في واحد نصحنا قال قدمو من الداخليه ..وقدمنا قبل من الاماره وحفظت
لا ماهو مغلق مكتوب تحت الاجراء.....مادري وش نسوي يارب افرجها عليه وع الجميع...وحسبي الله ونعم الوكيل ع من يعقد الحلال..

السلام عليكم والرحمه

اختي بسالك انتو حللتو في مستشفي الولاده ؟؟؟؟

لاني صراحه متخوفه من الاقليمي

لو سمحتو ابي استفسر بخصوص التحاليل خطيبي راح للمختبر عشان يعرف نتائج التحاليل وقالو انهم رسلوها لشرطة جدة وانهم حيعطوه رقم وانا اروح هناك واعرف النتيجه مع العلم اني انا الطرف السعودي هل في احد صارله كذا وللاسف هذي ثالث مره اقدم فيها المعامله ومتخوفه بخصوص التحاليل لانه اول مره حفظت قبل سنتين بسبب انيميا الفول حامل للصفه ووقت ما كنا نراجع ضيعو المعامله بليز اللي عنده معلومه تفيدني لا يبخل علي بيها ...

"



لَوْ أَحْسَسْتَ أنّ الأرض بِكَوْنِها ضاقت ، والقُلوب عليك قَستْ ، ولا تَرى ولَو بَصيص ضوءٍ في أيّ شيءٍ حَولَك ، وتَغْشاك الهموم من كل مكان ..فَاهتُف و بكلّ " ثــقــة .. وقل بعزيمة ومن قلب صادق...
(يا حيّ يا قيوم برحمتك أستغيث أصلح لي شأني كله ولا تكلني إلى نفسي طرفة عين )
والله .. لن يخزيك الله أبدآ..

لا اله الا انت سبحانك اني كنت من الظالمين....♡
اللهم صل وسلم ع نبينا محمد....♡

السلام عليكم
لو سمحتوا بخصوص خطاب تعريف العمل مين الجهة التي اوجه لها الخطاب انا قدمت من الداخلية وبعدها راحت الامارة والان في الشرطة واحترت وش الجهة اللي لازم اوجه لها الخطاب
ولا اكتب في الخطاب بس لمن يهمه الامر

وهذا سؤال ثاني انا عندي سجل تجاري يعني مافي راتب محدد يمشي من غير ما احدد الراتب او احدد متوسط الدخل الشهري اواكتب بس اني صاحبة مؤسسة كذا .....

بس في كثير سعوديين يدخنوا ومعاملتهم مشت عادي ووافقوا عليها
وذلك انا اشجعك على ترك التدخين وربي ييسر امرك يارب

تحليلك على حسب ماتوجهك شرطة المنطقه تبعك لااي مستشفى.. بالتسبه لحده كله صار في الاقليمي..

الله يسهلك امرك ويوفقك❤

ياجماعه لاتخلطووو الحابل بالنابل مافي تحليل للتدخين بس اللي يدخن وخايف من نتايج التحاليل يوقف تدخين عشان اذا كان عنده انيميا فول اومنجليه ماتزيد عنده ..

وبالنسبه للاخوه اللي اخذو كورس للعلاج من الانيميا ياليت يفيدونا ويفيدو الاخوه حياخذو اجر تفريج كربه..

اواللي انخفظت معاملته بسبب حامل لااحد الصفات يترك جده ومكه ويروح يقدم من الرياض اوالدمام اواي مكان اخر اوشوفووو واسطات اومعقب ابن حلال وياخذ مبلغ حلووو وخفيف واللي يعرف يبلغنا..

اسال الله لي ولكم التوفيق والتيسير لاامورنا.. وان يفرج كربنا ويرزقنا من حيث لانحتسب ويسخرلنا عبادك الصالحين🌹

نحن نتكلم عن نسبة الهمكلوبين في الدم والتدخين احد اسباب زيادتها مو عن التدخين نفسه

اهااا اعتذر منك حبيبتي..

الله ييسرللجميع يارب🌹

الله يسهل أمورنا كلنا ان شاء الله

شكرا اختي

اعتقد اللي تزوج سعوديه قبل كذا ممنوع بالنسبه للاجنبي

انتظري لما ينكتب مغلق طيب ليش حفظت بالاماره ؟
دحين مايحولوا الا للاقليمي مافيه مستشفى ولاده للاسف
دام ارسلوها للشرطه وخطيبك معاه فول معناه بتحفظ
اعتقد تكتبي لمن يهمه الامر
اسالي موظفات الشرطه احسن لان هم اللي يستلمو الورق

وعليكم السلام ورحمة الله وبركاته
الاجراءات من الخارج ما تختلف كثير عن الزواج من مقيمة بس تختلف من منطقة لمنطقة في الرياض مثلا التقديم من الداخلية وبعدين تتحول للشرطة لاستكمال الاجراءات
وانت توكل على الله وقدم وبما ان مهنتك متسبب اتوقع يوافقوا عليها اكثر من اللي عنده وظيفة زينة وراتب زين وهذا يكون لك عذر في الزواج من الخارج وربي يكتب لك الخير

مشكورة لحظة تفاؤل ربي يجزاك الخير

وعليكم السلام ورحمه الله وبركاته

الزواج من الخارج مشكلته انك لازم تسافر لبلد المخطوبه وعقد قرانك هناك بالسفاره
طبعا قدم من الداخليه اختصارا للوقت
اذا انطبقت الشروط عليكم مافيه اي مانع من زواجكم باذن الله

يا اختي ما عنده انيميا الفول لما حللنا بالاقليمي هما اللي طلعو هالانيميا ومو عنده هوا فقط طلع حامل للصفه وقبل سنتين مو الحين الحين ما عرفنا النتيجه بس مرسلوها لشرطة جده وبرقم اروح اعرف وش النتيجه من عندهم ف مستغربه وحابه احد يفيدني اذا صارله نفس الشي ....والله كريم عسى نهاية صبرنا خير والحمدلله على كل حال

حبيتي هم يكتبو كذا حامل للصفه الوراثيه ويكتبو رمزها وسواء كان مصاب او حامل مايمشوها لكم يرسلوها للشرطه بس غريب انهم ماادوكم النتيجه

خلاص روحو الشرطه وهناك بتعرفو كل شي

وربي يعينك

السلام عليكم
لحظة حبيبتي اراسلك خاص مدري يوصلك او لا
كيفك ياعسل
بعد التحليل الحين تروح ب الشرطه
وش بعد كذا؟وكم وقتها ••
وقد ايش يبيلها عشان تصدر الموافقه

وادعولي ربي يسعدكم

مشكورة لحظة تفاؤل ربي يجزاك الخير

هالحين مايوضحون بنتيجه انه حامل اومصاب؟؟

وايش الفرق بين اني استلمها اويرسلوها هما؟؟

هلا وغلا ثقتي بربي
وين الناس
ربي ييسر امرك يارب ويبشرك الموافقة

اذا سليم يسلمونكم المستشفى التحاليل وينكتب فيها سليم انتي تحاليلك لحال وهو لحال

اما اذا فيه مشكله يعطوكي النتيجه فقط ويحولوها للشرطه وتنحفظ هناك




ثقتي ايوه وصلت الرساله

حقق مُنآنا يآرب الامآني ؛ الله يفرجها عليا وعليكم عاجل غير اجل

السلام عليكم
كيفكم
حابه اعرف فحص الزواج في مكه للطرف الاجنبي بكم؟

السلام عليكم
لي فترة عن المنتدى
معاملتى وصلت ماشاء الله الامارة بس المشكلة انا باستفسر عن المعاملة برقم القيد الا وصل به الامارة وبعد كدة من قسم الرجال حصلنا على رقم قيد ثاني فالاثنين باسمي مااعرف كيف اتصرف وكل رقم قيد بادارة

وعليكم السلام

لازم يكون عندك رقم صادر طويل عشان تشيكي علي المعامله في الموقع

للاسف المدينة عندنا غير حتى مااقدر اعرف كيف استفسر عن المعاملة الا بطريق التلفون

اهاااا ربي يعينك يارب علي بالي من اماره مكه ):

بس اسمعي لاتخافي المدينه مررره المعاملات سهله عندكم يعني بنسبه 90% فيه موافقه بس اصبري عليها

الان فتحت موقع الامارة تصدرت المعاملة من ديوان اامارة إلى وزارة الداخلية.... طيب اذا المعاملة كانت بداخلية بسكرتارية ورجعت واخدو الورقة ناقصة وتاملنا تتحول ع المحكمة رجعوا ع داخلية.... حسبيا الله ونعم الوكيل... حدي عندو فكرة او صارت مع حدي هاد الشي... والله العظيم اعصابنا فرطة 4سنين الله يفرجا.... يلي صار معو هيك يطمني شو الوضع

السلام عليكم
ممكن احد يفيدنا
بتعديل المهنه المخطوبه موضفه قطاع خاص
وش اجراءات تعديل المهنه
طبتم

شرطة المنطقه تعطيك خطاب تعديل مهنه للاحوال .. اوتروح للاخوال تعدل المهنه وبس


بالتوفيق ياااارب

لاحول ولاقوة الا بالله الله يعينك مالك غير تصبر
تروح تاني وترجع للاماره مره ثانيه
وعليكم السلام اعتقد تروح للاحوال المدنيه وتطلب تغيير مهنتها اما الاجراءات ماعرف اسالهم انت لما تروح او خليها هي تروح فرع النساء بالاحوال

اختي معاااملتك جااااات من الداخليه؟؟؟؟؟؟؟

هلاااا. بك فرح
اللهم آمين ياربَ وياگي
مشكوووره لحظة

سؤااالي
كم تجلس المعامله بالبحث الجنائي
وايش هيا المرحله اللي بعد كذا …

تقريبا من شهر او اسبوعين

وعليكم السلام ورحمة الله وبركاته

انا عدلت مهنتي الاسبوع الي فات الى "موظفة اهلية" يمكن انت قصدك "موظفة اهليه" يعني مو حكومية

المهم

اخذت خطاب من جهة العمل ينص على " الى ادارة الاحوال بمنطقة ....
نفيدكم ان الموظفة المذكورة اعلاه تعمل لدينا كموظفة اهلية والرجاء تعديل مهنتها وطباعة برنت"

اخذت الخطاب للاحوال وعدلو لي المهنة وطبعو برنت جديد في نفس الوقت

طبعا يبغالك موعد للاحوال او واسطة

وبس الله يوفقك ويسهل لك