|
متأرجح التأمل لاتتوقع انه سهل وبتدخل بسرعه في الاسترخاء سنه كامله وانا اسوي ميديتيشن لكني اتململ وما تسترخي يا اني ماعرفت تقنياته صح يا اني قلقه بزياده بس بحاول ارجع اسويه ان شاء الله ..
عيون حبيبتي عندي صديقه بجده لكنها اكبر مني بكثير لها ٢٠ سنه على مضادات الاكتئاب ومابقى شي ماجربته تقول ريحني شوي سيروكسات لكنه لعب فيني بالنوم والسمنه تقول وغيرته الى ويلبترين لها سنه الحين تقول جميل وخفيف ونزل وزنها ورجع نشاطها ماشاء الله .. لو ماجربتيه قولي لدكتورك اقترحي عليه لعل الله ينفع به . سلامتك حبيبتي وجعلك ماتفقدين غالي يارب |
اقتباس:
انا مستمره على العلاج السلوكي وابشرك نوبات الهلع خفت كثير بس القلق عامل لي عدم توازن وارتباك لكن ان شاء الله راح اقدر اسيطر عليه بحول الله وقوته . اولا واخيرا هي تجارب تصادفنا بالحياه وان شاء الله انها خيره وبعدها يسرين مو يسر واحد لي ولكم ولكل مهموم وتعبان يارب |
هلا بك قلبي قطرات ، سيروكسات سبق تناولته كويس لكنه يزيد الوزن بشكل غير طبيعي و يسبب غيبوبة النوم المتواصل فوق عشرين ساعة ،
بالنسبة لعقار ويليبترين تكلموا عنه هنا و قالوا يزيد القلق و الأرق و أنا مو ناقصة و إلا كنت ناوية اجربه تصدقين شارية علبتين بروزاك من سنة تحسبا إني ابنحد على العلاج و للحين اتعوذ من إبليس مترددة ، بالله كيف أنام و أنا كل البيت على ظهري ، مسؤولية أمي و اخواني المرضى الله يعافيهم ، غير أن ما تدخل البيت قشة إلا بنفسي أحضرها من بداية التموينات لصيانة الأعطال لمشاوير المستشفيات و تسديد الفواتير و مراجعة الدوائر و قريبا بإذن الله السواقة ، مواصلات كريم نتفتنا تخيلي بالرغم من كل ذلك رهاب الخروج قتلني قطعيني بس لا تقولين اخرجي أحس روحي بتطلع من يوم اضطر أغادر عتبة باب بيتنا بالإضافة للقلق و الهلع الدائم و توقع المكروه لدرجة من يوم أغمض عيني ابنام لو أحد كح قمت مفزوعة أتوقع أحد صابه مكروه و الحمد لله على كل حال |
ياحبيبتي عيون الله يكتب اجرك قولي امين .. تدرين لو اني منك بكون سعيده لاني ادري ان ربي بيكافئني على الشي بشي عظيم ماتحلمين فيه قولي ليه ؟ بر والدتك ورحمتك باخوانك اللي بحاجتك ورحمتك بهالبساس الضعوف .. تدرين ليه اقولك هالشي ؟ لان يوم الوالد والوالده تعبانين كنت مثلك كذا افتر كني اله من الصبح لليل بين امي وابوي على فكره انا ماعندي اخوان ذكور وانا شايله المسؤليه كني ولد اتعب وينهد حيلي ونسيت نفسي واشيائي اللي احبها وصاحباتي وشلت فكرة الزواج عشان خاطرهم لكني سعيده من داخل اني سويت جزء من برهم عساي الحقه والحمدلله ربي يفتح لي ابواب وابواب وماتضيق الا تفرج .
وانتي اعرف انك ماتشتكين الوضع بس لما يزيد الحمل ينهد الانسان وينسى نفسه لكن اصبري لأن هدايا الرحمن لك كثيره يابختك |
هلا قلبي قطرات يا اللي ما في شي يخفف عني غير بلسم حروفك ربي يكتب أجر كل كلمة سطرتيها لإنعاش قلبي و فكري المنهك
سبحان الله المسؤوليات الجسام هذي كلها ما كانت تشكل لي هلاك لو ما كنت مصابة بالهلع و رهاب الخروج إذا أنا افرح و افخر بنفسي يوم انقذ قط ضعيف لا حول له و لا قوة ، كيف أجل أهلي اللي هم قطعة مني ؟ المسؤولية لوحدها إضافة معنوية غير طبعا تقرب المسلم من خالقه لكن يوم يكون الواحد بعمره مشتده أي منشغل ما يدري كيف يتخلص من قيد نفسه المدمرة و فكره المنشغل بالقلق و توقع المكروه غير تكبيل رهاب الخروج و أنت مضطر تقوم بالمهام اللي تتطلب منك الخروج لأنهم ضعفاء ما يستطيعون حتى ذهاب المستشفى بمفردهم و فوق ذا و ذا تجدد عامل ثالث يقضي على ما تبقى من تماسكي و هو مرض أحد من الأهل او الضعوف ابنائي بالتبني الله المستعان فقط ، منه الحول و القوة |
بعدين لو راح أبلع أي علاج نفسي حتى البروزاك اللي أسهر العالم أنا تقلب معي الأدوية بنتيجة عكسية حتى يوم تناولت البروزاك لازم أنام بلا مبالغة عشرين ساعة يوميا ، و الأربع ساعات المتبقية من النوم اترنح بنصف تركيز
حتى الفروض الخمسة اضطر اجمعها الله يغفر لي مهما وقت المنبه و لا منبه يصحيني بالله كيف أغيب عن كل ذي المسؤوليات عشرين ساعة يوميا أول على الأقل يوم تناولتها كان الوالد الله يرحمه حي و فيه سائق و أمي بصحتها تطبخ و فيه خادمة الحين أمي فقدت صحتها الله يعافيها و ما في خادمة و لا سائق بسبب اضطرارنا للإيجار ، و ما أحد فينا موظف ، كل الدخل اللي يجينا من تقاعد الوالد الله يرحمه و الضمان و نقسمه بين المعيشة و الايجار أسأل الله أن ينزع حقوقنا ممن ظلمنا ، لو توزعت الحقوق بالعدل كان الآن تملكنا منزل ، و آخر نستطيع تأجيره و اعاننا على المعيشة . انقلبت الحال إلى حال من وفاة الوالد ما كنا نشيل هم إيجار و لا مصروف و لا معيشة و لا مواصلات و لكن لو تفتح عمل الشيطان استغفر الله العظيم و الحمد لله على كل حال بس من جد مدري ليش الأدوية النفسية تقلب معي بغيبوبة ، حتى اللي صنف منها يجيب الأرق للخلايق أنا لا كثير تساءلت و استفسرت من الأطباء اللي راجعتهم و هنا و لا لقيت إجابة |
عيون حبيبتي الله يكثر خيرك ويرزقك برزق هاللي برقبتك لاتخافين اللي عند الله قريب .
اتوقه نومك ٢٠ ساعه هروب عقلك الباطن محتاج هالهروب ومجرد ماياخذ جسمك اي مضاد اكتئاب المخ ينام اتوقع هالشي والله اعلم . عندك رفض للواقع يمكن لو حبيتي واقعك يتهيأ لي راح تقل ساعات نومك حتى لو اخذتي ادويه .. يارب يبدل الحال الى احسن حال ويختار لك الخير بحياتك ان شاء الله |
يمكن سبحان الله او أكيد
تدرين أن الأدوية النفسية صحيح كانت تبعد الوسواس و القلق و الخوف و رهاب الخروج لكن تقتل الفرحة و الأمل تدرين الآن مثلا برغم زحمة المسؤوليات ذي و الخوف و القلق و الرهاب لكن ممكن أسرق ساعة استمتع فيها بحياكة الكروشيه و فيه شيء من الحماس أول غير ضيق الوقت بسبب النوم حتى لو اجمع من ذي الخيوط ما لي نفس احيكها لو مدة دقيقتين ، ما لي نفس بشي حتى الخروج لو أتيح لي و حتى لو شالت رهاب الخروج الأدوية تقتل الأمل ما تخلي فيه متعة او بكرة ما تخليك تفكرين ببكرة او بعدين و لا تندمين على فوات فرصة ، كأنك آلة ، حتى لو كنت مع الخلايق تحسين إنك لحالك ، تبلد بالمشاعر و لا مبالاة بشي و تقضي قضاء تام على الحماس الحماس في التطوير ، الحماس للتنزه ، الحماس لزيارة الناس ، تقطعك عن العالم ، حتى أحداث العالم و كوارثها ما تدرين عنها و لا يهمك تدرين كانت تخليني بنصف تركيز و ربع انتباه و شي قليل جدا من الإحساس تعدم الشجاعة و الثقة بالنفس حتى ، و تقتل الاهتمام و إحسان التصرف عند الأزمات كيف و أنا الآن كل شي على راسي لازم أفكر و أخطط من يوم أصحى إلى أن أنام حتى و أنا نايمة |
قصيدة جميلة للإمام الشافعي رحمه الله لم أتذكرها إلا اليوم:
دَعِ الأَيّامَ تَفعَلُ ما تَشاءُ وَطِب نَفساً إِذا حَكَمَ القَضاءُ وَلا تَجزَع لِحادِثَةِ اللَيالي فَما لِحَوادِثِ الدُنيا بَقاءُ وَكُن رَجُلاً عَلى الأَهوالِ جَلداً وَشيمَتُكَ السَماحَةُ وَالوَفاءُ وَإِن كَثُرَت عُيوبُكَ في البَرايا وَسَرَّكَ أَن يَكونَ لَها غِطاءُ تَسَتَّر بِالسَخاءِ فَكُلُّ عَيبٍ يُغَطّيهِ كَما قيلَ السَخاءُ وَلا تُرِ لِلأَعادي قَطُّ ذُلّاً فَإِنَّ شَماتَةَ الأَعدا بَلاءُ وَلا تَرجُ السَماحَةَ مِن بَخيلٍ فَما في النارِ لِلظَمآنِ ماءُ وَرِزقُكَ لَيسَ يُنقِصُهُ التَأَنّي وَلَيسَ يَزيدُ في الرِزقِ العَناءُ وَلا حُزنٌ يَدومُ وَلا سُرورٌ وَلا بُؤسٌ عَلَيكَ وَلا رَخاءُ إِذا ما كُنتَ ذا قَلبٍ قَنوعٍ فَأَنتَ وَمالِكُ الدُنيا سَواءُ وَمَن نَزَلَت بِساحَتِهِ المَنايا فَلا أَرضٌ تَقيهِ وَلا سَماءُ وَأَرضُ اللَهِ واسِعَةٌ وَلَكِن إِذا نَزَلَ القَضا ضاقَ الفَضاءُ دَعِ الأَيّامَ تَغدِرُ كُلَّ حِينٍ فَما يُغني عَنِ المَوتِ الدَواءُ |
تدرين حتى ذاك النوم الطويل ، مهما نمت ما تشبعين ، كأنك تشربين من المحيط المالح ، و ليتك بعد نومة استغرقت عشرين ساعة تقومين و أنت شبعانة رايقة ، لا ، تقومين مصدعة و ما ودك تفتحين ستاير جفونك و لا تشوفين أحد قدامك ، و ودك ما تقومين من فراشك ، و يصير عندك حساسية من الأصوات العالية تزعجك و تربكك و تنكد عليك و تخليك تهربين داخل نفسك تبحثين عن وسادتك و فراشك
حتى النور حساسية شديدة منه ، الظلام يطمئن يريح أعصابي قافلة الستائر طوال الوقت ، و ما ودي أبذل أي مجهود لو صنع كوب شاهي ، تدرين إني كنت اخلي الخبز اليابس بكيس مربوط جنبي اتناوله إذا جعت و لا إني أقوم من مكاني أحضر علبة الجبن المخزنة في درج غرفتي بس أول كان فيه أبوي و أمي بصحتها و خادمة و سائق و ما كان أحد يحتاجني إلا قليل جدا صعب أرجع للأدوية لأن نمط عائلتي و حياتي تغير كله برمته هذا اللي مخليني أتحمل عناء كل الأوجاع النفسية اللي ارهقت عقلي و روحي |
الأدوية النفسية هي التبلد بعينه ، هي العزلة ، الكسل المعنوي و البدني ، فقدان الحماس و الدافعية ، فقدان المتعة ،
بالرغم أنها تزيل القلق و الخوف و الهلع و الوسواس و الرهاب ، لكنها تزيد الاكتئاب المرتبط بفقدان الإحساس بكل جميل تدرين أول لو يموت لي قط أزعل و أتضايق وقتها ثم أنسى الحين لو أحد يمرض كل طوارئ المستقبل المظلم و وتداعياته المرتبطة بالفقد ما تفارقني و تنغص علي يومي كله و حياتي و لو يموت تعالي شوفي مرارة الفراق غير الإحساس بالذنب اللي ملازمني و يخليني أكره نفسي فوق كرهي للحياة يعني معقول ما اخترعوا عقار يهون الحياة شوي على اللي مثلي بدون ما يغيبهم عن الحياة |
أنا يا قطرات فعلا عمري ما حبيت واقعي و لا قدرت اتكيف معاه ، مو جحود و الله ، حاشا لله و الحمد لله على كل حال
يمكن الشي اللي خلاني أحب نفسي و اقدرها هو خدمتي لأهلي و هذا اصلا واجب ما فيه كلام ، و انقاذي للضعوف الحمد لله كذلك و زاد ثقتي في نفسي و قربني من ربي لكن المسؤولية هي اللي ارهقتني ، و اللي قضى علي وضعي النفسي ما هو مساعدني بس لو يحل عني القلق و يفارقني رهاب الخروج كان أنا بخير و قدرت أقدم أفضل ما عندي و أنا مرتاحة ، حتى لو ضغطتني المسؤولية |
تدرين يا قطرات وش اتخيل نفسي و اشوفها دايما
أتخيل نفسي امرأة نازحة على الحدود بلا أهل أو وطن و لا تحمل حتى قطرة ماء تحت لهيب الشمس الحارق إحساس بالغربة ملازمني ، غربة حتى عن نفسي ، فقدان بالأمان مسيطر علي طوال الوقت ، و فوقه توقع المكروه و العياذ بالله تذكرت أبيات لامرؤ القيس يوم أصبح ذات يوم و لقي نفسه فاقد أهله و وطنه ربي يحفظ لنا أهلنا جميعا و أوطاننا و غربة الإنسان عن نفسه أشق أنواع الغربة خايفة يصيبني الفصام يشهد الله مثل ما أصاب اخوي الله يعافيه بس فعلا كل ما تمر سنة انعزل داخل نفسي أكثر و أكثر و أتجنب الخلايق و الخروج لعدم احساسي بالأمان و هذا بداية الانفصال عن الواقع اللي هو مرض الفصام الله يستر حتى صرت أخاف أن ربي يعاقبني لأني أسأت الأدب معاه و إن اللي أشعر فيه يكون لا قدر الله سوء ظن برحمته و حسن تدبيره استغفر الله العظيم ، و هذا بحد ذاته يشكل ضغط نفسي رهيب فوق كل الضغوط أعلاه دموعي و أنا أكتب حجبت عني الحروف ماني قادرة أكمل |
حبيبتي عيون حاسه فيك ومعاناتك موجعه وجع حقيقي لكني اقرأ بين السطور اشتداد الكرب وأمل يلوح من بعيد قادم لكن متى وكيف ما اعرف .
عندي يقين ان كل ماضاقت معناه قرب الفرج هذي حكمه الهيه . متأكده انه فيه حل جميل في مكان ما لكن كيف ومتى الله اعلم سواء بدواء او برقيه او بطبيب متمكن او من باب يفتح ماتعرفي لكن موجود . ماعندي احساس انك راح تصابي بالفصام لانك انتي الأمل لعائلتك لكنه اختبار وراح تعدي منه . فكري باسلوب حياتك يمكن تغيير بسيط يغير الحال يمكن بفحوصات جديده ماسويتيها قبل يمكن بتغيير طبيب او دواء يمكن بيقين اكيد فيه حل والحل قريب بحول الله . كل ماضاقت فيك تعالي واكتبي وابكي كاعندك هنا الا اهلك واخوانك الكتمان يسبب ضغط اضافي على اعصابك ومشاعرك انتي في غنى عنه والله كريم يبدل الحال الى احسن حال |
مساااااااااااااء الخيرات للجميع
ما تشوفين شر يا عيووووون اجر وعافية ابونجلاء بشر عساااااااك نمت نومه طيبة الحمدالله زودت جرعة ليركا وكان الامور تبشر بخير يا رب يا رب يا رب عاااالى لا ما يسبب لي ارق ابدا يعني دواء محايد لا نوم ولا ارق بس اجسادنا تختلف في تقبلها للدواء عموما الدواء اصبحت بوصفة طبية مقيدة ومشددين عليه والحكومي ما يصرفه لو تنتحر قداااام الدكتور حسبي الله ونعم الوكيل فيهم مضطر ادفع كشفية ب 250 ريال كل شهرين والعلاج غالي بحدود 300 ريال لكن العافية تستاهل كل شي اليوم مزاد للسبح يقام على الانستقرام وعندي اربع او خمس سبح مدخلها المزاد يا رب تيسر بيعتهم امس جوني شباب 3 مصرين متخصصين في تصنيع السبح اصدقاء وخالد السوري صاحب وصديق عزيز وظافر صاحب الباقي لي في الدين سمرنا من 10 في الليل الى 5 الفجر شاهي وقهوة وبقلاوة وحلا وفطاير ثم طلبت بروستد للشباب وتعشينا شاااااااهي جااااااااااااي وشااااااااااااهي رااااااااااايح والكل يحرق دخاااااااااان ما عدا ظافر عسى الله يثبته سمرنا واستانست وغيرت جو |
الله يبشرك بالخير محمد وعساك من هالحال واحسن ان شاء الله .
الله يتمم لك يارب ويسعدك وتشوف الخير بحياتك |
اقتباس:
الركبه أبلشتني الله لا يديمه من بلشه لا عند النوم تريحني و لا عند القومه و لا عند المشي رحت مستشفى أهلي اللي هو مستشفى الروضه و دخلت على استشاري عظام هذا غير مستشفى المركزي البرج الطبي ( مستشفى الملك سعود سابقا ) و قالوا لي العمليه مضبوطه لكن لازم تداوم ع المسكنات لأن عندك ورم قلت لهم عندكم جهاز سي بي إم CPM قالوا ايه و بروح لهم بكرة أشوف وش هالجهاز عساه ينفعني و أثني ركبتي للآخر بس عندي عقدة أخرى ألا وهي التربع ما أقدر أتربع من الألم الله يسوي الأمور و يسمحها لازم لي أشتري بدله رياضيه و جزمة و أركض بالممشى الرملي لأني جربت أركض بالحوش الا و لقيت صعوبه و عرجه الله يعلن أبوك يالإكتئاب و الخمول اللي هملني و صدني عن ما في الخاطر اقتباس:
اقتباس:
الله يوفقك و يقويك و ينصرك و يسعدك و الجميع اقتباس:
اقتباس:
تصدقين و الشاهد ربي إني عرفت انها بسه منزليه و رثيت لحالها الضعيف و وضعها الصعب ضعفها ما جا عبث هنا شمس حارقة و لا هي لاقية زاد غير الزاد اللي مشتريه من الصيدليه البيطيريه لو أعرف أحد مثلك حولي ما توانيت و لا تراخيت أعطي إياه يعتني فيها و يخاف الله فيها لكن ما حولي أحد لو ان لي شقة لحالي كان خذيتها و زبنتها و أعتنيت فيها لكن عندي شيبة هنا و الله لا يقصبني قصب يخليني حاشي معلق بكراعي مع ان أبوي يقول إذا في سور دجاج و الا لحم يقول أنثروه في البراحة للعجماوات أشك إن أبوي مريض حتى هو يعاني هذا غير معاناتي معه من زمان اقتباس:
للأسف ما في إبداع و المبدع يقصى و الأمين يطرد و الأفكار متأخرة جدا و الحراميه لا زالت !!! هذا المهندس ضيف الله العتيبي كان مطور الشرقيه ما كان في و لا حديقة في حارة و من جا ، الحدايق مالية الحواري و شوي ما ندري وين طسوه و التطوير توقف بسمه الله يعين هالحيوانات مالهم الا الرب سبحانه و يغيثهم و الله عندنا حارة بسم الله عليهم ما في أكل الا قطوه في البراحه اللي قدام بيتنا و تجي الطيور و البسوس صارت محل جذب للسياح هههههههههه يبغون الأجر الله يكتب أجرهم و لا يحرمهم اقتباس:
اقتباس:
أنا بصفك أستشير على بسمه ان تشاور طبيبها في الويلبوترين و لا تخافين يا بسمه دام الأدويه جابت لك النوم الطويل فهذا يدل ان الويلبوترين راح يفيدك بعد الله سبحانه اقتباس:
فما يغني عن الموت الدواء أعوذ بالله من الغدر أظن يالشافعي خانه التعبير في ذا البيت ( أمزح ) أخبارك يا داني بوي عندي سؤال لماذا أخترت إسم داني بوي إذا كان السؤال بالنسبة لك طفيلي من الطفيليات فما عليك إلا أن تبخ عليه بف باف :) الله ييسر حالك و يطيب فالك :) اقتباس:
حلو . كذا حياتك بدت تلوح بالأفق اي خلك مع بكشه و دف من ذا الليركا الطيب و لا تخلي علاجك شفت كيف ترجع الحياة شوي شوي الله يقويك و ينصرك و يسعدك ربك يفرجها عليك يالذيب الله ييسرها لك و تبيع السبح المعروضه و يربحك لما رجعت من عشا الملكة نمت نومة من بدري و ما صحيت الا العصر و قامت علي ركبتي كذا ركبتي تقوم علي لما أصحى و تعكر مزاجي و سويت شاهي و طلعت أدخن و من سمعت القطوة الباب ينفتح جت تماوي تبغى الأكل عطيتها أكلها و جيتكم البارحة قبل ما أروح للعشا غطيت غطة تعب و يدقدق علي أخوي المعرس عشان العشا لا يفوتني و أفز و أطل من الدريشه ألقى المسجد طافيه أنواره دلالة انهم صلوا العشا قلت ايه صلوا العشا و الناس شكلهم ع العشا أصلي صلاة العشا و أتزهب و أدور ع العقال لقيت واحد مو على مقاسي قلت بروح سوق الشلوي عشان أشتري واحد على مقاسي و أنا ع الخط و أفتش جيوبي الا البوك مو معي قلت بلياها عقال و أدق بنت البكار و أجي الصالة و اللي يستغرب يستغرب ما طقيت خبر خاربة خاربة و الركبه ما خلت شي على متمه و تعشيت على طاولة و على طول النحشة للبيت أنام و النوم فيصل و سلطان |
تعليقات ابو نجلا تموتني ضحك اتذكر ايام زمان وانا العب بالحاره ومسويه عليهم العقيد ابو شهاب ياويل اللي مايطيعني 🤣
|
ليتني وسيع صدر و آخذ الأمور ببساطة و بطز يا دنيا سوي اللي تسوين ما طقيت خبر
لكن الإحساس الزايد دمار و كارثة على صاحبه دايم أهوجس و بعض الألم يقطع الهوجاس أعوذ بالله من بعض الآلام |
اقتباس:
لكن طحت بطريقة قريت عنها .... الطريقة تقول : اي فكرة او تفكير سلبي يجي ببالك اصرف ذهنك عنه و يختفي خلال من دقيقة الى ربع ساعة صرت اذا جتني الافكار السلبية افكر بنفسي و اقول : ماراح افكر بهالشي و بيختفي بعد شوي |
اقتباس:
تكفين الا موتك من الضحك :) حنا ناقصين واحد يغادرنا من هالدنيا الحلوة هههههههههههه إي و الله دنيا حلوة مآسي على مآسي :) و الله ودي أروح شقة العيال لي مدة من انكسرت ما رحت لهم يا زين أيام و حنا صغار ليت الليالي ترجع بريموت الله يسعدك ( فيس وردة ) |
اقتباس:
أكثر أوقاتي أكون منغلق على ذاتي أفكر بنفسي و أتذكر ألامي و يضيق خلقي هذا غير الكآبة اللي من غير سبب و القلق الله لا يحييهم كان عندي موعد لإخصائي نفسي و لإخصائي إجتماعي طنشتهم لأن مواعيدهم مفرقة عن الموعد الأساسي عند الدكتور النفسي و قلت أنا فاضي لهم و جربتهم زمان و لا في فايده يا كم قريت مواضيع سلوكيه معرفيه و تالي ما فادتني بشيء |
|
|
لي قلب لو يصبر ترى ما هو على الشده شديد
يروح من ضيم الليالي يعتليها خوفها |
سلامة روحك يا بسمه من الدموع هونيها و تهون عسى المقبلات خير يا رب
|
اقتباس:
هالا زودتوها شوي |
مرحبا بـ لميا الحزينه مرحبا بالعميد أبو علي
بسمه يعني القطوة عورا :( |
بشرنا أبو حميد كيف الأوضاع و كيف الخاطر الملتاع :)
|
و الله ان خاطري ضايق تشوفوني أقول :) لعلني أبتسم :( :)
|
|
اقتباس:
انا اخواتي صارو يقولوا عني انتي مجنونه 😂يئسو مني من كثر مااشكي لهم عندي مراجعه للدكتوره وخايفه اروح لها وترعبني زي المره الاولى هي اللي وسوست بي الله يسامحها |
مساء الخير على الجميع
كيف حالكم جميعااا ابونجلاء مشكور على الاهداء والله يرزقنا الجنه جميعا مع احبابنا اللي فقدناها في الدنيا ومعليش انا دخولي للمنتدى محدود جدا ماشوف المشاركات كلها يادوب مرور سريع اعتذر من الكل ويارب تكونو بخير |
مرحبابك ترليون لولوه
العفو و معذورة خذي راحتك يالغاليه و الله يهون عليك و يشفيك 🌹 أنا تاكي بالموتر و مشغل شيلة غبنة الليل !! |
اقتباس:
هههههه ليش ما عزمتني |
قطرات الندا إلعبي دور أبو شهاب معنا
الشباب يقولون لي جحدر شويات و أنام عشان موعدي لا يفوتني بدر أبو هذال ودي يعطينا أخباره مع موعده يا رب خير حان وقت خلودي للسرير الكئيب و النوم أشوفكم و أنتم بأحسن حال 🌹 |
الـسـلام عـلـيـكـم
جـزاك اللـه خـيـر يـا ابـو نـجـلا اسـأل اللـه الـعـافـيـه للـجـمـيـع 🌹 |
صـحـيـح قـابـلـت الـشـيـخ
فـي مـنـزلـه لـيـلـة الـخـمـيـس واعـدنـي خـيـر واخـذ رقـم الـجـوال وانـتـظـر رده الايـام الـمـقـبـلـه اللـه كـريـم |
مسائك خير يالغالي بدر الدجى
عسى يرد عليك و يفرح قلبك بالأخبار السارة اللي تشفي جروحك و تقضي لوازمك يا رب يا كريم 🌹 |
الله يعطيك القوووووووووة شباب
ي هلااااااااااا بالجميع مشكوووووور ابونجلاء على الاهداء طول عمرك زاااااااحف اجل رايح بدون عقال هههههه الله ييسر امر اخوك و يوفقه وعقبال الجميع يا رب العالمين |
| الساعة الآن 05:31 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا