|
أخواني و أخواتي الأحباء انا اسف علي الغياب الطويل لأاني كنت مشغول شوي و كمان انا رحت علي مكه عشان اسوي ملكتي و اجلس مع زوجتي الحبيبه كام يوم و الأن انا مستعد كامل الأستعداد اني اساعد اي من عنده اي استفسار او طلب او اي سؤال حيث اني مررت بجميع انواع المراحل المتعلقه بزواجي من اول مكتب الشرطه الين الأماره و الداخليه و كمان المحكمه وبفضل الله تعالي و دعاءي و دعاكم لي اني اتزوجت علي خير اما بل نسبه للخطوات خطوه خطوه و المشاكل اللي ممكن تواجه اي احد و اللي عنده مشكله حاليا انا بشرحها كلها مع العلم اني قدمت في مكه و ما مشيه و قدمت في جده و الحمد الله اني ما كملت و اخيرا قدمت في الدمام و احلي شي انه مواليد السعوديه ما تروح اوراقهم الداخليه و تجلس من شهر الي سنه...هي كلها اسبوع و بيطلع قرار الزواج من الأماره نفسها وكمان مافي اي اعتراض علي اي شي و ربنا يطول و يزيد في عمر الأمير محمد بن فهد بن عبد العزيز أل سعود
|
الي اخي العزيز و القدير الحوراني.....اذا يتم السماح لي بعطائك رقم جوالي او ايميلي الي كل الأخوه و الأخوات اللي واجهتهم نفس المشاكل او يبغوا اي استفسار انا ما عندي مانع و اي اخت ممكن تطلب من خطيبها انه يكلمني و انا في الخدمه في اي وقت و اللي حالتهم مختلفه عني انا ممكن أسأل في الأماره او في المحكمه علي كيفيه حلها مع العلم انه انا حليت مشكلتي من غير و لا ريال واحد لأي احد و لا معقبين والله يسامح النصابين اللي نصبوا من قبل.كل الي ابغاه دعوه في الفرح و مهلبيه للتحليه و الله يوفقكم جميعا :)
|
السلام عليكم ورحمة الله وبركاته
حياتي بتضيع .. مبروووووووووووووووووك الزواج عندي سؤال إذا ما كان من مواليد السعودية يعني تطول المعاملة ؟ وياليت تفيدينا عن أحسن طريقة للحصول على الموافقة بدون ماتأخدلها شهور ؟ |
اقتباس:
و عليكم السلام ورحمه الله و بركاته... الله يبارك فيكم و عقبال الجميع اذا ما كان من مواليد السعوديه اجل تترسل الأوراق من الأماره الي الرياض في وزاره الداخليه...تاخذ شهر تقريبا و ترجع للأماره مره ثانيه و الأماره ترسل خطاب المحكمه. عموما معاملات الرياض تتعطل كثير لأانهم يدققوا علي كل شي ويدوروا علي اي سبب عشان تنرفض ..الله يعين الجميع بس ما في شي مستحيل..اهم شي يدققوا عليه هو اللقب...يعني علي قولهم .."السعوديه الأصل " يعقدولهم كثير كثير...بس برضو علي قولهم " الحضر ما عليهم". ان شاء الله تصير امورك علي خير و نسمع اخبار طيبه عن قريب و لو في اي استفسار تاني انا في الخدمه..و بل نسبه لأبسط الطرق خبرني انتم من اي محافظه مع العلم انه في اشياء ماهي مذكوره في الشروط بس علي اساساها تسهل او تصعب الأمور...علي سبيل المثال : السن بل نسبه للي تتزوج من غير مواليد المملكه لازم يكون سنها فوق ال 25..و طبعا لو كان السن اكبر تسهل اكثر و كمان المطلقه اسهل اكثر و المطلقه و معاها اطفال تسهل اكثر فا اكثر و طبعا شهاده العريس و عمله يساعده كثير زي الدكتور و المهندس و اصحاب المهن المطلوبه في البلد..كل هادي عوامل يكون لها سبب كبير في تسهيل الأمر او صعوبته. |
جزاك الله خير .. طيب إذا قدمنا عن طريق السفارة في الخارج يعني تجي الموافقة بسرعة ولا نفس الشيء
|
حياتي بتضيع انا من امارة الشرقيه والمشكله انه الوالد رافض ومااقدر كيف اوصل الشي الى الامير محمد بن فهد لانه لما رحنا قابلنا مسؤول ولكن ليس الامير وهم الان في دراسة الموضوع
|
اقتباس:
شوف يا سيدي...موضوع السفاره فهو علي حسب البلد...يعني علي سبيل المثال..جميع دول مجلس التعاون الخليجي تاخد موافقتهم اسبوع الي اسبوعين و الامر مره سهل لو الزوج عربي خليكي...اما باقي الدول العربيه زي مصر و الاردن و ليمن و العراق و غيرهم تختلف ... ببسيط العباره...الزواج من السفاره لفه طويله..اول شي لازم الزوجه تقدم طلب في الداخليه انها تبغي تتزوج من بلد اخر و العريس مهو في السعوديه...بعد كذا لو وافقوا تروح الخارجيه او سفاره العريس...بعدين يروح العريس للسفاره السعوديه في بلده للتأكد من وصول المعامله و يراجع و يكمل إجراءاته كا التحاليل و الاوراق المطلوبه و لما يخلص كل شي الفاره السعوديه ترسل للداخليه هنا في السعوديه و ولي الامر او الاخ او الوالد يتابع معاهم عن طريق الأماره و لو تمت الموافقه يجي العريس عشان يعقد في السعوديه. الأفضل انه يكون هنا و معاه اقامه بدل اللفه الكبيره اللي ممكن توصل لسنه |
اقتباس:
لما يتابع معاهم هيخبروه انه يجيب الولي ( الوالد ) او من معه صك و لايه شريعه ( الاخ او العم او الخال ) و الولي هيوقع علي إقرار و بعدها يعطوله خطاب الجنائيهو ليكي خطاب الاحوال عشان تتطلعوا البرينت و كمان خطابات التحاليل لبرج الدمام الطبي طبعا لازم تكون الأوراق كامله ليه و ليكي ...و لو ما تدري ايش هي انا في الخدمه. اما اذا كان خارج المملكه فينطبق عليه نفس االي شرحته "لتعبت اشكي" اهم شي في الموضوع يا أميره هي موافقه ولي الأمر لانه و الله لو الأمير قال زوجوهم و وافق ....القاضي لا يمكن بأي شكل من الأشكال انه يتخطي الوالد و يعقد لانه يعتبر مخالف للدين و الشريعه قبل القانون....لكن من الوجه الأخر في مليون طريقه و طريقه يقتنع فيها الوالد لانه انا كان عندي مشكله اكبر مما تتخيلوا و بفضل الله تعالي و صبرنا خلصت و ما داقت اما فرجت و لو تحكيني القصه او وجه نظر الوالد ليش رافض انا علي استعداد اني اساعد لعل رب العالمين يجعله في ميزان حسناتنا. و يا ريت تفهميني الوالد رافض ايش بل تحديد ...الزيجه كلها و لا انه يروح الأماره و لا موافق علي الزواج و حالف انه ما يتدخل في شي و قالك دبري حالك بنفسك ؟ و بما انكم من الشرقيه ..لو ما عندكم احد يروحلكم الأماره و يقدم للأمير ..انا بروح بنفسي ...الأماره كلها 150 متر من الشارع الأول و لا يهمك بس لازم في الدعوه يجي العريس و لو مضيع انا بروح معاه خطوه خطوه الين ما يوافق و يجي الولي ان شاء الله. |
نصيحه كبيرهيا اميره الصمت ادعي هادا الدعاء مع العلم انا كنت كل مره ادعي ربي كنت اقول انه ما هيستجيب لكن و الله ربي استجاب و الأمور مره اختلفت .
"اللهم يا من سخرت الجن و الرياح و الجبال لسليمان عليه السلام سخر لي كل من له يد في امر زواجي و الموافقه عليه...و يا من سخرت البحر و الحوت ليونس عليه السلام سخر لي قلب كل من له يد في امر زواجي و الموافقه عليه...و الن قلب ابي ( فلان بن فلانه ) كما النت الحديد في يد داوود عليه السلام .. اجعل غضبهم علينا برد و سلام كما جعلت النار برد و سلام علي ابراهيم عليه السلام" ادعيه في اخر ركعه من كل صلاه من القلب و ازهمي الله تعالي بأسماءه ..يعني مثلا انا كنت اقول " يا قوي ساعدني لن يساعدني سواك..يا مذل انا ذليل اليك ارفق بحالي ....يا جبار و يا رحيم و يا غفور و يا عليم ساعدني يا الله " و كل صفه لله تيجي في بالك ادعيه بيها و الله و الله و الله هتجيب نتيجه علي رأي المثل أسأل مجرب |
مبروووووووووووووك يااخي حياتي بتضيع ومبروك للعروسه يارب تتوفقوا دنيا واخره
اختي معاملتها بالداخليه ان شاء الله تتيسر يارب دعواتكم وانا اعطيتها الرابط علشان تردد الدعاء |
اقتباس:
بل توفيق ان شاء الله و يا ريت خبرينا اول ب اول و لو في اي شي تبغونوا خبيرينا و ان شاء الله بنساعد. |
اقتباس:
|
على فكره حياتي بتضيع كنت اعتقد انك بنت بس لمن تكلمت عن الموافقه وباركنا لك اكتشفت انك ولد
والاهم الموافقه ومره ثانيه مبروك وربي يسهل علينا ولو انت اخي على موقفك وصادق وتقدر تروح مع العريس امارة الشرقيه وتدخل معه الى الامير بتكون عملة خير عمري كله ماانساه لك .. ... انا كتبت موضوع في قسم الافتراحات وطلبت ايميلك واتمنى يتم الرد علي باقرب وقت وجزاك الله الف خير وربي يسهل لك جميع امورك |
حياتي بتضيع للاسف الشديد لا استطيع الحصول على ايميلك تم الرد على موضوعي بالاقترحات عندما طلبت الايميل اخبروني بانه لا يستطيعو فما الحل ؟؟؟؟؟؟؟؟؟
|
أختي العزيزه أميره الصمت....هادا الأكاونت اصلا ماهو لي و هو بل فعل تبع زوجتي بس لما صار الموضوع معقد صرت انا استخدمه لما احتاج اسيبلكم اخبار و اشوف حلول عندكم لكن لما كنت اكتب نت احدد انه انا العريس و لما جاه واحد في المنتدي و قال انه بيساعد و مادري كيف زوجتي طلبه ايميله او ما اتذكر جواله عشان انا اكلمه و الأخ الحوراني الله يجازيه خير حذرها ...المهم صرت انا اللي اتابع من ده اليوم
و الله بخصوص الأيميل ما ادري ايش الحل و ايش سبب الرفض بس ع العموم حددي موعد تكوني فيه اونلاين و انا بخلي زوجتي تدخل في نفس الموعد...او حتي سوي ايميل جديد ماله داعي و استخدميه مؤقتا و اطلبي منهم مره ثانيه اما انا فبكون متواجد في الموقع من الساعه 12 ظهرا و حتي الواحده و نصف من العمل و لما بعاود المنزل بدخل تقريبا من الساعه 10 مساء. و يا ريت يا اخي العزيز الحوراني توضح لنا ليش تم الرفض طلب الاخت اميره الصمت |
| الساعة الآن 05:45 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا