|
يالله ياعليم بأحوالنا يارب اشفي محمد البدراني
بشفاك وداويه بدواك وأشفينا جميعاً بعزتك وقدرتك . محمد بالنسبه للراقي أول مره اتصلت بجماعة الشيخ عبدالله السدحان موجود بالسعوديه وبعثوا لي ماء وزيت زيتون وطلب اني آخذ الاثر وبعد ما اغتسلت من الاثر طلعت حبوب في جسمي وثاني يوم اختفت ومثل ماقالوا عين قويه .. بعدين ماقدرت اروح الدوام واستقلت وظليت تعبانه رحت لشيخ ثاني هو من عجمان او الشارقه نسيت جاء عندنا وقال عين قويه وقرأ لي في زيت زيتون من عندنا وعلى ماء زمزم ورقاني بس مره وحده وقال اسمع رقية خالد الحبشي وأنا بين الرقيه والاذكار والحجامه والحين تركت كل شي وأفكر اعمل حجامه يمكن انت تقصد - أبو البراء اسامة بن ياسين المعاني انا قريت عنه في النت قبل |
اقتباس:
انا الصراحة قريت قصتك لاحول ولا قوة الا بالله وحسبنا الله ونعم الوكيل تلجمت وتفاجئت وانصدمت واندهشت وما كنت أتصور هالفظاعة هي اللي عشتها ..كأنه مسلسل مرعب قدامي الله يكون بعونك الله يشفيك ويعافيك يارب الله يكون معك اخي محمد ويجازي اللي كان السبب ..يارب انك على كل شيء قدير اقتباس:
اقتباس:
اللهم من اعتزّ بك فلن يُذل، ومن اهتدى بك فلن يضِلّ، ومن استكثر بك فلن يقلّ، ومن استقوى بك فلن يضعف، ومن استغنى بك فلن يفتقر، ومن استنصر بك فلن يُخذل، ومن استعان بك فلن يُغلب، ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هُدي إلى صراط مستقيم، اللهم فكن لنا وليّاً ونصيرا، وكن لنا معيناً ومجيرا، إنك كنت بنا بصيرا. اللهم آمين يارب تقبل منا ومنهم خالص الدعاء |
والله العظيم اني فرحت لك اختي بنت الظبي طيب هذا شي مبشر للخير واصلين تكفين على رقية السدحان والحين اعتقد يوزعون في الامارات
صادقة نعم هو نفس الشيخ الي اقصده اختي ما ابي اخوفك لا لازم تعالجين بالرقية لاني انا كنت مسحور واهملت وانا كنت ما ادري ودخلت على السحر عين قوية فصارت الحالة شبه مستحيلة وهذا مب كلامي هذا كلام اغلب الرقاه الي رحت لهم ومنهم الشيخ ناصر الرميح الي في قناة اوطان هذا الشيخ اعرفه معرفة شخصية وهو صديق اخوي من الصغر ما شاء الله عليه ماهر جدا في الرقية لكن وقف عن الرقية وحاليا استخدم الزيت والموية من محله في الرياض ولو انك في الرياض كان دليتك على شيخ ممتاز ================================================== ======================== توني ارجع من الصيدلية شريت مضاد حيوي وعلاج للبروستات ما عاد اقدر استحمل والمشكلة انها من الامراض المزمنة ما لها الا المهدئات مثل الاكتئاب ومثل قرحة المعدة سبحان الله ثلاث امراض مزمنه مالها علاج الا المهدئات مصاب فيها انا نفسية والتهاب بروستات وقرحة المعدة كلها ما لها علاج الا المهدئات لطفك يارب |
اختي ظل الله يطول بعمرك يا بنت النشاما والله ما اعدك الا مثل اختي وما دام فيه ناس طيب امثالكم في الدنيا بخير
هههه وش رايك فيني وانا جدي ومكتئب ههههه اضيق الصدر صاير عله ونفسية هههههههه |
اقتباس:
والله ويهمني امرك كثير اخي ويهمني تكون مرتاح دوم رئيي فيك الصراحة وبدون زعل.....تخبل ههههههههه بتعرف بجد اخي ماشاءالله عنك خزيت العين حولك وحواليك انت عنوان للصمود وللصبر وللقوة وللإيمان.. من كل قلبي بحييك على قوة صبرك في مواجهة نفسك ومرضك وروحك الحلوة مساعدتك كتير ومساعدتني بعد هههههههههه بتعرف وربي بفكرك بس مجرد اكتئاب تاريك فيك بلاوي ههههه يا سيدي ربك ما بنسى حدا .. ويا معين الصابرين.. خلصنا من جدك دور جدتك ههههههههههههه |
اقتباس:
ههههههههههه راح الجد والجدة والحمدالله الناس كلها عندهم بلاوي ومشاكل في الاخير ودك الواحد اذا رحل عن الدنيا الناس تذكره بالخير وتدعي له الله يسعدك بالدنيا وبالاخرة بالعكس والله انت تخلي الواحد ينسى هموهم ويضحك غصب المفروض يحطونك في كبسولة تدعيم لكل مكتئب ههههههههههههه ا |
ماعليك شر يامحمد
الشيخ السدحان له جماعه في كل بلد اظن وهم رقوني عبر التيلفون مع انه البعض مايؤمن بهالشي المهم بعد فتره تعبت اكثر واتصلت اقول للراقي عن حالتي وبعدين اختي اتصلت تقوله عن الشيخ عبدالله فقال الشيخ زايرنكم في دبي وخذت رقمه وخلال ساعات زارنا الشيخ بالصدفه وقال حاولي اتطنشين لأنه نص العلاج |
اقتباس:
طيب روح اقترح عليهم بملتقى الصيدلية هههههههههههههههههه الله يخليك يا محمد ويرحم اجدادك ويخليلك أحبابك * * ويحققلك مرادك ويشفيك مع كبسولات التدعيم وهتكون في السليمhttp://www.mysmiley.net/imgs/smile/happy/happy0001.gif هههههههههههههههههه بلشت اسوي دعاية لنفسي ها ههههههههههههه |
محمد بالرغم من انك تعاني من كذا شي فالله قادر على ان يشفيك
فكم من الدكاتره قالوا المريض هذا ماله امل او انه بيموت وماصار اللي قالوا عليه ، لأنه الله يريد شي ... وهم مايعلمون ! فأنت ردد لو الفاتحه حتى لو تريد تشرب ماي وانت ماسك الكوب اقرأ لو مره وانفث في الماي واشرب انت ماتعلم وين ومتى يكون الشفاء |
ملاحظة للغالين المصابين بسحر وعين وحسد اركض برجلك هذا مغتسل بارد وشراب )الماء البارد ماتتخيلون قد ايش ينفع في هذي الحالات والله اختي كانت تعبانه بعين وفيها مس كنا نطلع الموية من الفريزر ونصبها عليها والله ماكانت تحس لكن اللي يتأذى المس وهاتك ياصريخ ..انتبهوا لانفسكم اذا تتحملون الحرارة اكثر من الاشخاص العاديين فمن اليوم
والبدراني وبنت الظبي الله يفرح قلوبنا بشفاؤكم عاجلا غير اجل جربتوا خلطة الرومي (سدر وملح وشب) عرفتوها ان شاء الله |
سلامتك أخوي محمد لا بأس طهور ان شاء الله وربي ياجرك ويشفيك شفاء لا يغادر سقماً وبحول الله ما بعد العسر إلا اليسر ،،، اذا تقدر حاول تمشي كثير قد ما تقدر فالمشي مفيد جداً للنفسية ...
|
جعلك سالم وغانم اخوي ابو علي والحمدالله على كل حال والله كل يوم اقول راح امشي لو نص ساعة خاصة انهم فاتحين عند البيت ممشى جميل جدا
مشكور على دعواتك الطيبة اختي قارب النجاة بالفعل الماء البارد له تاثير لكن انا ما اتحمله ابدا حاليا على الزيت والماء المقري فيهم وسماع الرقية والمحافظة على الادوية وربك على كل شي قادر اما خلطة الرومي معروفة جربتها لمدة ستة اشهر بداية مرضي لكن ما كتب الله الشفا اختي بنت الظبي والله كل شي قاعد احاول واجاهد اسويه ما تركت شي ما جربته وحاولت لكن الحمدالله على قدر الله وكله مكتوب ومقدر هلا اختي ظل هههههه الحمدالله اخاف انزل الموضوع ما عاد تشاركين معنا هههههههه لا خليك سر مجهول لا يعرفه احد |
صباح الخير لكل الإخوان عساكم بخير يا طيبين بنت الظبي..قارب النجاة.. ويسعد صباحو اخي الطيب محمد البدراني صباح النشاط والأسرار المجهولة في الكبسولة هههههههههه كيف حاسس حالك اليوم شفتك منور وموجود قلت اتطمن عليك :) |
صباح الخير ظل ما شاء الله عليك وش الي مصحيك الوقت هذا هههههه احسبه ان ما فيه احد الا انا
اليوم الحمدالله احسن من امس صباحكم جميل بدون فطور |
هلا محمد لك الي ساعتين صاحية هههههههههههههه كل يوم بصحى بدري متعودة دايماً هههههههههههه ان شاءالله بتتحسن على طول يارب يعني صباحنا جميل بدون فطور..ومع فطور اجمل ولا شو؟ هههههههههههههههه |
مرحبا ياظل
قارب نجاه انا من زمان جربت السدر فقط الله يكتب لنا الشفاء يارب انا ما احب الماء البارد والآيه اعرفها لكن حاولت وماقدرت لازم ندمج انفسنا بالمجتمع عشان الاكتئاب يتفتت البعد مافيه نتيجه |
هلا ظل ما شاء الله عليك عيني عليك باردة صراحة الصبح حلو لكن الليل احلى هه على فكرة وجهك خير هههههههه اليوم فريقي النصر حقق البطولة بعد غياب اكثر من 15 سنة عن البطولات وعندنا احتفالات غير طبيعية في الرياض ههههههه
مكتئب وفرحان معرف كيف ههههههههه الف مبروك للامة النصراوية ================================================== = بنت الظبي نعم مثلك جربت السدر وجربت خلطة الرومي السد مع الملح مع الشبة وجرب السدر مع المسك والماء المقري فيه وجربت ماء زمزم شرب واستحمام كلها جربتها قبل استخدامي الحبوب النفسية لما كنت مواصل على الرقية |
ارجع للرقيه يامحمد وروح الممشى اللي جنب بيتكم ، حاول تبذل مجهود ..
|
اقتباس:
هو في احلى من الصباح وهدوء الصباح ههههههه وانبسطت انه فريقك النصر حقق البطولة وانه وجهي خيرعليك http://www.kuwaitup.com/vb/images/smilies/429.gif ههههههههه الف مبروووووووك وان شاءالله دايماً فريق النصر في المقدمة ويحقق نجاحات مستمرة يارب دايماً أكون وجه خير عليك بكل شي .. وخاصة واهم شي بتماثلك للشفاء التام بإذن الله ربي يوفقك ويحفظك ويعافيك ويشفيك من كل كرب وبلاء..آمين يارب |
مساء الخير
كيف الحال ؟!!! تعبت من الاكتئاب الجو مغيم عندنا وقلت لايخرب عليّ الاكتئاب طلعت ونزل مطر ، حسيت للحظات انه الاكتئاب كأنه زكام .. حسيت كأني ابالغ في شعوري من ضيق وملل وكآبه، حسيت انه زاير وبيروح تميت افكر وأقول انا عندي طريقين وانا من يختار درب التعاسه او السعاده ! فعلاً الاكتئاب قطع علاقتي مع الناس بس فكرت فيها ولو ان ما انبسط لما اطلع فقلت مش مشكله، احتكي بالناس اتكلمي مع فلان ، ساعدي فلان حتى لو بشي بسيط، فتقضين حاجة محتاج تخفف من شعور الاكتئاب احياناً ودي اصرخ من الكتمه واحياناً احس به مرض تافه .. اقول انه نحن عاطين الشي اكبر عن حجمه ... ! ملاحظه: اكيد حد يعارضني الراي بس انا اقول اللي في خاطري |
|
بنت الظبي .ظل. البدراني اصبحتم مساءا....<< تحية محششية
من الجميل ان تركز على حالة التفاؤل وتتناسى الاكتئاب و قريت عن فكرة رائعة يقولكم حدث نفسك بانك افضل من الامس بدرجتين وانك متفوق عن من حولك بدرجه مع تطبيق ذلك بسلوك مقنع يعني تختار سلوك حتى بسيط ويكونون اللي حولك مايسوونه وتتميز به انت عنهم كذا تفوقت عليهم بدرجة مثلا ترتب فراشك او تمسح يديك بالمناديل اذا كان الاكل دسم قبل تغسل عالمغسلة او ماترمي ملابسك عالارض حتى لو متسخه بس تسويها وانت مقتنع انك افضل عشان ماتحس انك خانق نفسك بتصرفات زايده وفرصة الرجال في التحدي هذا اكبر لان لو قارن نفسه باللامبالين بينفجر من السعادة😆 ننتظر تجاربكم وافيدونا بالنتيجة انا سويتها والله العظيم تغيرت كثيييير وارتحت وصرت اركز ع نفسي واشعر بالراحة معظم يومي وصرت قائد اكثر من منقاد وصرت اعرف اقول لا .باحترام و بحزم <<<< يا لسعادتي |
فيه دكتور مصري عاليوتيوب اسمه احمد عماره كلامه رائع ومقنع يعطيك معلومه نفسية ويدعمها باية او حديث احس وانا اتابعه ان يعيد بناء نفسي حجرة حجرة ربما يعجبكم خذوا لفه عاليوتيوب و متابعه ممتعه 👍🌹
|
كلام جميل اختي قارب النجاة وراح اشوف المقطع جزاك الله خير
صراحة الاكتئاب والقلق وغيرها ممكن يتحسن الشخص بعدة طرق منها العلاج الدوائي والسلوكي والمعرفي وكذلك تغيير الافكار لكن المرض الروحي اصعب مرة ويحتاج الى مجاهدة وصبر غير طبيعي الحمدالله على كل حال ما يعلم الخير الا الله وهو القادر الشافي سبحانه وتعالى كل يوم اقول احسن من بكره وان شاء الله ما ينقطع الرجاء بالله وحسن الظن بالله سبحانه وتعالى |
الثقة بالله انشودة السعداء. والله يقويك ويثلج صدرك بشفائك يارب رغم ماتحكيه سطورك من تعب الا انك الراعي الرسمي للتفاؤل و الثقة بالله مهما كان 😎
|
هذا الاسبوع تجيني رجفة يالله حتى اوقف اصلي ونبضات قلبي مزعجه في الستين لكن سريعه من قصص الاخرين كانها نوبات هلع مااعرف . والله نفسي ارجع للطبيب النفسي
|
يا هلا اختي قارب هههههه أي راعي رسمي انا مصدر الاحباط اشكرك على مشاعرك الطيبة ورفع المعنويات
اختي ما اعرف الاعراض لكن هل راجعت سابقا دكتور وش شخص حالتك او ادويتك ترا ممكن تكون نوبة قلق عادية حاول تسمي بالله واقري ايات السكينة في قسم الرقية الشرعية وان شاء الله امورك طيبه وما تشوفين شر وتكفير ذنوب |
مساء الخير اخواني كيفكم فرداً فرداً اخي محمد ماشاءالله اليوم النور يشع منك وان شاءالله كل يوم اختي قارب النجاة..دخيل عينك تاخديني جولة بالبحر بدي اغير جو ضايق خلقي هههههههه |
ايوه اختي مثل ماقال اخونا محمد اقري آيات السكينه
انا رديت اعاني منها ، إيات الانشراح والسكينه بتهدي دقات القلب .. لا تخافين .... على طاري الاكتئاب، نعرف واحد مريض بالسرطان من سنة 2007 وقاله الدكتور انت بالكثير ست شهور وبتموت وكمل ست سنوت والحمدلله عايش العلم عند الله، والصراحه من صدمة الخبر جاه اكتئاب وقعد في البيت وعقب طنش الكلام وكان يتعالج والحمدلله فإن شاء الله يشفينا وهو قادر على كل شي |
هههههههههه ظل هذا يسمونه عندنا في السعودية ترفيع ههههههه
بنت الظبي صادقة والله وقصص كثيره نسمعها ======================================== امس ما داومت وبكره لازم اداوم مدري والله احس مالي خاطر لا دوام ولا غيره لازم راجع الدكتور يشوف حل ما عاد فيني صبر يارب لطفك يا ارحم الراحمين |
ظل خذي طشت وعبيه ماء وملح واطلعي برا وهذا بحر صغيييير
البدراني داوم واذا مافيه شغل تسلل كما عودتهم وحاول تبسط نفسك في الشغل جربت انا الفراغ القاتل 4 سنوات والله تعب نفسي وراحة جسد اليوم اللي نتعب فيه جسديا تراه نعمه تستحق الشكر عاليوتيوب جلسة استرخاء شريف جمال طبقها صبح ومساء بترتاح ان شاء الله تقريبا اسبوع بتشعر بتغير ملحوظ لكن انتبه احد يخوف اسمعها في مكان امن واذا جاك خوف جدد تحصينك بنت الظبي اسفرت وانورت طمنينا كيف صحتك ............ قال قلق واعطاني اندرال ربع حبة عند اللزوم وماعاد رحتله لانه ماهو مصدقني والله قلتله يجيني الم في راس المعده ورجفه في يديه وشعور بالاجهاد من ابسط نشاط احيانا اذا شدت رجولي ماتشيلني تصير شبه ميته واطيح وتبلد ذهني والم في الاكتاف يمسك يومين ويروح احيانا اسمع الرقيه تدمع عيوني بحرارة ويجيني خوف يخف اذا شغلت الاذان متكرر لكن تروح وتجي هذي الحاله احد صار له كذا |
مرحبا قارب نجاة يمكن عندك القولون العصبي
استرخي مساجات الخزامي واشربي البابونج وامشي ، فرغي التعب في المشي وان شاء الله خير |
بنت الظبي ايوا مااتعبني الا هو ماشاء الله عليك جبتيها صح دايم بطني يقرقر فشلني لكن الزنجبيل رفيق دربي مايهدى الوضع الا برشة زنجبيلية😋
|
هلا اختي قارب اتوقع ان عندك قلق ومثل ما قالت اختي بنت الظبي قولون عصبي
اما الدوام والله مشددين علي وانا متضارب مع المدير عشان كذا موضوع لكن داومت والله العالم كيف كان حالي اما صوت القرقرة قمة الاحراج كل شوي واحد يطالع فيني ههههه وانا اقسم لهم انه قولون هههههههه والله تعذبت واليوم في المسجد قسم بالله اتمنى الصلاة تخلص عشان اطلع خايف منه حتى ما يخليني اخشع او ادعي اول كان خف كثير عشان كنت استخدم دواء دوجماتيل بس تركته عذاب |
محمد ان اقولك على آيه تقراها وترددها لما تشوف مديرك وعقب بيصير صديقك !
|
|
ياريت احد يساعدني صارلي اسبوع اتذكر الماضي بكل تفاصيله
واتذكر اصدقائي بمراحل الدراسه ؟ |
هلا اخوي الله يشرح صدرك
الماضي وما ادراك ما الماضي كلنا وانا اخوك نفكر وانا مثلك اتذكر اخوياي ايام الدراسة واقطع التفكير بالاستغفار وذكر الله وردد اللهم اجرني في مصيبتي واخلف لي خير منها وقدر الله وما شاء فعل ما اعرف اخوي هل تستخدم علاج |
هلا والله اخوي
انا ما استخدم اي علاج ورافصه استخدم العلاج بس الي مضيق خلقي ان ليش قاعده اتذكر صديقات الطفوله والمدرسات واشياء قديمه على مدار اليوم |
ما اعرف حقيقة ما تعانيه لكن هل ما تعانيه اكتئاب ام وسواس
تذكر الماضي هل يصحبه حزن واكتئاب غالبا البعض يحاول الهروب من الواقع المؤلم ويتذكر ايام الطفولة واصدقاء المدرسة لانها غالبة تكون سعيدة وبالتالي يزيد الحزن والحسرة لكن اختي انت الي تحددين ما هو مرضك اكتئاب او وسواس |
| الساعة الآن 02:42 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا