|
والله ما ألومك انت الحين جوك منفلت وجوك فوق
علاج مفعوله قوي يخليك تنطلق بجرأة وتكتب بإندفاع ولا ترى اللي أمامك سوى جزمه لكن ما أن ينتهي المفعول اللي براسك ستندم على كل كلمه كتبتها وتقول يا ليتني لم اكتب ولَم أتجرأ على احد لكن ما اقول الا حسبي الله على هالدكاتره اللي يصرفون مهدئات لكل من هب و دب |
اقتباس:
|
احترم نفسك تحترم غير كذا ما عندي اسلوب
|
اقتباس:
|
يا إخوان نصيحة إلي ماعنده استعداد ينصح بالحسنى فنصيحة لا يفكر ينصح
نعم نحترم غيرتك لأن تنتهك محارم الله وهذا الشيء محفوظ في قلبك سواء نصحت أم لم تنصح لكن وش الغاية من النصح أليست هي بيان الطريق الصحيح والتذكير به وبذلك انتفاع المنصوح فلو استخدمنا اسلوب مش كويس أكيد ما راح تتقبل النصيحة احنا ننصح لله مو معناتها اني لازم أنصح بتعصب عشان أحفظ حقوق الله ما كان هذا هدي الرسول عليه الصلاة والسلام ألا تعلم أنك بذلك تصد عن سبيل الله وأنا من منبري ما أغطي غلط أخوي محمد من ناحية الأغاني فإن كان فيها اختلاف فأنا أحترم رأيه ووجهته لكن ما أرضى بكلمات خاذشة أو صور نساء متزينة في هذه المسألة لا يوجد خلاف وأنا متأكد إن محمد فلت مزاجه لأنه مو من عادته الله يصلحكم ويهديكم ما كان له داعي هذا التقاذف بكرة تتصالحوا ... |
اقتباس:
حاط أغاني والنَّاس تصلي ويجيك بكره يارب اشفني وَيَا رب عافني انا مليت انا مدري وش فيني من رأى منكم منكر فلغيره بيده فإن لم يستطع فبلسانه الى اخر الحديث وهذا منكر وأنكرت عليه لكن الأخ مايبي يبي يسمع اغاني وقت الصلاه ويبي الشفاء في نفس الوقت ، اسمع أغاني مع نفسك لكن لا تجاهر بالمعصية وابغى أرقص واذا قلت ليش قال انا عندي هوس كلنا عندنا هوس وعندنا أمراض الله بها عليم ماسوينا مثله |
تمر ايام.. و تغيب الشمس و ترد تطلع .. ليل نهار نفس هالمنوال حياتي انام و اقعد من النوم اسأل نفسي ليش قعدت من النوم و ليش طلعت الشمس مره ثانيه ؟
اختلطت الايام عندي كثر ماهي متشابهه .. اليوم دريت انه الثلاثاء من اختي و جيكت على الرزنامه اليوم الثلاثاء 9/5/2017 #& مر على تخرجي 4 سنوات .. تخرجت متأخره قعدت بالجامعه 6 سنين لو طب كان ابرك ^ مر من تخرجت من الثانويه العامه 10 سنين عشر سنين مرت و الله العظيم مصدومه عمري يمر بسرعه و بدون معنى بس اعزي نفسي اني على الاقل اصلي و اصوم خلال هالسنين اللي راحت طبعا اتكلم عن الفروض تنقلت بين الوظايف ما استقريت في شي كنت احس ان في شي غلط يصير معاي هل هو خلل فيني ؟ يمكن محد كامل ؟! اذكر ان في وحده تصير لي معانا عايشه كانت دايما تنطرني ليما ارد من الدوام و على طول تعطيني بطل ماي صغير تقول قرت فيه قران عشان الله يبارك لي و يصلح حالي و تصر اني اشربه قدامها و كان هذا حالي معاها شهور .. في وحده من الوظايف كنت بدخل بشراكه و اموري قاعده تتحسن ... كنت فرحانه ان الله يسر اموري و سخر لي ناس يقدرون تعبي و شهادتي.. اول ما رديت البيت كلهم موجودين و هذيك اللي تعطيني ماي اشربه من مده موجوده قلت لهم الخبر الوحيد اللي فرح لي ابوي و اختي الصغيره بس .. الغريب ان هذيك تغيرت ملامحها ما فرحت ابدا و صارت تنظر لابوي بنظرات غريبه و فيها رفض .. بعدين عطتني ماي اشربه قدامها و ماي ورد قالت اغسل وجهي فيه لانها قاريه قرانفيه .ما شكيت فيها ابد رغم ان قلبي مو مرتاح لها و ما ابي اظلمها.. بعدها بفتره نزل ضغطي حييييل و قلبي يرقع و عوار قوي براسي و حالات ترجيع و احس بالبرد بعز الصيف.. وهي ما اهتز فيها شعره قاعده اتفرج علي عادي اطلبوا الاسعاف رحت المستشفى نمت 3 ايام و الدكاتره محتارين بالحاله ثاني يوم بالمستشفى زراتني و معاها الماي تطلب اشرب منه و لو قليل و امسح وجهي بماي الورد باصرار ما همها حالي اللي وصلت له .. مرت الايام طلعت من المستشفى و هي وراي باستمرار و تطلب تعرف كل شي عن وظيفتي و كنت اتكلم عادي و بحسن نيه و يا ليت قلبي كان اسود و كنت خبيثه كان ما تضررت ابد*& فجأه مشاكل بالدوام ما لها معنى و احس بضيقه مو طبيعيه رغم اني اصلي و اقرا اذكار زاد وضعي الصحي سوء و طلعت من الوظيفه و خسرت الشراكه و انا مصدومه؟؟ شلون و ليش؟ مرشهر تقريبا اختي الصغيره اصغر مني بسنتين بس و احنا قراب من بعض كانت هذيك تشربها الماي باستمرار اختي توها توظفت في بنك هذيك الفتره طبعا و هالمراه مصره تشربني انا و اختي باصرار و تمثل علينا التدين و انها تخاف الله و تدعي لنا بالخير .. فجأه اختي مرضت ما يدرون شنو علتها و قدمت استقالتها من البنك و هالكلام من سنه و نص او اكثر مرت الايام انا دايما بين هالمستشفيات و كل يوم يطلعون فيني عله و اختي توظفت بالحكومه و مشاكلها ما تخلص بالدوام هجوم شرس عليها بدون سبب ؟؟ المهم في البيت اختي دايما تقعد مع ابوي و تسولف معاه ..صار وقت العشاء تقريبا ما لقت ابوي و صارت ادوره في البيت ما تلقاه ؟ فجأ اسمعت المرأه اللي تمشي و تسقينا ماي و تمثل التقوى و الورع اتكلم واحد في التلفون وتطلب منه يزيد شغله و يثقله و تقول اسوي لك اللي تبي بس عليك بالبنات اشتغل لهم و اعطيك اللي تبيه .. اختي على طول طلعت لها وهذيك خافت و سكرت التلفون على طول واجهتها اختي بكل شي و ان هي اتعامل مع ساحر و تشتغل معاها عشان تضرنا .. طبعا هالعجوز صارت تصيح و تقول استري علي و لا احد يدري بس اختي قالت لي و واجهتها و قلت لها ان انتي طول المده كنت سبب بمرضي و قطع رزقي بدون سبب ليش؟ ما تخافين الله ؟صارت تهدد هالعجوز و تقول بفضحكم و بجيب لكم مصايب اذا احد درى بقذارتها ؟ و انها بتستمر على هالشغل و لا احد يتدخل ؟؟ عجيبه هالدنيا ! عاد هالانسانه كنت كتاب مفتوح لها تعرف اني اتعالج عند طبيب نفسي و محتاجه جلسات علاج نفسي و ان وضعي النفسي سيء بس ما رحمت ! و تدري اني صرت اتنقل بين هالمستشفيات اللي يقول مشاكل بالدم و اللي يقول مشكله باوعية الدماغ هذا غير المشاكل بالجهاز الهضمي و الصداع و الارق.. ما رحمت رغم اني كنت ارحمها و احسن لها ! و الحين حضرتها قاعده باحسن حال معانا في البيت وصلت مرحله اسأل نفسي ليش الله ما ينتقم منها ؟ هي سبب مشاكل و مصايب صارت في بيتنا و مع ذلك ما تهتز فيها شعرها غريبه هالدنيا و طبعا تاخذ دم الخروف و ترشه حول البيت وتبخر بخور ريحته اكثر من سيئه .. انا دايما بغرفتي و وضعي النفسي من سيء لاسوأ .. احاول التزم بالصلاه و الاذكار و القران بس ما عندي رغبه بشي ابد حاسه الحياه ثقيله و مستحيله.. الحين اشرب بابونج و اكل ككاو احاول امشي الوقت .. كليت حبه و نص زانكس |
أعوذ بالله من الشيطان الرجيم
أُشهدُ الله انني سامحت عبدك : محمد البدراني واعتذر منك وآسف جداً يالغالي ، أتمنى تقبل اعتذاري و أسفي بلغوه اذا كان غائباً واعتذر من الجميع لحظة غضب وانفعال الحمدلله انني لم اشتم او العن اذكروني بدعوه . |
انتم الاثنين انا ملاحظه عليكم مانتم تمام مانتم بعادتكم
لابد نحتوي بعضنا و نتحمل و لا تاخذنا العزه بالاثم و نتحسس و نكبر المسائل انتم اطيب ناس والله انا اشهد لكم لا تتسرعوا بالزعل من بعضكم والله ما يهنى لنا غير نشوفكم متحابين و بخير. معليش اعذروني حذفت شويه ردود لاني متاكده انها ماهي حروفكم هذا الشيطان دخل بينكم حبايبي اعيذكم بالله من الشيطان الرجيم الله يحفظكم. |
طبتم وطاب مساكم..
|
ربي يبارك في عمرك اخوي بدر
والله يجازي الشيطان الى يفرق بين الاخوان ارجو منك السموحة وان شاء الله انها مشكلة عابرة تزيد المحبة ببينا المرض يخليك ما تتحكم زين بافعالك وانت خير من يعذر ويسامح والله لا يفرق بيننا |
انتم تجننوا قسم بالله ربي يحفظكم
مدري كيفه عالي كان الصباح متأزم مره الله يفرج عنه و عن الجميع. |
اقتباس:
و عليك السلام ربي يحفظك |
اقتباس:
ما احلاك بتباشير الفوشيه الله يحميك و يسعدك. |
اقتباس:
|
اقتباس:
ياليت كل القلوب مثل قلبك و قلب محمد الله يبشرني عنكم خير دوم. |
|
اقتباس:
الهيئه بتحسن التصرف في مثل هالامور لو تكلميهم بالجوال برا البيت يدلوك و يرشدوك كيف تتصرفي حتى لو ابوك ما دري. من وراه اتصلي عليهم يمكن تكون ساحرته هو كمان. كثير قصص تحصل بهالطريقه و الهيئه بعد الله تحلها في عندهم ناس متخصصين في هالامور لازم يدخلوا بيتكم و يتفحصوه . الله ينصركم و يرد كيدها في نحرها و يكشف الضر عنكم. |
اختي جمان قصتي فيها الكثير من قصتك فقط مع اختلاف انك علمت من المتسبب وللاسف حسن النوايا والثقه في البلا ادمين هو السبب انا قطعت وعد علي نفسي ان لا ارحم اي بني ادم الا الضعفاء والمساكين واصحاب القلوب الرحيمه انا كنت في موقفك لذبحتها علي الطريقة الداعشيه وعملتلها الفينيش فمن لا يرحم لا يرحم.
|
اللهم إني أعوذ بك من شر ما عملت، ومن شر ما لم أعمل" رواه مسلم.
|
اقتباس:
اسعد الله اوقاتكم و جعلها عامرة بالخير ، و رفع عنكم ما يضركم و عوضكم خيرا كبيرا ايش عاملة الارانب يا اختي خلود ؟ ههههههه الاخ عبدو عمر و طريقته المعهودة ( بالتوفيق دائما ) ، الله يجعل التوفيق ملازمك في حياتك اخي عبدو ، مشكور على الكلام ( خير الكلام ما قل و دل ) عمل قليل و دايم ..... خير من كثير و منقطع الاخ ابو علي .... كيف احوال دجاجك ؟ هههههه. الله يسعدك و يهنيك الاخ عالي ، رجع عبيط و الا لا ؟ الله يعوض على عبيطة هههههه، الله يعطيك ما تتمنى يا ابو نجلا الاخ محمد البدراني ، ان شاء الله ينفعك الدواء الجديد ، و الله يغير حالك الى افظل و احسن بقدرته و رحمته الاخت ظل المنتدى ، ان شاء الله نهارك و اوقاتك طيبة الاخت عيون ، كيف حالك ان شاء الله بخير ، و كيف هي بسوسك ؟ الاخت صامدة، يا رب تكوني بخير الاخت لميا ، رفع الله عنك ما يعكر صفو حياتك ، و ابدلك خيرا بخير الاخ صهيب ، وينك مختفي ، يا رب تكون بخير و على خير الاخ بدون خطة ، ان شاء الله مستقبلك الى خير و هناء الاخ ابو امل ، الله يقويك و يشفيك شفاءا تاما الاخ بدر الهذال ، بارك الله فيك على النصايح .... لكن الاخ محمد انسان طيب و يحب الله و رسوله و فيه خير كبير ،لا نزكي الله احد ،نحسبه هكذا يا بدر .... التمس الاعذار اخي ..... هذا المكان ... فيه ادوية نفسية ، و تعب و ابتلاءات ان شاء الله ربنا يشافي كل اخ و اخت هنا و يعافيهم مما هم فيه ، و يحسن احوالهم و يعوض لهم ما فات و يرفع درجاتهم بهاته الابتلاءات فليعذرني من نسيت اسمه فليسامحني من لم احسن الكلام معه فليسامحني الجميع اوقاتكم طيبة برحمة من الله سلام عليكم جميعا |
أبو علي ...
كيف حالك عساك بخير ؟ ودي أستفيد من خبرتك من تربيتك للدجاج الحين إذا باضت الدجاجة وتفقس البيض وطلع الصوص كم المدة الي تحتاجها عشان تصير دجاجة قابلة للذبح ههههههه وش تأكلهم ؟ وهل تربيهم في مكان مفتوح ؟ولا حاشرهم في زنقة ؟ وهل تستخدم مواد كيميائية أيا تكن مضادات حيوية هرمونات بروتينات الخ ؟ ووش الفرق بين البيض المخصب والغيرالمخصب ؟ ولو تقدر تعطيني معدل عدد البيضات القابلة للطهي لمجموعة من الدجاجة لمدة معينة ؟ |
مرحبا بالجميع مساااااااكم سعيد وفرح
اخوي بدر اشوف تحت ياليت ترجع تشارك وتنور قلوبنا بمشاركاتك الايجايبة الله يرفع قدرك اخوي سائل اسال الله ان يرفع قدرك دنيا واخره لحسن الظن باخيك المسلم والله انا مليان ذنوب اسال الله ان يعفو عني ويغفرلي |
احذر أن تعطي أمل كاذب أو ظني لشخص
|
يا ريت كلامي ما يغضب الاخ بدر الهذال
|
اقتباس:
الحمدلله بخير لكن البعض منهم جننوني المرض قاعد يتردد عليهم لدرجة الامتناع عن الاكل و الجفاف و اضطر اعيد لهم كورس المضاد من شهور و هم على ذي الحالة و لو خليتهم بدون علاج الجفاف يقتلهم ماتوا عندي كذا حالة الفترة اللي راحت بسبب تردد المرض عليهم البيطري يقول هذا فيروس لانهم غير مطعمين و يقول المضاد ما يعالجهم لابد من رفع مناعتهم تسأل عنك العافية يارب سائل |
اما الاخت جمانة و الله شي يقشعر البدن اللي قصيتيه
معقول فيه ناس بهذا الكفر و الجسارة على الشر و العياذ بالله منها مثل ما قالت اختي خلود لابد من اجتثاث الشر من جذوره و التبليغ عنها شوفي كم نفس آذتها هذا كله من الحسد قاتلها الله تحول الى الايذاء بالكفر عن طريق السحر اللي يقتل اسأل الله ان ينتقم من كل مؤذ و مؤذية و يجعل تدبيرهم تدميرا عليهم و حسبهم الله و نعم الوكيل و انتم عليكم بالرقية الشرعية و ربي يعافيكم |
|
اقتباس:
|
الحمد لله على صفاء النفوس بيننا جميعا
منورين يا أهل المنتدى الكرام |
اقتباس:
أنا أربي الدجاج البلدي وهو عادة ما يؤكل الا الديوك الصغيرة بالعمر فيه ناس يحبوها يعني تقريبا عمرها 4 او 5 شهور أكلهم قمح وحبوب وبقايا أكل البيت وكذا ينفعوا بدل ما تكب النعمة برا . والدجاج عموما يحب الفضاء والرمل ما يحبوا الحبس في الاقفاص لذلك انا اخليهم برا..أما المضادات فعادة المشاريع الكبيرة يعطوها كل فترة مضادات حيوية للوقاية من الامراض أما دجاج البيوت فعادة ما يعطوها لأن لازم خلال فترة المضاد بيضها ما يؤكل والتربية هنا عفوية يعني غير منظمة زي المشاريع الكبيرة .. البيض المخصب يكون ملقح وهذا يستخدم للتفقيس .واي سؤال انا حاضر. |
أها يعني تستفيد من بيضه بس ...
عقبال تربي دجاج عشان تذبحه وتاكله هههههه ودي أعرف الحين الصوص لما يفقس من بيضه كم يبغاله عشان يصير دجاجة جاهزة للسكين بغض النظر عن إنه ما يؤكل |
السلام عليكم
اسعد الله مساءكم جميعا و كل اوقاتكم بكل خير حياك الرحمن صامدة و ابو امل و ابو نجلا و ابوعلي و الجميع ربي يجعلكم في صحة و سعادة دايم الدوم |
وش الدموية ذي سكين و يذبح : (
|
اقتباس:
البسوس على حسب تجربتي القديمة لازم يموت بعضهم ، مرات كنت اقول الجو هو الي ما ناسبهم و مرات كنت اشك في الامراض التي تصيبهم و هم صغار يا ما كنت اروح للبيطري ، و يعمل لهم حقن للتطعيم. .... بالرغم من ذلك كانوا يموتوا اكثريتهم تربيتهم صعيبة ، على حسب رايي شوفي لك بس ذكر و ربيه احسن تربية يا اختي عيون هذه حوصلة تجربتي مع البسوس بالبيت رحمتك و عطفك ليهم لن تذهب سدى .... (. و من يعمل مثقال ذرة خيرا يره ) و الله اعلم |
اقتباس:
هههههههه. مساؤك سعيد يا ابو علي |
تصبحون على خير جميعا
سلام عليكم |
اقتباس:
الصوص يبغى له بحدود خمس شهور حتى يصبح جاهز هههه |
اقتباس:
|
اقتباس:
|
| الساعة الآن 02:05 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا