يا عمري تسلميلي والله ادري انه فيك الخير وما تقصري
وصح كلامك كل شي بيدالله سبحانه
وانا دايما ادعي لو هالزواجة فيها خير ليا ربي ييسر الامور وما يخليني اتراجع عنها
والى الان اشوف الحمدلله ماشاءالله مشيت ويارب تتسهل كمان وكمان
رغم اني واجهت صعوبات وحاليا محد واقف معاي
ازواج اخواتي مستحيل يسوون شي الا بكلمة من ابوي
وواحد منهم مو سعودي فما اعرف يقبلون شهادته او لا

ما عندي فكرة للاسف
وما استوعبت سؤالك الصراحة

حبيبتي ساره الموظفة اللي حكتلك مو لازم ولي امرك مرة كلامها مو صح لازم حضور ولي امرك مع الشهود وتوقيعه وتوقيعك وساعات يستغنوا عن توقيعك بوجوده وهذا اللي صار معي اخوكي ينفع يكون ولي امرك مو شاهد لان والدي لما كان مسافر قالولي جيبي اخوكي والشهود امرهم يدبر حبيبتي اتنين من اصحابه ثقه وخلاص وابعدي عن كل اقاربك والله يسهلك يارب

طيب اخواتي الخطاب عشان برنت الاحوال اخدو من الامارة ولا من المحكمة ولا من الشرطة

المحكمه .

اذا احتاجتو بتطلبو منك وتعطيكي خطاب .

خطيبك مقيم او لا؟

الموظفة كلامها صحيح وطبعت لي ورقة الموعد ومكتوب فيها:
احضار شاهدين سعوديين
حضور المخطوبة او ولي امرها
احضار معلومات عن الخاطب اذا كان مقيم خارج المملكة
واعتطتني لستة بالمعلومات واني لازم اجيب هويتي

وعكسك تمام قالت لي اخوك ما يكون مكان ولي امرك وممكن يكون شاهد

اخت ثقتي الله صح كلامك واخت سارة محمد صح كلامك برضو اانا عانيت من كلام الموظفات المتضارب وكل احد يقول معلومة وبالنسبة ليا انا فعلا رحت انا وخطيبي واتنين شهود وبابا وياليتني مارحت مالي داعي ابدا محد عبرني ولا احد طلبني ههههههههههههه لدرجة حسيت انه مالي داعي بالموضوع

وووي سهى انتي لسى ماخلصتي توقعت قد عقدتي قرانك
الله يسهل لك وتبشرينا هالاسبوع بعقد القران

الله المستعان
هو عموما حتى لو الموظفات كل وحدة بتقول كلام
معاي ورقة الموعد وواضحة الطللبات
وهيا فعلا قالت لي انتي بس حتعطينا هويتك وتنتظري هنا في قسم النساء وبس

المهم
ربنا يسهل امورنا جميعا

يلا ربي يسهل لك يارب تجري معاملتك اللي بجده زي الهواء
وتبشرنا قبل رمضان بانك عقدت يارب

ايوه ماشاء الله انا اشوف معاملتك ماشيه وان شاء الله تظل ماشيه كذا وماتوقف
ولاتهتمي كوني علي يقين ان الله معاكي وعارف بحالك حتي لو تخلى عنك البشر
الدعاء يغير القدر ويسهل الامور
يارب يوم الموعد تجي تبشرينا وافرح فيكي وافرح باختي لانها انخطبت الاسبوع دا
ويارب يسهل امورها

اخوي حسن الظن لو ماعليك امر
انت قدمت من الطائف وراحت لاامارة مكة ولا امارة المحافظة .

اهلا ولاء مبتعثه
نورررتي

اهلًا لحظه تفائل
الله يعطيك العافيه على مجهودك و لا تهتمي لتصرفات البعض الغريبه . وفكره موضوع زواج غير العربي ماشاءالله ممتازة الله يسعد قلبك زي ما فرحتي ناس كتير .

بالنسبه لموضوعي زي ما قلت عقدت خلاص ، وباقي توثيق العقد مضطره انتظر لين تصدره الحكومه الكنديه و ياخد 12 أسبوع الله المستعان
المعلومة الجديده ان التوثيق ممكن يتعمل عن طريق السفارة ولهم مكتب يتعاملوا معاه يسهل لك الإجراءات
ان شاءالله لو في اي جديد اكتبه هنا بأذن الله

معليش يا بناته المشاركات ماشاءالله صارت كتير فما فاكره مين سألني حاجه ؟! لو تكتب السؤال تاني احاول احوال اول بأول ان شاءالله

الحمدلله ما شاء الله
مبروك لاختك الله يسعدكم جميعا
ويحفظك يا رب
مرة شكرا على كلامك المحفز انتي ما شاء الله معطاءة وكريمة
الله يرزقك على قد ما تعطي وتتعاوني يا رب واكثر

اهلين ولاء
ربي يبارك لك ويسعدك
ابغى اسالك
انا حاليا معاملتي في المحافظة وانتهت من مرحلة الشرطة ولله الحمد
وحسب سؤالي حتروح بعد المحافظة للامارة ثم الداخلية ثم الخارجية ثم السفارة باذن الله
ابغى اعرف كم تجلس تقريبا في هالدوائر واش حيطلبوا مني غير الاوراق الي خلاص سلمتها لهم
واش يطلبوا من الخاطب في السفارة
وهل خيروكي تعقدي داخل المملكة او خارجها؟
الله يوفقك ويسعدك

اهليييييين ولاء اخيرا طليتي
سؤال ضروري بالسفارة هل طلبوا ولي امرك
وبالمحكمة هل كان ضروري ولي امرك ام لا والسفارة تعطيكي ورقة موافقة بعد ماسلم زوجك الطلبات او لا اتمنى تفصلي اكثر بموضوع العقد بالسفارة والمحكمة اذا ماعليكي امر والله يسهل باقي امورك

ساره موضوع العقد داخل المملكة انسيه لانه لو رغبتي بهالشي بعد ماتوصل المعاملة للسفارة وتخلص منها لازم تطلبي منهم تعقدي داخل وتفتحي معاملة جديده من السفار للخارجية للداخلية للامارة للمحكمة يعني وقت طويييييل نفس وقت معاملة الزواج

الاخ فيصل
انا خطيبي بلوشي من باكستان
هو من جده وانا من مكة
مولود هنا
طبعا اوراقي بعد الشرطة راحت ع الامارة والان شهر وعشر ايام بالداخلية
الله ييسرها ويتمها على خير

بسال عن الموضوع اكثر وان شاء الله القى حل
انا قد قريت يا هنا يا بمنتدى ثاني
وحدة كانت كاتبة انهم خيرونا لو تبغى تعقد داخل المملكة او خارجها
واتوقع هالكلام قبل لا تتحول المعاملة للسفارة

بس ابعرف من وين جبتي هالكلام هل هذي كانت تجربتك او من مصدر موثوق؟

يعني تروح الداخليه بعد يالليل ابو لمبه طولوها وهي قصيره اشكرك ع الرد دام خطيبك مولود وحولها ع الامارة اجل نفس الشي خلصتو من الشهود يلي في المحافظة والشهود اي شخصين ولا لازم يعرفونا زين

الله يبارك فيكي عقبال مانفرح فيكي وفيهم يارب

الله يعافيكي يارب
ان شاء الله ربي يسهل الباقي وترتاحين علي الاخر
والتعب اللي تعبتيه ان شاء الله يصير ذكرى حلوه تتذكريها وتضحكي علي نفسك

الاخت هيندا
اعتذر منك جدا
الاداره رافضه اني افتح موضوع تاني غير هذا الموضوع
ان شاء الله راح ارسل لك المشاركات بالخاص اذا تعدل الوضع عندي وفضيت
لاني انشغلت هالايام بخطبه اختي ومحتاسين ودخلت بمرحله قلق

لحظه تفائل تسلمين حبيبي ماقصرتي .. والحمدلله فهمت الموضوع دحين انشاءالله يارب اقدم قبل رمضان
تحياتي. .

اخت ولاء مبتعثه مشاءالله مبروك.. مستنيه دخولك والله لاتي مااقدر ارسل ع الخاص لان حالتك مشابهة لي انا خطيبي بريطاني وغير مقيم.. انا قريت مشاركتك بالطلبات حابه اسألك الله يسعدك يارب.. بالنسبة للخطيب ايش اوفر غير جواز سفره وشهادة اسلامه وهل لا زم يوثقها ويترجمها من قبل مايرسلها الصور؟ ايش في طلبات ثانيه للخطيب؟ بالنسبة للعمدة اخد بس توقيعه اني ربة منزل وهل يحتاج شهود؟ايضا بالإمارة هل يحتاح شهود؟ في السفارة ايش كانت طلباتهم من خطيبك؟بالنسبة للعقد فين تم هل بمسجد المركز الإسلامي التابع للسفارة؟ هل احتاج انتظر توثيق العقد بالحكمة البريطانية؟ كم المده اخدت معاملتك من اول ماقدمتي الين
ماعقدتي؟وكيف كان مسارها يعني الأماكن الي مرت بها؟
ادري ان طولت بس والله محتاج اعرف بالتفصيل من خلال تجربة قد مريتي بها.. الله يسعدك ويسهلك يارب وشكرا جزيلا.
تحياتي. .

كويس رمضان كريم وان شاءالله تتسهل الامور فيه اكثر
الله يبلغنا رمضان لافاقدين ولامفقودين ويتمم علينا النعمه ويمدينا بالصحه
ويعيننا فيه علي الطاعه والعباده
فعلا دخول ولاء كان مهم ومفيد لكم يعطيها الف الف عافيه ويسعدها ربي

صبااااااايا

اخي مخطوب للسعوديه .خلق هون بالسعوديه وهلا بيشتغل برات السعوديه ازا ممكن تفهموني شو هي الاجراءات خطيبتو راح تقدم المعامله ع الداخليه .


وهل المعامله بتكون هينه لانو خلق هون

نعم هذه تجربتي الشخصية وهذا كلام الداخليه الي بعد ماقدمت الطلب وتاخرت معاملتي بسبب هذا الطلب وانا مو حابه اللي صار معي يصير معك وانتي اسالي براحتك

هادي لها اجراءات شوي مختلفة عن اللي مقيم بالسعودية ان شاء الله يفيدوكي

الاخ فيصل طبغا بعد مرحلة الشهود ف الامارة
كان دا يوم خمسة عشر شهر ابريل الماضي
عاد الله يعين وييسر ويصبرنا ويعجلها يارب عليك توكلنا فيسر كل عسير
الله كريم

امين اجمعين حبيبتي

الله يرضى عليكي
انتي الحين وين وصلت معاملتك
ومتى طلبتي انه يتم زواجك داخل السعودية
انا طول ماهي ماشية الحمدلله مرتاحة وراضية اهم شي مافي شي يعيقها ويوقفها الحمدلله ماشاءالله
يعني حتى لو طلبت انه العقد يتم هنا وتتاخر شويتين انا وخطيبي ما عندنا مانع طول ما احنا ضامنينها وضامنين الموافقة

ايوا حبيبتي يا اما تقدم على الداخلية او على الامارة
تقدم خطاب طلب زواج وتذكر كل شي عنها وعنه وتذكر انه مولود هنا
وترفق صورة لكل من/ هويتها وكرت العائلة وصك الطلاق لو مطلقة وصورة من جوازه وشهادة ميلاده
وبعدها تتحول من الداخلية للامارة ثم الشرطة وتروح تاخذ الطلبات وتكملها وحتروح لدوائر ثانية
ان شاء الله تكون اسهل بما انه مولود وربنا يوفقهم

يعني كم تجلس في الامارة لبين ما تتحول للداخلية باذن الله؟

كيف الواحد يعرف انه معاملته ماشية او ميسرة يعني ايش هي الامور اللي تدل على كدا؟؟؟

رقم امارة مكة المكرمة - فرع مكة 0125722727

رقم امارة مكة المكرمة - فرع جدة 0126648888

اهلا بالعضو الجديد
للصبر اخر

مثلا انها ماخذة مسارها الطبيعي
يعني جلست من شهر ونص لشهرين في الشرطة
ثم تتحول للمحافظة ويعطوكي موعد للشهود
وبعد هالخطوة تروح للامارة ثم الداخلية
وهكذا
لو مثلا احد بمرحلة الشرطة واوراقه كاملة ومعاملته طولت عندهم مثلا 3 شهور وزيادة
الموضوع يصير مقلق وفيه شي مو طبيعي
بس مو معناته انها حتنحفظ او شي لا بس ممكن تخلي الواحد يفكر باكثر من احتمال
بالاخر زي ما قلت قبل كذا سبحان الله هيا تياسير من رب العالمين
وممكن كل وحدة فينا معاملتها تختلف عن الثانية ولو بشي بسيط
ومرات تقدمي انتي نفسك مرتين وبالمرة الاولى تترفض او تنحفظ لسبب ما والمرة الثانية الحمدلله تمشي وتتسير
عشان كذا الوحدة فينا لازم تجرب كل الابواب والحلول حتى لو الحل هذي ما مشي مع غيرها


اما من ناحية ضمان الموافقة
هالشي علمه عند الله
بس نقول ان شاء الله باذن الله بما انها ماشية بشكل طبيعي والشروط منطبقة وكل شي تمام يتوافق عليها باذن الله
انا بس في شي مو فاهمته
من الدائرة المسؤولة عن اعطاء موافقة نهائية لمعالمتي
مثلا انا ابغى اتزوج شخص غير مقيم وجنسيته كذا كذا
ولا كل دائرة تمر عليها المعاملة لازم توافق؟

ياجماعه المعامله في سكارتيه الزواج تخوف وحاس اني في رعب

ربي يسعدك يا سارة والله كلامك يثلج الصدر وفعلا انا كمان ابغا اعرف مين حيعطي الموافقة خطيبي مقيم وانا وهو فنفس العمل والشروط منطبقة بس الواحد يحتار ويتوتر معرف ليش .... يارب سهلها

الله يعين جاني مغص من دحين والله ربي ييسرلك وييسرلنا

اهلين اخوي مافيه داعي للخوف السكرتاريه تطول فيها المعامله
بعضهم اخذت شهر وبعضهم اخذت شهر وكم يوم
انت اصبر عليها ان شاء الله كل تاخيره فيها خيره لك
انا احس هالمره راح تجيك موافقه باذن الله