الف مبروك اخوي وربي يتمم لك على خير ويوفقكم بحياتكم ويسخر لكم

السلام عليكم ورحمة الله وبركاته

بنات عندي سؤال بخصوص التحاليل

الطرف السعودي يحلل للانيميا الفول زيو زي الاجنبي؟؟؟؟؟؟

بس الجنسيه الفلسطينيه والعراقيه والليبيه تروح حتي لو كانو مواليد
وعليكم السلام ورحمه الله وبركاته
صراحه ماعرف
اللي اعرفه ان السعوديين مايحللو فول اذا كانو كل الاطراف سعوديه
اما اذا كان طرف اجنبي يحللو الاجنبي السعودي ماعرف صراحه
انا لما شفت تحاليلي مالقيت كاتبين رمز انيميا الفول عندي

اختي لحظه الان بعد 10 ايام عندي فحص طبي مع دكتور مستمر معاه بنظام علاجي وغذائي اذا تغيرت النتيجه وش الحل مع المختبر بعد ما ارسلوها للشرطه وحفظوا المعاملة

قدم معامله جديده عادي
وانصحك تبداها من مكه

يارب يسرها الله يحفظك

مساء الخير
بنات وقت تجي المعاملة من الامارة يكون عليها خطاب بالأوراق المطلوبة
لاني معاملتي مالقيت عليها اي خطاب مرفق معها ووقت اعطوني الطلبات ما أعطوني خطاب التحاليل وقت سألتهم عنها قالوا تأخذيه من الامارة
مدري ليه قلقانة من هالموضوع

اخوي الحالم الله ييسر امرك ويفرحك بالموافقة يارب

مساء النور
انا ماعرف نظام المناطق الثانيه
لكن احنا عندنا في الشرطه يعطونهم ورقه فيها كل المطلوب
مع الخطابات وكل شي
بعد ماتجمعي الطلبات تترسل للاماره وكل حاله حسب الجنسيه ومولود او غير مولود

خلاص انتي اذا رحتى للاماره اساليهم عن الاوراق والطلبات لاتقلقي نفسك

الله يسعدك يارب .. شكرا

لحظة تفاؤل الله يسعدك ويجزاك كل خير يارب والله كلامك يريح

هلا فرح.. انا كل الطلبات طلبوها مني في الشرطه ...ترى هي تختلف من منطقة لمنطقة

السلام عليكم والرحمه

بنات او شباب اللي يعرف جواب سؤالي فضلا ولا امرا ياليت يزودني بالاجابه .

وعليكم السلام
شوفي حتي لو طلع مع السعودي فول مايدققو ومايمنع زواجكم
اهم شي الطرف الاجنبي سليم فهمتي ؟

امين يارب ومن قال اختي الله يفرج على الجميع

السعودي لو ايش مافيه ماراح يدققو معاه
زوجي عنده انيميا الفول ومكتوب انه معاه انيميا الفول ومشيت المعامله كانه مكتوب سليم
اهم شي الاجنبي يكون سليم

اتصلت على وزارة الداخليه وقالو انها في الشوون الامنيه بعدين قالو انها بالحقوق الخاصة بس كل مااتصل مافي احد يرد كيف اتاكد اذا هي بالحقوق الخاصة ابغى رقم تحويله ولا كيف اشوفها في النت كيف تجلس 6 شهور بشؤون الامنيه صاحبتي جاتها في 3 شهور الموافقه وهو فلسطيني واكيد راحت الشوون الامنيه

كان عندي رقم الداخليه والتحويله ان شاء الله احطه لك لما الاقيه

بخصوص صحبتك متي اتزوجت باي سنه ؟
الفلسطيني زمان ماكانت تروح للشؤون تقريبا بدا في تطبيق هالقرار في منتصف السنه اللي راحت
الله يسهل عليك يارب وكل اللي معاملته بالشؤون

اشكرك علي الاجابه

اللي فهمته منك انه انيميا الفول من ضمن الفحص للسعودي والاجنبي يعني السعودي يخضع للفحص انيميا الفول ؟

وعليكم الرحمه والسلام

انا ابغي اعرف السعودي يحلل فول ولا ما يخضع للتحليل هذا ..من ضمن تحاليل السعودي يفحص فول ؟


اتمني اي طرف سعودي عمل التحاليل يبلغني حلل انيميا الفول او لا؟

اختي حللت قريب وكتبو لها سليم بس بصراحه ماشفت اذا فيه تحليل للفول او لا

امين جميعا انتي ماتكلميهم ليه جالسه عندهم 6 شهور صاحبتي دي السنه اتزوجت قبل 4 او 5 شهور تقريبا

صباح الحير ، من زمان ونفسي اشارك معاكم بس انشغل يادوبك اخش اقرا تجاربكم وابكي ويتحسر قلبي واطلع
بس اليوم اتشجعت ؛ انا حضرميه مواليد جده وخطيبي سعودي سويت التحاليل ليا دحين 5 اشهر وطبعا زي الاغلبيه طلعت حامل لانيميا الفول واترفضت وووو ؛ المهم ماخلينا طريقه الا وجربناها؛ ياريت الاقي حل منكم مع انو شايفه الكل حايس ؛ وخطيبي يقول نصبر كمان شهر ونقدم من جديد بس اش فايدة نقدم من جديد ودي الانيميا فيا يعني ماحيتغير شي 😭😭😭 انا خلاص قريب حتجيني حاله نفسيه ؛ لاتقولو اي شي انا حقفل سنتين مخطوبه وقلبي خلاص اتعلق بيه وهو كمان ونبا بعض لدرجة انو يفكر نتجوز بعدين يسوي الاوراق بس اهلي ماحيرضو ويمكن تتعقد اكتر ؛ ياريت اللي يعرف حل او معقب او اي شي يقولي ؛ ربي يفرجها علينا جميعا ويبشرني باللي نتمناه

انا ما اعرف ازا مكتوبه من ضمن التحاليل الي يبغوها
بس لمن اخد زوجي التحاليل واستلمها كان مكتوب لي سليم
وهوا مكتوب له سليم وحاطين بالملاحظه انو حامل ل انيميا الفول بس ومشيت معاملتنا عادي

صباح النور حبيبتي..

كلنا التحاليل واقفتلنا زي القضى المستعجل..

انا خطيبي حلل برى جده عنده انيميا منجليه بس حامل .. وكتبووو سليم ولامانع من اتمام الزواج اذا كان الطرف الاخر سليم .. وانا سليمه

بس المعامله هذي طولت واتارشفت .. ولظروف قدمنا ثاني وصار تحليلنا بجده .. وبجده الحامل كنه مصاب يقولووو تترفض... ف لسى حشوف يامعقب ياحقدم من منطقه ثانيه افضل..

ف شوفي انتي يايقدم خطيبك من منطقه ثانيه.. او شوفي الاخ الحالم بياخذ كورس علاج يتعالج وحيحلل ثاني..


معليش اخوي الحالم الله يوووفقك ويسهلك امرررررررك تقلنا ايش عملت ومين المستشفى الي بتتعالج منه عشان نستفيد لان ممكن تفرج على كثيرررررر الله يفرج عنك وعن كل مسلم..

واللي طلعت موافقاتهم الف مليووووون مبروك الله يووووفقكم ويسعدكم وعقبال البقيه..

في اي منطقه مشوها لك؟؟ اذا ماعليك امر:)

اخ يانوال اخ ماعرف ليه مايسهلوها علينا ، كانو قلوبنا لعبه ؛ حسبي الله ونعم الوكيل بس

ربي يفرجها عليا وعليكم في القريب العاجل ، والله احيانا خلاص تجيني حالة بكاء واقول بفسخ بس اتراجع لانو ممكن دا التاخير خيره وان شاء الله بعدو فرح ..

ياريت يفيدنا اخوي الحالم اش صار معاه وايش قلو الدكتور واش العلاج ؟

جزاكم الله خيرا جميعا .

