|
اقتباس:
خايف من ردة فعل الاهل و الناس اللي حولي وافقد مكانتي عندهم .. |
اخوي سريع انت وش عليك من الناس
طيب رح للدكتور بدون ما تعلم احد وفيه موقع اسلام ويب استشارات نفسية باشراف الدكتور محمد عبدالعليم ممتاز جدا اشرح حالتك وراح يوصفلك علاج |
مرحبا محمد ، تفضل عندنا في دبي قبل رمضان، ريّح من الدوام، بس لاتترك عملك
غيّر جو، عسى ربي يريح بالك |
اقتباس:
بس تستاهل انا ودي اروح لشرق اسيا اندونيسيا او ماليزيا او تايلاند عسى ربي يحفظك |
ايوه محمد زحمه الصراحه وفيها كثير سعوديين والزحمه مش منهم ولكن بشكل عام
واذا على الغلا ترى ماليزيا نفس الشي ورطبه اذا بتروح تايلند لازم تسير جزيره منها تسترخي ومنها تتسبح عشان تتطفي الحر وتسوي مسجات ... تذكرت كنت بقولك لاتنسى الصدقه ولو انك تعرف فضلها لو بريال لو حتى تشتري لبن وتوزعه على العمال ، يعطيك العافيه |
اقتباس:
والله يا محمد انتا تعرف الناس ما ترحم خصوصاً المجتمعات العربية تمسك عليك اي عيب و كذا انا بتضرر و بتنتكس حالتي اكثر .. يعني حتى الوالدين واخواني اللي هم مني وفيني اذا عرفوا بتتغير نظرتهم لي فما بالك بالغريب راح ينهشوا فيني نهش .. حالتي الحين كل مالها تسوء احس اني بحترق داخليا اااااه يا ربي .. |
تحية طيبة لاخي محمد البدراني و لكل رواد صفحته المميزة ،،
افتقد سهيلة و الغالية العزيزة مستكفة ،، اسال الله ان يطمن قلوبنا على الغايبين ،، و ان يعافي الجميع و يبلغنا الشهر الكريم و احنا بخير غير فاقدين و لا مفقودين ،، |
اكتشفت شي غريب اليوم ..
اليوم شغلت رقية المس في اليوتيوب وقلت خليني اسمع وممكن ارتاح شوي.. في البداية قرأالشيخ وما تأثرت و انتظرت و قلت اكيد الرقية بتحتاج وقت ..عدت ممكن دقيقتين وانا ثابت و بعدها بديت اتنفس بسرعة فقلت في نفسي ممكن انا يتهيئلي وعدت 4 الى خمس دقايق وانا حاسس بشي يدغدغ في ظهري بعد كذا التنفس بدا يصير ثقيل و استمر معي وحسيت نفسي مخنوق و المفاجأة ما كانت هنا ..المفاجأة لما وصل الشيخ لأيات اخراج الجان والله ومن غير اكذب عليكم بأي كلمة بدت يدي اليمين ترتجف بشكل سريع وبدت الدموع تنزل من عيني و انا قاعد انظر الى يدي واحاول اوقفها بس مو قادر اصباعي السبابة ارتفع وكاني قاعد اتشهد واطالع فيها بس مافي امل اوقفها ..لين لما خلص الشيخ الايات بديت اهدأ حتى نمت دقايق وصحيت ..هذا اللي صارلي اليوم .. |
اقتباس:
اما الصدقة لا توصين حريص والحمدالله الوالدة دائم تذكرني |
اقتباس:
واكتب في قسم الرقية الشرعية وفيه بعض المنتديات المتخصصة بالرقية لا باس عليك اخوي سريع |
اقتباس:
نور المتصفح بوجودك فعلا نفقد سهيلة ومستكفة الله يردهم بالسلامة ومبارك عليك الشهر |
مساء الخير جميعاٌ
هاللحظه انتهى المؤذن من اذان المغرب أسأل الله ان يصلي على سيدنا محمد عليه السلام وان يشفيكم جميعاً يارب ويرزقني الصحه والعافيه |
مساء الخير معافى أخي سريع ان شاءالله ترتاح مع السماع الدائم للرقية الشرعية اهلا بدراني منور المساء يا طيب كيف الحال.. بنت الظبي كيفك يا غالية هالأيام.. مساء الفل للكل وان شاءالله الجميع بخير |
مرحبا ظل
انا من يومين بكاء مستمر وحرقه في القلب اللهم له الحمد، تذكرت الاستغفار بديت استغفر والتثاؤب بدا |
مساءك ورد يا ظل
لا باس عليك يا بنت الظبي فترة وتعدي وانتي ما شاء الله قوية ودائم تشجعين الكل على الصبر ما شاء الله عليك اخوي سريع وينك وش الاخبار وش صار معك |
اخواني محمد و سريع كيفكم طمنونا عن احوالكم يا رب تكونون بخير وسلام
كيف الايفكسور معك استاذ محمد , وكم جرعه الابليفاي اللي تاخذها و كم جرعه الكمدرين وهل فيه ادويه اخرى تاخذها ؟ بنت الظبي ما شاء الله عليك اعرفك قويه وكلي الله فهو حسبنا و هو الوكيل و هو ارحم الراحمين صبر جميل والله المستعان وصباحكم طيب يا رب وكل خير , يوما سعيدا للجميع |
اقتباس:
بالله لا تكتب استاذ ما بينا كلافه الى بينا اخوه ومعزة وصداقة والله يالوردي حالى ما يسر الخاطر لكن احس بالراحة معكم واحس انه في ناس لازالت تسئل عني احساسس الوحدة والتهميش صعب مع الانفصام والاكتئاب اصعب مليون مرة ادويتي ا فكيسور 300 ولامكتال 300 وابلفياي 30 وكمادرين 5ملم |
بنت الظبي كيف اخبارك ان شاء الله الضيقة خافه عليك
سريع غائب اسئل الله ان يكون بخير الحكيم الفاضل اخبارك يا ولد الجنوب كل الغائبين صباحكم خير |
مرحبا بالجميع
اهلا محمد ، نبضات في الساقين ماعرف ليش وخوف، احس انه الدنيا مش حلوه، بس اقول لنفسي اصبري ، الصبر مفتاح الفرج الحمدلله على كل حال الوردي ، الله يقوينا جميعاً يارب ويجعل لنا من كل ضيق مخرج |
اقتباس:
والله ياخوي انا وصف لي الدكتور دوجماتيل مع ابليفاي , الابليفاي بغيت اموت منه حسيته قروش مشاعري وحسيت بنحاش من البيت من قوه الهم والضيق اللي جاني وسحبت عليه , شكله ما يناسبني بنوب واستمريت ع الدوجماتيل لا تخاف يا محمد نحن باذن الله معك ولن ننساك لذا اشعر بالامان وتذكر نحن معك والله معنا دايما الكمادرين ما يسبب لك اكتئاب, انا اعطوني ابره حسيت ان مخي غييم ههههههه وجاني اكتئاب عميييق ؟ اذا ما تحسنت على الابليفاي ليه ما تاخذ مع الابليفاي سيروكويل يمكن يضبط وضعك لو بجرعه صغيره بنت الظبي الله يسعدك راح يجي الفرج باذن الله قريبا باذن الله ستشرق الشمس وترين ضياء الفرج والفرح |
اقتباس:
بالنسبة للابليفاي مدري لان مكتئب اكتئاب شديد اصلا والدكتور لما صرفه صرف مع مهدئ فاليوم حبة الصبح وحبة الليل شهر كامل الكمدرين كيف اعطوك حقنة اهو حبوب بيضاء اما الدوجماتيل دواء رهيب ماله اعراض جانبية ابدا وهو بعد الله وقف عندي الاستفراغ اكرمك الله واستمريت عليه عشر سنوات وحاليا لي اسبوعين تاركه |
بنت الظبي نفس الحكاية معي نبض قوي بعض الاحيان في الرجلين وبعض الاحيان في الراس والله المستعان
|
اقتباس:
رحت للامل وانا متشنج وصكوني بابره حقت تشنجات من مجموعه الكمدرين والارتان او ارتين ايه انا ما صرفوا لي مهدء مثل الفاليوم عشان كذا وقفته ورجعت لهم وصكوني بابره هههههههه باذن الله راح استمر على الدوجماتيل مثلك وفعلا علاج ماله اعراض جانبيه تذكر طيب ما قلت لي لو جمعت بين السيروكويل و الابليفاي ما تتوقع تتحسن حالتك يعني لو بجرعه بسيطه من السيروكويل مثلا 25 والابليفاي 30 ملج لان السيروكويل يمكن يحسن المزاج ويثبته |
الوردي اذا الادويه تزيد الاكتئاب تركها اريح !
لاتنسى الاستغفار انت والبدراني احيانا الاستغفار ممكن يبعث لك شخص من الله يمدح لك دوا معين او حتى طبيب تراجع عنده لكن انا اتمنى ان الله يشفيكم وماتحتاجون للادويه ملاحظه : ماعليكم من اللي يقول هذا المرض ماله علاج، فالله قادر على كل شي |
اقتباس:
والله يا اختنا بنت الظبي تمنيت اني من البدايه ما اخذت ادويه لكن خلاص تورطت ومعد اقدر اتركها لان لو تركتها راح اتدمر اكثر مجبر اني استمر عليها طول العمر الله يرحم احوالنا , يا زين مشاعري القديمه قبل الادويه كنت في افضل حال لكن كما يقولون وقع الفاس ع الراس |
لا إله إلا الله محمدا رسول الله
ياللي تقولين شكله منقرض إلا والله شكل وظيفتي إللي بتنقرض لي فيها شهر و نص و طلبت إجازة أسبوعين و حالتي مزريه الله يلعنها من حاله كنت متفائل بالوظيفه و متأمل خير من وراها و قلت نفسيتي بتتحسن كثير لكن طلع العكس تماما للأسف دمعاتي تطيح ولا أدري مالمشكلة إلا أنها غائرة في العقل الباطني و لا أعلم ماهي هذا غير قمة التعب الذي يملأ مفاصلي عندما أزاول أي حركة كانت و الحيل و النشاط المتولدان من الحافز و الدافعيه قد انقرضوا انقراضا مؤسفا فظليت كالذي لا يرى حتى يده من قوة الظلام الحالك و الهالك معا و فجأة إذ بذاك الوميض من النور و الأمل يخرج فاستبشر من ورائه لكن المؤسف صار هو الآخر يتلاعب به في جميع الجهات حتى استنفذه من جميع طاقاته و خارت أعصابه فظل في ظلامه و ذاك الوميض يقهره أشد القهر... |
الله يفرج همك ويكشف كربك اخ مراقب
الله يصبرك ويعينك , صبر جميل والله المستعان , باذن الله بينفرج همك وما ضاقت الا لتتسع وان مع العسر يسرا ولن يغلب عسر يسرين اصبر وادع الله وانتظر الفرج ف الله معنا ولا تياس |
اقتباس:
الصراحة اني شايل هم رمضان والصيام .. والمشكلة اني لازم اصوم من فوق خشمي والا بانطرد من البيت وانا صراحة ما اقدر اصوم من الاكتئاب والتهابات المعدة والامعاء لاني احس الاكتئاب والتهاب المعدة يزيد مع الصوم ويروح مع الشبع ورمضان اللي فات كله ماصمته للاسف والوالد بعد ما يتفاهم ولا عنده تفاهم لو افطر بانطرد بس سلملي على امي انا بحايتي ماعمري شفت احن من قلب الام عمري 29 واذا جلست جمبها احس اني طفل رضيع من شدة خوفها علي .. بس شكلي ماعندي الا حل واحد اخذ الاكل وادخل تحت البطانية واكل عشان مايشوفني ابوي مالها حل الا زي كذا والله المستعان |
اقتباس:
بس الظاهر اني بارجع استخدم الادوية وش اسوي (مردك لي ) مع اني حاس انها ماعاد لها تأثير علي الادوية النفسية .. فيا انها تعالجني واعيش مثل باقي البشر والا بابلع فيها الين ما تفقع قلبي وارتاح من هذي الدنيا راحة ابدية (عش عزيزا أو مت وأنت كريم) |
صباح الخير اخواني الطيبين مراقب بالرادار اشرقت الأنوار والله وألف سلامة عليك أخي.. وما تجبر حالك على شي طالما رب الكون أعلم بحالك والله يفرجها عليك يارب وعلى الجميع منور حكيمنا الفاضل وكل رواد هذه الصفحة بدراني..الوردي..بنت الظبي..سريع..وكل الطيبين ان شاءالله فرج الرحمن قريب دمتم بخير وعافية اخواني :) |
توني رجعت من عند الدكتور النفسي وكتبلي علاجين اخذهم قبل النوم هم زيبريكسا 10 مج + ريميرون 30 مج وش رايكم في هذي العلاجات؟؟؟
|
هلا بنت الظبي والله صادقة الصلاة والاستغفار والصدقة اهم شي الله يرحم حالنا
هلا اخوي الوردي بالنسبة لسيروكويل استخدمته خمس سنين دمرني اخر تدمري كنت انام 20 ساعة او 17 على الاقل حتى بالجرعات الصغيرة بس كان شايل عني فكرة الانتحار والحين لي اربعة اشهر قاطعة ومستبدله بالابليفاي صباحك ورد يا ظل هلا مراقب الحمدالله على كل حاول تسترخي في الاسبوعين وتستعين بالله والله يعينك جاهد كثير انك ما تترك العمل هلا اخوي حكيم والله حالتي ما تسر الخاطر لازال الانفصام والاكتئاب في اشد لكن الحمدالله كل حال بالنسبة للنوم والاكل ما عندي مشكلة اكل زين ونومي معدل طبيعي 8 ساعات وبالنسبة لعلاجاتك الزيبركسا كويس مرة بس يسبب السمنة والنوم الكثير بس انت ما عندك مشكلة لانه ما عندك دوام اما رمضان صدقني عذاب نفسي وجسدي انا عندي قرحة اقسم بالله اذا جعت يزود الانفصام بشكل كبير والله حالتنا حاله |
اهدااااااااااااااااااااااااااااااااااااااااااااااا اااااااااااااااااااااااااء للجميع
http://www.youtube.com/watch?v=FyH0Yxr4JLY |
الحكيم الفاضل ضحكتني من جد هههههههههه لا ان شاء الله ما يجيك شي وتكون بافضل حال ومثل ما قلت مالنا الا انبلع ف هالحبوب ونصبر
وبالنسبه لادويتك انا استعمل ريميرون ودوجماتيل وسيمبالتا واندرال , انصحك تزيد على الريميرون سيبمالتا او افكسر وتصبر عليه شهرين وبتشوف نتائج طيبه ان شاء الله , حتى لو حسيت انه فقد مفعوله فتره لا تياس وتقول ما فاد لان ان شاء الله بيرجع مفعوله مره ثانيه , بس احتمال يسبب لك ارق الايفكسر او السمبالتا ف الافضل تاخذه صباحا دكتور محمد اجل استخدم زيبركسا يمكن ما يكون مفعوله منوم مثل السيروكويل ويجيب معك نتيجه لان السيروكويل والزيبركسا يثبتون المزاج , بس ان شاء الله اللامكتال يغنيك عنهم وفيه بعد علاج اسمه ليريكا اتوقع بيكون جيد في حالتك استازه زل منورتنا الله يسعد حياتك وجهزي لنا بعضا من الشاي هههههه |
اقتباس:
|
جواب فتوى :من كان مرضه مزمناً فعليه إطعام مسكين عن كل يوم من رمضان، ولها أن تطعم عن كل يوم في يومه، ولها أن تجمع إطعام جميع أيام الشهر فتعطيها لمن يستحقها بعد تمام الشهر.
الدين يسر الحمدلله |
مرحبا ظل كيف الحال عزيزتي ؟
البدراني ماعليك شر يارب ، حط ايدك على صدرك واقرأ الفاتحه كذا مره الحكيم عليك بالحجامه |
الله يمسيك بالنور يا ظل و يسلمك من كل شر
أنا الآن في حالة يرثى لها حقيقة باسير عليكم في وقت لاحق بإذن الله ريثما تتحسن نفسي و الوظيفة الله يعين عليها باشب نار حرب بيني و بينها و الله العالم أصيب و الا أخيب الله يستجيب دعواتك ياوردي مشكور الله يعين على ذي الدنيا و ياهلا بابو حميد و الله ماكانت إسترخاء بقدر ماكانت معاناة اقتباس:
|
اقتباس:
وانا اعتقد انه اضاف لي الريميرون عشان ينومني ويزيد وزني لانه وزني رايح فيها 51 كيلو وفوق كذا يبغاه ينومني لان جسمي عنده مناعة عجيبة ضد النوم وقالي استمر على هذي العلاجين 3 شهور ولكن الريميرون ماعمري جربته رغم اني حاس انه مابيكون له اي اثر منوم علي مثله مثل الزيبريكسا لان كثير من الاعضاء يستخدمون الزيبريكسا ويتركونه بسبب النوم والاكل وانا يوم استخدمته ما كان له اي اثر منوم علي ولكن فتح شهيتي للاكل بشكل بسيط .. وحاليا جالس استخدم علاج طارد للديدان لاني حللت وطلع عندي ديدان ولي يومين استخدم علاج الديدان وصراحة احس النفسية اختلفت 180 درجة بعد ما اخذت العلاج الطارد للديدان احس ضيقة الصدر خفت بشكل كبير والاكتئاب راح بشكل كبير والخوف من الليل اختفى تقريبا وشهيتي للاكل انفتحت والنوم عندي صار نوم طبيعي ماعاد فيه احلام مزعجة ولا كوابيس ولا فزع ليلي واحس التعب والارهاق خف مني بشكل كبير ورعشة اليدين وبرودة الاطراف اختفت يعني احس ان 90% من اعراض الاكتئاب اختفت عندي ولله الحمد مع اني قبل يومين كنت في وضع نفسي سيء جدا آثر الدود لعب في حسبتي وسببلي نفسية وانا ما كنت ادري وش العلة |
حلو اخوي الحكيم واصل على علاج الديدان عسى الله يتمم عليك الشفا والصحة والعافية
صباح الخير للكل صباح منور بعطر الامل والصبر والفرج القريب باذن الله |
| الساعة الآن 02:16 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا