المشاركة الأصلية كتبت بواسطة أبو عبادي (المشاركة 1368127)

الله يعطيك العافيه ويكتب لك الخير يارب
حبيبي نمر 🐯 إيش اللي تعاني منه يعني الحالة؟
وبعدين المشروع شاركني فيه ممكن افيدك بشئ وحاضر زبائنك بإذن الله تعالى 🥳🥳🥳

المشاركة الأصلية كتبت بواسطة حجر الصوان (المشاركة 1368119)

من الشيطان ومن حقل الوسواس المزروع في رأسك توكلي ع الله ودوسي الحلم تحت رجولك كلنا نحلم مثلك والأمور طيبه والحياه مستمره بإذن الله وتفسير ابن سيرين اللي منتشر في النت افكر اني اسوي محرقة كبيره واحرق هذا التفسير المغلوط ببث مباشر لجميع أنحاء العالم كل تفاسير موت موت موت موت مصائب هموما ؟؟ ماشي شغل شو هههه

المشاركة الأصلية كتبت بواسطة أبو عبادي (المشاركة 1368118)

الله يفرج همك ي اختي ويرفع عنك، لاتستسلمي خذي بحديث الرسول صلى الله عليه وسلم وانتهي من التفكير واحمدي الله على النعم اللي انتي فيها تنامي وتصحي ماشاء الله وتصلي وتسبحين هذي كلها نِعم تفّكري فيها وتفكري إنك احسن من غيرك وكلنا حاسين اللي تحسينه الله يشفينا وطبقي هذا الحديث في حياتك وطمئني به نفسك فإنه لاينطق عن الهوى إن هو إلا وحي يوحى. من الله عز وجل
الحديث ٪٪٪

(لقول النبي ﷺ في الحديث الصحيح: الرؤيا الصالحة من الله، والحلم من الشيطان؛ فإذا رأى أحدكم ما يكره فلينفث عن يساره (ثلاث مرات)، وليتعوذ بالله من الشيطان ومن شر ما رأى (ثلاث مرات)، ثم لينقلب على جنبه الآخر فإنها لا تضره، ولا يخبر بها أحدا، وإذا رأى ما يحب فليحمد الله وليخبر بها من يحب)

فتطمني قسم بالله اشوف منامات ماتنذكر لكن لازم اطنشها حتى تروح عني ولا تبقى شغلي الشاغل وترهق تفكيري بدون فائدة.

ركزي بهذي الكلمة وكرريها بعقلك ونفسك وقلبك

فإنها لاتضره

المشاركة الأصلية كتبت بواسطة نمر شرقاوي (المشاركة 1368129)

والله يبو عبادي من حول سنه جاني الام بالبطن رحت سويت كل شيء فحوصات ودم وقالي قولون ومن وقتها وانا عندي ضغط وتعب عام والضغط شكله وراثي لانه الوالد والوالدة عندهم الله يعين ويصبر الحال
هههههه هو شوي شاطح موضوع اني بستورد اكل من برا وببيعه بس طبعل اهم شيء انه حلال وخالي من اي شيء حرام يعني صعب شوي ه ولك خصم خاص

المشاركة الأصلية كتبت بواسطة خطى ثابتة (المشاركة 1368133)

والله اني أكثر وحده يمكن اطبق هالحديث بس القلق ماسكني اليوم وتطور صرت اتخيييل وش بيصير لي استغفرالله الحلم ببالي احاول انشغل عن الوسواس بس مررررررررررررره مقدر

المشاركة الأصلية كتبت بواسطة نمر شرقاوي (المشاركة 1368137)

اليوم هادي الوضع 🧐

المشاركة الأصلية كتبت بواسطة خطى ثابتة (المشاركة 1368163)

وش يخفف الغثيان معي قلق قوي

المشاركة الأصلية كتبت بواسطة بنت الحوسني (المشاركة 1368199)

مساء الخير للجميع اخباركم


انا من ثلاث ايام ماسكني صداااع و احس الالم من رقبتي يطلع ع راسي الله يعين


للي تقول عندها لوعه حاولي تاكلين حتى لو بسكوت ناشف المملح القلق يسوي لووعه

ااخخ اخخخ من القلق تعبت الله يرزقنا الصبر

المشاركة الأصلية كتبت بواسطة حجر الصوان (المشاركة 1368215)

بنت الحوسني سيري المستشفى اذا قالولج ما في شي ، عيل هذا قلق عليج بالبقرة انا ان شاء الله بكتب موضوع عن قصتي مع هالصورة العظيمه اذا قدرتي اقريها كل يوم او خلصيها في 3 ايّام بس لا يمر عليج أسبوع وانتي مب قارتنها ، وبعد لازم قرايتج ما تكون بس البقره لا.. لازم تقرين شي ثاني من القران لانه القران كله خير ونصيحة اخت جربي الحجامه رهييييييبه وايد بس لا تسوينها فراسج اذا اول مره خله المحيمه اتسويلج فظهرج والمره الثانيه سوي فراسج بتفتكين من هالعوق هذا كله لانه الشيطان يجري مجرى الدم فإذا في عارض فالجسم يطلع واشربي التلبينه

المشاركة الأصلية كتبت بواسطة بنت الحوسني (المشاركة 1368199)

مساء الخير للجميع اخباركم


انا من ثلاث ايام ماسكني صداااع و احس الالم من رقبتي يطلع ع راسي الله يعين


للي تقول عندها لوعه حاولي تاكلين حتى لو بسكوت ناشف المملح القلق يسوي لووعه

ااخخ اخخخ من القلق تعبت الله يرزقنا الصبر