|
اقتباس:
لا تحبطي ولا تستسلمي والله بالدعاء كل الي تبيه حيجي واحسن كمان انا بابا كان رافض نهائيا وقلب الدنيا عليا وعلى البيت كله صبرت وصبرت ودعيت وسويت عمره مرتين ودعيب وفي كل لحظه ادعي واصلي واستغفر وصبرت 9 شهور اخد جوالاتي وحال ما ينوصف ومشاكل على كل شي قلب انسان ثاني في النهايه وافق يقابله هو كل دا عمله وهو لسه ما شافه وطبعا سأل عنه شهرين كمان وبعدين قابله وبعدين بدأنا الورق 20 رمضان قدمناه يعني صبر 11 شهر على حدود السنه وانا متعلقه بين السما والارض بس خلي املك كله في ربنا والله تتسهل وتتيسر اهم شي يكون خطيبك واقف معاكي ويصبر ويتحمل وكل دي المعاناه حتسير حكايه بعدين ولا تخسري اهلك بعد رضا امك وابوكي كل شي حيسير |
الف مبروك لكل من مشت معاملتهم والله يتمم لكم بخير و يسعدكم و يوفقكم في حياتكم والله انني فرحت لكم من كل قلبي وعقبالنا سبحان الله ... احس في المنتدى هنا في هذا الموضوع وكانني وسط بيتي وبين عائلتي زورونا هنا دائماً لاتقطعونا |
اقتباس:
ان شاء الله تمشي معاك وتتتسهل وتوصل باقرب فرصة يعني الاحد نقول يارب وبخصوص العقد عندكم بحكم انهآ محكمة للحوال الشخصية مافي مواعيد كثير اموركم في التمام بس نحن في مكة محكمة عااااااااااااااااااامه فعشان كذا وعلى قولك الواحد صبر الكثير القليل ما يفرق بالتوفيق وربي يسهل على اخواننا واخواتنا الباقون والباقيات عاااااااااااجلا غير اااااااااااااااجل يارب العالمين |
اقتباس:
حلوه ع رجوله .. والله الواحد مثل هالاخبار بعد جهد وعناء وارهاق بدني وذهني . من ابسط حقوقه يسوي اللي نفسه فيه الله يوفقكم ويسعدكم ويتمم لكم ع خير ويجعل حياتكم سعيدة داااااااائما يارب |
اخ شوكولاط
انا استعلمت بالرقم الي اخدناه من الشرطة الاقي صدرت لشرطة جده طريقة استعلامي صح والا خطا ولما استعلم بالرقم الي اخدناه من المحافظة الاقي مكتوب صدرت الى محكمة الأحوال الشخصية اصدق مين .بصراحة احترنا ..مامدانا نتهنى ونفرح. الله يستر بس وربي قلقانه وخايفة طمنوني الله يخليكم |
اقتباس:
بس شوف عزيزي هذه ما تخلو من ثلاث حالات اما ان حقون الصادر اخطأؤ في البداية الموضوع بدل ما يحط في النظام على الشرطة حط المحكمة وان شاء الله مو كذا او اخطأ في قيد ثاني غير القيد تبعك وعدلوه للشرطة زي اخونا عاشق جده استغربت معاملته من الصادر تروح للاستقبال علما بانها اساسا ما اظنها مرت ع الاستقبال لان جنسيته عربية ما تمر ع ادارة الاستقبال .. واخر شيء الثالث انك حاطة رقم القيد تبعك غلط ههههه عموما اذا ما كانت الحالة الاخيرة كل اللي عليك فعله انتظري الاحد اتصلي ع الامارة او روحي لهم عشان تعرفي بالتحديد ايش الهرجة او يكون خطأ ويتعدل ... بس اتمنى لو تفيدنا هل رقم الصادر حق اول اللي مكتوب عليه محكمة هو نفسه اتمنى لك التوفيق |
اقتباس:
اول شيء عندكم بجده الشرطة ولا المحافظة ؟ وثاني شيء تأكدي معاملتك متى تحولت للامارة وقارني بين الرقمين اللي تستعلمي فيهم تلخبطت معاكي هههههههه على اية حال انت شوفي التواريخ وقبل كذا ايش الخطوة الاولى والمعاملة تتحول من الشرطة للامارة ولا من المحافظة للامارة ؟ |
اقتباس:
بس عمرك مو 24 ايش سويتي عشان مشيت ؟ياليت تفيدينا والله يوفقك ويسعدك |
اقتباس:
الله يوفقك يااارب ويتمملك فرحتك ويديم بينكم الفرحة والمحبه ولا يغير عليكم الا للافضل والاحلى ويجعله لكي زوج الدنيا والاخرة وعقباااالنا ياااارب كلنا نسمع اخبار حلوة على معاملاتنا وانها اتوقع عليها وراحت المحكمة ونعقد على خير يااااارب ياااارب هونها وفرجها يا اكرم الاكرمين اللهم صل وسلم وبارك عى نبينا وحبيبنا محمد وعلى اله وصحبه وسلم تسليما كثيرا |
اقتباس:
تقريبا قبل اعتماد الموضوع بالشكل الفعلي بس رجعت بسبب المهنة فربما كانت ماشية تمام بس منتظرين حق المهنة وبغض النظر عن ذلك الواحد قد ما يدعي ترى الله فووووووق ومافي شيء يعجز عليه اطلااااااقا عشان كذا الواحد لا ييأس وربي حيساعده ويوفقه دمتم بحفظ الله |
اقتباس:
السالفه كلها واسطه ويمشي الموضوع واحنا واسطتنا رب العالمين الله يفرجها علينا |
اقتباس:
بس تاكدي من الرقم يمكن غلطتي في شي دقي عليهم واتاكدي وان شاء الله يكون للمحكمة بس بسالك كم عمرك وانتي اي طرف ؟ الله يسهل عليك |
اقتباس:
لانو اذا هي ربيع الثاني انا شوال العام الماضي ورجعوها في شهر 6 حفظت فما دخل السبب دا وفي الاول والاخر هي توافيق من رب العباد الله يتمم لها فرحتها يااارب ويفرجها علينا كلنا يااارب |
اقتباس:
كم عمرك انتي ؟ انا اللي قدمو قبلي بشهر جاتهم الموافقه ومن بعدنا ماحد جاه وكان مافيه سبب وبعدين قالو العمر لازم 30 |
اقتباس:
قدمناها في شوال نهايتو مره واعطونا ورقة التحاليل يمكن القعده لانو سوينا التحاليل في الحج وطلعت في محرم روحت سلمت الاوراق كلها في محرم في الشرطة في ملف اخضر ووقعت ع 3 اوراق وانا من جدة وخطيبي من مكة وقالولي لازم تطلع شرطة مكة ومباحث مكة عشان هو من مكة وراحت ومارجعت الا شهر 4 شرطة جدة حسبي الله عليهم اخروها مرة 30 / 5 راحت من الشرطة للمحافظة وبعدها راحت الامارة ومرت اعتقد ع الادارة الاولى بس يمكن وجلست لنهاية شهر 6 ورجعوها للشرطة بسبب العمر وانها حفظت عمري كان 24 بس كانو يقولولنا انو العمر 25 عشان كدا حفظت ودحين طلعت قرارات ال 30 حسبي الله ونعم الوكييييييل كسرو فرحتنا انا واهلي وخطيبي لكن الله يفرجها من عندو يااااارب |
| الساعة الآن 10:14 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا