|
ابو نجلا هلا بك
اقصد ان الثلاث الادوية اخذتها خلال العشر سنوات الماضية. كل فترة كورس و الان متوقفة عنها لي قريب سنتين اخر كورس كان البروزاك و وقفته بالتدريج |
المعذرة صدعت و كنت أتفرج باليوتيوب و رحت المحطه عشان آخذلي بنادول إكسترا
هلا بسمه شوفي العلل النفسيه أنا أشبهها بالحرب الضروس و كلن و حظه في هذي الحرب إما الإستسلام أو المقاومة الأبديه و الله يعين المرض النفسي لسوء الحظ هو كالسكري و الضغط و غيرها من الأمراض المزمنه يتطلب له العلاج مدى الحياة |
سلامتك ابو نجلا
تدري وش المشكلة اللي خلتني اهرب منها ما هو لأنها تفتح الشهية و تسمن و تخلي الواحد زي الفيل بالقوة يتحرك و يتعب من اقل مجهود حتى لو كان غسل ماعون لدرجة يشهد الله كنت أفكر و اتحايل حتى ما تزيد خطواتي خطوة وحدة و أستبعد قطع المتر الواحد مو بس من الخمول اللي تسببه لا بسبب ألم المفاصل و العظام الناتج عن زيادة الوزن بحيث تحس انك تجاوزت التسعين كل هذا ما هو سبب اني اتهرب منها لأن البروزاك ما يفتح الشهية و لا يسمن لكن كلها جابت لي خمول و نوم عميق و كأني ميتة بحيث ما افتح عيوني باليوم غير أربع ساعات من الاربع و عشرين ساعة ما اتعداها أبد حياتي تعطلت و توقفت انا كنت شبه ميتة في ذيك السنين الناس تخلق و تموت و انا مدري عنها عشرة سنين من حياتي سقطت مني سهو كان بإمكاني أحضر فيها رسالة ماجستير و دكتوراه مثل ما كنت أتمنى و أمسك وظيفة و أتم حفظ كتاب الله و أنجز لكن كله راح هباء منثورا في النوم اللي سببته لي الادوية و فوق ذا يزيدون في قهري الأطباء يقولون ان البروزاك يسهر و ينشط كيف كذا و انا من يوم ابلع الكبسولة ماعاد ادري عن الدنيا و نوم عميق حتى البروزاك قلب معي بعكس الحسنة الوحيدة للبروزاك عدم زيادة الوزن |
يا رجل كنت من شدة التعب لأقل مجهود بسبب الم المفاصل و العظام اللي نتج من الادوية و السمنة اللي سببتها لي و النوم العميق كنت يوم أسوي إنجاز ذاك اليوم و أفكر أطبخ كنت أنام و القدر على النار
هذا مثل بسيط هذا لان الطبخة ذي استهلكت يقظة الاربع ساعات حقت اليوم و لازم انام العشرين ساعة المتبقية الحين يوم افكر اقول ياربي الحمدلله ما انحرق البيت و صارت كارثة و انا نايمة و المشكلة مهما تشرح للأطباء المصايب ذي يفكرونك تتكلم بصيغة المجاز البلاغي ما يصدقونك يعني يوم تقول انك ما تصحى غير اربع ساعات من الاربع و عشرين ساعة انك تعبر تعبير مجازي انك تقصد زيادة ساعات النوم عن الثمان ساعات بساعتين ثلاث فقط و انت ما تصحى غير الاربع ساعات و ليتك تكون فيها نشيط الا بنصف يقظة ، تمشي و كأنك دايخ لا تقدر تركز في صلاة او تفكر انك تحل مشكلة او تخطط لمستقبل او تحسن اختيار او تقرر مافيه من ذا كله ابد |
و الطامة الكبرى هي جمع الفروض يارب اغفر لنا
بالله كيف لبني آدم ينام عشرين ساعة يصلي فرض بفرضه اقلك لو اوقت الساعة او تضرب قنبلة عند راسي لا يمكن اقوم و تخيل يوم تجمعها غير انعدام التركيز فيها لو قلنا تبي تاخذ من الاربع ساعات ساعة و نص مثلا ما يبقى من وقتك غير ساعتين و نص هذي وش ممكن تسوي فيها غير ان نص ساعة منها رايحة اكل و نص نظافة عشان كذا كنت اقول اني انام عن القدر على النار ما يمديني اجمع مقادير الطبخة و اخلطها و أضعها على النار غير نمت غير الحركة البطيئة الناتجة عن زيادة الوزن و الم المفاصل و العظام اصير زي السلحفاة الوقت يروح و انا أمشي و ما وصلت مافيني حيل اخطو خطوة |
هذا غير الإحباط و كره النفس اللي تسببه لك الادوية لا عاد تعرف نفسك و لا الناس يعرفونك بسبب زيادة الوزن اللي تسببها لك
بدال ما كنت تلبس السمول بالقوة يجي عليك الاكس لارج انا ماكان يتعدى وزني الخمسينات و كان يضرب بي المثل بالرشاقة و اللياقة فجأة اشوف الثمانينات و التسعينات يعني وزن بني آدم ثاني انضاف لك و كأنك صرت شخصين يتحركون سوا و حتى يوم البروزاك ثبت وزني و ما زاده ما كان اصلا يخليني اصحصح و تزيد ساعات اليقظة عن اربع ساعات بحيث افكر اكل طعام صحي ما يزيد وزني و اسوي رياضة ما سويت الرياضة و نزلت وزني غير بالسنتين الاخيرتين ذي يوم تركت الادوية لأني و الحمد لله بفضل الله ما صرت انام نومة اهل الكهف ذيك بسبب الأدوية و انا متأكدة لو ابرجع لها حتى لو كان البروزاك يبي يرجع ذاك النوم الطويل لدرجة ما يمديني اتصفح و لا راح تشوفوني غير الخمول الفظيع و الم المفاصل و العظام و اصلا كل البيت على راسي بسبب مرض الوالدة بالسنتين الاخيرة بحيث انها ما تقدر حتى تقف على رجليها تسوي كوب شاهي |
يعني وش فيها لو اخترعوا دواء ما يخدرك و ينومك و يفصلك عن العالم
حتى البرنتلكس اللي توسمت فيه الخير و قلت انه الفرج بعد الصبر طلعوا فيه الاعضاء بعد التجربة الطوام العظام تعبنا لكن إلى الله المشتكى ما لنا غيرك يا الله |
اختي عيون متفائله
يالله نفسي مع النوم كل حياتي نوم وتسدح وتعب من اقل مجهود كاني راكضه الهث صدق ياليت يطلعون لنا علاجات نفسيه مالها اعراض جانبيه كثر اللي تجينا حرام الواحد كل حياته نوم وكسل وعدم تركيز ونسيان كيف الحين عايشه بدون ادويه ! |
كيفكم اول ماتفتحون عيونكم من النوم اوصفو لي وش تحسون فيه
حاليا اكثر لحظه متعبتني |
بسمه أنتي يبغالك كورس جديد و تتابعين مع العيادة كل أسبوع هذا اللي أشوفه لأن حالتك غريبه شوي و يبغالها تكتيك محترف دام ان البروزاك جاب لك كل هذا النوم و الله مشكلة هو يمكن صح يجيب التثاوب لبعض الأشخاص بس انه يطرحك طرحة ما عاد توعين الا و أنتي ناقده نفسك و كأنك في سبات شتوي هذا شي يبغاله بيطار محترف
و أنتي صادقة و الله عندنا أطباء لا في الحكومي و لا الخاص يكرهونك في العلاج و يصير المراجع يكره حتى نفسه من شوفة النفس فيهم و من عدم تجاوبهم مع المراجع أنا أول كورس لي في العلاج طحت في أخصائي نفسي قاللي أنت مستخدم مخدرات من شكلك يا لعنبوه قال لي من وين جاك الرهاب و الإكئتاب قلت أنا علتي خارجيه تماما عن اللي تظنه فيني قال لا أنت مستخدم ثم ضمرتها في قلبي قلت خلني أشوف وش آخرتها مع ذا المعتوه اللي بليت به بعدها طلعت من عنده و قلت توبه أجيك الله يبلاك مثل ما بلاني أنا ما دورت وراه أصلا و خذيت فكرة سيئة عن الإخصائيين النفسانيين كلهم لكن بعدها تعدلت النظرة هناك و هناك و أصابعك ماهي بـ سوا المهم مع روحتي للدكتور و كل موعد يقولي بعطيك موعد مع الأخصائي ـ المعتوه ـ أقوله لا ما أحتاجه فكني منه الله لا يحوجني لأحد غيره على فكرة أنا أمي كذلك مريضه نفسيا و كل أخواني و أخواتي سليمين و ورثت هالمرض من أمي فقط الوحيد اللي رماني القدر و الحمدلله على كل حال و هي أميه بحته و هي الوحيدة المريضة بين أخوانها و أخواتها خوالي و خالاتي لكنها أشوى مني بكثير تشوفينها ما تقولين فيها شي و تسولف و تآخذ و تعطي مع الأدويه أما قبل كان حالها يرثى لها أبوي قد قاللي انها عانت في فترة من حياتها بعد زواجها و ودوها لواحد أيام الجاهليه معروف بينهم انه يستخدم الجن لكن أيام الجاهليه ما كانوا يعرفون حلال حرام و يقول أبوي لو أشوفه الرجال الحين لا أكفر فيه سبحان الله المقدر ما منه مفر مع ان أبوي تزوج وحده ثم طلقها ثم طب في أمي مع انها مرضت عنده و لا طلقها و جيت أنا حانق على أبوي أقول في نفسي ليش ما طلقتها لأني طحت طيحة الله يسامحهم بس الأولى اللي طلقها أبوي أشوف انها أبرك لو جيت ولدها كان ما فيني هالأمراض الله يلعن زواج الأقارب مع انه حلال لكن لو بيدي أصدر قانون حكومي يمنع زواج الأقارب بتاتا البته مع ان علي بن أبي طالب رضي الله عنه تزوج بنت عمه فاطمه رضي الله عنها لكن ما في مثل زواج الغرباء حتى لو كانت صوماليه و الا حبشيه و الا يهوديه لكن المقدر ما منه مفر و لا مهرب آمنا بالله و بالقضا خيره و شره حلوه و مره !!! |
مسااااااااااااااااااء الخيرات
وشلونك يا الربع اخباااااااااااااااااااركم عيووووووووووون عاااااااااااااااالي استعينوا بالله وان شاء الله تفرج كلنا نفس المركب يموج فينا بالامواج ولا ندري وين المرسى |
ما نقول الا يا رب تفرجها من عندك
يا حي نباك يا بو حميد بخير أنت بشرني منك أمنيتي الجنة بالله ضمي ولدك و لو المرض يهدك خليه حولك خليه يحس إنك أمه و حياته و الله ما راح ينساها لك و أطلبك طلبة تفاهمي مع زوجك في انكم تروحون لإخصائي إجتماعي عسى زوجك يتفهم وضعك و تمشي الأمور بينكم الله يقويكم جميع و يشفيكم |
مراااااااااااااااااااااااحب بالكل
تحي وتبقى يا عااااااااااااااالي علومي الحمدالله نحمده دووووووم بين وبينك خف الاكتئاب بس المسيطر حالة هوس شراء وفلست وانا اخوك خاصة بعد التقاعد |
عندي ترتيب الغرفة السبح منثره في كل مكان هي شرابات الفضة تقول احد ناطل قنبلة في الغرفة
تحتاج ترتيب وخااايف اضيع شي من السبح او الشرابات هههههه لحظة نشاط بريك وراجع |
و الله مدري وش أرد
لكن الوكاد لي عودة بإذن الله |
خلاص يعني انا مليت من الفضفضه ومن الهموم ومن الشكاوي
قلنا شهر شهرين ثلاثه ما يخالف اما قريب السنه كذا ما يصير شكل العدادات يا ملخبطه يا مفصوله |
جالس على السرير ( حلوه جالس على السرير ) > مكتب مدير
^ ^ منسدح على السرير وعيني على اليسار فيه كرتون ( سيبراليكس 10 مل ) على الطاوله حق اخوي ،، نفسي توسوس لي اكله ولا ما اكله ؟؟!! شكلي بخربها واكله !!! |
وين ( لحظه حلوه ) ؟؟؟؟
شكله زعلان مني انا الفتره الاخيره صاير اقشر واعصب على أشياء ماتسوى والله العظيم غصبٍ عني ولا انا مو كذا ما أحب أجرح احد ولا أزعل احد حتى لو انه يستاهل والله طبيعه وتربيت عليها وعشت عليها حتى ما أحب أتجاهل احد لكن النفسيه دهورتني ولا انا فلااااوي وشقردي وبشهادة من يعز علي اعذروني وأنتو خير من يعذر |
ابو عبدالرحمن حيّ الله هالطلّه
ابي لي سبحه سودا وعليها الكلام السبح اللي اخذها من الرخيص يا تنقطع يا يضيعونها عيال اخوي عطني سعرك ان ناسب وضعي المادي قلت لك تم |
ارحب ارحب بدر
والله ما عندي اسود ولا تفداك عندي الوان فااااتحة وعندي تراب كهرمان بشوف اذا فيه شي يجمل الوجه ارسلتك رقم على الخاص |
اقتباس:
يطولي بعمرك اذا فيه ابيض ساده او بيج أبد كل شي منك زين و مقبول بإنتظارك يا الغالي |
أرسلت رقمي لك
|
وين بدر راسلني قبل ما نام عشان يمكن ارسل سبح الى جدة عشان ارسلك السبح
|
اقتباس:
جالس على اليوتيوب أبد استلمت |
ابو نجلاء ولدي عمره 3 سنوات و8 شهور وماهمه الضم مايحب يقهر
وبالنسبه لزوجي ماقصر متفهم بس المشكله مني ماني حابه العيشه ببيتي وبعدي عن اهلي |
اقتباس:
اقتباس:
السلام عليكم أسعد الله جميع أوقاتكم بكل خير انا في هذي السنتين من يوم تركت الادوية تعبانة تعب ما يعلم به الا الله قلق زايد و خوف مستمر و خفقان في القلب و رهاب من الخروج و ضيق شديد أحس جبل على قلبي ، و توقع الاذى و الشر من الناس و من كل شيء ، و وسواس طوال الوقت في حالة توتر غير الكوابيس بالليل و الادوية كانت تزيد الكوابيس مدري ليش بالنسبة لحالتك أختي أحس لانك بعدت عن اهلك و المنطقة اللي سكنت فيها ما ريحتك زادت حالتك ، وش رايك بالعلاج السلوكي بحيث يتم تدريبك على التكيف مع الظروف الجديدة لأن حرام تبعدين عن زوجك و تشتتين ولدك و خاصة الحمدلله ان ربي رزقك بزوج متفهم و قليل جدا اللي يتفهم صدقيني الله يجزاه خير و يكثر من أمثاله ، هذي بحد ذاتها نعمة كبيرة ماشاء الله تبارك الله ربي يديمها و يعافيك له و لابنكم بالعادة ان الرجال هم اللي يجيبون الامراض النفسية و العقلية لزوجاتهم السليمات بالاستقعاد و الأذى و قتل الأمل فيهن الا من رحم الله أكاد أجزم ان كل اللي جرى لي بسبب زواجي السابق الله لا يعيدها من أيام و ربي لا يكتبها على مسلم خلاني أتوجس و أتوقع من الخلايق السوء و فقدت الثقة في البشر و القلق ربي يعامله بعدله و على من شاكلته ممن لا يخشون ربهم |
وعليكم السلام
سنتين بدون علاج وتطورت عندك الأمراض النفسيه لو اخذتي علاج من اول كان ما صار اللي صار مثلي انا لو ما خفضت الجرعه وتعوذت من ابليس كان ما صار اللي صار لي مشكلتنا ماهي مشكله من الأساس كان مجرد خلل في عقولنا ويجب ان يتصحَّح لكن نفوسنا ضعيفه وهذا ليس عيبنا فجميعنا ضعفاء . |
اقتباس:
هلا بك ابو نجلا ربي يحفظ لك الوالدة و يرزقك برها و يعافيها و يعافيك ترى مو شرط سبحان الله بسبب زواج الاقارب لكن بنفس الوقت ما نقدر ننكر ذلك حتى الرسول صلى الله عليه و سلم دعا الى التباعد عند تخير النطف و رغم ذك مثل ما قلت النصيب غلاب و الحمدلله على كل حال يارب ارزقنا العفو والعافية و خيري الدنيا و الاخرة و جميع المسلمين ارحب اخوي محمد دام تبي ترسل سبح لجدة ليتك من بعد إذنك تبيعني سبحة نسائية على ذوقك أهديها للوالدة حتى يصلك الأجر ، و أحول لك المبلغ بإذن الله شوفوا هذا المقطع رائع على حلقات عبارة عن علاج سلوكي للقلق قاعدة أستمع له تعرف على أهم أسباب القلق-تدريب عملى للتعرف على الأفكار التلقائية التى تكمن وراء القلق https://www.youtube.com/watch?v=pIjId1LvsRk |
هلا وغلا عيووووووووون ارحبي يا بنت الاجواااد
من عيوووووووووووني والله هذي الساعة المباركة بس والله العظيم ما عندي نسائية ابدا ولا اتعامل بهم لكن اذا مريت السوق ابشر راح اشوف شي حلو نسائي وارسلك لك بجدة ومابي الا الدعوة الطيبة من الناس الطيبين امثاااااااااااااااااااااااالك واذا تبين سبحة لاخوك ابدا ما عندك مشكلة بس ارسلي لي العنوان الاسم - المدينة - جدة - رقم جوال المستلم |
|
|
|
|
عيوووووووون
هل الوالدة تحب الخرز الكبير او الصغير هل تحبون الخرز الصنوبري او الدائري الالوان تحبون غااامقة او فاتحة وابشر بعزك |
أنا ................من أنا ؟
أنا لست في هذه الدنيا إلا وديعة ..... و س أمضي عابرا في رحلتي أنا ما مددت يدي لغيرك سائلا ف إرحم يا مهيمن زلتي .... السلام عليكم جميعا ...... السلام على من حضر و سلامي الى من غاب قلق و إكتئاب ..... لكن الحمد لله على لطفه الباقي نزعت الجبيرة من على قدمي ( أكرمكم الله ) و اليوم بديت في إعدة التأهيل عند الاخصائي ( الكيني ) kinitherapeut من كثرة الخوف و القلق دعيت الله ان يجعل بردا و سلاما على قلبي و روحي و بدني و الحمد لله سهلها الله و كانت كذللك س استمر لمدة شهر و ب اذن الله تزين الامور مباشرة من العيادة الخاصة خرجت و دخلت المقهى المحاذي برفقة جار و رفيق الطفولة ، فرحت كثير لاني منذ مدة حبيس البيت و لا اخرج الا نادرا ..... دخنت سيجاراتان و اخذت قهوة ..... همممممم راقت لي الجلسة لكن نظرات بعض الناس شوي شغلت بالي او ربما لم اترجم نظراتهم ترجمة صحيحة .... استغفر الله اذا اسات الظن ناوي ان شاء الله و بصدق مراجعة الطبيب النفسي بعد ايام و مراجعة طبيب الاسنان .... ربما بسبب سبع سنين مع الادوية النفسية ضاعت عندي 2 من اسناني ههههه استغفر الله .... لا ادري وين اشوف !!!!!!؟ حالتي النفسية ؟ رجلي ؟ او اسناني ؟؟!!!! استغفر الله و اتوب اليه ..... لكني مجبر على الصبر و اخذ الاسباب ..... عسى يكون هذا جهادي في الدنيا .... الحمد لله اسعد الله اوقاتكم جميعا سلام |
ماشاء الله على السبحات يا ابو حميد
تبارك الله كم سعر السبحة الخضراء الشفافة ؟ و كم سعر المصنوعة من الكهرمان ؟ اود ان اعرف و فقط |
يا هلأ و غلا اخوي شاطى ارحب بالغالي
السبح عااالم كبير الشفافة نوعها كاست امريكي قديم سغرها ٧٥٠ ريال يعادل تقريبا ٢٠٠ دولار اما الكهرمان الاصلي تصل سعر السبحة ١٥٠٠ دولار حسب الجرام و وزن السبحة اما انا اعشق الخامات الالمانية وسعرها من ٧٥٠ دولارا الى ٢٠٠٠ دولار |
تخيلوا لعب فيني الزمن و على آخر عمري صرت أرقى خزان البيت اللي اصلا فوق السطح بعباتي و نقابي
عمركم شفتوا حرمة تعيد تشغيل مواطير المياه المتوقفة هرمنا و أكلوا قروشنا السباكين الحرمية فوق سنة ضخ الماء ضعيف جدا جدا لدرجة ان يوم نشغل غسالة الملابس و لانها اوتوماتيك يتوقف عملها ببداية الغسل بسبب ضعف ضخ الماء و اضطر ارقى الخزان عشان أضغط زر اعادة التشغيل اللي لونه أحمر و مكتوب عليه بالانجليزي reset و ما يمديني أشغله و تمتلي الغسالة يرجع يطفي و كل ما احتجنا ضخ قوي عشان الغسالة رقيت و ضغطته والحرامية السباكين مافي شي الا و طالبونا بتغييره و استنزفونا الله يبلاهم خلونا نغير الماطور اللي كلفنا الف و ميتيين للعوامات و كل شوي يخرب و نفس المشكلة كل مرة يطالبونا بتغيير قطعة وما يطلعون اقل شي غير بخمسمية بالله لو أحد يعرف سباك فاهم و أمين يعرض عليه المشكلة و يخبرني لان آخر سباك قال الحل لانه كل شوي و يطفي تغيير قطعة تكلف ميتين وخمسين وانا دارية ما هي آخر قطعة يطلبون منا نغيرها حتى لو غيرناها يبي يخرب من جديد وش الحل لي عودة للتعليق على ردودكم السابقة باذن الله الحين مشغولة في غسل الملابس |
عيوووووووون
ارسلي العنوان عشان بكرا برسل بضاعة الى جدة ان شاء الله ======================================== مساااااااااااااكم الله بالخيرات جميعا وشلونكم اخباااااااااااااااااااااااااااااااااااركم اليوم بالغلط خذيت حبتين ليركا احس نفسي مسطل سكران على الاخر امشى واترنح استنى بس متى يخلص مفعولة الله المستعان عاااااااااااااااالي وينك يا الخوي نفقتد الغالية اختنا ظلول ياااااااااااااااااااااسمين العسل ================================== تصدقون تورطت نمت ساعتين من الساعة 9 الى 11 م ولا ادري وش اسوي في ذا الليل والله ان الصحة تاج ولا تعوض بشي ابدا |
السلام عليكم
صباح الخير على الجميع كيفكم يا إخوان..؟ بالتوفيق للجميع دائما |
| الساعة الآن 06:02 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا