|
هلا مزون
هلا فيك الصورة تمثلني و لأي شخص يتبنى ما يمثله دام في حدود القانون .. صورة صماء ما فيها ما يثير فزع حتى فراشه أحلاما سعيدة :) |
شبعت من الهم وشبعت من النكد
وش الفايده من الادويه والجرعات دام فيتامين ب 12 اللي يتحكم بجميع الاعصاب ناااااااااااقص ومن ضمنها اعصاب المخ والمشكله أخذ الدواء ويزيد الطين بله الاعصاب شبه ميته والدواء يموتها اكثر واقووووول ليش انا صار لي كذا !!! بحول الله برفع ب 12 لين يوصل 2000 مو 600 بس اذا تحسنت برجع للدكتور اللي عطاني سيروكسات وبلعن أم من جابته ويصير اللي يصير الا المخ لا يضييييييييييع !!!!! |
مسااااااااااااااء الخيرات
كيفكم جميعا هلااا بدر الله يكون بالعون كل ما تعاااني منه اتوقع بسبب نقص الجرعة ارفع الجرعة الى 25 ملغ واستمر عليها شهر واذا لم تتحسن في ارفع الجرعة الى الجرعة العلاجية وهي 37.5 ملغ وفااااااااااااااالك العاااااااااااااااااااافية والله يا بدر ما يرضيني اشووووووووووووف تتعذب لكن ما باليد حيلة يا الخوي غير الدعاء لك عسى المولى يفرغ عليك الصبر والسلون ويرزقك الصحة والعافية بدر تماسك فترة وراح تعدي |
السلام عليكم
اسعد الله مساءاتكم جميعا و كل اوقاتكم بكل خير متضايقة لان نومي تلخبط كنت ما تجي الساعة تسع و انا في ملكوت آخر الحين تجي الساعة ثنتين و انا ماغير اقلب عويناتي في سقف الغرفة و اذا جاء من بكرة انواع الكسل بالنهار لي ثلاث ساعات نفسي تنازعني على فنجال قهوة مهيلة و لكني مترددة خوف أسهر زيادة |
انا قطعت القهوه نهائي تسبب لي هلع
التركيه اهون منها |
بالعكس مزون ترى البن كل ما كان غامق زي التركية وغيرها تركيز الكافيين عالي
لانه يكون محموس بزيادة |
اقتباس:
اما العربيه اتوقع من الهيل هو اللي يتعب فيها |
بسمه كل ما غمقت القهوة بسبب قوة الحمسة يقل فيها الكافيين هذا في القهوة العربيه
القهوة الشقرا أكثر كافيين و ابحثي و شوفي |
مزووون صدقتي و تري الهيل تجيب القلق و تضعف القلب
إحذروا من الهيل |
صبحكم الله بالخيرات
وشلونكم تصدقون اني كنت احسب القهوة التركية مضرة اكثر من العربية افاااااااا صااااااااار العكس اما الهيل مقاطعة من زماااااااان يتعب المعدة عندي بشدة ------------------------------------------------------------------------- عيووووووون مثل حالتك من بعد 11 في الليل ما غير منسدح ومبقق عيوووووني اتامل في الغرفة الله المستعان --------------------------------------------------------------------------- |
تصدقون وانا منسدح ما صدقت اني قربت على الاربعين يالله كيف العمر يجري
ما اتصور ابدا اني بعد سنتين راح ادخل الاربعين وانا على حاااااااااااااااااااااااااالتي كيف كنت اتمنى واحلم وابني احلااااااااااااام وامنياااااات الحين ما عااد ابي شي غير حسن الخاتمة والعفو العافية كنت اول اتمنى اكون تاااجر والحين انسان مع وقف التنفيذ |
هلا بك ابو نجلا
سبحان الله تو ادري منكم و الله كنت افكر ان ذيك من زود الحمس يتركز الكافيين لانها تجيب لي حرقان بالمريء بعكس قهوتنا العربية تكون خفيفة و حتى الهيل ما اكثره و لا اخليه يغلى ينقع نقع داخل ترمس القهوة بدون ما تلمسه النار الله يجيرنا من نار الدنيا و الاخرة منقهرة النوم مجافيني و بكرة ان الله احياني انواع الخمول طول النهار و راحت ايامي سدى |
كلنا محمد ما نبي غير حسن الختام
اكيد نبي الدنيا و ما احل الله لنا فيها من ملذات لكن وش حيلتنا لو ما قسمت لنا اللي فاتنا من الدنيا نبي نتلاحقه بالاخرة بإذن الله و زود على ذلك ان الآخرة خير و أبقى تدري لو شفت تفكيري مثلا قبل عشر سنوات لو احد قال لي مثل هذا الهرج ابتضايق لاني احس انها حياة طويلة ابقول يا الله و أصبر كل ذا ؟ الحين ما صرت اشوف ان اللي بقي كثر اللي راح و الحمدلله على كل حال |
صباح الخير
أبو هذال الله يقويك و يسهل عليك أبواب التوفيق هلا أبو حميد القهوة التركية أعلى تركيز كافين و لونها لا يغرك أما العربيه السودا دلالة على حرق الكافين منسدح مثلكم :) و أتسمع كم أنا محتار مدري كيف أسير !! |
اقتباس:
شيوخ يمشون بالعصي و مزاجهم رايق و عقولهم تمام التمام هنا تجيك الغبنه العمر ما يفرق قد ما تفرق اللي حنا وراها ؛ من المزاج الطيب و العقل السليم ... لو أسألك تكون شايب و بلا أمراض نفسيه و الا شاب و كلك مرض نفسي .. عينك على الورقة لا تغش😘 |
اقتباس:
الهيل تدرين كنا حنا صغار ننثره على عش الحمام عشان لا أنحطفت وحده و الا ضاعت تتذكر الهيل و ترجع مرة كان عندي فضول و أفتش المطبخ حته حته و جيت على علبة فيها هيل و ملعقه داخلها ذايبه الهيل قوي و له منافع و مضار الله يعطينا خيره و خير كل مطعوم |
|
رحت البوفيه أشرب شاهي و قاعد على عتبة المحل و شفت ذي البسه و تذكرت بسمه 🌹
https://e.top4top.net/p_677j69a11.jpg https://d.top4top.net/p_6776fnej0.jpg https://a.top4top.net/p_6777zjr31.jpg https://f.top4top.net/p_677hr08h0.jpg |
السلام عليكم
اسعد الله صباحاتكم بالرضا و النعيم و كل اوقاتكم الحين تسيف تسذا ؟ اقلكم القهوة التركية الكافيين فيها عال و ضررها اكبر لانه يكون محموس و مركز و قلتوا لا العربية اخطر و الحين يا ابو نجلا ترجع تايد كلامي الاول لا تهبلون بي : ) صح كلامك ابو نجلا مو شرط العمر لو عمرك مية و خلي البال افضل مليون مرة من صغير السن طيشاني و انت في حسرة لكن كله خير أمر المؤمن كله له خير مأجور في كلا الحالتين ، إن أعطي شكر و ان حرم صبر و الحمدلله على كل حال كمان فيه شي يبي يفتح نوافذ الأمل لنا جميعا. دايم الفرج و الحظ و الخير و السعادة تبي تطرق أبواب اللي تأخرت عنهم لا محالة بإذن الكريم ما أحد ميت إلا و هو مستوفي رزقه و لو طال هذي بشارة عظيمة الله يبشرنا وياكم بما يسرنا و يسركم في الدارين اللهم آمين |
يا ويلي على الخنساء
رثاؤها صادق مخلص لانه في أعز البشر في أخيها كلمات في غاية العذوبة و الرقة خاصة يوم تمدح أفعاله النبيلة تجاهها و تجاه قومه و يوم تقول يذكرني طلوع الشمس صخرا و أذكره عند كل غروب شمس و لولا كثرة الباكين حولي على اخوانهم لقتلت نفسي سبحان الله تعزت بالمصابين اللي حولها ممن فقدن ابناءهم و أزواجهم من باب المصائب تجمع المصابين و تهون عليهم و الغريب انها يوم أسلمت و استشهدوا اولادها الاربعة في معركة القادسية ما بكت و لا واحد فيهم ببيت شعر مثل ما فعلت مع اخيها صخر فقط قالت جملتها الشهيرة : الحمدلله الذي شرفني بقتلهم و اسأل الله ان يجمعني بهم في مستقر رحمته لانها يوم اسلمت درت ان الموعد الجنة سبحان الله الله يرزقنا ثباتها مع ان ديوانها و عصارة شعرها كلها حصرتها في غرض واحد و هو فن الرثاء يوم رثت اخاها صخر و لا تطرقت لغرض آخر غيره |
ماشاء الله تبارك الله يا زين البسوس مع ذا الصباح
شف حتى الوانهم اللي بالصورة ماشاء اله تبارك الله تحاكي اشعة الشمس الذهبية ابقلك معلومة يا ابو نجلا بخصوص القطط شفت اللي تجيك ثلاث الوان اللي عبارة مثلا عن اصفر او كموني و بني او اسود و معاهم لون ثالث ابيض هذي انثى المراد لازم ثلاث الوان زي القطة الثانية اللي مصورها و القطة اللي في توقيعي و اسم هذا النوع كاليكو هو اللي يجي ثلاث الوان و لازم تكون انثى سبحان الله اسأل الله ان يطعم من اطعمهم من ثمار الفردوس الاعلى و يحرم يدينه على النار يا كريم منظر يشرح الخاطر يوم تشوف احد يطعمهم ، الله يكثر خلقه الرحومين و يبارك فيهم و قي ارزاقهم |
من استغنى بالله جل جلاله ..
جبـر الله كسره، وأصلـح الله أمره، ونفس الله كربه، وأذهـب الله همـه.. ﴿ لا يَضِلُّ ربّي و لا يَنسى ﴾ ثق بأنّ ﷲ لن ينسى ثقتك الدائمة بأنّه هو العون لك الناس مثل البن و الوقت محماس .. و من تحتهم نار السنين العجافي .. نوع إذا ذقته يكيف لك الراس .. و نوع عسى ربي يديم العوافي قال الحسن البصري رحمه الله تواصلوا مع أصحابكم فالصاحب الوفي مصباح مضيئ قد لا تدرك نوره إلا إذا اظلمت بك الدينا إذا ضاق الزمان عليك فاصبر ولا تيأس مـن الفـرج القـريبُ ! و طب نفسًا بمـا تلـد الليالي عسـى تأتيـك بالولـد النجيبُ |
السلام عليكم
سبحان الله يا اخوان كنت اليوم اتأمل بذي الاية ﴿ الَّذِينَ آمَنُوا وَلَمْ يَلْبِسُوا إِيمَانَهُمْ بِظُلْمٍ أُولَئِكَ لَهُمُ الْأَمْنُ وَهُمْ مُهْتَدُونَ ﴾ [الأنعام: 82] و حسيت بالاطمئنان لان الظلم هو اللي يحول بين العبد و بين مغفرة ربه و الجنة نسأل الله السلامة و الله عز و جل يقول لهم الأمن ، لهؤلاء الذين لم يظلموا و عكس الأمن هو الخوف ، مثل ما انظلم الضعوف و حرموا نعمة الأمن بالدنيا و لذة النوم من قبل الظلمة المجرمين سوف ينال هؤلاء الظالمون نفس الأذى وهو انعدام الامن في الاخرة ، ناهيكم عن ان ليس هناك مقارنة بين العذابين لدرجة ان المذنب يتمنى الاقتصاص منه في الدنيا قبل الاخرة و الظلم ظلمان ، ظلم يغفره الله؛ وهو ما بين العبد و ربه، وظلمٌ لا يتركه الله؛ وهو ما بين العباد)) ، أو كما قال عليه السلام . وهنا البلاء العظيم اللي ما بين العباد و العباد لأن الله غفور رحيم فيما بيننا و بينه سبحانه أسأل الله الكريم ان لا يجعلنا ظالمين و لا مظلومين و يحفظنا من الزلات و يعفو عنا وعن جميع المسلمين |
و المشكلة الاكبر لا صار الواحد ظالم له مخلوق ضعيف ما وراه سند و لا اهل ياخذون حقه و
يرفعون عليه قضايا مخاليق ما لهم بواكي و لا لسان كالحيوانات لذلك يوم ذكر الرسول صلى الله عليه و سلم عقوبة واضحة و صريحة للظلم و هي نار جهنم ، ما ذكرها في واقعة ظلم انسان لانسان ، ذكرها في واقعة ظلم انسان لحيوان ، يوم حبست المراة القطة حتى ماتت لأنه يعلم ان ليس للقطة بواكي و لا اهل يقومون بأخذ حقها في الدنيا حتى اليتيم الانسان يجد من يأخذ حقه في الدنيا ما عدا هؤلاء الضعوف لذلك في المقابل مجرد الاحسان اليهم يوجب الجنة حتى لو كانت بغي تبيع عرضها على قارعة الطرقات و تمتهن أنجس مهنة في التاريخ لمجرد انها سقت كلب في طريق ثم ذهبت لحال سبيلها لذلك لا تستهينون بأجر اطعام و سقيا المخلوقات الضعيفة ، و ما احوجنا لهذا الاجر و معنى ذلك ان مقياس دخولك الجنة او النار و العياذ بالله لا يقاس بتاريخك بل برحمتك بهؤلاء الضعوف الرحمة اللي جعلها الرحمن الرحيم اسم من اسماء الجنة يوم قال في كتابه الكريم " يدخلهم في رحمته " اي جنته و كيف بالله يدخل جنته من لا يرحم ؟ |
ااااااااه بس رجعت لبيتي ورجعت معه الاكتئاب والقلق
ياربي رحمتك وصبرك ااااه شايله هم الدنيا فوق راسي مادري وش اقول وش اخلي اخ بس اخ |
اخ لو عارفه وش بيصير فيني كان ماتزوجت وجبت طفل
ياربي ارحمني واشفني |
عودا حميدا يارب
معليش امنية اضغطي على نفسك عشان نفسية ولدك يتربى بينك و بين ابوه الولد ضعيف يبي يحتاج ابوه ربي يخليه لكم و يخليكم له و الحمدلله ان ابوه مقدر الظروف ربي لا يغير عليكم و استمري على علاجك و خلي القران شغال طول اليوم بالبيت على اذاعة القران و حاولي تشتركين في صالة رياضية لو ساعتين باليوم تغيرين جو و تتنفسين شوي ويصير ترجعين بيتك وانت بنفسية متجددة واكثري من الاستغفار و الدعاء وربي يوفقك و يعافيك |
الشئ الوحيد الذي يستحق الحزن هو تقصيرك في حق الله
الشيخ الطنطاوي رحمه الله |
صباح الخير
بسمه مرثية الخنساء تجيب لي جدا إحساس غريب خاصه من الإلقاء و النتيفات إلقائه يهولني تهوال يخليني أسبح في مرابع ذاك الزمان السحيق الله يجزاك خير يالنشميه باين عليك أدبيه لَغَويه بالنسبه للبسوس أنا من يوم شفتهم تعقر الحيّات و العقارب كبرت في عيني بس ما تقدر على الحية اللي يقال لها الاسود و سبحان الله هي ذكيه و حذرة من تشوف انها ما تقدر عليه توخر عنه الألوان فيهم أنا يجذبني اللون الرمادي و الأسود أم العيون الزرق و يجذبني البرّيه اللي عايشه عند عزب البل و الغنم من أشوف قطوة وليفه مسنترة عند الزبالة ما أقرب منها و لو قربت مني أهوشها القطو اللي صورتهم مسنترة عند باب المطعم و عند باب البوفيه ترقب أحد يطعمها خصوصا انها ما تفارق هالمكان لأنها رابيه فيه و لا حولها شي هلا أمنيتي الجنة تقوّي و إبحثي بشيء يمسكك الله يكون بعونك عليك بزيارة إخصائي نفسي شاطر |
صبااااااااااااااااااااااااااااااااااااااااح الخيرااااااااااااااااااات
يا رب لا تجعل لنا حاااجة الا قضيتها ياااااارب لطفك بعبدك محمد ولد عبدالرحن انت الطيف الخبير انت الاعلم والعليم بما يصيبه من شدة |
قاااااااااااامت الايااااااااااام تضيق ضيق مفوهات الزجاجة
|
صااااااااااااااااااااار الردئ يامر وينقال له تم
ولا السناااااافي ما حد خذ شووووووووره |
اقتباس:
وش ذنبهم انهم ما لقوا غير الحاويات مأوى الكل يهوشهم عن بيوتهم و عن سياراتهم وين يروحون بالله انا عندي مجموعة منقذتهم من عند الحاويات و هم رضع و كبروا عندي ، و بحكم الاختلاف في وجهات النظر بينهم وبين بعضهم و عدم تقبلهم لبعضهم قررت مجموعة منهم تغادرني و تستقر عند حاوية الحي و العادة بعد صلاة العصر يوم أضع الطعام الزايد عند بابنا يجون ركض من عند الحاوية و يسلمون علي والله ما اقدر امنع نفسي من الانحناء و حملهم و احتضانهم و تقبيلهم مع ان رائحة صنانهم تطرح الطير من السماء بالاضافة الى شعورهم المتسخة و المغبرة حبايبي ما لهم ذنب في ذي الحياة البائسة اللي انفرضت عليهم و ما اختاروها كلن يبي المأوى المريح و الطعام النظيف المتوفر حتى الحيوانات و هل اتساخهم و روائحهم تبي تقلل من محبتي لهم أو قدرهم عندي ؟ هؤلاء اطفالي اللي ما انجبتهم ، ارضعتهم صغار و فتحوا عويناتهم البريئة على يدي الكائنات كلهم بمعزة وحدة عندي يشهد الله مهما اختلفت ظروفهم يحبونك بكل حالاتك لازم احبهم بكل حالاتهم و ديتها أدق لي ترويشة و اغير ملابسي |
الله يفرجها علينا و عليك يالبدراني وعلى جميع المسلمين
عسى منَ غفى و هوَ مكسور الأحلآم يصحىّ على فرحه تجدد حيــــــــاته |
مثلا ذي الجميلة و بنتها اللي بالتوقيع يشهد الله لو انهن خارجات من قلب أكبر حاوية اني لأخمهن خم لين أعجنهم
فديتهن و فديت عويناتهن المرتاعة الحين تبون تقولون كيف دريت ان ولدها اللي تركض فيه انثى مو ذكر لأني سبق خبرتكم عن معلومة الثلاث الالوان اللي تجتمع في القط ، اذا اجتمعت معناه انثى ، لا يمكن سبحان الله يكون ملون بأكثر من لونين و ذكر و هي طالعة على أمها سبحان الله نفس الالوان |
الحين وش ذنب الشاب اللطيف ذا في الحياة البائسة اليائسة
و رغم قسوتها ما أخفت معالم جماله سبحان الله http://www7.0zz0.com/2017/11/09/12/831418519.jpg |
ودي أعوض كل ضعيف عن اللي شافه
أتمنى لو عندي ذي القدرة و الامكانيات كيف أجل ارحم الراحمين سبحانه ؟ اللهم آتنا في الدنيا حسنة و في الاخرة حسنة و قنا عذاب النار |
الله يسعدك بسمه
لو أقولك وش أسوي بهن راح تجحشيني ( تمسكيني من شعري و تشدينه ) و لا راح تحفليني دقيقه و تضربيني بالخيزور الله يرضى عليك نفسي تكش من سنترة وحدة منهم بالزبالة كيف تبغيني ألاعبها و هي جايه من المردام و المردام فيه كل شي حلو و نظيف :) أنا معك لو انها منزليه و الا بريه صح و الا سودا و عيونها زرق و جسمها ميّاس و حبوبه ما يهم لو تروح البوفيه المفتوح الأخضر :) |
اقتباس:
|
يسعد مساكم جميعاً..
عوداً حميداً عالي .. كيف صحتك وأحوالك؟ |
| الساعة الآن 01:58 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا