ياجماعه سكارتيه الزواج ايش بعدها يعني ماترجعها الحقوق الخاصه والي ايش الهرجه

سكرتارية الزواج هي الكُل بالكُل فيها الحل والربط
المعاملة بعدها اذا اعتمدت و خلصوها تاخذ مجراها
أنا اتكلم عن الزواج من الخارج ، تروح للصادر ثم للخارجية في حال الموافقة
أما الزواج للحالات الأخرى فأعتقد ترجع لنفس الجهة التي ارسلت اوراقك ( الإمارة أو المحافظة) لكن انتظر من هم أخبر مني ويفيدونك

بالتوفيق

لا ان شاء الله ماترجع للحقوق الخاصه .


معاملتك مشاء الله ماشيه تمام بعدها بتروح مركز الاتصالات الاداريه ..وتتصدر للاماره وبعدها للمحكمه ان شاء الله .

ياله ربك يسهل هوايام وين وصلتي بشري خمسه القديمين هنا انا وانتي وديدو ويارب يسر امري وهندسه قسم بالله كنا نساعد وكل ماقربت المعامله سرنا زاي الطفال هههههههههه يبغالنا مراعاه اليوم تعرفت علي واحد في الداخليه ورسلت له الرقم عن طريق ولد عمي وباقي مستني رده وعلي الله

السلام عليكم
اخواني انا اليوم رحت شرطة جدة استفسر عن معاملتي اذا صدرت او لا مع ان تاريخ المراجعة اللي اعطوني هوا يوم 18 شعبان
ولكن الحمدلله معاملتي صدرت اليوم الى المحافظة وقال لي على الاسبوع الجاي اراجع المحافظة
بس مني عارف كم يوم تاخذ في المحافظة وبعد كدا فين راح تتحول هل على الامارة ولا على المحكمة على طول ؟؟
ملاحظة مهمة : اليوم لما رحت مكتب الزواج في شرطة جدة قلي الموظف ان المعاملات اللي تاريخها 13 و 18 شعبان
كلها صدرت او راح تصدر اليوم وانا فعلا معاملتي صدرت اليوم الحمدلله يعني اللي له معاملة ينتظرها تصدر يراجعهم بكرا
اكيد تكون صدرت وطمنونا ايش يصير معاكم

.
.
.
.
.
.
.
.

للصبر اخر V/A33

الله يوفقك اخوي تركي

وللصبر آخـر

والله من تجربة إذا ما نراكض ورى المعاملات راح تتجمد
اذكر مره رحت لهم الصباح بدري ( في الامارة وقبل المحافظة) الساعه 9 جالسين يفطرون وهاتك ضرب بالفول والتميز 46th
قال لي معاملتك في الاتصالات الادارية ، رحت دخلت ع الموظفين قلت اسمي كذا وكذا رقمي ، الموظف الله يجزاه خير ما قصر اخذها ووداها أمامي للحقوق الخاصة
وكان يوم خميس، الاثنين صدرت للداخلية ، تواصلت معهم قالوا عشر ايام ثلاث اسابيع يجيك الرد ، دخلت واسطة وبيومين هي في لجنة الزواج
وبإذن الله نهاية الاسبوع الخارجية توصلها معاملتي..


الله يوفقكم جميع

هلا بك والله
ان شاء الله تفرج يارب

انا الحمدلله بخير ونعمه

الله يعينك ويسهل لك الباقي
ان شاء الله هالمعامله نهايتها تكون مبرووووك

وعليكم السلام
اذا كنا مؤلود بعد المحافظه اماره ثم محكمه باذن الله
واذا مقيم اماره ثم. داخليه
بالتوفيق لك

الساعة كم رحت لهم ؟؟
لأني أنا رحت لهم ع الساعة 11 وكانوا لسه بيدخلوا المعاملات ع الكمبيوتر .. وبحث ع الكمبيوتر .. وبحث في المعاملات اللي ع مكتبه ومالقى شي ..
طبعاً هذا الكلام في مكتب الصادر العام ..

اهلا بالجميع
انا يوم عشرة ثمانيع تكمل معاملتي شهر بالداخليه
يارب انها تتحرك وتصدر لامارة مكة
الله يتم امورنا ويسهلها يارب

هندسة انا اليوم رحت الساعة 12 الا ربع وقلي الموظف ان المعاملات دوبها تسجلت في الكمبيوتر
انت روح لهم بكرا وشيك معاهم
مستبشرة روحي بكرا شيكي معاهم ان شاء الله تكون معاملتك صدرت مع المعاملات الباقية
وفالنا جميعا التوفيق يارب

اي امارة اللي روحت وفطرت معاهم لان معاملتي لها اسبوعين ف الامارة مو دارين عنها وخطيبي لو يومين يروحلهم ويقولولو بكرا بقولو بكرا يروح ويفطر معاهم ومايخرج اللا وهو جايب خبرها

المعاملات معقوله تضيع ف الامارة من يوم صدروها ع الامارة واخدنا الرقم منهم مو قادرين نتابعها وراح خطيبي سأل مرتين قالولو ف مكتب الوكيل ودحين رجع راح لهم محد اعطاه جواب كافي كل مين يرسلو عند واحد تاني ف احد مره بنفس الوضع وقالولو ف معاملات لها وضع خاص ومفاهمات خاصه صح كلامهم ولا معاملتنا ضاعت DCQWDDDCQWDD

ليش ماتقدرين تتابعيها دام الرقم عندك تستعلمي من موقعهم
وتطلع لك هيا فين واسم الاداره

والله هذا اللي صار من يوم اعطونا الرقم مانقدر نستعلم لما نبحث بالرقم يجي بس كلمت داخلي اما فين هي والرقم وباقي الاجراءات مافي الاسبوع الماضي راح خطيبي وقالولو ف مكتب الوكيل وامس واليوم راح لهم مو لاقين المعامله انا قلت شكلهم ماسجلوها ع الموقع وضيعوها لا سمح الله وكل مايسأل يقولو وصعك سليم سليم كيف ومو دارين فين المعامله واحد قالو ف معاملات لها مفاهمات خاصه ليش يعني فهمونا ياجامعه قبل مااتجنن4re

الرقم اللي معاكي طويل والا من 6 ارقام ؟؟؟
انتي من اي اماره؟
تقدري ترسليه لي بالخاص وانا بشوفها من عندي.؟؟

الرقم من 11 رقم من امارة مكه وحتى اتصلت عليهم واعطيتهم الرقم مو مسجل باسم خطيبي وقلتلو ع اسم خطيبي مالقى معامله باسمو ولما قلت لخطيبي ان اتصلت عليهم ومالقيو معامله باسمك قال حتى لما روحتلهم زي كدا لفلفت ع كم واحد حتى عرفو فين معاملتي وطلعت وقالي لما جات المعامله من الداخليه تجي برقم واحد ولازم يقولهم معاملتي ف الملف اللي برقم كذا مدري فهمت علي ولا لاء قولي كيف ارسلك ع الخاص

طيب ثواني ارسل لك بالخاص

بعد قليل ساتوجه لمكه لاداء العمره
باذن الله ادعي لكم وللمسلمين ولي
والله يسهلها ويتقبلها مني
لعل الله يفك بها ضيقتي يارب

ههههههههه استهدي بالله انتي بعيدة جداً عن الإمارة اللي اتكلم عنها
ولا توسوسي أمورك إن شاء الله طيبة
الإمارة هي الشرقية

الله يوفقك ويكتب لك كل ما فيه الخير
ويسهلها عليك يارب
سعي مشكور و ذنب مغفور


وفقك الله

ربي يتقبل منك ويفرج ضيقتك ويسر أمرك ويشرح صدرك

صباح الخير على احلى اعضاء وعضوات .... حمدلله حصلت على رقم القيد للمعاملة من الامارة بس مكتوب اجراء داخلي ايش معناه؟؟

صباح الخيرات جميعاً

افيدكم بأن الاستعلام الآلي أو الرسائل النصية SMS في وزارة الداخلية متعطلة لوجود خلل
الله يعينكم على الاتصال والمتابعة ومن نصيحة اذا قالو لكم في الحقوق الخاصة قولو أي قسم
لأن الحقوق الخاصة أقسام ، و الغالب ما يكون في نهاية الاسبوع تحديث ESWVGESWVG

بالتوفيق للكل

صباح النور

اجراء داخلي تعني بعض المراجعات والتدقيق من قبل الحقوق الخاصة
أمورك ماشية بالسليم إن شاء الله
إذا كانت معاملتك تستدعي ارسالها للداخلية فلا بد من التأكد من كافة الأوراق ومن ثم ارسالها

بالتوفيق

ربي يسعدك يارب وخطيبي مقيم غير مولود يعني حتعدي عالداخلية اكيد حسب مافهمت منهم هنا يالمنتدى بس يارب ماتضيع الاوراق عند الامارة ههههه طيب كم حتجلس اتوقع الامارة شوية ابطأ من المحافظة مدري كدا شفت

طيب طالما الامارة والمحافظة بيدققو في الورق مزبوط وتطابق الشروط ليش الداخلية ترجع بعض المعاملات مرفوضة؟ انا قرأت مشاركات اكثر شي لسنة 2014 انه كانت مطالبات تنرفض مين كان يرفضها؟ الداخلية؟ ولا الشرطة؟ ولا المحافظة؟ اوالامارة ؟

الداخلية ( لجنة سكرتارية الزواج) هي اللي توافق أو ترفض
أي معاملة تأخذ مجراها الصحيح من امارة وشرطة أو محافظة تروح للداخلية في حال اكتمال المتطلبات وتوافق الشروط
الداخلية هي المخولة بالقبول أو الرفض
طبعاً بخصوص حالات الرفض التي تبت فيها الإمارة هي غالباً عدم توفر الشروط فترفض الطلب من البداية
يعني إذا وصل للداخلية الأمر بإذن الله بسيط ولا فيه تعقيد والداخلية غالباً ما تاخذ وقتها للبحث و التدقيق في مواضيع خاصة متعلقة بالمتقدمين للزواج
وإن شاء الله تتحقق لك الأحلام ويوفقكم الله

اذا وصلت الداخلية أموركم طيبة بإذن الله
عليك بالصبر والدعاء :)

ربي يطمنك ويطمن الكل على معاملاتهم وان شاء الله ماتخلص السنة الا الكل متزوج وماشية اموره يارب

صباح الخير للجميع
والف مبروك لكل اللي عقدوا
واشكر كل اللي سألو عني
والله معليش بس عندي ضغط في الشغل والسفريات
بالنسبه المعامله أمس ادوني رقمها وصدرت للمحافظة يعني لسه في البدايه

صباح النور
ربي يوفقك ويكتب لك كل خيـر

السلام عليكم ..
صباح الخير جميعاً ..

أنا قبل شوي جاتني رسالة ان معاملتي تسجلت بأمارة نجران .. وبعدها بدقيقتين .. جاتني رسالة ان معاملتي تسجلت بمحافظة جدة ..
دخلت موقع المحافظة أشيك لقيت تاريخ الورود أمس .. مع اني راجعت الشرطة امس وقالوا لسه .. وحالة المعاملة مكتوب ..
جديدة. احيلت الى قسم الزواج ..

هل بالنسبالي نحتاج شهود ولا بتتصدر للأمارة على طول ؟؟

انا خطيبي وابويا جابو شهود ،... هما ف اي حالة يطلبو شهود وف ايً حالة مايطلبو

هلا أختي .. ما اعرف بالضبط ..
بس يمكن تختلف المعاملة لو أن الطرف الأجنبي مقيم أو مولود ..
لأني أعرف معاملات ( قديمة العام الماضي ) لأقاربنا مواليد ماطلبوا شهود ..

وبسألك كم جلست المعاملة في المحافظة ؟؟

جلست اسبوع حتى اقل من لسبوع والربوع الي فات تصدرت للامارة

الله يسهل ويكتب اللي فيه الخير ..
شكرا لك ..

الله يتقبل .. بالسلامة يارب ..
دعواتك ..

اهلا بعودتك اخوي ديدو
الحمدلله طمنتنا عنك ان شاء الله تبشرنا بعقد قرانك

اخوي هندسه ماشاء الله ربي يسهلها لك يارب
الشهود يطلبوهم في حال كان الطرف الاجنبي رجل سواء كان مولود او مقيم
هذا اللي اعرفه


للاسف ماكتب لي نصيب اروح العمره اللي كنت بروح معاهم صدموني راحو من غير ماادري ولاقالوا لي
الله يعوضني بيوم ثاني صراحه مرررره انقهرت الله يتقبلها منهم يارب