاحساس البشع فقط يبي يقتل اي احساس اخر و أنعمي عن مشاهدة اي جمال |
السلام عليكم عندما نزرع البذور فالأكيد أننا نحصد ثمارها |
اقتباس:
هلا مزاجي مسا الخير جسمي ما عاد ينفع له شي و طابت النفس أهتم بالتغذيه اللهم اني مبتعد عن الفلفل الحار بقدر الإمكان لأن بعض المرات نفسي فيه فآخذه نقنقه خلني أروح في ستين داهية ما عاد يهمني شي ما يجيك الشر يالغالي اقتباس:
بسألك و بسمه و أبو هذال و أبو حميد و أبو علي و خلود و لميا و غيوم و الجميع أبغى أسوي تحاليل للفيتامينات كيف و أيها عيادة تسوي التحاليل الشاملة للجسم ؟ أعذروني غشيم بذي العلوم و لا عمري رحت و حللت اللهم فيتامين دال و الغدة الدرقيه و قالوا لي سليم و الله ودي أحلل شامل و أشوف النقص اللي فيني و أكمله اقتباس:
اقتباس:
اقتباس:
كيف الأبلفاي خذيتيه و الا لا أنصحك و بقوة يا غيوم تآخذين مثبت مزاج و الله راح تدعين لي اقتباس:
مسا الخير شاطي الراحة اقتباس:
يعني تبغيني أطلق طيور الحب قولي لي وين بتعيش هي مكانها الأصلي إستراليا و ما تعيش لو أطلقها لأن لها جو خاص و طعام خاص حتى الطير اللي ضاع مني و أنطلق في فضاء الكون الفسيح ما راح يطول راح يموت و بالعكس هي تستانس بالبشر لما يكونون حولها و هي تناظر فيهم أهم شي ما يتعذب الحيوان عندك و عذابها يحس به الإنسان الفطين و سعادتها كذلك بعدين إسمحي لي بشي و يعلم الله ما أقولها إلا من غلاتك : الاحظ فيك ترددين التشاؤم من الناس و الزمان بزيادة و تكثرين من وصفهم بالحقد و الأنانيه و غير ذلك من الأوصاف و كأن ما بالناس خير أبد الخير لا زال موجود يا أختي الغاليه و راعي الخير يلقى الخير و راعي الشر يلقى مثله و الطيور على أشكالها تقع خليك ريلاكس :) اقتباس:
صدقت :) ترنكيل اليوم أكيد ويكند و فله :) |
اقتباس:
حمل المقطع ذا عشان تتحمس و أنت بالطريق صدقني راح يرقصك تحزم تحزم خويي تحزم .. لا تتضايق لا لا .. والله ان تبتسم .. https://www.youtube.com/watch?v=DUutt2V5Ak0 |
|
احيييه والله يهبلون القطاوة
ليش ما اداني الطيور وانا صغير كان عندنا شغاله ودايم بالسطوح العصافير من الحر تموت وينفصل راسها عن جسمها تيبست يعني تجي الشغاله بالعصفور ميت ماسكته من ذيله وتطاردني فيه وانا ابكي ما توقف الا لاشافت واحد من اهلي والا اذا فهقت كنت صغير ومره ف الابتدائي كنت ف المصلى هارب من الحصه ويجي واحد يفتح الشباك ويدخلنا طير ويقفل الباب وانا واثنين معي محبوسين والطير فوق روسنا فوبيا ما ادانيهم لو صور |
اقتباس:
الله يسعدك يا صهيب مأجز اليوم فترة إستراحة ما بين الشوطين أهم شي الواحد يستانس بأي حيوان يعجبه زمان و أنا صغير و أخوياي صغار كان عند كل واحد منا جرو سارقينهم من أمهم و كان جروي لونه أسود كتم كان إسمه بوبي المهم أيامها كنا مسجلين في التحفيظ في مسجد الحارة و كان عندنا شيخين محفظين غبنا يوم عن التحفيظ و إتفقنا حنا يا أصحاب الجراوه إنا نباغت أهل التحفيظ و الشيخين بالجراوه عاد شف الفلم ههههههههههه الشباب و الورعان أخترعوا و اللي يصيح و اللي يضحك و الشيوخ قاموا علينا بالخيزرانه قاموا الشيخين علينا بالخيزرانه و كلموا أبوانا و استلمونا أبوانا بالطق كانت ستة جراوه و كل واحد له جرو و حاطينهم عندي أنا أتكفل بهم أربيهم و أشربهم و أكلهم أيام يآلله عليها https://www.youtube.com/watch?v=AzOiZojcWOc |
|
اهلا و سهلا بالجميع
ابو نجلا ... خلاص استقريت على هذا الاسم ؟. مراقب بالرادار ... رسوم متحركة. تخليك ترجع لزمن الطفولة ... و ابو نجلا فال لزواجك و كنيتك ، الله يرزقك بنجلاء قريبا . ان شاء الله الاخت عيون سامحيني ما رديت على كتاباتك و تعليقاتك ، كوني مشغول لان البناء ( العامل ) بالبيت اعمل معه مساعد هههههههه لست بشرير لما ابعدت القطط يا عيون ، لو خليتهم بالبيت شهور اكيد راح اعمل صفقة تصدير القطط للصينيين بهدلوا البيت بالشعر الذي يتطاير منهم ..... فيما يخص الطيور و السمك لا حرج اذا ما وفر لهم الانسان الجو و المأكل و المشرب على حسب المعلومة و الفتيا ( افتاء ) الي عندي شكلك حساسة و عاطفية زايد عن اللزوم .... اذا استمريتي رايحة تجيك كل قطط المدينة يا اختي عيون لكن ابشرك ..... سيجازيك الله احرا عظيما و جنة لا حدود لها معليش انا تعبت منهم يا اختي عيون متفائلة اخونا البدراني كان الله في عونك و صبرك ..... لقيتلك راقي مميز .... جعل الله البركة في صوته و نصيحته لميا الخزينة جعلك الله سعيدة دايما ابو أمل الله يعطيك الصحة و العافية و ما تتمناه بدر الهذال .... ابن هذال هههههه ، الله يعطيك الخير اينما كنت غيوم .... الله يفتحاك ابواب الخير بقدرته و امره عبدو عمر جعل الله التوفيق مصاحبك اينما حللت و نزلت سلام عليكم |
نسيت مبهم .....
الله يشافيك و يعافيك يا صهيب و يوفقك في دراستك |
[QUOTE=أبو نجلا;1262208]ههههههههه
الله يسعدك يا صهيب مأجز اليوم فترة إستراحة ما بين الشوطين أهم شي الواحد يستانس بأي حيوان يعجبه زمان و أنا صغير و أخوياي صغار كان عند كل واحد منا جرو سارقينهم من أمهم و كان جروي لونه أسود كتم كان إسمه بوبي المهم أيامها كنا مسجلين في التحفيظ في مسجد الحارة و كان عندنا شيخين محفظين غبنا يوم عن التحفيظ و إتفقنا حنا يا أصحاب الجراوه إنا نباغت أهل التحفيظ و الشيخين بالجراوه عاد شف الفلم ههههههههههه الشباب و الورعان أخترعوا و اللي يصيح و اللي يضحك و الشيوخ قاموا علينا بالخيزرانه قاموا الشيخين علينا بالخيزرانه و كلموا أبوانا و استلمونا أبوانا بالطق كانت ستة جراوه و كل واحد له جرو و حاطينهم عندي أنا أتكفل بهم أربيهم و أشربهم و أكلهم أيام يآلله عليها . ويااك ي بعدي والله يا كنت شي وانا صغير فلته اماا موقفكم ويا الجراوه تخيلت المنظر انتو تعديتوني بالشقاوة هههههه الله يسعدك ويريح بالك والجميع . اميين ساءل وياك يا غالي << يبوسسكم سلام. |
هلاااا ابونجلاء ..... والله محتار يالعضيد مرااا النفس تعزم وتقول يالله غير جو من حبسة البيت ومرااا النفس طابت من كل شي بس الله يكتب الخيرة في ما يختاره
هلااااا سائل ........ ارحب مليون والله اني احب الشيخ حب كبير واسال الله ان يجمعنا معه في جنات الخلد وجميع المسلمين هلاااا صهيب ......... الله يوفقك بالدراسة ويشرح صدرك ويزيل همك موفق دائما |
اقتباس:
اقتباس:
حيااااك محمد الجو عندنا بالشرقيه حلووو هوا خفيف ويصير بارد في الليل دام ماعندك دوام ومتبطح تعال وسط اسبوع يكون البحر فاضي اما بالويك اند زحححمه وعلى الطريق ماعليك مافي الا كل خير و تراه سالك لاسمح الله حصل شي موجودين الناس حولك |
اقتباس:
العفو .. هذا من حسن ذوقك وبارك الله فيك المقصد ليس نسباً بل سكناً وموطناً تعلمنا في الجغرافيا وقد يجهله البعض أن كل من سكن في البر والخيام بعيداً عن المدن والبيوت فهو من أهل الباديه وكل من سكن المدن والبيوت بعيداً عن البر والخيام فهو من أهل الحاضرة |
أتعرف ماذا يعني أن تكون في المنتصف ؟
أن تنظُرَ إلى الماضي فيُذهلُك .. و تنظُرَ إلى المستقبل فيُرعبُك لا ماضيك ينقذُك .. ولا مستقبلك يطمئِنُك ( لا تُكن في المنتصف .. كُن في الأمام دائماً أو لا تكون ) |
يارب علمنا كيف لا تُبكينا خيبة
ولا تَرِقُّ قلوبنا لشيءٍ لا يستحِقّ ولا تنعدِمُ راحتنا لأمرٍ من أمورِ الدنيا يارب علمنا كيفَ نكونُ بك أقوَى . ﴿ وقُلْ ربّي زِدْنِي عِلْمَاً ﴾ |
لا تفكروا في صعوبة ظروفكم
و لكن فكروا في قوة ورحمة من تدعوه فمهما بدت لكم الأمور مستحيلة تذكروا قوله تعالى : ( كذلك قال ربك هو عليَّ هينٌ ) الإكتئاب القلق الهم الحزن الضيقه الخوف الأمراض المستعصيه العقم القهر وغيرها كلها على الله هيِّنه فيبدلها الله الى شفاء وفرح وسعاده وسرور وطمأنينة وسعةٍ في الرزق |
بارك الله فيك بدر على الكلمات الطيبة
هلاااا انعكاسات الله يبقيك والله الشرقية حلوووووة بس المشكلة بالخط تخبرين على واحد مثلي صعبة شوي بس باستحمل واضغط على نفسي مع اني اقول لنفسي يا رجل اقضب ارضك لا تروح ولا تجي |
يسعد مساكم...
|
السلام عليكم
أسعد الله مساءاتكم جميعا بكل خير ربي يجعلكم دوم في خير و إلى خير أمسينا أنا و بعض من بسوسي تعبانين و الحمدلله على كل حال بالنسبة لي بداية رشح ، حلقي ملتهب و مصخنة و اخذت لي حبة روفيناك ذوبتها في ماء كود تسكن الام الحلق و المفاصل مع إني دارية إنه يبي يرقدني ما بصحى غير بكرة ، هذي علومي و ربي يزين علومكم و اخباركم و يحفظكم |
مخي خبص ...
فيه أحد وصل لمرحلة إنه مخه مايفكر تلاحظ خواء عاطفي وتفكيري رهيب |
مساكم طاعة وسعاده يارب
|
مع ان صدري ضايق و الحمدلله على كل حال
غلقة طابقة على أنفاسي و قلق ، و الله لو الواحد ما وراه مسؤوليات أحس الموت أريح . بالنسبة لسائل يوم تقول الطيور اللي من استراليا ما تعيش الا في بيئتها وش موزمكم أجل تشرونها و تشجعون التجار المستغلين و تستوثمون فيها موزمكم =حادكم و جبركم لو ما لقوا أحد يشري ما كان باعوا مثل القطط المستوردة اللي شعورهن كثيفة تقل بطانيات ضعوف ما تناسبها بيئتنا الحارة غير قوائمها القصيرة ما تمكنها من القفز لمسافات ، و فوق ذا يشرون و يطشون الله يجازيهم مع إن الرسول صلى الله عليه و سلم نهى عن بيع و شراء السنور اي القط و صدرت الفتوى العام من مفتي الديار بتحريم بيعها و شراءها و ما زلنا نشوف في كل شارع مرمي قط قطين منهم و كل البؤس في وجيههم |
هلا بك أبا امل
انا ذي الحالة اعيشها من سنة من يوم تركت العلاج. أحس ما أفكر بانجاز او طموح ، ما افكر ببكرة ، مع ان بنفس الوقت ميتة قلق من بكرة ، ما أحس بالامان في بعدين ، اخاف و خاصة من يوم توفى الوالد الله يرحمه أسعد الله مساءاتك دجى و كل اوقاتك |
الساعة الآن 06:54 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا