ماشاء الله ربي يوفقك يارب
والله انا نفسي الاقي واسطه بالمستشفى زيكم بس ماعرف احد للاسف الشكوى لله21e1s1q

مااعرف الاجراءات
بس الموافقة والقبول سارت من الداخلية للكل
سواء مولود او لا
هذا اللي سار معايا وبشوفو مع الناس
معاملتي اترفضت من الداخليه بسبب عمري وخطيبي مواليد السعودية

الله يفرجها عليا وعليكي وعلى الجميع يارب

اللهم صل وسلم وبارك على نبينا وحبيبنا محمد وعلى اله وصحبه وسلم تسليما كثيرا

انا سالت وانتظر الرد
لكن انا لما بحثت لقيت في موقع محافظه جده طلب توثيق عقد زواج وحاطين بيانات تعبيها وتقدمي طلب مادرى انا هي من اي منطقه
بس دامها برا السعوديه خليها تروح للسفاره تسال هناك اكيد راح يدلوها
وبالتتوفيق لها

للاسف سارو الشباب والبنات يتزوجو من دون موافقة

طيب الباقين ايش يسووو اللي يستنو الموافقة تضيع سنين عمرهم
لانهم طالبين الحلال فقط لااااا اكثر ????!!!


لكن الله يفرجها عليا وعلى الجميع وييسر لنا امورنا ويسخر لنا ولمعاملاتنا اطيب خلقه ياااارب
اللهم صل وسلم وبارك على نبينا محمد وعلى اله وصحبه وسلم تسليما كثيرا

حابة استفسر من الاخوات والاخوان اللي معاملتهم ماشاء الله انتهت

بعد الشرطة فين تروح المعامله وكم تجلس ..؟

وهل المعاملة اذا كانو الطرفين موجودين بجده تروح المعاملة لوزارة الداخلية في الرياض ؟

هذي الشروط موجودة في موقع امارة منطقة مكة المكرمة وهي الشروط الجديدة اللي عدلوهاا بعد القرار الاخير وكل الامارات جالسه تطبقها

ثانياً : زواج غير السعودي المولود في المملكة من سعودية .

1- أن لا تكون السعودية من الفئات المشمولة بالمنع المحددة في لائحة زواج السعودي بغر السعودية والعكس .

2- ان لا يقل عمر السعودية عن (30) عاماً ويستثنى من ذلك المطلقة أو وجود صلة قرابة بين الطرفين مثبته شرعاً أو أن تكون السعودية من ذوي الإحتياجات الخاصة وإرفاق ما يثبت ذلك .

3- أن يكون الخاطب ولد وعاش في المملكة وثبت ذلك بشهادة ميلاد صادرة من الكاتب الصحية بالمملكة .

4- أن يكون لدية إقامة نظامية مستمرة في المملكة ويعمل فيها .

5- أن يكون عربياً مسلماً .

6- أن لا يكون هناك سابقة جنائية مسجلة علية .

7- خلو الخاطب من الأمراض الوراثية ، والأمراض المعدية .

حسبي الله ونعم الوكيل

مبروك مدريدي الله يوفقكم ويسعدكم وعقبالنا

فين الجديد في الموضوع ههههههه
وايش اللي مجمعنا هنا غير الشروط هذي


ومركزين ع شهادة الميلاد وانو ولد وعاااش في المملكة
عشان كدا استغربت اول من كلامك امكن دحين وضحلك كلامي

يلا مو مشكله ياخبر اليوم بفلوس بكرا يسير ببلاش

هذي الشروط للي ولدو وعاشو بالسعودية لكن اللي مواليد بمكان غير السعودية غير هذا قصدي انا

واذا احنا نعرف الشروط في غيرنا الله يسعدك مايعرفون

يلا على قولتك ياخبر اليوم بفلوس بكرا ببلاش بالتوفيق

يب يب انا فاهمتك انو تقصدي الغير
عشان كدا لمن استغربت
لانو انا نزلت الشروط دي كوبي بيست من فترة
ولمن قراوها في ناس قالو يعني الغير المواليد مالهم تصريح ??
لانو ماجابو سيرتهم بالمرة
ومن ضمنهم اعتقد الاخت لحظة تفاء ل سالت
وان شاء الله لا مايكون كذا ويكون وضعهم كمان اسهل

(( الشروط القديمة كانو يحطو شروط للمواليد
وشروط لغير المواليد يكون العمر اكبر !!! ))
ومازالت في موقع وزارة الداخلية

والان الشروط الجديدة ماحطو الغير مواليد مرة

فلمن تسمعي انو لغير المواليد اسهل اكيد في علامة تعجب !!
والتعجب الثاني انو اذا كلام الموظفة هذي صح ليش ماقبلو اوراقك من اول ماجيتي وقالتلك قدمي استثناء او اصبري 3 سنوات ??


وعمووووما مارح اكتر عشان لا تفسريها انو مستكترة عليهم بالعكس وربي اتمنالهم الخير زي المواليد

وهو مجرد تعجب لانو اول مرة اسمع فيه اولا
وثانيا
(( ولانو لما اوراقي طولت في الشرطة وراح بابا سال قالو الضابط قال لبابا شوف ياعمي اذا اتوفرت هذي التلاته الشروط راح يجيك التصريح لا تخاف
1 العمر
2 التحليل سليم
3 الخاطب مواليد السعودية
بس طبعا حفظت لانو عمري اصغر

وان شاء الله ربي يسهلهم ويسهل للمواليد وللكل واي واحد يطلب الحلال ونتزوج على خير
وييسرلك وييسرلي وييسر للجميع يارب

لا ياغاليه انا موقصدي كذا وربي شاهد ولا فسرتها بهالشكل

الموظفة رفضت تاخذ اوراقي اول مره لان القرار جاهم بالعموم من غير تفصيل فلما سالتها ايش الحل قالت قدمي استثناء او انتظري 3 سنوات

لان الكلام كان بنفس الوقت لكن بعد كم يوم لما وضحولهم الشروط تمام اتصلو علينا علشان نكمل اوراقنا لان اصلا قبل اصدار القرار بكم يوم وقفو كل المعاملات

ومن ضمنهم كانت معاملة صديقتي لكن لما صارت الشروط واضحه لهم رجعو وكملوا التقديم بس هذا الموضوع كله

والله ييسر لك ولي وللجميع يارب ويفرح قلوبنا عاجل غير اجل ياكريم 234M4R32ED

والله انا هدا اللي خايفه منه انه ماعاد يطلعو تصريح لغير المواليد
لانه فعلا الشروط الجديده فقط ماذكرو غير المواليد على العموم ربي يجيب الخير لنا يارب
والحمدلله على كل حال

اوووووف ياااارب يرحمونا ويسهلو الاجراءات ويخلو الناس تشوف حياتها مليناااا صراحه
احس كاننا نتعاقب او اللي نسويه جريمه وغلط لاحول ولاقوة الا بالله

لا ياقلبي مااعتقد كدا
بعدين عندك الاخت الحرف العنيد قدمت اوراقها وخطيبها مو مواليد لو كدا كان قالولها ومااخدو الاوراق
اتفاءلي خيييير

بعدين انتي ماشاء الله اهم شرط متشددين فيه هو العمر انتي ماشاء الله مستوفية الشرط دا وخطيبك عربي
مشكلتك بس التحاليل
واحسها سهله لانو الاخت داليا عبدالعزيز قدك بس خطيبها عندو شي في التحليل ومدري ايش سوت وجاتها الموافقه وعقدت

الله ييسرلنا ويفرجها ونفرح بالموافقة يااااارب ياكريم
ادعوا واستغفروا واتفاءلوا خير
ووكلو ا مركم لرب العباااد
هو احن واكرم وارحم من اي مخلوق