يعطيك الصحه ياويختي.

يفحصون الانيميا بكل انواعها ؟؟؟

حتي انيميا نقص الهيموجلوبين ؟؟؟؟

خوي متخوف من هذي النقطه

ارجو التوضيح

شاكر ومقدر

نقطة لم يتم البت فيها ..هل يبين العقم للرجل في الفحص؟؟؟

اعتقد يفحصوها بس ماتمنع الزواج لانه مجرد نقص بسيط ياخذ حديد وعادي مو زي الوراثيه مالها علاج هم يهمهم الوراثه لان يؤثر علي الاطفال ويتكلفو بعلاجهم

العقم صراحه ماعرف

يعطيكي العافيه اوخيتي

انا الطرف الاجنبي مواليد السعودية

مالك حل الا تقنع خطيبتك اذا بينكم تواصل تقنع والدها تقدم بمنطقه غير جده ..

وهما وقت التحليل حيقولوا لها خلي خطيبك يجي يسوي تحاليله هنا معاكِ..افضل وب كذا بااذن الله تتيسر امورك..

اوشوف واسطه اذا تبغى فيه احمد صلاح بعد الله يستخرجها لك بس يطلب مبلغ جامد..

الله ييسرلك وييسرلنا الامور ياكريم..

نوال احمد صلاح مايمسك معاملات تحاليل
وكمان مبالغه خياليه صراحه
الواحد يسعي بنفسه انا اشوفها احسن له

شوف اخوي انت اول شي دور لك منطقه تقدر تروح لها
واسال عن اجراءات الزواج عندهم وقدم معاملتك بعدها
ودور لك احد يزبط لك اثبات السكن

انا اعرفه وحده من الرياض اجنبيه وخطيبها بجده
ومعاملتهم كانت موقفه بسبب العمر لما غيروه ل 30 سنه
لما رجعت الشروط زي زمان مشيت معاملاتهم وتزوجو
مع ان خطيبها بجده وهي بالرياض بس ماشاء الله مشيت الحمدلله
فانت شوف الطايف اقرب لكم او دور لك واسطه بمستشفي حكومي واعمل زي ماقلت لك في الخاص وتتيسر ان شاء الله

مافي شي مستحيل في التحاليل ولا خط احمر كما يقال كل شي بيد ربنا بس نتوكل وكثير مشيت امورهم في جدة واتزوجو ما شاء الله حاول مرة واثنين وثلاثه وربنا حيسهلها ان شاء الله بس نتفائل

صحيح مافيه شي مستحيل علي ربي بس بجده صعب تنفذ الا بقدرة الله ثم بالواسطه
وحتي الواسطه احيانا بدون توفيق ربي ماحتمشي
فاحسن مايضيع وقته وعمره بسبب تحاليل
اعرف ناس مشيت معاملتهم بعد سنين انتظار ربي وفقهم بواسطه ومشيت امورهم
فاذا عنده فرصه في مدينه ثانيه يتوكل علي الله ويترك جده ومكه
الله يسهل للجميع

طيب يا جماعه اللي تحاليله سليمه
وهو مقدم لمدينة جده كلا المخطوبين بجده ساكنين
كيف بيكون الوضع معااهم
لأني سمعت الصرااحه انو جده معقدددينها
فأنتو ايش شايفين 😯

اختي لحظة تفاؤل

السلام عليكم ورحمة الله وبركاته

واحد من اخوياي كان ساكن المدينه المنوره .والحين هو ساكن جده وبيقدم معامله زواج للمره الثانيه ......السؤال هو قبل 4 سنين عمل فحص الزواج من المدينه في مستشفي خكومي معتمد طبعا وفحصه سليم لله الحمد والمنه

والحين بحكم نقله الي جده بيعمل الفحص في جده اكيد ....هل ممكن تتغير النتيجه حق الفحص بين جده و المدينه المنوره


وهل يوجد مستشفي ثاني غير الاقليمي بعد الشكاوي اللي جات منهم .

بس ابغي اعرف هل تتغير النتيجه بعد اربع سنين وهو عامل الفحص في مستشفي حكومي في المدينه المنوره .

ودمت بود

اسعد الله صباحكم يارب
كل عام وانت بالف خير للجميع وربي يجعلها سنه تحقيق الاماني لكل من في المنتدى
بشروني من تزوج او تزوجت من الاعضاء لي زمان عن المنتدى
سارة محمد، وهيندا ،صلو على محمد و هويام ايش صار على معاملتكم
ان شاء الله تكون عندكم اخبار حلوة

لحظة تفائل كيفك
ربي يجعلها سنة خير وسعادة عليك يارب

اما انا بالنسبة لمعاملتي رحت ادارة تنفيذ الاحكام الحقوقية واخذت خطابات بالاوراق المطلوبة والان لسى اجهز فيها
واعطوني ورقة مشهد من العمدة وخطاب للاحوال وخطاب للتأمينات واقرار الموافقة وطلبوا تعريف العمل

فرح ماقدمتي عن طريق الاماره ؟

انا قدمت عن طريق الداخلية وبعدها تحولت الامارة وبعدها تحولت ادارة تنفيذ الاحكام الحقوقية

انا معاملتي صار لها تقريبا خمس شهور تحولت ادارة تنفيذ الاحكام في رمضان بس انا كنت مسافرة وبعدها بدأت الاجازات الرسمية وكمان كان في موظفين باجازة وموظف يحولني على موظف ثاني وموظف لسى ما داوم بس الحمدلله استلمت هذه الاوراق بعد اجازة الجح يعني توه مشواري بدأ ولسى شغالة في تجهيز طلباتهم

ايوا بس ليش ماقدمتيها من الاماره ايش الفرق؟

لا مافيها تعقيد دامكم سليميين ربي يوفقك لاتشيلي هم
وعليكم السلام ورحمه الله وبركاته
اذا فعلا سليم ماتتغير النتيجه مهما كان باذن الله
بس لازم يتاكد اذا المدينه يفصحو فول والا لا
اهلا حبيبتي انا الحمدلله بخير ونعمه يارب لك الحمد
والله يجعلها سنه خير وسعاده لك وللكل
ماشاء الله ربي يوفقك في مشوارك ويعينك علي تجميع الورق
يارب يسهلها لك وللجميع

شكرا جزيلا علي الاجابه

ايوه ماشاء الله سليم في فحص الفول برمز g6bd ....الحمدلله .

لمن قدمتي من الداخليه وش طلبو منك؟؟؟ ليش قدمتي من الداخليه استثناء والا ايشش؟؟

السلام عليكم ورحمة الله وبركاته
اخواني واخواتي اللي عنده علم ويقدر يساعدني لايبخل علي جزاكم الله خير وفي ميزان حسناتكم ان شاء الله..

قدمت على معاملة زواج سعوية من غير سعودي مولود في المملكة لدى إمارة منطقة الرياض ( القسم النسوي ) وقالوا لنا راجعوا بعد شهر ؛ وبعد ما خلص الشهر راجعنا قالوا بعد اسبوعين ؛ وفي موقع الإمارة طالع لي تحت الإجراء هل اموري تمام ؟؟ والى متى بنتظر الموافقه ؟؟

ملاحظه:
ليش ما طلبوا مني تحليل الزواج؟؟

وعليكم السلام

لسى يحولوكم عالشرطه وتروحو تاخذو الطلبات ومن ضمنها التحليل...


الله يسهلك ويسهلنا ويسهل لكل شاب وبنت..


يارب يامن امره بين الكاف والنون يسر لي امري ويسر الجميع بالموقع امورهم يارب ياكريم..

العفو خلاص الحمدلله ان شااء الله ماتتغير النتيجه خليه يتوكل علي الله
تقدري تقدمي من الداخليه وتاخذي موافقه اذا كان الطرف الاجنبي مقيم وااذا تحولت للمحكمه يطلبو منكم تحليل عادي
شهر ليش ؟ غريب المفروض اسبوع توصل الشرطه وتاخذو الطلبات وتحللو
مدري اجراءات الرياض كيف
بس بما انها تحت الاجراء معناه يشتغلو فيها الان

آمـيـن الله يسهلها على الجميــع

بس ليش يحولونا على الشرطة ؟

انا وخطيبتي حللنا بس ما طلبوا النتيجة مننا قالوا بعد ما تطلع الموافقة تاخذ نتيجة التحليل للمحكمة

انا قلت يحولوكم عالشرطه على بالي مااخذتووو الخطابات اللي طلبوها منكم..

اول مرة رحنا عندهم اعطونا ورقة فيها طلبات ومن ضمن هذي الطلبات كان صور اثباتات ومشهد سكن للزوجة مصدق من العمدة والشرطة وصحيفة من الادلة الجنائية للزوج وبرنت للزوج من الجوازات وبرنت من الأحوال للزوجة وبعدها قدمت الملف واعطوني رقم اراجعهم فيه.

كويس يعني خلاص قربتي تخلصو
بس هل معاملتكم دخلت البحث الجنائي
لان البحث هواللي اعرف انه تطول المعامله فيه
وبالاماره تمشي بسرعه يمكن اسبوع ونص تخلص
بس ماعرف انتم بالرياض كيف نظامكم صراحه

الله يوفقكم في بدايه هالسنه ويجعل اموركم تيسير في تيسر
يارب اجعلها سنه خير وفرحه وسعاده علي الجميع
وارزقهم مايتمنوووووه يارب

اللهم امين يارب ولك بالمثل يااارب ...♡

الحين من جد ذكرتوني بحاحه
صديقتي وخواتها تطلع لهم الموافقه قبل التحاليل
واحنا نحلل اول قبل كل شي
ونفس بعض احنا مقيمين والبعض مولود يعني الامور متشابهه
بس ليش تطلع لهم الموافقه قبل وش تفرق
؟؟؟؟

يمكن على حسب المناطق..

علي حسب وين مقدمين
في الغربيه معروف انهم يحللو قبل الموافقه
اما المناطق الثانيه صراحه ماعرف كيف نظام
اما نظام التقديم من الداخليه زي كذا موافقه وبعدين التحليل بس اذا التحليل فيه مشكله تنلغي موافقه الداخليه هذي هي المشكله والا كان يمديها حل للي عنده مشكله بتحليله

حالفين يعقدونها على الناس من كل الجهات الله يهديهم..

الله ييسرها للجميع..

اهلا فرح خالد الحمدلله على سلامتك وسنة سعيدة يارب.. فرح انا وانتي نفس الحالة بالضبط ومن نفس البلد خليكي على تواصل والله يسرلنا يارب..
انا دحين معاملتي بالاماره لها اسبوع استناها تروح للداخلية انشالله. .
في سؤال محيرني اتمنى تفيدني بما انه عندك اقارب ببريطانيا انشاءالله يكون عندم علم اكيد لاني من جد شايله هم..
وهذا الشي هو نوع الفيزا لمن اسافر عشان اعقد ببلده ؟ خليت خطيبي يسأل المركز الثقافي الإسلامي وهو الوحيد الي معترف بيه من السفارة للعقد .. وقالوله انه ورقه الموافقة من السفارة ماتكفي لازم يجيب ورقه ثانية من المحكمة البريطانية يعني قانوني لازم من نفس البلد ، والمحكمة ماتعطي اصريح للزواج الا لازم يكون بفيزا زواج ،، وهادي شغلتها شغله وتاخد وقت وطلبات ..
ومااعتقد انه السفارة هتعطينا ورقة للمحكمة فقط ورقة الموافقه من السعودية ..

هيندا انتي من المدينه صح ؟
اعرف وحده من المدينه ماخذه هولندي جاتها وموافقه وجلست تجري عشان الفيزا وكل شوي تقول لنا ادعولي
واحنا نقول وووي لسى ماخلصتي تقول لا
ان شاء الله بسالهابخصوص هالشي
المهم ادعو لها بالتوفيق وان ربي يعطيها الصحه والعافيه ويرزقها باولاد بارين فيها يااارب

أهلاً لحظه تفاؤل.. ايوا صح
الله يسعدك يارب دنيا وآخره والله ياليت تجيبيلنا الخبﻻرالأكيد لان من جد شغلة ثانيه دي لان اتذكر الاخت ولاء عقدة بفيزتها حقت الدراسة بس لانها هي بأمريكا والوضع مختلف عن دول اروبا اصعب ومعقد..
والله يوفقها ويسرلها ياارب..

البصمه اخرشي والتحليل في المحكمه بالنسبه لتقديم الرياض زي ما صار معي

الغربيه هي المعقده فيها لان حالات الزواج فيها كثييييره فحبو يقللو العدد بهالشروط
لاحظي شفتي بدا الموضوع شخص من الرياض او من الشرقيه بيشكي من التحاليل ؟ او من الاجراءات ؟
مافيه غير مكه وجده حتي الطايف سهله بس سمعت انها تطول المعامللات عندهم فقط هذي مشكلتهم

والمدينه يقولوا تمشي حتي الاستثناءات
والامور طيبه بعد رجعة الامير خالد الفيصل لاماره مكه فيه اشياء تسهلت جزاه الله خير
عقبال ماتتسهل لحقين التحاليل يارب

ان شاء الله اول مايجيني خبر حقولك
الله يوفقك ويشيل حيرتك ويسهل امرك

لسلام عليكم ورحمة الله وبركاته عليكم جميعا

متابعتكم من زمان بس قدرت اسجل الحمدلله ملاحظه تعاونكم وخدمتكم لبعض سبحان الله كلكم فيكن الخير والبركه .


قصتي بدات من تقريبا 7 سنين كنت مخطوبه للشخص سعودي وقدمنا المعامله وعملنا التحاليل والحمدلله كل شي كان تمام وجرينا ورا المعامله واتصالات وسهر وتعب نفسي وتعب جسدي وتفكير بس الحمدلله اخر شي جات الموافقه ..بس سبحان الله ما صار نصيب



عشت ايام مظلمه كلها تعب نفسيتي تعبت وبكيت وكرهت كل حاجه في الدونيا احس اني في غروب دائم مو حاسه باي شي يسعدني احساس جدا صعب حتي اهلك اللي يحبوكي مو عارفين كيف يساعدوكي وهما ودهم يعطوكي روحهم.



والحمدلله ربي عوض صبري خير ان شاء الله .تقدم لي شخص سعودي كبير وناضج وطيب وان شاء الله ما يخيب ظني فيه . واهلي وافقو وانا وافقت والحمدلله تمت الخطبه وبحكم علمي باوراق المعامله قلتله عليها ولمينا الاوراق الحمدلله بس هو يقول يعرف واحد بالاماره بيقدمهاا عن طريقو ان شاء الله تتسهل يارب مادري از كان هذي الحاجه صح او غلط اتمني توجهوني للصح لو تكرمتو.
√
√
√
√
√


√
√




حاجه تانيه قبل 7 سنين انا وخطيبي السابق حللنا في مستشفي الولاده والاطفال اللي بالمساعديه في جده ماكان فيه الافليمي ازا ماكنت غلطانه والله اعلم

وبعد اللي قراتو هنا سرت جددددا متخوفه من الفحص في الاقليمي يتبلو علي خلق الله ويحطون الامراض علي الخلق الله يجيرنا ويكفينا شرهم


مادري ازا تعرفو احد حلل في الولاده وطلع سليم وبعد كم سنه رجع حلل في الاقليمي وطلع سليم كمان بلغوني ارجوكم لاني جددا متخوفه وماني قادره اتحمل صدمه تانيه .





+++++مادري الواخد بلقاها من فين وا من فين والشرع معطينا حق الاختيار في الزواج .الحمدلله علي نعمه الله علينا .