ايوة للاسف
طلعت التحاليل من محرم وبصم وانا وقعت وكل شي خلصناه
وجلست في الشرطة طولت
وبعدها راحت الامارة
والامارة حولتها للداخليه وعدت في اول مدري في تاني ادارة فقط بالكتير
ورجعتها الامارة للمحافظة ومن المحافظة ع الشرطة
بسبب عمري

ممكن اسالك اذا خطيبك عربي ??ومن مواليد السعوديه ??

خوفتوني الردود تحطم معقوله في احد تترفض معاملتوا يعد ماتوصل لداخليه وتعدي الادارتين الاولى يعني احتمال 80% مرفوووضه لانه اصلا مقيم وموا موليد السعوديه واصلا لمن قدمنا المعامله بدون شهادة ميلاد يعني الاسبوع هذا حشوف حالة الطلب مرفووووضه

الله لا يقولها

تفائلوا بالخير تجدوه يا بنت الناس

زي ما تتوقعي الامور حتصير
اتوقعيها كويسة حتمشي اتوقعيها سيئة حتتعقد

انا نصيحتي لك لمن تشوفي تعليقات سلبيه لا تقريها ادعي لهم ربنا ييسر امرهم وعدي وركزي عاللي امورهم ماشية واتفائلي


ان شاء الله ربنا ما يخيب تفاؤلك وحسن ظنك

اكثري الاستغفار وان شاء تتم لك على خير يا رب

لا ياغاليه شهادة الميلاد للي مولودين بالسعودية فلازم يقدمونها مع المعامله

انا خطيبي مقيم ولكن غير مولود قالت مانحتاج شهادة الميلاد لان الشهاده للمواليد بالسعودية

على كلام الموظفه ان الافضل بتقديم الاستثناء يكون باسم الام

انا قدمته باسم امي وشرحت فيه وضعي كامل والصيغة اخذتها من الموظفه هناك.

ارفقت معها صوره من هوية امي وهويتي وهوية الخاطب وصورة من جواز سفره وكتبت اسمه ورقم هويته

وقدمتها في وزارة الداخليه الالكترونية على طريق ردسي مول

بالتوفيق

انا تاكدت انه ما يطلع عندهم اني مبتعثة خير شر وابوي تاكد بنفسه
وتاكدنا من اكثر من معقب
كل الي يظهر عندهم اني خارج البلد فقط
بس برضه هالشي ما يجوز اش يعني مبتعثة ماني ادمية مو من حقي اتزوج من الشخص الي ابغاه!!
انا عارفة انهم ما يبغوا تساهلات والشباب والبنات تسافر وتسوي الي تبغاه بس الزواج حلال وستر
وخلاص هذا نصيب اذا الشخص الي ابغاه من خارج بلدي
هما بالصريح صاروا يقولولنا هات واسطة نمشيلك
ايش خلاص صرنا نستغرب ونستحي من الي يرضي ربنا والي ما يرضيه صار شي معلن وعادي
صرت اتعجب واقول مدام تمشي بواسطة يعني الموضوع في منه وبنفس الوقت رفضهم يقولي مافي منه
ليش يعني بواسطة ومن وين اخترعها ما عندي يعني خلاص نصيبي ورغبتي تتوقف بواسطة
حتى لما اروح اسال ولا استفسر ما عندهم خلفية كافية عن الموضوع لا قسم رجال ولا حريم
خلاص المفروض تكون في جهة مختصة بالزواج وانظمة وقوانين واضحة ترضي ربنا ومدة محددة تريح الشعب
مو كذا الواحد ينتظر عالحظ معليش انا مو مقدم على وظيفة وانتظر منكم اختبار قبول
انا مقدمة على زواج وحياة
حتى مدري كيف الواحد يقدم على حياته ومستقبله
شي انا حديره انا حكون مسؤولة عنه انا حنسأل عنه قدام رب العالمين
شي مرتبط بيا انا
حرام الي قاعد يصير
والله مافي شي من الي يصير يرضي ربنا
وكل مالها تزيد الفتن والمفاسد والظلم بسبب الابتعاد عن شرع الله
لا حول ولا قوة الا بالله العلي العظيم

لاحبيبتي مو سهله التحاليل ماتنحل الا بواسطه. سواء عن طريق المستشفى او عن. طريق معقب
انا قدمت استثنائين. ماجابت نتيجه وخطيبي قال لي فيه واسطه قبل مده بس المشكله اللي حدثت بسبب اخوي
توقف كل شي وماني عارفه ايش الخطوه الجايه ابخلي خطيبي يرتاح وبعدين بنشوف ايش بنعمل وربي يسهل يارب

مشتركة جديدة والحرف العنيد الله يسعدكم ردودكم ريحتني وبكرة ان شاء الله حطفشهم اتصالات

الف مبروك اخوي شوكلاط - الله يتمم لك على خير ويجعلكم من سعداء الدارين -

ومبروك للاخوات اللي جاتهم الموافقة - الله يسعدكم ويجعل التوفيق حليف لكم - اللهم امين

وأسأل الله أن يبشر الكل بما يسره ويسعده عاجلا غير آجل

تحياتي

ليش كدا تتحطمي
بعدين اذا بتقيسي معاملتك بالناس
قيسيها بالاخت كمان مواهب ماكس في عمرنا واتحولت للمحكمة
فهي ارزاق ياقلبي

وبعدين لا تحسسيني بالذنب اني قلت مسار معاملتي هههه
هو الاخ مدري الاخت سالتني وجاوبتها
مع انو الاغلب والمعروف كدا زي ماسار معايا لانو القبول والرفض من الداخليه وهي ماتقبل تنظر لمعاملة الا بعد ماتكتمل كل الاوراااق فيها من تحليل وبصم وتوقيع وتعريف ووو لانو هذي اصلا مقاييس للرفض والقبول فكيف حيقبلو ويرفضو من غيرها

وبعدين انا الكلام دا كان في شهر 6 يعني قبل 4 شهووور
ركزي في المعاملات الجديدة واتفاءلي خير

ان شاء الله يااارب تكون سهله عليا وعليكي وعلى الجميع ياااارب

نفس الكلام اللي في قلبي وللاسف
محد حيحس بالكلام دا الا اللي في وضعنا
وعاشو معانتنا

لكن حسبي الله ونعم الوكيل
وان شاء الله ربي يفرجها علينا هو احن واكرم وارحم من اي مخلوق

والله الشخص يكون في وضعنا يخاف ويوسوس ويجيه السكر والضغط الحين معاملتي لها 10 شهور وماخلصت باقيلي بس الادارة الاخيرة يوقعوا عليها وارتاح وكممان انا ليه 11سنه خطوبه خلاص كفاااايه طفشت ومن ويجي التفؤل والامل وهذي شروطهم ومعاملتهم وقت يجيني امل و وقت اخاف اقول مابغى اتعلق وافرح لازم اتهيئ نفسيا لاي قرار راح يتخذوا

يا فارج الهم يا كاشف الغم فرج على المسلمين في كل مكان
والله احنا همنا ماهو هم جنب الي عايشين في حرب وخوف وجوع وامراض
يا ربي احنا في زمن يصعب فيه الحلال ويسهل فيه الحرام
ف يا رب اغننا بحلالك عن حرامك وسهله وسخره وقربه لنا
يا ربي لا تجعل هذه الامور تستنفذ طاقتنا واجعل طاقتنا لطاعتك ونصرة الاسلام
يا رحمن يا رحيم اجبر كسرنا وضعفنا وقلة حيلتنا ولا تكلنا لاحد سواك ولا تكلفنا مالا طاقة لنا به

طمنا ... ايش صار علي معاملتك ؟!