السلام عليكم ..

للي بيسأل

يعملو نفسو التحاليل للطرفين السعودي والغير سعودي وهيا

امراض وراثية (أنيميا منجلية-الثلاسيميا-الاعتلال الهيموجلوبيني-الاعتلال الانزيمي الفولي-الهيموفيليا)
و
الامراض المعدية (الزهري-نقص المناعة المكتسبة-الالتهاب الكبدي الفيروسي ب-الالتهاب الكبدي الفيروسي ج)

انا حللت قريب وحبيت افيدكم

ربنا يسهل اموركم ويفرج همكم

السلام عليكم
معاملتي يوم 12/6 حولت للداخليه اليوم خطيبي اتصل ع الامارا قالولو
اتحولت {للشؤون الامنيه}
اش دي الشؤون الامنيه!!! وحتطول المعامله فيها ولا كيف !؟! عادتنا يعني !
ياربت ادا احد عندو اي معلومه ولا اي شي يديني خبر
والله الانتظار متعب جدا
صبراً جميل والله المستعان💔

خلي زوجك يشيك مع الداخلية لانه الامارة مالها دخل ان اتحولت للداخلية
برقم القيد شيكى اولاين

مرحبا. . الاخت ولوة ايش هي الإدارات الي مرت فيها معاملتك بالإمارة حتى راحت للداخلية

السلام عليكم
كيف الحال انشالله جميعكم بخير ..انا لي فترة طويله ماشاركت تقريبا من شوال الوالد الله يهديك رفض يوقع اوراق معاملة الزواج وطبعا وقف الحال ومن هنا وهناك الين اقتنع يقابل العريس والله يسهل الامور .
سوالي العريس امريكي لكن مايحمل اقامة معاة تأشيرة عمل تجدد كل 6 شهور هل اذا رفعنا المعاملة تقبل لانه يحمل تأشيره عمل ومااستخرج اقامه

هوا كان يتابع مع الموقع وجا اليوم انو مغلق واتصل ع الداخليه او الامارا عذرا مادققت في المسميات
وقالو انها تحولت للشؤون الامنيه ! ابا اسال اش في بعد الشؤون وتطول في الشؤون !
كم ممكن تجلس اسبوع شهر ولا مالها وقت محدد !!

المشكله والله انه نصيبنا يجي وينقطع بسبببببببهم الله يسامحهم..

المشكله اسباب واضحه مقصوده يعني لمن يجيك شخص حامل للمرض ينفع ياخذ سليمه ليش مايسهلوها بس لوسعوديين يمشووو لهم واضحه والله ترى بالحلال يابشررررر... يبغالنا نسوي هشتاق بخصوص رفض معاملات الزواج لااسباب تافهه


الله يسهلنا ياقلبي ويسهل لكل مسلم ...

ويشرح لنا الاخ الحالم وش سوى؟؟!.

انا اتذكر يوم خطيبي الاول راحت للشؤون الامنية واتصلو على من المباحث 3 مرات استفسار واسألة معلومات عني وعن خطيبي
بس انا بعد كذا ماتبعت المعاملة ﻷن ماكان بيننا نصيب

اللي معاملته بالشؤون وحاب يعرف ايش صار عليها

يرسل لي معلوماته واسمه ورقم المعامله
وانا بحاول اسال لكم وربي ييسرها من عنده

حكايه من مكه وهي الطرف الاجنبي وخطيبها السعودي
والسعودي مايدققو بتحاليله

لاحبيبتي ماينقطع بامر الله مهما صار وربي كاتب ذا الشخص لك ماراح ينقطع
وانا متفائله لك ان شاء الله انك تعدي منها وتتسهل لك يارب

وعليكم السلام ورحمة الله


اشكرك اختي علي الاجابه يعطيكي العافيه

بس بسالك انتي الطرف السعودي طبعا .....عملتي فحص الاعتلال الانزيمي الفولي ؟؟؟؟؟؟؟