الاخت نونا حبيبتي باقولك شي
تعرفي معنى حسبي الله
يعني يارب انا وكلتك امري وجعلتك يالله حسبي وكفيلي ووكيلي فافرج كربي
كرريها بيقين
ومستحيل الله يخيب انسان جعل الله كافيه ووكيله
يارب هذا ظننا بك وانت الذي قلت انا عند حسن ظن عبدي بي
فأتنا سؤلنا
وأرح قلوبنا
ويسر عقد نكاحنا من حيث لانحتسب
واجمعنا بأزواجنا عاجلا غير آجلا

اذا بتفيدي احد لاتلمحي لعضو وتحاولي استفزازه
وانا عند كلامي مافيه جنسيات يدققو فيها ولافيه جنسيات صعبه وحده سهله
قولي كلامك بس لاتلمحي لاحد
انتي حره برايك وانا حره برائي
وهم احرار يصدقوك يامايصدقو شي راجع لهم

معاملتي كامله
اسمي تركي القيسي
العمر 31سنه
المخطوبه عربيه من مواليد خارج المملكه
مقيما داخل المملكه من 20سنه ولا يوجد لديها شهاده ميلاد
اربع محالوت وفشلت وتما حفضها
قدمت الخامسه عن طريق البريد الممتاز وهدفي من البريد انها تخش الداخليه بمعروض استثنا عمري المطلوب يكون 35 سنه في الداخليه علمن لايوجد صلت قرابه
اتجهت معاملتي الي الداخليه وراجعت الرياض مارتين حتي تقابلت معا وكيل الحقوق الخاصه وشرحت وضعي كله وسجل رقم المعامله جلست شهر في الداخليه وصدرت الي اماره مكه المكرمه وجلست اسبوع وصدرت الي شرطه منطقه مكه وجلست اسبوع وصدرت الي البحث الجنائ وجلست ثلاث ايام ورجعت الي شرطه منطقه مكه المكرمه وجلست يومين ورسلوها الي شرطه الحي وراجعت شرطه الحي تبعنا طلب مني اوراق
عمده تعريف راتب برنت احوال وتحاليل
جلست شهر حتي اكتمال المعامله وصدرت الي اماره محافضه بحره راجعتهم في اماره بحره طلب مني اثنين شهود وحضور المخطوبه معا كفيلها وسوينا اقرارات وسلمنا ورقت التحليل الاصل بعدها ارسلهاالي اماره مكه المكرمه وجلست عشره ايام في اماره مكه بعدها تفاجات انهم راجعوها ثاني الي اماره بحره وجلست اسبوع ورجعوها شرطه الحي طلعت الاقامه منتهيه حقت المخطوبه وجبتها ورسلوها علي طول اماره بحره ومن اماره بحره الي اماره مكه المكرمه وجلست اسبوع ورسلوها الي الداخليه واخذت مجرها في الجنه شهر الي يوم واول وحده فارحتني في المعامله اختي لحضه تفال رجعت دقيت علئ الداخليه قالو ليه باقي اليوم الثاني دقيت قالي صدرت الي مكه في 14/8 وهاانا استني وصولها الي الاماره عشان تروح المحكمه هاذا مسار المعامله كامل

نونا حبيبتي الله يعوضك
لاتايسي يمكن اللي صار خير لك
حاولي تقدمي تاني وثالث الين ماربي يفرجها
هو الغيرعربي حتى لو مولود يحولوها للداخليه يعتبروه زي المقيم
مالك غير الله
بس انا بسالك خطيبك معاه شهاده ميلاد والا بس تبليغ ولاده ؟؟

يعطيك العافيه على الافاده
والله يريحك كمان وكمان ويهنيك مع خطيبتك
انا كنت اشيك على معاملتك بالرقم اللي معاي لسى ماتسجل بالموقع
ان شاء الله نهايه هالاسبوع تلاقيها تسجلت وتمشي بسرعه وتروح للمحكمه وتعقد قرانك وترتاح
وانا مابغى منكم غير تدعو لي وتدعو للي ساهم وساعدني عشان اساعدكم
ربي يعطيه الف عافيه ويجزاه الف خيير يارب

اهلييين بصديقتي المخضرمه معاااي الاندلسيهyahoo
نورتي ESWVG

اسال الله ان ييسر امرك وان يجعلك في كل ضيق مخرج وان يتمم عليك دينك بما يحب الله ويرضاه ويخلي جنتك في الدنيا هاذي امك وابوك واهلك وكل من يعز عليك والرجال سوا خير وبيلقي اضعاف خيره من رب السموات والارض وجمل الله حاللكم بما يحبه ويرضاه

اللهم امييين الله يكتب الاجر ويجعلها في ميزان الحسنات
والحمدلله ربي فرجها عليك
وتاكد فرحتي بالموافقه ماكانت اقل من فرحتكم ربي يهنيكم ويجمعكم على خير
ويجعل حياتكم كلها فرح وسرور

ما شاء الله تبارك الله
الله يسهل لك ويبارك لك كمان وكمان
حسيت وانا اقرا مسار معاملتك انه يشبه معاملتي بحيث قدمت على الداخلية بنفس الطريقة وجلست عندهم شهرين ثم راحت للامارة ثم الشرطة وسلمتهم الطلبات والان في الامارة بانتظار الشهود وبعدها باذن الله تروح الداخلية وما تطول ثم الخارجية لان خطيبي غير مقيم
ان شاء الله يكون حظي ونصيبي حلو مثلك ما شاء الله

ربي يوفقكم جميعا ويسهل لكم كل عسير

نفسي اعرف اخبار الاعضاء القدامى
افنان محمد
قنوعه
متوهق
بريق الذات
شوكولاط
مدريدي صميم

حكايه متواصله معانا الين دحين بس وحشتني ياترى وينك ياكوكه؟
رسييييل ايش صار معاكي طمنينا؟
حنان زين وينك ايش صار معاكي؟
اكستريم طمني ايش صار معاك قدمت والا لسى ؟

ديدو وهندسه وللصبر اخر صراحه زعلت عليكم توقعت معاملتكم تخرج للمحكمه خلال هالاسابيع :(
بس الحمدلله على كل حال

سارونه نفسي اغمض عين وافتحها والاقيكي كاتبه باركوا لي معاملتي راحت للسفاره
ربي يوفقك يارب احساسي يقول ان حتجيكي موافقه بس يبغالك تقنعي ابوكي يساعد معاكي لان دا الشي ياخر عليكم الامور

مستبشره كيفك دحين كيف صحتك ؟؟
ان شاء الله تكوني هديتي والتوتر زال عنك

هويام انتي كمان منورهESWVG

ماارتاح الا لما اشوف اسمك يالبنفسجيه

عقبال ماشوفك عروسه واحضر عرسك واسوي كذا4re

ياعالم اذكرو الله كولنا عيال تسعه مافي احد اكبر عن احد ومافي احد افهم عن احد اذكرو الله لاتنسون كلنا اخوه ومافي اي فرق بين العربي او اعجمين الي بتقوي لاتنسون الشهر الفضيل شهر رمضان انا ارحمكم عند الله اتقاكم اسال الله الكريم انو مافي احد يشيل علي احد قد مثقال ذره سالتكم بالله صفو النيه ومبروك الشهر الكريم عليكم

يا عمري ربي يسمع منك
عاد انا احس عندك حاسة سابعة ودايما احاسيسك بمحلها ما شاء الله ومرة فرحت لما شفت اسمي في قائمة احاسيس الموافقة هههه ربي يسعدك
ابوي مو مستقصدني هو اسلوبه كذا الله يهديه وما يحب يعمل شي خصوصا معاملات وطلب من احد ومواجهة الناس وانا مابغى اضغط عليه لانه يتعب لما اجادله كثير
بس تعرفي الاباء كيف هو مزعله انه مو مقيم وتفكيرهم منغلق شوي وانا عاذرته
شايل هم اش بيقول للناس وكيف اخذ واحد من برا وكيف وكيف مع انه لاهو عيب ولا حرام بس خلاص اش نعمل هما كبروا على هذا الفكر
الحمدلله اخوي موجود وواقف جنبي الله يحفظه بس المشكلة شغله في الشرقية ومعارفه كلهم هناك حتى الي كلمهم هنا اصحاب مو مقربين واعتذروا منه وعلى حظي اموره تعصقلت هالاسبوعين وما قدر يجي
ولا لو كان هنا كنا خلصنا من موضوع الشهود وانتقلنا للمرحلة الي بعدها باذن الله
انا بس كنت حابة اخلص من هالخطوة والمعاملة تروح للداخلية باذن الله قبل رمضان بس خلاص نصيبي تتاخر وانتظر كمان شويتين
مو مشكلة ربي ييسر لنا ووببشركم بكل خير ان شاء الله

استهدوا بالله في هذي الايام المباركة وصلوا على الحبيب المصطفىESWVG

تصدقي يا سارة اكتشفت في تشابه كبير بين الاباء بموضوع الزواج من اجنبي تحسيهم يوافقو بس يخافو من مواجهة الناس بس صدقيني بعد ماتتزوجي ان شاء الله الوضع بيختلف كمان انا والدي نفس الشي يعني يروح ويجي مع خطيبي بس مايحب يدور او يتكلم او شي ومايحب احد يجادله ههههههههه بس الله يطول لنا ف اعمارهم يارب

الله يبارك فيك
كلامك عين العقل
جزاك الله خير

الله يعينك ويصبرك
ايوه هي دي المشكله كلام الناس وااخ من كلامهم
الله يسهلها لك ويارب توقعي يصيب وافرح فيكي ESWVG
بس تلاقيها فتره يعارضو بس مع مرور الوقت تلاقيهم يقتنعو ويصير الموضوع عادي
وتلاقي كل البنات يسوون زيك ويقولوا لاهلهم شوفو ساره تزوجت عادي46th

امين يا رب
فعلا اكبر همهم مواجهة الناس بس خلاص بعد المواجهة وانتهاء الموضوع تلقينهم يتقبلون الوضع ان شاء الله
انا هذا الي اتوقعه لانه ابوي قلبه مرة طيب بس هو طبيعته يخاف من كل شي صغير او كبير
وان شاء الله يكونوا ازواجنا صالحين ويراعوا الله فينا وما يظلمونا
انا متاكدة لو اهالينا شافونا مبسوطين ومرتاحين مع ازواجنا بتهدا انفسهم وتبرد قلوبهم
هو تقبل الموضوع يبغاله وقت

طيب بما انه الاباء كذا
خطيبك كيف؟ ابوي مرة ما يحب يكلم خطيبي الا في الضرورة ومرة رسمي معاه الله يهديه بحكم انه لسة ما طلع التصريح ومرات يقوله كلام الصراحة دفش ويزعل
وهو مسكين كان يقوله يا عمي حتى لو ما حصل نصيب انا كسبان معرفتك واعتبرني زي ابنك
والله احس خطيبي مرررة يزعل ويعصب وينفجر مسكين وبعدين يجي يقولي معليش
يقولي ليش اهلك كذا مستقلين فيا وكانهم ما يبغوني واهلي فرحانين فيكي ويحترموكي
انا الصراحة احزن عليه واصبره واقوله صدقني بعد الزواج حتكون زي ولدهم
بس هما الحين يختبروك وبيشوفوا كيف تصبر ولا لا ههههه طبعا هو يصرف الموضوع وعارف وفاهم كل شي بس صابر عشاني
وان شاء الله يصبر للاخر لاني بجد مقدرة انتظاره وصبره ربي يرضى عليه ويجمعنا على خير

مالك عليا يمين ياسارة نفس الوضع قسما بالله لو ابن بلدي ماكان عملي لي اللي عمله خطيبي مابقي شي ما سواه وابويا نفس وضع ابوكي بالضبط عندي اتنين من قريباتي عرايس برضو مخطوبين بسعوديين بالبداية كانت فرحة العيلة بيهم اكتر بس بعد ماشافو خطيبي ايش بيعمل وايش بيقدم صار الكل نفسه يتزوج من برا ،،... معليش الصبر بس والدعاء

امين حبيبتي ربي يسمع منك ولك المثل واكثر باذن الله
انا عن نفسي دايما اقول لاهلي في بنات كثير زيي في منتدى نفساني واتكلم باقتناع واهلي بيتنحوا فيا ويقولوا اشبها بنتنا عبيطة هههه
امي وابوي مرة مالهم في النت والمنتديات
بجد الحمدلله انكم موجودين
وبالاخر كلام الناس ما منه مفر ولا اخر
ان شاء الله ربنا يعيننا على الصح وخلاص

ايوه الاهل مو عشان بس كلام الناس الاهل يخافو حتى من الزواج بهذي الطريقه
يشيلو هم وتجيهم افكار وسواسيه
خطيبك الله يعينه خليه يتحملهم عشانك لان حيلاقي تعامل زفت من كل النواحي مو بس من اهلك
طبعا اذا شافوكي مرتاحه ومبسوطه بيرتاحو هما كمان
احكيكي قصه وحده من قرايباتي كان اهلها معارضين انها تتزوج شخص بس هي تمسكت فيه مع انه سعودي وهي سعوديه بس كانو كلهم معارضين
بس بعد ماتزوجته تعالي شوفي ماشاء الله صارو مايسمعو فيه مدح وحب لزوجها غير طبيعي
لانه هو ماشاء الله قدرها ودلعها وهي مبسوطه معاه الله يهنيها ويبسطها وعقبالك يارب
كل الاهالي يخافو دحين اهلى خايفين وموقفين موضوع اختي وجالسين يفكرو كيف تجي وكيف يعملو لكن ان شاء الله خير يارب

ما شاء الله ربي يسعد صحبتك ويسعدك وييسر لاختك ويكتبلها الخير
لا الحمدلله ما وصلنا للتعامل الزفت لسة هههه
هو بس تعامل مو مقبول بيحسس الواحد انه احنا مو فرحانين فيك او ما نتمناك وهذا اكيد من خوفهم واحنا مجتمع منغلق ما ناخذ الا من مجتمعنا فصعب عليهم تقبل فكرة الزواج من الخارج
يا رب ييسر لنا امورنا جميعها سواء قبل الزواج وبعد الزواج من شغل ودراسة وامان وراحة وعيال ورزق وكل شي باذن الله

تصبحو على خير وعلى ماتتمنو
34e

مو صحبتي قريبتي ههههههه
ايوه عارفه وفاهمه هذا الاسلوب كمان صار للي كان خاطبني بس انا كنت اهديه بكم كلمه حلوين خخخخخخ
انتي على الاقل اخوكي واقف معاكي انا ماحد وقف معاي الا ربي وكنت اقول يارب اغنني عن العالمين بك يارب
ابوي كان كبير بالسن واخواني كانو يقولوا مالنا دخل احنا علينا وافقنا عليك تخيلي
فمصيبتك تهوون اذا حكيت لك قصتي وقد ايش تعبت ايامها والله يسامح من كانو السبب
والحمدلله راضيه باللي ربي كتبه لان كنت دايما ادعي يارب لو خير قدمه ولو شر ابعده والحمدلله

صباحكم هدوء وراحه وتحقيق امااني يارب

اللهم امين ..
مشكورة ع السؤال لحظه الحمدلله معاملتي اتحولت ع المحكمه بس فرحتي مااكتملت لما قرأت كلام سارة واحلام عن معاناة الاهل مع الخاطب شجعوني اتكلم لان تضارب ابوي مع خطيبي لاسباب تافهه وحالتنا مايعلم بها الا الله مادري انا بين ابوي وخطيبي اللي عذبتو وبهدلتو روح وتعال ودفع دم قلبو لي كم يوم تعبانه وحالتي حاله الله يسهل الامور ويفرجها علينا ويوفق الجميع

حبيبتي هوا كلو توفيق من الله سواء فرقوا أو لا
لو كان ليا نصيب باخدو لو ايش وقف بوجهنا
بس انا حاسة هما يمشو حسب المزاج لو رايقين بيمشو لو لأ بيصعبو 4re
خصوصا بعد اللي شفتو في مكتب الزواج في جدة الأخلاق للأسف زفت و لسا ما فتحت فمي قامت رفضت و صاحبتها اللي جنبها تطالع مستغربة زي اللي اشبك انتي !!!
بس الحمدلله على كل حال محا تقدر تاخد نصيبي مني :)

لا عندو شهادة ميلاد و الجنسية كمان مقيم

الله يسعدلي قلبك
انا بدعي كل يوم الحمدلله بس ما قلت حسبي الله حخليها على لساني طول الوقت والله يكتبلي ويكتبلك اللي فيه الخير

آميين يا رب
ما عمري صبرت على شي بس دي المرة حصبر و ان شاءالله اخد اجر صبري

لييش اتضاربو لاتقولي لي عشان. مهر والا شي مايقدم ولاياخر
الله يكون بعونك ويفرج همك حاولي تهدي الاوضاع وتقنعي اهلك وقولي انك تعبتي وهو ماقصر
ان شاء الله يفهمو هالشي ويتساهلو معاكم
مبروووك علي الموافقه عقبال فرحه العقد ماعليكي ازمه وتعدي ان شاء الله
صحيح النصيب. ولاغير النصيب
شوفي الاخ تركي كم مره قدم وحفظت بسبب العمر بس لما ربي كتب له جات
صحيح جده ازفت معامله. الشرطه اخلاقهم مرررره ايش اقولك يعني الواحد مو متحمل هم يجو هو يعقدوها. ويسدوها بالوجه
عارفه حبيبتي فاهمه الؤضع وياما سمعنا وشفنا وعانينا بسببهم
دحين اختي انا بخليها تقدم من مكه
حاول انتي كمان تقدمي منها لان التعامل مختلف هناك يحسسوكي انك انسانه وطالبه حقك وحلالك
مو كانك مجرمه وتسوي غلط

لازم تصبري وتحطي كل الاحتمالات عشان ماتنصدمي
قدمي من مكه وشوفي ان شاء الله تتسهل لك
الموضوع ادري صعب ومتعب للنفس بس اصبري وادعي ربك
وقولي يارب كون معاي وساعدني

كوني علي يقين ان ربي ماحيسيبك وان ربي حيكون معاكي وانه قطع علي نفسه وعد باعانه من يريد العفه
يعني مافيه احسن من ربنا والاتكال عليه

انا قدمت من مكة و الاسلوب قمة في الروعة والله انا اتفاجأت اتوقعت زي جدة بس..... في مكة ما الاقي غير تهنئة و دعوات جميلة الله يسعدها اللي مسكت أوراقي بس برضو حفظت المعاملة في مكة قبل كم يوم
حفظت في جدة و خرجت زعلانة ومكتئبة و بس اتحسب عالموظفة , بس من مكة مع انو برضو حفظت أفضل اني ارجع اقدم من هناك ثاني على تعاملهم خرجت مبسوطة :(
بس لسا حنجرب كمان والله ييسر و يكتب الخير حيث كان

السلام عليكم ورحمة الله وبركاته

صباح الخير

ككيفكم وحشتوني
ووحشتني لحظة تفااؤل العسل اللي دخلت عشانهااا وعشان ماتزعل مني ربي يسعدها

مبروووك لكل اللي جاتهم الموافقه مبرووووك الاخ تركي القيسي ربي يتمم امورك الباقيه على خير يااارب
رسيييل وحشتيني فينك ياريت لو قراتي تدخلي تكتبيلي وتطمنيني عنك
ومنووورين الاعضاء الجدد ربي يفرج عنكم كل ضيق وييسرلكم كل عسير

نونا مستبشره اكتر اتنين لمن قرات مشاركاتكم حسيت بيكم لاني عانيت نفس معاناتكم ربي يفرجها عليكم وعليا عاجلا غير اجل

لا اله الا انت سبحانك اني كنت من الظالمين

والله ياقلبي مو شرط الكل زي حالتنا بس اللي انا شايفته انه في شريحة كبيرة بتعاني وانا متأكدة انه لولا اصرارنا بعد توفيق الله كان مداه ماتم ولا شي ، انا بس عشن اخد موافقة ابويا جلست شهر ونص اعاني وكان للاسف يبغا يفركشها ب اي طريقة بس حمدلله على كل حال بالنهاية حياة احنا اخترناها واحنا رح نعيشها بحلوها ومرها وبيني وبينك انصدمت انه مو بس لحالي مريت بالمعاناه القاسية مع الاهل والخاطب الغير سعودي والمشكلة ماحد زاضي يفهم انه نصيب من الله وانه ماعند ربي خير وابقى ومو شرط يكون الخاطب له مصلحة لانه انا موضوعي بالدات كان في شرط من قبل العريس انه هل ب امكاني اروح معاه بلده واعيش هناك ولالا ،،،، حمدلله والشكر

صباحك فل وورد اهلين فيكي منوره المنتدى.

اذا مقيم تروح الداخليه .

اذا مولود ماتروح .

بالتوفيق

وعليكم السلام ورحمة الله وبركاته

منورررره المنتدى ياعسل واخيرررا طل القمر 💜

ساره محمد الله ييسرلك امورك يارب ويحنن قلب الوالد على خطيبك انا متاكده بعد الزواج ان شاء الله راح تتغير نظرة الوالد فيه ويصير زي ابنو.

دايما اقرا مشاركاتك ويصعب عليا وضعك اتمنى لو بيدي شي اقدر اساعدك فيه ......بس ماشاء الله ربنا معاك ويسخرلك ناس تساعدك وتتيسر امورك اخر الوقت ......ماشاء الله احس فيكي كمية طاقه إيجابيه ماشاء الله ربنا يحميكي ويحفظك وتتسهل معاكي يااارب ونفرح فيكي قريبا يااارب ونقولك لولولولولةليييييييش يارب 👰 ....افتكر مره خبرتني انك كلمتي الاخ طارق وقالك معاملتك موافقه ان شاء الله . بس يمكن علشان زواج من الخارج وظروف التاخير اللي بيصير معاكي .💛💚💙💜💟 يارب عيدك عيدين يارب .