شكراً على ردك الي يريح
والله ارتحت منو يوم واحد ، و جاتني هالجملة
بحاول اطنش والله اني في قلق ما يعلم فيه الا ربي ):

تطمني وطنشي والله ما بيصير شي ان شاء الله يعني تخيلي ولد اخوي الصغير يقولي شفتي القبور قلت ليه انا بالذات قال هالكلمه لي وبعد صغير ! وشي ثاني اختي دخلت عليه وانا نايمه تصحيني قالت لي قومي صلي وراك قبر انا هالكلمه سببت لي هلع وخوف ربي يعلمه ومع الوقت عرفت ان هالشي كله بسبب وسواسنا نكبر كل شي لو ندقق بكل كلمه صدقيني ماراح نتشافى من الوسواس لازم نطنش وماندقق بكل شي
اهم شي لا تنسين تعطينا عيديه ننتظرها منك 🌹

يسعد صباحك
لا معليك روح دكتور ينظفه لك انا مثلك معاي صداع اخر راس
متوتره احس بموت دحين يقنعني انها اخر لحظاتي وبموت خلاص
كانه شعور حقيقي شي يخوف والله احاول اتجاهله قدر مااقدر

ياناس معاي حالة قلق وتوتر واحس روحي بتنسحب من رجولي
كاني بموت والم بقلبي ونبضات مو منتظمه وشعور حقيقي بالموت
بتجنن منه احس بموت خلاص مدري اقدر انام والا لا اصحى والا مااصحى

احد صار معاه زي كذا انا دحين اول مرا مع كثرت قلق تذكرت الي ماتو
هم صغار قلت حمدلله اني عايشه جاء شي في بالي يقول ربي راح يعقبك لانك ضحكتي عليهم وقلت انك احسن منه وانا ماابغى افكر كذا
اقول انه ربي رحمهم ماتوا هم صغار ارتاحوا من هم دنيا يجيني
احساس اذا هم ارتاحوا ليش تعيشين حياتك وتنبسطين لازم تكوني تعيسه
انتي مو احسن منهم هم يموتو وانتي مبسوطه المفروض تموتين وربي راح يعاقبك عشان تكلمتي فيهم راح تموتي زيهم
شي مرعب وربي اول مرا يحصل لي هذا الاحساس
تتوقعون انا اذنبت هل سبيت الاموات هل هذا وساوس والا انا تكلمت فيهم
احس اليوم اصبت بحالة الجنون فيه بداية احساس الموت دحين احاول ابنع نفسي ان ربي رحمهم وهذا امر ربي لاعتراض يقول لا انتي لاتنبسطين وهم ميتين وراح يعاقبك ربي عشان تكلمتي فيهم وربي كرهت كل شي

مرحبا ساره ولا اذنبتي ولا شي هذا كله تعليقات الوسواس ... طااااف تعرفين تسوين طاااف اتجاهليه خله ينبح لين يوم القيامه .. قوليله اوكي استهزأت شو تبا الحين انته ؟؟ لك عندي شي ؟؟ مسلفني فلوس وناسنها عندي ؟ قوليله هذا اللي قاصر انته تحاسبني .. انتي ما قلتي شي الكلام هذا كله كلام وسواس يلقيه في روعك ولا استهزأتي ولا شي طاف ولا تفكرين وايد في ماتوا ،، خلاص اللي مات الله يرحمه نقلب الصفحة نحن عدنا مثل بالإماراتي يقول " الحي يحيك والميت يزيدك غبنه " .. خلاص الى الإمام ما بصير عليج شي لانه انتي مب عالمة الغيب لو تحفرين في الارض ستين خندق ما بتعرفين متى بتموتين انتهى .. احمدي الله على النعمه وقوليله يا كذاب كم مره قلتيلي بموت .. حبيتي عادي اذا انتي يصيرلج اول مره انا كل يوم يبيلي صور أشخاص متوفين من سنة الطفحة .. وصورهم تمر فجأه على بالي واخاف بس اتجاهله لانه عبارة عن كلب ينبح جنبي .. يعني ساره اتخيلي انتي تمشي وشفتي كلب ينبح بتوقفين تسمعين انباحه ولا بتمشين؟؟ خلاص امشي .. وع طاري الروح تنسحب من الرجل .. الروح علمها عند الله كيف تنسحب ما نعرف هذا من علم الغيب ( فلا يظهر على غيبه أحد ) هذا علم أخفي عنج ماشاء الله كيف عرفتي انها روح وقاعده تنسحب ؟ 😂 وماشاء الله انسحبت الحين هي عند ريولج ؟ يعني صبعج اللي تكتبين فيه ما فيه روح لانه ررحج واصله ريلج هههه يا ساره جفتي تفاهة الفكرة ؟؟؟ خله يولي اتعوذي من الشيطان .. انا يوم يني هالشعور ارقص اقول يالله تعال واهززرقبتي بعد معني أكون عرقانه وخايفه بس خلاص لانه تافهه .. اتصرفي للقرآن والدعاء نحن في ايّام فضيله وهذا الكلب نبيحه ما يخلص

بوعبادي صباح النور .. روح عند الدكتور احسن يمكن تحتاج تنظيف ويمكن يعطيك نوع قطور ثاني يذوب الشمع

عادي موضوع بسيط ان شاء الله .. تحصل الشمع يتجمع ويسد الأذن

يالله ياسخافه افكاره هذا الوسواس وكلامك كله صح ماابغى افكر ليش ماتوا واقول الافكار الي جات في بالي بس شي غصب عني
يمكن كان عندي خطط اسويها بعد العيد وكنت مشغوله افكر كيف انجزها
دحين هو كرهني بكل شي يقولي انتي تعيشين مبسوط هم ميتين ليش
اقول هذا اقدار من ربي يجيني بعدها شعور خوف مااقدر اوصفه
ليش كل مرا يجينى الوسواس بفكره جديده تدمرنا كليا يعني الافكار
القديمه كنت اتجاهلها لانها من وسواس
دحين خلاص احس جاني شعور يائس وخوف كلها هذا الحال انقلب الفجر

ما معني اكيد انه يعرف شيء هو عنده علم الغيب مثلا
هذه جمله الجميع يقولها عادي لا تخافي

حجر ،وعبادي ، زهره طمنونا عليكم ؟ وكيف نفسيتكم اليوم؟

كلنا نفس الوضع انا أكون جالسه فجأه اتذكر كل الللي ماتوا وييني شعور يأس لكن هذا ليس من سنة الكون ولا من الاعتدال والوسطية الله مثل ما خلق الموت خلق الحياه .. ومحن مأمورين بالسعي في الأرض ( وآخرون يضربون في الأرض يبتغون من فضل الله ) ( فامشوا في مناكبها وكلوا من رزقه وإليه النشور )

حاسه فيج انا يخوفني من ليلة القدر ومن العيد و و لكن هل تعلمين انه الفرح في العيد وللعيد عبادة وطاعة والتزين سنه .. لو كان تذكر الموت بالطريقة اللي نحن نعلمها صحيح كان عملها الرسول صلى الله عليه وسلم .. كان حزن وجلس ويأس وما تزوج وما انجب وما مازح أصحابه وما لعب مع زوجته عائشه وما حنى شعره وما تطيب بأبي وأمي هو

انا اكتبلج وانا موسوسه بس ضاغطة ع نفسي لانه اليوم ليلة فرديه وهو يبي يخوفني عشان ما اعبد الله بإخلاص شيطان وسواس حقيرين جدا

الله يعينج ويعينا يارب ويرفع عنا

الحمدلله بفضل الله في وسواس بسيطة لكن احاول أتجاهل قاعدة أحاربه بالدعاء لانه دعوة الصائم مستجابه ودعيتلكم بعد

الحمد لله انا كويسه اليوم بس سمعت خبر وفاه واحده من جيراني خفت شوي بس بحاول اتجاهل
اليوم ليله 27 رمضان هدعي لكم كلكم ان شاء الله لا تنسوني من دعائكم

هلا وغلا سارا كيف حالك؟
تطمني إن شاء الله مافيك إلا العافية هذا جهد رمضان ولخبطة النوم تسبب هذا الصداع المتقلب، بسم الله عليك وعلى عمرك إن شاء الله طويل بطاعة الله لاتخافين خليك قوية كل الناس عندها صداع والف سلامه عليك.
إن شاء الله حروح للطبيب بس تعرفي مع لخبطة رمضان يصعب على الواحد يروح وكذا بس كنت قلقان لما قريت عنها.
إن شاء الله تعالى خير.

لابسم الله عليك، هذا قلق وترا يزيد نبصات القلب الملخبطة، وكمان مع تأثر القولون، شوفي وش اكلتي ليلتها، لاتنامين إن شاء الله وتصحين مافيك إلا العافية يارب. تطمني خير بإذن الله، اعراض طبيعية لحالتنا.