|
ابو نجلا يازين ايام هايدي وتزحلقها على هالجبال الخضراء لا اكتئاب ولا هلع ولا وجع راس .
انا ودي ارعى غنم بس مو هنا طعوس وحر وشمس تدبج راسي لين يغمى علي لا ابي اشتري لي كم خروف وصخيله واروح ديرة هايدي وانطلق معهم بهالجبال ياسلام سلم بس . اهداءك عيا يشتغل فوق هم الليالي غرابيل بعد 😨 |
هلا بك الغالية قطرات الندى ربي يسلمك يالغالية و يحفظك ، تدرين من فضل الله أن كل أمراض الحيوانات و فيروساتها و حتى الجرب اللي يخصها ما ينتقل للأنسان ، هم فقط ينقلونها فيما بينهم ، لأن بيولوجيا هم مختلفين عنا تماما ، و هذا اللي يعجز عن استيعابه البشر الانانيين القساة ، اللي بمجرد تمرض هذي الكائنات البريئة بدال ما يساعدونها و يعالجونها و هي في أشد حاجتها لهم وقت المرض يتخلون عنها و يعرضونها للموت البطيء في الشارع
سنين و دنين اربيهم ينامون على مخداتي و لحافي و فراشي و يأكلون من صحني و ماشاء الله تبارك الله لا قوة إلا بالله ما فيني شي تدرين حتى مروا علي حالات جرب و كانوا البيطريين يقولون اعزليهم عن بعضهم لأنهم في عرف الطب البيطري يعدون بعضهم و لا يعدون الإنسان لأن جربهم يختلف إختلاف كلي عن جرب الانسان ، و ما هو معقول أحبس مرضى الجرب في اقفاص فترة شهر و زيادة حتى ما يعدون بعض لأن علاج جربهم يطول ، افكهم يرعون سوا لدرجة ينسدحون على فراشي و أقبلهم و الحمد لله ماشاء تبارك الله لا أعدوا بعض و لا اعدوني و أصلا ما هو منتشر الجرب بينهم و الحمد لله ، كل كم سنة حالة وحدة بينهم فقط |
اشوا الحمدلله عيون دامها ماتعدي .. انا ماعندي خلفيه عنهم ابد الله يشفيهم ويكبرون بصحه وعافيه وتفرحين فيهم
|
الـسـلام عـلـيـكـم
صـبـاح الـخـيـر جـمـيـعـاً صـبـاحـنـا دعـوات مـقـبـولـه وذنـوبـاً مـغـفـوره وهـمـوماً زائـلـه ورزقـاً حـلالاً طـيِّـبـاً 🌹 |
بـمـشـيـئـة اللـه
اللـيـله بـعـد الـمـغـرب عـنـدي مـوعـد مـهـم جـداً مـع شـيـخ قـبـيـلـه مـعـروف و كـلـمـتـه لـهـا شـأن فـي الـدولـه وبـعـد اصـرار احـد الاصـدقـاء قـبـلـت بـذلـك الـمـوعـد هـذا اذا اتـمَّـه اللـه عـلـى خـيـر راح يـرفـعـنـي فـوق مـاديـاً بـإذن اللـه انـا مـتـفـائـل وارجـو مـن اللـه الـتـوفـيـق والـسـداد |
|
اقتباس:
صباح الخير و إياك اللهم آمين اقتباس:
الله يفتح لك و يغدق عليك من خزاينه كل جزل و جليل |
الله يلطف بك و بأمك و بأمهاتنا يا بسمه و يعينك ربي على برها
بحاول أنزل صورة البسه اللي حبيت أهديها لك لو انك بحارتنا ما تحب أحد من البسوس يقربها عندها فوبيا من البسوس مع انها بس سبحان الله حتى البس توفي ما تداني أحد منهم و ما غير أفتح باب بيتنا و أنا طالع تجيني و تماوي و بعض المرات يجي حظها أقشر يطلع أبوي و تحسبني أنا و يشوتها مسكينه ، عيونها زرقا و الأخرى صفرا و لا تآكل الدجاج و لا تونه ما غير رحت الصيدليه البيطيريه خذيت منهم طعام مخصص للقطط و تآكل منه لكنها ضعيفه فقرات ظهرها باينه و بطنها جويع |
|
اقتباس:
قطرات الندى ما تلاحظين كراتين اليوم مختلفة عن زمان . زمان الحين ما غير عنف و هواش يا زين كرتون هايدي كنت أرجع من المدرسة و كل أخواني و أخواتي مجتمعين بالصالة ينتظرونها بلهف و تدمع عيونا عند كذا موقف وش رايك ندور على علاء الدين بما ان عنده المصباح السحري و ينقلنا بمصباحه للنمسا ما تشوفينها خطه |
اوووووووه ياسندباد وعلاء الدين والشايب نسيت اسمه وياسمينا ياما عشت معهم خيال واسع كان عندي كل حلقات سندباد على اشرطة فيديو سقى الله ذيك الايام .
ابو نجلا الا ودي القى مصباح علاء الدين بس اخاف يروعني الجني وابتلش بنفسي .. |
ودنا و بشدة للمصباح نحقق أماني ضايعه و ما عليه ما في الا جني بس ما عليك بنلقى جني من الجن المسلمين و يسفرنا لهناك خروج نهائي :)
شكلك تذكرتي و شغلتي التلفزيون تدورين شريط الفيديو حق سندباد ما أدري إحساسي يقول كذا :) |
أكره نهار الصيف و القيظ
يا لبى لياليها |
مساء الخير يا وجيه الخير
كيف حالكم اليوم ما غير كافي ساده ورا كافي الله يعين الليلة مسوين عشا أهل العروس للعريس أخوي الصغير الرابع الله يوفقه و يسعده صليت الجمعه و لما طلعت من المسجد أثر الناس ماهي بصاحيه ما يشوفوني بالعصا و يكتمون مواترهم ما غير أشر لهم بالعصا شكلهم يبوني أحوبي و يكسروني كسر لا جبر بعده حسبنا الله و نعم الوكيل |
صابر على المقسوم واقول لا باس
هذا نصيبي وين ابدل بــــــــــــغيره |
اقتباس:
هلا شاكر حياك الصورة ما ظهرت |
|
|
هههههههههه ابو نجلا ابتلشت بخلق الله .
وين القى اشرطة الفيديو وحتى لو لقيتها معد تشتغل خلاص .. انا مثلك ماداني القيض يجيب تكه ومزاج شين . تدري قريت ان الكافيين يزيد الاكتئاب وش تبي بالقهوه ؟ ماغير خفقان ونفاضه اشرب لك ميراميه والا ليمون بكمون يروقون مزاجك . مبارك عليك عرس اخوك وعقبالك ببنية الحلال والذريه الصالحه اللي ربي بيوسع خاطرك بشوفتهم يطامرون حولك ان شاء الله |
|
سلاااااااااااااااااااااااام يا قدعااااااااااااان
اشتقت لكم يا جماعة ال نفساني ابونجلاء الحبوب ربي يسعدك بشر وش حااالك قطرات النداء وش اخبارك واخبار الجو عندكم عيووووون صااااااااااايرة تغيب عسى المانع خير شاااااااااااطئ والله لك وحشة بزااااااااااااااااااااااااااااف الكل سلاااااااااااام نفرات نفرات لا زلت في طور الاكتئاب وموجته الشديد مما دعاني لرفع جرعة ليركا من 150 الى 150 ظهرا و75 الساعة 12 ليلا عسى الله يكتب لنا ولكم الفرج والتيسير والفرح طاااااااااااااااال وقت الانتظار والله طاااال والاحلام تبخرت ابو نجلاء عقباااااااااااال زواجك يا بطل والف مبرووووووووووك |
اقتباس:
ماني مداوم ع الكافيين . حسب المزاج إذا طلب المزاج أرهيت له اللي يبيه ما ودي أكسف المزاج على كثر ما هو مكسوف . الميرميه جيده و بعد اليانسون . ما جربت الليمون بالكمون الله يبارك بعمرك و عقبال كل محروم و محرومه بطلع ثوبي من المغسلة و آخذ لي إستراحة على بال ما يجي العشا و أصلي و أروح للعشا و بعدها أرقد |
الله يبارك فيك يا بطلنا أبو حميد الحمدلله بخير
أباروح الصيدليه بشوف عندهم الدواء اللي دلتني عليه بسمه و هو كتافاست عشان ألم الركبه يا رب ألقاه و يا رب إذا لقيته يقتل الألم أقابلك بكره يالأمير و أنت بأفضل حال أبو حميد الليركا ما يجيب لك أرق ؟ ما تشوف شر و الله يقويك و يخفف و يهون عليك و ينصرك على ما فيك و يسعدك دوووووم |
ابو نجلا وش اخبارك اخي الغالي
و ترا مسكنات الالم انواع : البارسيثامول (بنادول و ادول ) و اللي اقوى منها (ايبروفين ) يمكن الايبروفين و اسمه التجاري بروفينال يفيدك اكثر محمد البدراني كيفك يالغالي؟ هل الليركا علاج ينفع لفترات طويلة او انه يفقد مفعوله مع الوقت؟ على حد علمي انه مثل المهديء و ليس علاج قطرات الندى و عيون ...اخباركم اخواتي الغاليات ؟ |
هلا بك اخوي محمد
ابشرك ماطلعت الا يوم الثلاثاء موعدي مع الدكتور وكان الجو زوين مو مره زين انا حرمتن ماداني الحر يجيب لي غلقه بس بتزين ان شاء الله . حيرني اكتئابكم قسم بالله اكيد فيه سر للعلاج ومفتاح سري لابد لأن الكون كله اسرار . محمد اقرا في الطب الهندي القديم عندهم عجايب والله . صاحبتي امها فيها سكر وماينزل وعجزو فيها ودوها كل مكان مافاد بعدين ودوها الهند ورجعت ماشاء الله كن مافيها شي عطوها ادويه بجرعات متخلفه وحميه والحمدلله تحسنت كثير .. عقبالك ان شاء الله. اخوي متأرجح ابشرك كل شي زين لولا هالدوخه اللي تجي وتعكر مزاجي بس مطنشه والخير بحول الله جاي . تسلم على سؤالك الله يسعدك |
هلا متارجح والله صعب الحكم عليه انا تناولت ليركا لمدة سنة متواصلة ما احتجت اني ارفع الجرعة الا الايام هذي وحتى ما ضبط الوضع
ناس تقول ادماني ناس تقول تعودي بس الوكاد انه اقشر بالحيل لو انقطعت عنه على فكرة اصبح الدواء بوصفة طبية مقيدة ------------------------------------------------------------------------- هلا وغلا قطرات يا مرحبا ببنت الاجواد ارحبي مليووووووووووووووون الحمدالله انك رحتي للدكتور على موعدك وان شاء الله يكتب الله لك الشفا بالنسبة للاجواء عندنا غبار اليوم ومتوقع هطول امطار غزيرة باذن الله المولى طبعا انا اشغل المكيف سواء في الليل او الصبح بس بعض الاحيان اقصر عليه شويات لانه يصبح الجو باااااااارد خاااصة تالي الليل شوفي بالنسبة لحالتي انا مصاب بعيد الشر عنك بسحر وحسد اسال الله ان ينتقم ممن كان السبب فيهم ويشفى غليلي عاجل غير اجل طبعا البعض لا يومن بالسحر والحسد بس بكيفه كل واحد له رأي وانا ما اقتنعت من فراااااااااااااااااااغ ثلاث سنوات قضيتها بين الرقاة كلهم اجمعوا اني مصاب بسحر وحسد اسال الله السلامة ولعافية طبعا بعد ثلاث سنواات اخترت الجا للطب النفسي لعل وعسى تتحسن الحالة بس ما فيه فااااااااااايدة مع دووووووووواء ليركا كنت متحسن واطلع بس مكتئب وحزين تدرين يا قطرات اني مصاب بقرحة في المعدة وبواسير وبروستات وقولون عصبي واحتكاك فقرات الرقبة والله ما ازل عليك بكلمة كل يوم استفرغ والالام بس خليها على الله ربك كريم غير طبعا الاكتئاب والانفصام |
لي شهر الان كل يوم بالمغرب او الليل اتمرن بالبيت تمرين يكون شاق لي اطيح من التعب
بعد ما اخلص يجي شعور عجيب بالراحة قطرات : ما تشوفين شر ...ما راح اعلق على موضوع الدوخة لاني مابي احسسك انه شي مهم ....الاهم انك مكملة بعلاجك باذن الله لين تتشافين تماماً محمد ما ترى باس و الله .... كل داء و له دواء .... ترا و انا اخوك الوحدة معروف عنها تزيد القلق و الاكتئاب ...انا متاكد ان شخصك راقي مثلك مصيره باذن الله ان الله يكتب له الشفاء و يلقى السعادة |
متأرجح كلمتك انك ماتبي تعلق على الدوخه طيحتةقلبيىفي بطني من الخوف .. على فكره انا ما اخذ ادويه بس جلسات سلوكيه .
تدري وش قالي الدكتور ؟ قالي مشكلتك انك شخصيه ايحائيه بزياده وقلقه يعني قبل كم يوم صديقتي تقولي شفيك لك كم يوم احس انك حزينه الله وكيلك عقب كلمتها ارتبكت وشعرت بالفعل بحزن وكابه وملل وضيق وخوف . يعني لو اتخلص من هالقلق كان انا بخير . ارجع اسألك عن موضوع الدوخه ليش ماتبي تعلق عليه ؟ |
الله يرفع قدرك يا بعد راسي والله يا متارجح غااالي وعزيز يقولون ما بعد الشدة الا الفرج
وعظم الجزاء من عظم البلاء والله اذا احب عبدا ابتلاه ما نقول غير صبرا جميل والله المستعان |
اقتباس:
مابي اعلق عليها لاني مابي اعطيك جرعة تطمين لكن بما انك خفتي و فهمتي الموضوع بشكل خوفك احب اقولك ان موضوع الدوخة ابداً شي ما يخوف في موقع امريكي يتكلمون عن اكثر الاعراض المصاحبة للقلق و الوساوس : اكثرها الدوخة و نغزات القلب و الظهر و زغللة العيون قطرات انتي شخصية مثقفة و قوية و هالشي مبين من طريقة تفكيرك و كلامك الاشخاص اللي مثلك العلاج السلوكي يجيب معهم نتيجة اسرع من غيرهم الله يكتب لك الراحة و السعادة اختي الغالية |
محمد تأكد اانك بتطيب في يوم من الايام بس الانسان يحز بخاطره ان اجمل سنين عمره تروح كذا لكن بيعوضك ربي بشي اجمل بهالدنيا صدقني ..
السحر والعين هذولا مذكورين بالقران محد يقدر ينكرهم حسبي الله على من يتسبب بمضرة انسان .. يا الله وربي اسأل نفسي اقول الواحد مايفدر يضر نمله هذولي كيف يطاوعهم قلبهم يلعبون بحياة ومصير انسان ؟ ماقال الرسول ان السحر من الموبقات المهلكات الكبائر من شي قليل . صدقني ربي ماراح يضيع صبرك ابد ربي يشفيك ويرفع عنك ما ابتلاك فيه يارب ويرزقك السعاده من حيث لاتحتسب |
صاااااااااااااادقة يا قطرات
اذا ماتت العقيدة في الانسان صدقيني يفعل كل شي هذولي ناس ماتت عندهم العقيدة والنخوة مات الاسلام من دمهم وروحهم ما اقول غير حسبي الله ونعم الوكيل شكرا قطرات على مشاعرك الطيبة |
السلام عليكم
أسعد الله جميع أوقاتكم اخواني أخواتي الكرام يارب تكونون دوم بخير اخوي محمد و أبو نجلا و متارجح و قطرات الندا و الجميع يارب يرزقكم بسعادة و رضا و نعيم ينسيكم كل ما مررتم به الله يرفع عنك و يكتب أجرك اخوي محمد و اخوي أبو نجلا ايه المسكن هذا ممتاز بس لا تكثر منه او تأخذه فترات طويلة لأنه يؤثر على الكلى سلامتك بالنسبة القطة البيضاء ما تتخيل قد أيش أثرت فيني ، أول شي هي صماء ما تسمع لأن عويناتها كل وحدة لون و هذولي عرضة لحوادث السيارات الله يستر عليهم ، كيف أجل لا صارت قطة مستوردة من النوع المنزلي ، هذا النوع تجي قوائمه الأربعة قصيرة بعكس البلدي اللي نشوفه بالشارع ، تخيل أن بسبب القوائم القصيرة ما يستطيعون القفز للحاويات لالتقاط الطعام المتعفن و يموتون صبرا بالجوع ، غير أن شخصيتهم الخوافة تخليهم يتجنبون الاحتكاك مع قطط الشارع البلدية و لا يقدرون على الاقتراب من أي طعام طايح حوله قطط أخرى حسبهم الله و نعم الوكيل في المستغلين عبدة الدرهم و الدينار اللي يجيبونهم من البلاد الباردة و ينتجون فيهم هنا في الحر و شعورهم تقل بطانيات ما يتحملون اجواءنا و لا حرارة الأسفلت الملتهب و يبيعونهم حسبهم الله و نعم الوكيل في اللي يشرونهم صغار و يشجعون التجار المجرمين ثم لا كبروا رموهم بالشوارع مع أن الرسول صلى الله عليه و سلم نهى عن بيعهم و شرائهم تدري أبو نجلا إذا شفت هذا النوع مرمي بالشارع ضميري ما يخليني أتركه للعذاب لأني أدري أنه يبي يموت جوع ، و الحمد لله يوم كتب لي ربي إني اتبنى كذا واحد منهم حصلته قدامي مرمي تدري أنهم ضعوف لا جاء الظهر ما يطيقون أنفسهم من شعورهم الكثيفة و أنواع الكآبة لين أشغل لهم المكيف و يقعدون يتبطحون و يتقلبون على البلاط البارد ضعوف ، لذلك لازم تحلق شعورهم كل صيف للحديث بقية |
و جزاك الله خير يوم إنك توليت الضعيفة ، هذا خير ربي ساقه لك لأنه يبي يفرج عليك مثل ما فرجت عليها
و حاول مع ابوك الله يهديه أنه ما يشوتها و ذكره بذنبها و الواحد مو ناقص ذنوب ، تدري أن ركلهم يسبب لهم نزيف داخلي و مع الوقت يموتون وش يجي حجمهم اللي ما يتجاوز كيلوين ثلاثة جنب حجم رجل الإنسان اللي بعشرات الكيلوهات أنت تدري أن الأمانة تسعى حتى إلى حرمانهم من الحاويات ذات الطعام المتعفن و تموتهم صبرا عن طريق مشروع وطن بلا حاويات و بدؤوا يطبقون المشروع بالرياض ، بحيث انهم يسلمون كل بيت حاويتين صغار وحدة للطعام و الثانية لغير الطعام من القمامة الصلبة ثم تدور السيارات على البيوت تأخذها منهم كل صباح لهم الله فوق أنهم صابرين على الطعام المتعفن اللي يقتلهم ببطء و غير أن السنوريات من اللاحمة اللي غذائها اللحوم ، و الناس ما ترمي إلا العظم و الخبز و الخضار و الرز مما لا يؤكل بالنسبة لهؤلاء الضعوف |
سبحان الله كنت أسمع و أنا صغيرة قصص من الجدات أن فلان من جماعتنا انعمى لأنه قتل قط عند حمامه يوم شافه يتبع غريزة البقاء و الجوع و أكل حمامة ، و حجتهم أن القط بوه جني او أنه جني في صورة قط ، و فلان الثاني انشلت أطرافه لنفس السبب ، و الثالث مرض و مات لنفس السبب
و السبب الحقيقي هو حوبة الضعوف ، إذا المرأة اللي قتلت القطة استحقت النار في الآخرة ، كيف أجل يستكثرون على أنفسهم عذاب الدنيا المتمثل في العمى أو الشلل او المرض في الدنيا كله بسبب أنانية و تكبر الإنسان ، يتوقع أن ربي ما راح يعاقبه عشان قط ضعيف او روح مسكينة لا تستطيع الكلام او الشكوى بينما ربها يراها و يسمع انينها و شكواها |
جميلة مشاعرك تجاه الحيوانات يا عيون و يدل هالشي على طيبتك و نقاء روحك و رحمتك
لا تشعرين بالذنب او الحزن الشديد كل ما شفتي قط بحالة سيئة لأن هذي سنة الكون اختي الغالية .... الكائنات الضعيفة تموت و تبقى الأقوى و هالشي يفيد المخلوقات و يقويها ...و مقابل كل مخلوق يموت ينولد غيره و هذي سنة الحياة للحيوان او البشر اكيد ان الحيوانات المعذبة تحزننا و نحاول قدر استطاعتنا نساعد ...لكن في النهاية ما راح نقدر ننقذ الكل الله يكتب اجرهم اختي عيون قطرات وينها ؟ خايف تكون فهمتني غلط و قلقت او تضايقت ؟؟ |
هذا انا متأرجح 😄
لاتخاف علي سألت الدكتور بالواتس اب وقال مافيك الا العافيه .. ابثرت هالدكتور الله يجزاه خير 😅 |
اقتباس:
اذا شعرتي فكرة مقلقة تلح عليك لا تستجيبين لها و تروحين تطلبين التطمين ولا تتعمقين بهالوسواس و بنفس الوقت لا تهربين منها ....الحل الاسلم انك تخلينها تمر ...يعني تقولين لنفسك ( اللي كاتبة ربي بيصير) و تصرفين تفكيرك لشي ثاني غالباً الافكار الوسواسية الملحة اذا ما استجبنا لها ما تطول اكثر من 15 دقيقة و اذا رجعت مستقبلاً ترجع بصورة اضعف حسب قراءتي ...من اكثر الاساليب المفيدة للقلق و الوساوس هي التأمل meditation ...طريقة قريبة من التنفس لكنها اقوى تأثير و تستمر من 10 الى 60 دقيقة و في اليوتيوب شرح تفصيل لها و هي جداً سهلة و مفيدة |
|
وش الحل مع ذا القلق و الهلع و توقع المكروه ؟
معقول الواحد يا إنه يرجع للبروزاك او غيره و ينام عشرين ساعة من الأربع و عشرين او يظل كذا باقي عمره معقول ما في عقار ما يسبب غيبوبة أو زيادة وزن كل شي واظبت عليه فترة من الفيتامينات التعويضية و كبسولات سانت جونز و لا أدنى تحسن أخاف أفقد الوالدة لا قدر الله او أهلي او أبنائي بالتبني ذي الأيام بسبب مرضهم ماني قادرة أنام ساعتين على بعضها ، حتى الجوع ما أحسه و أن حسيته أتغصص الأكل كأني ابلع سم ، القلق و الخوف و تسلط أفكار الفقد أعوذ بالله ما تفارقني |
| الساعة الآن 02:50 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا