|
🕵بري حالي بري عود تميله الهبوب
وانكسر ثم احذفته الذواري واندفن🕵 |
هلا بك يا بسمه إرحبي ثم إرحبي يالله ان تحييها
بخير يا مال الخير هههه عدة أرملة الله يسعدك يسعدلي هالصورة المعبرة و الله ييسر أمرك و أمر أمك و أخوانك و يقويهم و يسعدكم جميع يا رب |
سلامتك ابو نجلا من الكسر ترى مقامك كبير في نفوسنا و دوم تطري على البال و ندعو لك في ظهر الغيب
واليوم اللي تضوي فيه علينا يشهد الله انه عيد ، و كل اللي نتمناه انك تكون بخير و تتحقق أمنياتك و بالنسبة للوالدة و الاخوان الحمدلله بخير يارب يسمعنا عنك وعن احبابك كل خير |
اما بالنسبة للتوقيع ابو نجلا كاسرة خاطري الأم احس ان احد مروعها و شاردة
بولدها تدور الأمن من عوينات ولدها تحس انها خمطته على غفلة وهو حاير ما يدري وش السالفة تصدق اجلس فوق العشرة دقايق متصلة اتأمل في الصورة و لا أشبع مليانة معاني سبحان الله تدري ان اكثر كائن عنده نسبة الامومة عالية هي القطط لدرجة الام من شدة خوفها على عيالها اذا تعرضت لخطر شديد تلتهم عيالها بزعمها تبي ترجعهم ببطنها لانهم يبون يكونون بأمان هناك وش اقول وش اخلي في جعبتي من المواقف اللي ما لها حصر اللي باشرتها بنفسي لو اكتب عنها للصبح تبي تنكسر يديني وانا ما استوفيتها الحمدلله يا اخوان اننا مقبلون على ساعات فضيلة فيها تتنزل الرحمات و تجاب الدعوات ليلة الجمعة ، و صلاة الجمعة و اخر ساعة من يوم الجمعة خلونا نكثف الدعوات لبعضنا ربما من بيننا مجاب الدعوة و لا ننسى من الدعاء الاخت صامدة رغم المحن و الاخ فضفضة نفساني يارب يتقبل من الجميع |
لا زلت عند رأيي فيك
أنتي تختزلين من مشاعر الأمومةالشي الكثير ما يؤهلك تسترعين أحفاد أمك ( الله يرزقك من واسع فضله ) كنت في عسفان قبل أسبوع و كان المكان مكتظ ببساس أليفه أوقات أسترعيها إهتمامي و أخليها تجيني أحتضنها و تلها معي و ألها معها و هذي في البداية أما بعدين زهقت منها و كثير أنهرها مالي خاطر فيها أبد لكن حقيقة و الله اللي يملك سعة خاطر معها راح يقضي معها حلاوة اللحظة أما أنا خلاص حتى روحي و جسمي باليالله أشيلهم ما صار شي يجذبه و العون بالمعين سبحانه على رأسي أنتي يا بسمه قدرررررك كبير و عالي |
ابليس حي وهقوتي مابعد مات
اشوف له صوله وجوله وله صيت روس الفتن بانت عليها علامااات ودنيا الشقا صارت على كف عفريت |
على طاري أحفاد أمي
تدري ابونجلا الوالدة ربي يحفظها بالها ايضا مو طويل عليهم مرات اقلها : يمة اعتبريهم أحفادك بزعمي ابي ألطف الجو حتى تحن عليهم و تشوف لهم خاطر من خاطري يقالك الحين اني ابفهمها انهم عيالي تدري وش ردها المحطم تقول : وع أنا أحفادي بسوس ؟ هذا اللي بقي : ) دورني تلقاني ألقط وجهي أما بالنسبة لي : لي الشرف انهم عيالي وانا امهم : ) ماني افضل من ابي هريرة رضي الله عنه و ارضاه |
لم أشتق إليكم بقدر ما آلمني البعاد عنكم - هو المرض لا يعرف شوقا و لا حنينا - لكني الآن فبرحمة سطعت..
مواقف تهز العقل مريت بموقف لكن ما فيني أذكره غير ما أقول الا يا عساها تزين |
:) يعينك ربي ما تدرين رحمتك بهالضعوف راح تلقين غبها و مردودها بنفسك و بمن حولك في الدنيا و الآخرة
أمك أشوى أما أبوي مرة زمان دخلت بسه في البيت و أول ما شافها شوت يا معلم و لا شوتة مرادونا |
سلامة روحك و نفسك و جسمك و عقلك
ان شاء الله تزين يا ابو نجلا تبي تزين بإذن الله و نذكرك يكفي ان لقاء الاخوان جلاء للأحزان ما يكفيك يا ابونجلا انت و البدراني و باقي الاخوان و الاخوات ان لكم مكانة في ضمائرنا وخواطرنا وندعو لكم ونتمنى لكم الخير و الفرج و تحقيق الامال ؟ انا لو ادري ان لي مكانة في ضمير احد لدرجة ما يتمنى لي الا كل خير ابكون مبسوطة على طاري عسفان عندنا حنا و اجدادي مزارع في هدى الشام ما تبعد عن عسفان و لكنها جفت الان ما هي زي زمان ايام الطفولة الرغيدة تحس انك في سيلان من كثر ما الزرع مغطيك و القطط هي اللي مصبرتني على شقاء الدنيا و محسستني ان الدنيا ما زالت بخير لاحظ القطط مو البشر لكن فراقها مؤلم يطعن طعن لدرجة اتمنى اني ما عرفتهم اخر مرة فقدت لي واحد صادمته سيارة قدام بيتنا فارقني بعد عشرة دامت فوق اربع سنين |
يا ربي ليش العنف
الله يسامح والدك تدري ان الشوت هذا ممكن يسبب لهم نزيف داخلي و يموتون ببطء سبحان الله الرفق ما كان في شي الا زانه و ما نزع من شي الا شانه صدقت يارسول الله عليك افضل الصلاة و اتم التسليم |
البدراني ما شافك للحين
اكيد لو شافك يبي ينبسط دايم يسأل عليك هو و خالد بدون خطة من جد مفاجأة جميلة الله يسعد قلبك مثل ما أسعدتنا و كررها يا ابو نجلا و طمنا عليك لا تصير قطوع |
الله يسلم روحك يالغاليه ثقي تمام الثقه ان لك منزل و مدهل في نفوسنا كبير يعلم الله
دام خاطرك في البسوس فأهم شي الخاطر وش وده يرضيه ترضينه و أنتي عندك مجال و لا هناك عايق فنمي هذا الشي دام فيه أجر و مثوبه و راح تلقين جزا الإحسان جزاء وفاقا و ما جزاء الإحسان إلا الإحسان ربك يعين و يزينها ما عندنا شك و لا ريب لكن لحظات تمر ع اللي مثلي يتمنى تنشق الأرض و تبلعه اي تالله و بالله مرات و أحيان مال الصبر حيلة |
http://www5.0zz0.com/2017/11/02/23/491481476.jpg
ابو نجلا شفت هذا فقدته من ثلاث سنين وقتها ما كمل سنة من عمره اخوانه الاثنين ما زالوا عندي انقذتهم رضع بدون ام كان وقتها عمرهم ايام ما بعد فتحوا عويناتهم أرضعتهم من الحليب المخصص للقطط لين كبروا الانثى اختهم مرضت و توفت و كان عمرها أشهر هذا بالذات له مكانة خاصة بقلبي ما كان يفارقني او يفارق غرفتي لدرجة كان يعضني للحين جمرة بقلبي ماني قادرة أنساه و لا أيأس من رجوعه بالرغم من مرور ثلاث سنين اوقات اقول ليته مات قدام عيني مثل اخته كان ارتحت |
أبد يا بسمه موجودين لكن المرض يقصينا عن بعض الا الخواطر و القلوب عند بعضها أكثر من أخوان لا عدمتك يالغاليه
|
احب النقا وأهل النقا لي مراد وشف
ورفيق المصالح حالف مايخاويني ' ليا لفت حبال الزمن في حياتي لف عرفت الرفيق اللي مع الوقت شاريني |
دارية و الله ان وضعك المعنوي وقتها ماهو حمل أحد
ربي يفرجها عليك من أوسع ابوابه و يعطيك لين يرضيك الحمدلله يشهد الله ان حبي لهم ماهو الا رحمة بهم و ابتغاء الاجر و المثوبة اخ يا القهر هذا بالذات مدري وش خلاني اصوره بالرغم مو من عادتي اصور احبابي لان التصوير عندي نذير فراق اعوذ بالله حتى ناسية الظرف اللي صورته فيه تدري انه غير اخوانه غير الشاعر يقول : لكل انسان ميزة تحليه و انا اقول لكل قط ميزة و شخصية سبحان الله الى الان عجزت القى قط بشخصيته و تصرفاته احاول ادور في اخوانه شي مشترك مافي يمكن الشبه في الشكل الخارجي فقط تدري الى الان ادوره في وجيه القطط كل ماخرجت انا دارية تراه ما يروح من كيفه اكيد لا قدر الله صار له شي |
مساء الخير
هلا ابو نجلا الحمد لله علي سلامتك نورت المنتدى برجوعك إليه |
|
سبحان الله اخته اللي توفت تشبه الام اللي في التوقيع ملونة كذا لون
هو و اخوانه الذكور يتشابهون لكن الدائرة اللي حول عيونه اكبر وكأنه لابس نظارة اذكر آخر مرة شفته كان واقف جنب باب بيتنا يناظرني من بعيد ما كنت ادري انه يودعني و ربي يعصرني الالم ما عندك مشكلة ابو نجلا عاذرينك تراك مسموح لكن مكانتك هي اللي تخلينا ودنا نطمئن عليك سامحنا |
تدري ابونجلا بالذات يوم تربي كائن حي توه مولود و تعاصر مراحل حياته لين يكبر قدامك
تحس انه قطعة منك ولدك اللي من صلبك الحين انا اللي انقذتهم رضع مكانتهم غير عن اللي انقذتهم كبار و عالجتهم سبحان الله |
هلا غيوم إرحبي يالله ان تحييها
النور نورك تسلمين يالغاليه ربي يحلي أيامك و عمرك كله |
غائب يعود
و غائب تموت ذكراه و غائب لن يعود لكن ذكراه في كل لحظه لا تغيب الله يجزاك خير ياسمين و الله الحاله لك عليها واجد و من مدة ما أبي أقابل خلقة أحد حتى عايف روحي اللي بين جنبي على الله يا دنيا بس ودي أشري الصبر وينك يا بياع الصبر !! يا رب الصبر من عندك و كفى |
ياكثر ماقلت أبسوي وأبسوي
ولافيه شيءٍ من اللي قلت سويته..!! |
|
========================
يا هلا وغلا يا مرحبا مليون ترحيبة بالغااالي ووووووووووووووووينك يا غااالي ليش يا عاالي تقطع هذي المدة كلها ما تعرف انك محبوب الجميع وشلونك الحين بشر عنك وعن الاهل والله لك وحشة كبيرة جدا المهم انك عدت وان شاء الله ما تغيب بعد اخبرك تجي ثم تغطس ما عااد نشوفك يسلم راسك يا غاااالي |
|
إررررحب ترليون الله يسلمك و ما يوحشك غالي يا بو حميد تسلم يا بعدي تاج راسي و روسنا جميع
الله يحفظك و يسلمك و لا يريك أي مكروه أشوف التوقيع سبحة ما أجملها و أغلاها يحفظكم الباري أحباب الله |
يا علي خل الرواخي يهرجني
لين أفرج يا علي ضيقة فيه |
هلا وغلا ابونجلاء
المهلي ما يولي كيفك وكيف اياااامك يا انا مشتاق لك السبحة فدااااااااااك بس والله بيعت عندي غيرها تامر عليهم كلهم يا بعد راسي هذه الابيااااات لك خلف السوار أقضي بقية حياتي ... في عزلتي شلال حزني يتدفـق على جدار الصمت شف ذكرياتي .... أواه من ينقـذ حياتـي ويرفـق =============================================== ياهل الاكتئاب ان مت هذي وصاتي ... مقسوم اعيش الحزن ولا اتوفـق |
اشتاقت لك العافيه يا بعد راسي تسلم يا بعدهم لا عدمناك
|
يــا عـــــلـــــي خــــــــــل الـــــرواخـــــي يــهــرجـــنـــي
لــــيــــن أفــــــــرج يـــــــــا عــــلـــــي ضــيــقــتـــن فــــيـــــه يــــــــــا عـــــلـــــي كــــــــــل الــمـــصـــايـــب يــهـــونـــنـــي عـــــنـــــد خـــــل(ن)يـــــا عـــــلـــــي غـــــيــــــر الـــنــــيــــه يــــــــــا عـــــلـــــي ســـــهـــــرن عـــيـــونــــي وهـــلـــنـــــي يـــزعـــجــــن الـــــدمــــــع مـــــمــــــا طـــــــــــرى لـــــيــــــه عـــقــــب مـــانــــي فـــــــي هـــــــوى الـــزيــــن مـتــهــنــي أخــــتــــلـــــف طــــبــــعـــــه والــــنــــفـــــس مـــبـــلــــيــــه يـــــــــا عــــلـــــي ســــــــــود الــمــظــالــيــل وصـــابـــنــــي فــــــــــــي هــــدبــــهــــن لــلــعــشــاشــيــق مــــــاريـــــــه مـــــــــــــا دريـــــــــــــت إن الـــلـــيــــالــــي يـــخـــونــــنــــي لين ذقت المر مما جرى ليه |
|
جالس اسمع اغنيه حزينه واضحك عشان اقهر الفنان.
مع تحياتي من عند ذا و سلامتكم :) https://pbs.twimg.com/profile_images...NA_400x400.jpg |
اقتباس:
https://pbs.twimg.com/profile_images...NA_400x400.jpg |
طالما ما زلت عايش أقرا و لا زال طرفي يلمح مقولة فلان سلبي فلان فيه طاقة سلبيه ، أو أستشعر هذا فيمن حولي في الواقع ناهيكم عن ما كنت أتحدث عنه في أول سطري هذا من العالم الإفتراضي
هذا طبيعي لكن الليس طبيعي هو عدم تقديرك لمن تعنيه بهذه الحالة ( السلبيه ) إذا لم يكن لديك تقدير لحال هذا المقصود الذي تعنيه فلا تزيد وباله و بال فهو في عذاب و شقة لا يعلم بها أحد ، فقط من خلقه يعلم حاله .. يئن أشد ما يكون من الوجع و الألم في كل حالاته و أنت لا تعلم عنه شيئا سوى أنه شخص في منظورك ما تراه و ستجتمع أنت مع نفسك بطرح الأسئلة عندها يقول المعني بذلك اللهم إكفناهم بما شئت و جعلنا من بين أيديهم سدا و من خلفهم سدا فأغشينهم فهم لا يبصرون جاثم كهيئة المحتبك ليلا نهارا أو طريحا لأرض لا تبالي من يتوسدها لا أنيس من الإنس و لا الوحش يسليه دعوه لا طاقة له بالعيش إلا ما يشتمه من لفظات الهواء العديم الذوق و اللون و الرائحة |
أو أستشعر هذا فيمن حولي في أرض الواقع ناهيكم عن ما كنت أتحدث عنه في أول سطري هذا من العالم الإفتراضي
|
هذي البارحة الساعة حول وحدة 1
ديو مع تتونه http://gulfup.co/i/00668/g9ypcbqtgk2r_t.jpg http://gulfup.co/i/00668/ffl4c4x7nb7x_t.jpg |
|
http://gulfup.co/i/00668/sxnjvphektwf_t.jpg
عاد الصور هذي و أنا جالس بهالمكان الزوليه اللي كأنها عشب ثيّل مفترش الثيّل و معنز ظهري على عمود و على الجوال و قلت أصور الديو و التتونه و أصور لكم وادي القهوة ( قهوة الطريق ) جلست ما كتب الله لي عاد مآخذلي علبة فاضيه أقطف فيها عشان ما يزعلون علي موظفين قهوة الطريق كل ما حرقت أقطها بالعلبه ما ودي أشوّه منظر المكان بقطف الزقاير << شفتوا اشقد آني مهتم و أراعي شعور الآخرين :) أقطف : القطفه + القطنه = الزقارة آخرتها عروسه قصدي قطنه مقطوفه ما فيها تبغ اممم أظني جبت التفسير من كتاب جمهرة العروس يعني من أخلص من الزقارة أقطها في العلبه :) لو يدرون فيني ( نزاهة ) خلوني رئيس بلدية المنطقة الشرقية |
| الساعة الآن 06:04 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا