|
الحمد لله هذا لان نيتك طيبة يوم ساعدت اخوك في يوم زي كذا ماشاء الله عليك
ربي يوفق أخوك و يوفقك يارب و يارب يبارك لك في سيارتك و يعطيك خيرها و يكفيك شرها و تزينها عروسك الجديدة اللي تسعدك و تعوضك عن شقا عمرك كله قريب و تبشرنا و نفرح لك يا كريم |
عيون انا اللي لي الشرف عشان نلت حنانك وانسانيتك الجميله وتأكدي ان ربي بيعطيك لين يرضيك هذي قناعتي الازليه ان على قد عطاك ربي يعطيك والعطا من الله مو بس مال لا العطا مال وصحه وراحة بال وسعاده وذريه صالحه بالدنيا وفي الاخره سعادة الخلود وانتي بتنالينها كلها بحول الله . انا ياحبيبتي من الرياض ولكني اسكن بالشرقيه حاليا مجتمع الشرقيه طيب وهادي ولسا عندهم عادات جداتنا القديمه واشعر بالراحه بصراحه وحياك الله بأي وقت عين غطا وعين فراش .
اخوي محمد البدراني لاتقول ماتبي الا العافيه ان طلبت من رب العالمين اطلب بدون حدود هو اكرم الاكرمين صدقني بيجي يوم بتكتب لنا هنا انك خرجت من قمقم الاكتئاب والالم والسنين العجاف لكن صبرا جميل والله المستعان . |
صباح الخير يارب يكون الجميع بصحه و عافيه
الله يبشرني عنكم كل خير . |
هلا وغلا مستكفة
انورت واسفرت حياك الله يا غالية |
السلام عليكم
أسعد الله جميع اوقاتكم بكل خير و جملها بالرضا و كملها بالعافية اللهم آمين هلا بك اختي قطرات الغالية تستاهلين الحنان و الإنسانية و الخير كله و قليل في حقك و في كلامك البلسم اللي ينساب انسياب الماء الرقراق البارد في الفؤاد و الا دعواتك المخلصة وين أروح منها انا اللي أسأل الله أن يجعل لك منها أوفر النصيب و يسعدني بنيلك الخير كله في الدنيا و الآخرة يا كريم اغبط الرياض اللي انجبت مثلك و اغبط أهل الشرقية يوم جاوروك ربي يحفظك حبيبتي لنفسك و لكل غال ، سبحان الله يظن الواحد إن القريب من القلب لابد يكون قريب من العين ، لذلك ما طرا لي إنك تكونين في الشرق و أنا في الغرب أبد ، قلت إذا مرة مرة بتكونين من مكة المكرمة مدري ليش سبحان الله جاني ذا الاحساس و لكن عزاؤنا الوحيد إن كان في الدنيا قد عز اللقاء بكم ... في جنة الخلد نلقاكم و تلقونا بإذن الكريم بعدين الحمدلله إننا في ربوع بلادنا الحبيبة عسى الله يحفظها من كل شر و فرصة اللقاء تبي تكون اكبر دامنا تحت سمائها و ما زال فينا أنفاس الحياة أخبر مرة تعرفت على وحدة شرواك من جيزان كنت أسمع لها أجزاء من القرآن الكريم يوم اشتركت قبل عامين في برنامج يدعى نور على نور للتسميع ، و سبحان من ألف بين قلوبنا لدرجة جزمت إنها بجدة و يمكن لو حلفت لي إنها خارج جدة ما صدقت و كنت اتهرب اني اسألها خايفة تقلي انها مو بجدة ، و راحت الأيام إلا و تخبرني إنها من جيزان و لا غادرت جيزان في حياتها إلا للعمرة ، أذكر حزنت كثير ،لكن اللقيا مكتوبة سبحان الله ، ربي يذكرها بالخير كيف بالله مجتمع الشرقية مو طيب ، أكيد يبي يكون طيب و أنا شفت عينه منه ربي يحفظك ، من جد أختي أفتقد العادات القديمة و حياة الطيبيين ، ودي اعيش في ذاك المجتمع الطيب البسيط اللي يحب فعل الخير ، تدرين من بساطة جدتي الله يرحمها يوم تجتمع مع قريباتها و صديقاتها اللي بعمرها يوم يصافحن بعض يقبلن يدين بعض و روس بعض من شدة صفاء القلوب ، بالله قط شفت ذا المنظر الحين مع انهم في عمر بعض ، حتى انا بالرغم اني كنت شابة كبيرة كانت جدتي الله يرحمها تقبل يديني تعبيرا عن حبها لي و الله أتعب يوم اقارن بين ذاك العهد و قسوة الحين مجتمع جدة مشكلته خليط ، كل الاجناس حولك ، الصاحي و المجنون ، كلن يتوجس من الثاني ، و طبيعي تبي تنعدم النخوة و الحمية ربي يجيرنا من كيد الخلايق و نكبات الزمان |
هلا وغلا عيووووووون
معليش على المداخلة بس ترا كل المناطق الحين صاااارت صعبة الرياض صاااااااااااروا كل واحد في حااااله لدرجة الجار ما يعرف جاااره تصدقي والله العظيم اني من كثر شوقي لايام الطيبين حقق الله لي امنيتي حلمت يوم اني عاااايش في السبعينات بكل تفاصيلها قسم بالله قمت طااااااير من الفرحة الحمدالله |
مشكلة الرياض اصبحت طبقية
يعني فيه احياء للفقراء مثل منفوحة وغيبرا وسلطنة وبعض الاحياء مثل النظيم والجنادرية وبعض الاحياء للطبقة المتوسطة مثل جزء من حي السويدي والصحافة وغيرها وبعض الاحياء للطبقة المتريشة مثل حطين والملقا وشمال الرياض بعض الاحياء اختلط فيها الحابل بالنابل واصبحت لا تصلح للسكن مثل الدخل المحدود وعريجا مرتع للمخدرات والقتل والعصابات كان الرياض غااالبة من اهل نجد اما حاليا للكل وخذ وخل الشرقية حلو جدا انا دايم ازورها بحكم اختي ساكنها فيها حيهم ممتاز اسمه الشاطئ وقريب للواجهة البحرية وسوق الشاطئ مول ناسها راقية ومحترم وهذا انعكس على سواقتهم للسيارات محترمين اما الرياض كانك في حرب تطلع من البيت يا قاتل يا مقتول |
هلا وغلا عيون وهلا بك اخوي محمد
مثل ماقال اخوي محمد الشرقيه مجتمعها هادي ورايق انا اتضايق بس بالاجازات تصير الشوارع زحمه هذا ان طلعت لأني ماحب المطاعم ولا الكافيهات تصيبني بالضجر والضجيج اما باقي الايام هدوء وناس رايقه . اطباعهم جميله تشبه اهل الخليج القديمين لكن اكيد فيه الشاذ منهم . الطريق اللي رسمته لنفسي من سنين اني ما اتدخل في اي مخلوق بهالحياه ولا اسمح لأي شخص بالتدخل فيني من اهم اسباب الاكتئاب اللقافه وانا وحده ماخلق ربي عندي فضول بحياة الناس ابد وهذي اكبر النعم الحمدلله لذلك سكنت في كمباوند وحياة الكباوند فيها خصوصيه اكبر الجيران مايتدخلون فيك الا اذا بادرتي انتي بالسلام او التودد وانا نفس طبعهم وكلن محترم الاخر . حياتي كانت ولاتزال ان شاء الله سلسه مرحه مكتفيه الحمدلله وكل شي موجود من خير بس من الخمسه شهور اللي فاتت لما جاني الهلع وذيوله اللي هو القلق الحاد واكتئاب نوعا ما متوسط شبه انعزلت تقريبا عن مجتمع الشرقيه مافيه الا صاحبتي واختها تسكن بنفس الكمباوند صرت اتضايق من الجمعات الكبيره والزحمه والصوت العالي الحمدلله اختفى الهلع لكن ذيوله باقيه . المشكله اني اصبحت قلقه جدا تجاه خواتي بالرياض اذا سمعت وحده منهم مريضه انفلونزا او كحه يجيني قلق غريب والمشكله اخاف من الطياره وما اروح لها واقعد احاتي وصرت قلقه تجاه الاخبار السيئه ترجع الدوخه وعدم التوازن لكن الهلع خف كثير . ومتأكده ويقيني بالله العظيم انها ازمه وراح تعدي لكن بتعلمني شي بالحياه والحمدلله رب العالمين افضل من غيرنا بمليون مره . اخوي محمد حي الشاطيء رائع وهادي واصبح حي متكامل ماشاء الله انا اسكن بالخبر في الحزام الذهبي كمان منطقه هاديه وشبه قريبه من كل مكان . الله يسعدكم دوم |
مساء الخير على كل المتوحدين اللي فضلو يقضون الويكند في البيت لوحدهم براحة و هدوء
السنين الاخير صرت افضل صديق لنفسي و اكثر اوقاتي راحة و سعادة اللي اكون فيها بالبيت ... المناسبات الاجتماعية بالنسبة لي كابوس و ملل لا يطاق |
هلا بك متأرجح عز الله انك صادق الجلسه بالبيت بهدوء افضل من الف عزيمه وجمعات ماوراها الصداع والتوتر .
الله يهنيك ويسعدك |
السلام عليكم
هلا بك اخوي محمد ، ربي يسعدك بالعكس تسعدنا مشاركاتك فعلا تقريبا الرياض نفس جدة ، الحين جدة كل أهلها ما هم منها ، الغالبية العظمى من شعوب مختلفة و قليل من مناطق أخرى ، لذلك كلن ماخذ راحته ما له جماعة يستحي منها ، و كل مصيبة قالوا عشانهم من جدة ، مع ان سكانها بالأساس ما هم منها ، حتى القبائل اللي فيها يكونون في الأساس من قراها ثم عاشوا فيها ، حنا ايضا قريتنا بالمدينة المنورة ملاصقة لقرية بدر اللي حدثت فيها أول معركة في الإسلام و لكن جدي والد الوالدة انتقل إليها بحكم العمل ثم انتقل اليها والدي أيضا بحكم العمل رحمهم الله جميعا و رحم موتى المسلمين أخوي محمد كيف كان العرس يارب تكون انبسطت ربي يحفظكم و يكثر افراحكم ؟ هلا بك اختي مستكفة ارحبي ربي يسعدك لك وحشة يا رب تكونين دوم بخير هلا بك أخوي متأرجح ربي يحفظك و يبارك فيك ، فعلا الأيام كلها متشابهة سلوتي القراءة و حياكة الكروشيه ، بدأت قبل اسبوعين بحياكة بوليرو جميل ثم تركته و الحين ودي أرجع أكمله ان شاء الله ثم أهديه لوحدة عزيزة على قلبي اللي أودهم أحب أهديهم من صنع يدي حتى تكون الهدية متعوب عليها و تكون قطعة مميزة ما هي موجودة بالسوق أحاول أضع صورة البوليرو إن شاء الله قبل كنت بارعة في صنع قطع مميزة بقماش الجوخ الجميل ، نفذت ألعاب أطفال اهديتها لأطفال العائلة ، كنت أنفذ مجسمات يعجبني صوت المقص و هو يخترق القماش بالذات قماش الجوخ الرائع و القراءة مولعة بها من يوم كنت بالصف الثالث الابتدائي ، كنت ليلة العيد اقضيها في مكتبة الحي الكبيرة اقتني الكتب الأدبية و الناس تقضيها في الأسواق ، اول كتاب اقتنيته للشيخ الأديب علي الطنطاوي رحمه الله كان اسمه قصص من التاريخ الاسلامي قرأته و أنا في الصف الرابع الابتدائي مع إنه كتاب مصاغ بأسلوب أدبي فريد يخاطب الكبار |
سبحان الله ذا البوليرو له قصة
شفت وحدة منفذته في منتدى نسائي من اكثر من خمس سنين و طلبتها فقط تعطيني باترون تنفيذ الغرز الخاصة فيه ، فقط باترون يعني قص و لصق و رفضت سبحان الله ما تجملت ، قلت خيرة و قعد في نفسي كذا سنة ودي اعرف طريقة تنفيذه و حزينة ، و قبل كم شهر كنت أقلب بمقاطع من اليوتيوب و اطب في مقطع لتنفيذه لكن اللي تنفذه مدري وش جنسيتها ، لو ترطن الانجليزية على الأقل كان فهمت وش تقول و احاول معها مو بس ساعات ، ايام حتى أفهمها ، المقطع مدته فوق ساعة ، و انا الدقيقة حتى افهم وش تقول تستنفذ مني نصف ساعة و كنت أدون الخطوات في ورقة بل مذكرة لين الحمدلله فهمته و بدأت بتنفيذه ، بس وش حيلة اللي مزاجيته تتحكم فيه و ما تخليه يكمل الشي من بعد الحماسة القوية |
هذا اللي نفذته الاخت اللي رفضت تساعدني
ما يحتاج سوى بلوزة سادة تحته بأكمام حيرانة و مية مية http://up4gulf.net/d/v7eh9_IMG-20180413-WA0002.jpg و هذا اللي طبيت فيه باليوتيوب و لكن رطانة المنفذة له اتعبتني لكنها ما قصرت بنت الاجواد http://up4gulf.net/d/keXv7_IMG-20180413-WA0005.jpg |
اقتباس:
بشرني عنكم . اهلين حبيبتي عيون و قطرات و الجميع ربي يحفظكم الكل له وحشه والله أسأل الله العلي القدير ان تكونوا جميعكم طيبين و في احسن حال حاضرين و غايبين . |
و هذا قماش الجوخ اللي طير عقلي و مجسماته اللي قاموا الخلايق بتنفيذها ، شي خيال
http://up4gulf.net/d/1DSL1_Screensho...-03-04-47.jpeg https://b.top4top.net/p_832w03t40.jpeg[/img][/url] [url=https://up.top4top.net/][img]https://b.top4top |
|
ماشاء الله عيون الله يحمي هاليدين لو اني منك عندي هوايه واتقنها كذا عملت لي كشك صغير بالبيت بالحوش وعملت مشروع صغير وبالاراده يكبر واجيب بنات محتاجين يشاركوني بالمجهود واعلمهم الشغله لكن للأسف لا اجيد اي هوايه او اشغال يدويه وكنت اكره حصة الخياطه بالمدرسه مع اني الخين اتمنى اني اتقنها .. تسلم الايادي حبيبتي .
مستكفه كل ماشوف اسمك اذكر برك واهتمامك بوالدتك وادعي لك بالخير وتسخير اطيب خلقه لك . |
اختي قطرات الندى
شكراً لكلماتك الطيبة اختي عيون متفائلة مارسي الشي اللي تحبينه لانه متعة ما مثلها متعة و احساس مختلف بالانجاز الله يسعدكم يا رب |
مساااااااااااااء الخيرات والمسرات للجميع
اهلاين خلود الغالية والله الحمدالله الوالدة بخير وابشرك اخوي الصغير تزوج والامور في البيت مستقره والحمدالله انتي بشرينا عنك وعن اخواتك و والدتك الغااالية والعمل ------------------------ هلا قطرات مشكورة على الدعم والمساندة والله يكتب لكم الافراااااااااااااااح هلا عيووووووووون ما شاء الله تبارك الله شغل جبار وعمل ممتاز |
اقتباس:
لك وحشة يالغالي عسى النفسية تحسنت شوي؟ |
اقتباس:
اكيد فيه شي تحبين تمارسين و تستمتعين فيه يا قطرات و تقدرين تحولينه لهواية ...احيان يكون شي بسيط مثل مثل جمع اغراض معينة او الكتابة او الرسم |
السلام عليكم
أسعد الله جميع أوقاتكم و أسأله قبول الطاعات و الدعوات في هذا اليوم الفضيل شفت مقطع أثر بي امرأة ما أنجبت تبنت طفل رضيع و حتى يكون محرمها و تقدر تخالطه يوم يكبر ارضعته بدون أن تنجب ، بحيث إنها استخدمت علاجات هرمونية تدر الحليب عندها و ارضعته عشر رضعات حتى تتأكد من حصول النسب بينها و بينه ، مع إن بالشرع لابد يرضع خمس رضعات مشبعات حتى تكون أمه بالرضاعة و سبحان الله صار ياخذ من صفاتها حتى والدتها لاحظت ذلك ،تقول نفس حركاتك يوم كنت صغيرة هنيئا لها الأجر و هنيئا لها مرافقة الرسول صلى الله عليه و سلم لأنه قال : أنا و كافل اليتيم كهاتين في الجنة من زمان كان ودي احتضن بنت صغيرة من عمرها ساعات حتى ما تفوتني كل مراحل حياتها باللحظات أترككم مع المقطع قصة احتضان الطفل حمودي https://youtu.be/pCaAdgVDkqI |
أذكر من زمان تعرفت على أخت من أهل القصيم كان متعارف في منطقتهم تبني أطفال أيتام بجانب أبناءهم ،
تقول حتى أحيان يكون الوالدين منجبين ثمان او عشر أبناء و بنات و يحتضنون أيتام كله طمعا في الأجر و الفوز بمرافقة الرسول صلى الله عليه و سلم في الجنة و حلول البركة في الصحة و الرزق و الأبناء أنا وقتها تعجبت لأن المعروف إن اللي ما ينجبون هم من يلجؤون للاحتضان و الكفالة تقول لدرجة أحيان يتبنون أكثر من يتيم بجانب أبنائهم و حتى الناس ما عاد يفرقون بين الأخوان من كثر العدل بينهم في التربية و المعاملة هنيئا لهم و أكثر الله من أمثالهم |
اخوي متأرجح كانت هوايتي السفر والاثار كنت استمتع جدا واقضي ساعات بالاماكن القديمه بس من جاني خوف الطياره معد سافرت والان حاولت اكتشف شي او امتشف شغفي بشي مو لاقيه كل شي امل منه بسرعه . الله وينوى بصيرتي اكتشف نفسي من جديد ☺
|
عيون الرحمه اجمل صفه ربي خلقها بالانسان لكن رأيي ان التبني صعب اولا من ناحية الشرع لأن البنت ماتحل لعيال البيت ولا الولد يحل والرضاعه لازم تكون من حمل اتوقع لكن الله اعلم وثانيا من ناحية نفسية الطفل لما يكبر ويعرف انه مختلف عن اللي معاه بالبيت .. مدري الله يجبر قلوبهم ويسخر لهم الخير يارب
|
هلاااااااااااااااا وغلااااااااااااااااااا
متارجح ربي يسعدك دوم الله يرفع قدرك وانت اكثر والله واحشنا بزااااااااااااف وش اخبارك علومك متارجح وش تشخيص مرضك وعلاجك من بعد اذنك |
اقتباس:
القلق كان معي من زمان بس كنت كاتم و مستحمل ...الوسواس صابني من شهور و كان معه في البداية نوبات هلع الان علاجي سيروكسات (كنت اضيف معه دوغماتيل و كان ممتاز لكن وقفته لانه يرفع هرمون الحليب) |
ما تشوف شر يا غااااالي
سيروكسات دواء جباااار ان شاء الله فترة وتقطعه وتتشافى يا رب ---------------------------------------------- اليوم جمعة وش مسوين فيها وش نظامك طلعات ولا جلسة بيت مثلي |
اقتباس:
انا الطلعات و الجمعات ما صرت احبها و احسن اوقاتي اللي اقضيها ببيتي ونت وش نظامك يبو حميد بالويكند؟ |
هلاااااااااااااااااااااا متارجح
والله نظامي امس كان زواج اخوي الصغير رحت معهم للزواج ثم طلعت مع خويي شوي ثم رجعت للبيت للبيت ثم نمت اليوم طلعت مع نفس خويي ورحت مشوار وقضيت بعض الاشغال ورجعت البيت على تسع الحين جالس على النت وفي غرفتي طبعا ما عندي غير واحد من الاصدقاء اسمه ظافر ونعم الصديق والله غااااااااااااااااااااالي علي بالحيل اما الباقي سويت لهم شطب نهائي انا متقاعد الايام كلها عندي زي بعض ما احس بالاجازة الحمدالله على كل حااااااال بكرا عندي اشغال منها تنظيف الغرفة وبيت الشعر وبشتري تلفزيون وطاولة واحطها ببيت الشعر ثم اروح اجيب ملابسي من المغسلة ثم بعد صلاة العشاء عندي مزاااااااد اتابعه على الانستقرام بحكم هواية بيع وشراء السبح الغاااالية |
الحياة كدر وياس والدنيا عذاب .. والزمن غدار مالي به نصيب
امشي المشوار وانظــر للسـراب.. واحسب ان الماي قدامي قريب |
يـازمـانٍ مـبـتـلـي بـه وابـتـلـى فـيـنـي بـلـيَّـه
لا تـلـوم اللـي يٓخـونـك كـان لـه عـقـل ولـبـابـه بـقـفـل الـقـلـب الـمـشـقَّـى عـن هـبـايـبـك الـعـتـيَّـه ودقّْ بـابـه مـن بـعـدهـا لـو قـدرت تـدقّْ بـابـه الـحـيـاه اللـي تـسـمِّـي لـعـبـة الـشـاطـر خـطـيَّـه مـا تـسـاوت فـي عـيـونـي مـع جـنـاحـيـن الـذبـابـه اذكـر انـي كـنـت عـايـش بـاللـيـال الاولـيَّـه واذكر انـي كـنـت عـايـش وقـتـهـا بـأحـضـان غـابـه مـا عـرفـت الا عـبـاره مـثـلـهـا مـثـل الـوصـيَّـه ( عـيـش عـمـرك ذيـب تـسـلـم مـن مـخـالـيـب الـذيـابـه ) |
|
ابليس يزيلني الجاهليه ومخافة ربي مكتفتني
|
اقتباس:
يلا قوم ليش نايم لهلأ علينا تعزيل وتنضيف جيت اساعدك ههههههه $$$ كيف الصحة والأحوال كلو تمام ان شاءالله والوالدة ربي يحفظها أتمنى تكون بألف خير سلامي لها 🌷 |
اللهم يا مغير الحال والأحوال غير أحوالنا إلى أحسن حال. .
ربي اشرح الصدور ويسر الأمور وافرجها على عبادك يا حي يا قيوم .. ربي اغفر لي ولوالدي ولأحبتي وجميع المسلمين يارب العالمين يسعد صباحكم بكل خير ومحبة يارب 🌹 |
اقتباس:
اشتقنا يعلم الله لك يا ظلول وين الغيبة يا غااالية هههههههههههههههههه اي والله الحمدالله تم تنظيف الغرفة وخلصت اشغال بس للاسف ما حدا ساعدني انتظرك بس مدري وين غبتي ربي يسعدك دوم |
|
اقتباس:
بشرنا عن المزاد يبو حميد عسى فزت |
هلااااااااااااااااااااااا
والله جاااالس اتابعه الحمدالله بعت كذا مسباح بس ما عااااد اشتري لاني ابي اصفى مسابيحي لااني مليت |
| الساعة الآن 01:59 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا