السلام عليكم ورحمه الله وبركاته

أسعد الله صباحكم ومساكم بالخير .. بخصوص شهادة الميلاد وتاريخها هالشيء يحصل انه اذا تعدت أسبوعين يطلبون تاريخ جديد لكن مو بكل الاحوال لأن بالمعامله تبعي تعدت أسبوعين وهي عندهم بس مشت عادي ولله الحمد أعتقد ما ينشغلوا بها الشيء .. بس مشهد دراسه يركزون عليه لأنهم رجعوني عليه لأن الترم إنتهى وجددنا بتاريخ الترم الجديد فقط .. والله ولي التوفيق ..

بإذن الله أنها ماشيه على الإجراءات تمام وخط سيرها الطبيعي .. إدارات تمر عليها لين تخلص يارب .. موفقه بإذن الله ونسمع منك البشارة والجميع يارب

صدروها للشرطة اليوم ما اعرف السبب هل ممكن يكون رفض؟

صدروها للشرطة اليوم ما اعرف السبب هل ممكن يكون رفض؟

مرحبا ومساء الخير .. دام رجعت للشرطه معناه في ورقه ناقصه أو تاريخ منتهي مو رفض بإذن الله هذا اللي حصل معاي يوم انتهى المشهد تبع الجامعه ب الترم الاول .. الحين الشرطه ترسل مسج بمراجعتهم بتاريخ محدد وعادي بإذن الله تروحون تتاكدون وينتهي الموضوع بالخير .. احسني الظن بالله مافي شيء يقلق بإذن الله .. وبشرينا معك

الله يريح بالك مثل ما ريحتني عندك علم متى توصل للشرطة لانو ما يرسلولي رسايل لمن تكون في الشرطة
كمان اذا عندك علم وممكن تفيديني كيف طريقة التقديم من الداخلية البداية والاوراق وفين اوديها عشان لو حصل رفض اقدم من الداخلية

طريقه التقديم من الداخليه ياتقدموها مباشره يعني تسافرو الرياض وتقدموها للداخليه وهذا افضل
ياترسليها عن طريق المركز تبع الداخليه االي بجده ناسيه اسمه صراحه
والاوراق قدمو كل الاوراق ماعدا التحاليل لان هذي مو مطلوبه بالداخليه

السلام عليكم
احنا من جدهه طبعا وجهزنا الطلبات وحتي خطيبي راح لشرطه النسيم وقالوله مافي شي عبي ورقا واخذ الاوراق للاماره وقدمها هناك.. والاماراه اعطته رقم و قالت له تعال راجعنا بعد اسبوعين
دا طبيعي ولا شو مع العلم انه مطلق وحط ورقه الطلاق طبعا مع الاوراق

لان انا شايفه كتير مقدمين من محافظة مو امارهه
اللي يعرف يجاوبني ربي يسعدكم

الي اعرفو ان التقديم من الشرطه بس للبنت السعوديه
مو للرجل السعودي ..
الرجل يقدم من المحافظه :/
كيف قدمتو من الاماره ؟

أهلاً أختي
انا خطيبي غير مقيم بالسعودية ، اول شي رحت مع الوالد لمركز الشرطة اللي في طويق ابراهيم الخليل في كدي اعطونا ورقة مكتوب فيها الأوراق المطلوبة مني ومن الخاطب ، الأوراق المطلوبة مني كانت تحليل طبي واثبات السكن من عمدة الحي واثبات اني غير موظفة من الأحوال المدنية وصورتين شمسية ومن الخاطب طلبوا صورة لجواز السفر فقط لاغير ، رحت لمستشفى الولادة اللي قريبة من العوالي حللت وبعد اسبوع المستشفى ارسلوا النتيجة للشرطة ورحت للعمدة وللأحوال المدنية بخطاب من مركز الشرطة ، جهزت كل اوراقي خلال يومين ورجعت للشرطة اعطوني اوراق اوقع عليها وأخذوا بصمتي وقالوا حيرسلوها للأمارة ، بعد اسبوع راجعنا الأمارة قالوا جيبوا اتنين شهود يوقعوا وجبناهم وجلست المعاملة في الأمارة تقريباً 10 ايام وراحت للداخلية جلست تحت الإجراء في الحقوق الخاصة لمدة شهر واسبوع بالزبط وبعد كدا اتحولت لوزارة الخارجية والخارجية ارسلتها للسفارة السعودية في بلد الخاطب وبإذن الله يكون عقد قراني في بلد الخاطب بعد العيد ان شاء الله

يارب ما أكون نسيت شي وأي سؤال أنا تحت أمرك الله ييسر الخير لي ولك وللجميع يارب

السلام عليكم

الف مبروك الله يجمع بينكم على خير وبركه ويوفقكم حبيبتي ماقصرتي يعطيكي العافيه .

بس انا مولوده هنا وخطيبي سعودي وانا كنت حابه اعرف عن شروط واجراءات حالتنا كيف تكون وايشهي الطلبات ؟؟؟؟

وهل فعلا شرطة مكه يعطونا ورقه فيها الطلبات زي ماقرات هنا؟؟؟

اتمنى احد نفس حالتي وقدم من فتره قريبه من مكه كيف الاجراءات والشروط لاني قرات انها تغيرت والله اعلم ياريت لو احد يفيدني وشكرا دمتم بود

حتى المقيم او المقيمة نفس الإجراءات ، الإختلاف في الطلبات المطلوبة من الطرف الغير سعودي ، ما عدا ذلك فهي تاخذ نفس الخطوات في التقديم باستثناء الداخلية هذي على حسب الحالة يعني ممكن تروح للداخلية وممكن لا

انا لما رحت لمركز الشرطة كان قدامي على مكتب الموظفة 3 اوراق :

طلبات وشروط زواج السعودي او السعودية من غير مقيم
طلبات وشروط زواج السعودي او السعودية من مقيم
طلبات وشروط تصحيح الوضع

فـ إللي فهمته انو أي معاملة زواج يتم التقديم لها عن طريق الشرطة والله أعلم

في مكه اعتقد التقديم من الشرطه وهي اللي تاخذ الاوراق
والطلبات معروفه وبما انك مولوده فمعاملتك حتكون سهله ماحتطول كلها ثلاث اشهر تقريبا وتجيكم موافقه باذن الله

رزان عبدالعزيز انتي كيف خلوكي تبصمي وانتي بنت سعوديه غريبه
هم ياخذ بصمات الاجنبي الرجل وتدخل البحث الجنائي عشان يشوفو اذا له سوابق جنائيه وتاخد وقت على بال ماتطلع النتيجه
انتي زي كدا دخلت البحث الجنائي؟

وعليكم السلام ورحمه الله وبركاته
ماشاء الله الف مبرووك
زواج مبارك في شهر كريم

مبروك ي زعيم .. الله يجمعكم على خير بجد هذي البشارة الطيبه رغم افتقدناك الفترة اللي راحت ومبروك مرة ثانيه لك وعقبال يارب الكل نسمع منهم الأخير الطيبه

الله يسعدكم و يسهل اموركم و يفتح عليكم مشكورين اخواني الكرام ..

السلام عليكم ورحمة الله وبركاته..
عندي سؤال ..
ينفع يكون التقديم بمكه والتحليل بجده؟

والله ي قلبي مابعرف
يمكن لانه مطلق اجراته غير لاني سمعت ان المطلق اسهل من الاعزب اجراته تكون
اللي يعرف يجاوبني ربي يسعدكم
او عنده خلفيه عن الموضوع نفسي اطمن

لاحبيبتي مو عشان مطلق
بس معروف سواء جده او مكه
اول مايقدمو تتحول الاوراق للشرطه
والشرطه هي اللي تعطيكم الطلبات وتستلم الاوراق وترسلها للاماره
اعزب او مطلق كلها سواء
اختى سعوديه قدمت من النت على محافظه جده وتحولت للشرطه وهناك طلبو منها الاوراق واعطوها خطاب مشهد العمده وبرنت الاحوال وخطاب التحليل
اما مكه فسمعت انها يقدمو من الاماره او الشرطه

وعليكم السلام
التحليل يكون بنفس المدينه اللي قدمتي منها

ان كان التقديم في اماره مكه او شرطه العاصمه
هي نفسها
لانه الشرطه هيا الي تعطي ااطلبات وتكملها وترسها للاماره
اما لمن يكون التقديم في اماره مكه ترجع للشرطه عشان يكملو الطلبات من تحاليل واثبات السكن والشغلات التانيه

المطلق تكون اسهل ازا عدى ع طلاقه 6 شهور و ازا كانت البنت مواليد السعوديه ومن نفس مكه
ماتاخد شهرين الا والمعامله في المحكمه

اهلللللا حكاايه منووووره الحته |

يمكن انت تقصدي البصمات اللي بالجهاز اللي بياخدوها عشان البحث الجنائي
انا خلوني ابصم بالحبر الأزرق في ورقة صغيرة بيضاء بس اظنها اجراءات روتينية

هلا وغلا منوره بيكي ياعيوني
كيفك وكيف امورك ان شالله تمام
ع ما اضن انتي الي في بالي مو |

اهااااا ايوه بصمات الاجنبي غير
اللي عملتيه غير عنهم مجرد شي بسيط ووعادي
استغربت يوم قلتي اخذو بصماتي

الله يسعد قلبك يارب

بسالك انتي من مكه ومقدمه من مكه ؟؟؟ وفين وصلت معاملتك الحين ؟؟
انا دخلت موقع الاماره في مكه وشفت الشروط احس انها غير اللي تقولوه هنا

متلا مافي بين الشروط اثبات سكن ولازم حضور ولي امر البنت تاخذو الاقرار منو وكمان لازم المخطوبه تيجي علشان الاقرار ....اقرا انا فلانه بن فلان بالموافقه بالزواج من فلان بن فلان ده من اول موجود ولا حطوه جديد،؟؟؟؟؟

اعتمد هذي الطلبات ولا لازم خطيبي يروح الشرطه وتاخذ ورقة الطلبات ؟؟؟

انا الطرف الاجنبي وبنت ومولوده في السعوديه وخطيبي سعودي ماعرف قلقانه كتيررر

ياعسل انا من مكه والحمدلله معاملتي مخلصه من سنتين ومتزوجه الحين
ويارب لك الحمد وعندي بنت ماشالله زي القمر
انا من مواليد السعوديه. ومن جنسيه غير عربيه وشهاده ميلادي كانت من المدينه تم تصديقها من هناك والحمدلله
وزوجي مطلق سعودي
انا وهوا من مكه
مالك بالطلبات انتي الي بالموقع
اهم شي سنك فوق ال18
وخطيبك ازا كان مطلق لازم يكون عدى ع طلاقه 6 شهور
وعمره فوق25
اثبات السكن والتحاليل هادي يطلبوها في الشرطه شرطه العاصمه المقدسه ولمن تجمع كل الطلبات وتحاليكم تكون سليمه هناك يرسلوها للاماره وتمشي المعامله مجراها الطبيعي وتتحول للمحكمه باذن الله
ومافي بصمات ازا كان الطرف الاجنبي بنت
اتوكلي ع الله وقدمو معاملتكم اول ماتبدء الدوامات بعد العيد
لانه افضل

ايوه انا اللي ببالك
اموري الحمدلله على كل حال
دعواتك
انتي اللي كيفك وايش عامله مع بنتك

ماشاء الله تبارك الله الله يبارك لك ويوفقك في حياتك الزوجيه ويحفظ بنتك اللهم امين


اشكرك على تفاعلك واجاباتك على اسالتي الله يعطيكي العافيه ماقصرتي

طيب متى تبدأ الدومات بعد العيد تاريخ كم؟؟؟؟؟

وكمان لازم يكون التقديم من شرطة العاصمه المقدسه ؟؟؟ولا عادي من شرطة مكه ؟؟؟؟؟ ولا مافي فرق بينهم ؟

يارب بشرني بما يسرني يالله

السلام عليكم
حبايبي طمنوني متى توصل المعامله من الاماره الى المحكمه؟
كم يوم تقريباً تاخذ علشان توصل ؟

مرحبا .. تعقيب على الكلام اللي أنذكر التقديم للسعودي والسعودية من أي مكان عادي وبخصوص الي سبق لهم الزواج من الطرفين سعودي/ه الإجراءات تمشي سهاله جدا يعني مافي قلق اخيتي .. الله يسهل أمرنا وياكم

تأخذ الإجراءات القانونية المعتادة من أسبوعين لشهر ك حد اقصى بإذن الله ونسمع الأخبار الحلوة يارب وبشرينا

جزاك الله خير ي خوي
والله يسهل امرنا جميعا يارب

الحمدلله الذي تتم بحمده الصالحات

عقدت قراني أمس الأحد بعد معاملة 3 شهور

إن شاء الله يأشرح كيف التقديم و الخطوات من الرياض لأن مافي لها أي شروح مثل جده و مكه و كيف ما تروح المعاملة لمدينة ثانية إذا كان الطرف الثاني مقيم بمدينة ثانية .

السلام عليكم ... ومبرووووك لكل من عقد قرآنه في هذه الايام الفضيلة وعقبال عندنا ان شاءالله .. الله يسعدكم أحد يعرف كم تأخذ المعاملة في سيرها ان قدمتها من المدينة ؟

السلام عليكم ورحمة الله وبركاته
بفضل الله تم عقد قراني يوم الاحد 14 رمضان..
بعد ماكان الكل يقول مستحيل تمشي المعاملة...

راح احكي لكم كيف كانت الامور وكم من عقبة واجهتها..وكم من التحطيم سمعته..
انا مقيمة بالدمام ومولودة بجدة وزوجي سعودي
قدم المعاملة العام الماضي بامارة الدمام بعد اسبوع من التقديم تم حفظ المعاملة..
ولما سألنا عن السبب كل واحد يقول كلمة
منهم من قال عشان الراتب ومنهم من قال لانه متزوج ولازم تقرير طبي مع انه عنده تقرير طبي
ومنهم من قال مافي سبب
وكل ماسألنا قالوا مستحيل تطلع وكلمنا كذا واسطة ومامشي الحال
بعد العيد قدم بالرياض ورفضت امارة الرياض تستقبل المعاملة وقالوا لازم يكون يشتغل بالرياض..
وتوقعت ان الموضوع انتهى وكنت استخير وادعي...بعدها بشهرين كلمنا وخبر اهلي انه قدمها بامارة حايل لانه من حايل..
الامور كانت جدا سهلة وسافرت لحايل من بعد ماقدمها باسبوعين ودخلت الشرطة وبصمت على اوراق
بنفس اليوم رحنا المستشفى لتحليل الدم وطلع عندي غلط باسمي يعني كتبوا بدل اسم الوالد كتبوا اسم اخوي لانه ولي امري..
اللي اخذت الدم قالت لازم يتصلح هذا الغلك لانه ممكن تمشي وعند العقد ماراح يعقدوا لك..
وبفضل الله جا مدير المستشفى واتصلوا عالشرطة وصلحو الاسم..
بعد التحليل ب10 ايام طلعت حامل للانيميا ووقعوه عالموافقة والحمدلله كان الامر سهل..
بعدها بشهر ارسلت شرطة حايل الاوراق لشرطة الخبر
وشرطة الخبر ضيعت اوراقي
كانو طالبن من الشرطة سيرة عني وعن ولي امري..
شرطة الخبر ضيعوا اوراقي وراح اخوي يراجعهم في شرطي محترم وعده انه يمشي له الامور.. قال لأخوي الموافقة طلعت غريبة ليه تجي بالشرطة..
المهم ارسلوا الشرطة الى شرطة حايل وبحايل ارسلوها للامارة..
واكثر من 4 مرات تروح الاوراق مابين الشرطة للامارة وكل الجهتين مستغرب رجوها للشرطة رغم انها مستوفية للشروط..
الموضوع ومافيه انها من بعد التقديم بشهرين طلعت الموافقة لكن في واحد حسود معادي لزوجي كان يبغى يعطل المعاملة..
حتى زوجي كلم واحد بلامارة ووعده انها تدخل عالامير...بتاريخ 8 رمضان طلعت الموافقة
و14رمضان تم العقد

نصيحة لاتقنطو من رحمة الله
اسألوا الله من فضله وادعو وادعوا

اللي من حولي ماحد مصدق انها موافقة
ولكن الله على كل شيء قدير

وعليكم السلام ورحمة الله وبركاته

ماشاء الله مبروك الف الحمدلله مابعد الصبر الا الفرج الله يسعدكم في حياتكم

الدعاء ثم الدعاء ثم الدعاء سبحان الله من يريد تتيسر اموره عليه بالدعاااااء وخصوصا في هذه الايام المباركه

الحمدلله الذي بنعمته تتم الصالحات

بالمبارك عليك اخوي منك المال ومنها العيال الله يوفقك في حياتك ويسعدك