|
الـسـلام عـلـيـكـم
صـبـاح الـخـيـر جـمـيـعـاً اسـأل اللـه لـكـم الـعـافـيـه الـيـوم عـنـدي اشـغـال لابـد اخـلـصـهـا بـطـلـع الـثـيـاب مـن الـخـيـاط وبـشـتـري بـعـض الاشـيـاء الـشـخـصـيـه وبـطـلـع الـحـلاق اخـفـف الـدقـن واصـبـغ الـشـيـب وبـغـسـل الـسـيـاره وبـطـلـع الـمـلابـس مـن الـمـغـسـلـه وآخـر شـي بـقـابـل الديَّـانـه واعـطـيـهـم فـلـوسـهـم واللـه يـسـهـل امـري و امـر كـل مـسـلـم . |
ما في شك أن ربي قادر يغير الحال في أقل من طرفة العين ، لأنه على كل شي قدير سبحانه
أنا الآن كل املي شفاء الوالدة و رضاها و شفاء أخواني غير كذا ما هو أكبر همي حتى الزواج يوم تقولين تتزوجين ودي تصدقين إني زاهدة زهد كبير في الموضوع ذا لأنه حمل كبير و مسؤولية ، و أنا ما عاد عندي قدرة معنوية على المداراة و لا طاقة نفسية على التحمل أحس إني استنزفت من الطفولة إلى هذا العمر الظروف القاسية اللي مريت فيها طول حياتي خلتني دبلوماسية و اغض الطرف على حساب راحتي كله عشان أتجنب القسوة ، إلى أن وصلت لمرحلة ما عندي استعداد أتحمل و لا أبغى أتحمل غير إني أخاف من التغيير حتى لو تغيير مكان فراشي ، ما في شي يريحني أو يستحق إني اغامر تخيلي طفلة بالصف الرابع هذا البيت عبارة عن توقيعها في كل كتاب او ورقة : و ظلم ذوي القربى أشد مظاظة على النفس من وقع الحسام المهند .. في ذاك العمر يوم سمعت ذا البيت فهمت معناه و أثر فيني بدون أحد يشرحه لي و في الصف السادس شريت ديوان الشاعر طرفة بن العبد و قرأت قصة حياته اللي ما تجاوزت العشرينات و سبب كتابة هذا البيت من المعلقة المشهورة |
و عليكم السلام
هلا بك اخوي بدر ربي يسهل أمورك و يوسع رزقك و يمدك بالعافية قطرات قلبي بالنسبة للتمرين اللي قلت عليه هل لازم اسويه بلحالي ؟ أنا متحمسة اسويه صراحة و لكني أحتاج مجلدات عشان أكتب ما يوجعني الفترة الوحيدة اللي برغم قسوتها لكن كان فيها شي يلطف لهيبها رحمة جدتي بنا و عطفها علينا الله يرحمها يوم راحت جدتي أخذت معها كل شي ما لحقت أستمتع بحنانها و اغذي فكري بحكمتها تدرين لولاها بعد الله ما كنت أعرف أن فيني مزايا كانت طول الوقت تعزز ثقتي في نفسي من خلال اطنابها في وصف محاسني المعنوية من خلال وجهة نظرها أقول من وجهة نظرها لأن المعاملة اللي شفتها أنا و أخواني خلتني أحس إني من أسوأ البشر جدتي كانت عجيبة ما كانت تستدرجني عشان افضفض و يظهر انكساري و حزني لا كانت تسوي شيئين : تمدحني عشان تلملم ما تكسر من شتات نفسي و تذكرني بعاقبة الصبر و ما أعده الله للصابرين و أن الدنيا زايلة و لا بد الغيم أن ينقشع سبحان من علمها و هي أمية لا تكتب و لا تقرأ إلى الآن ماني قادرة أتوقف عن التفكير فيها كل يوم و أشتاق لرائحتها لدرجة دايم أحلم إني اضمها تدرين من كثر ما اطريها كل اللي يعرفوني يفكرون أنها توفت من سنة و بالكثير سنتين و هي توفت من اربعطعش سنة كل فرحة بعدها ناقصة ، ودي أروح لها تدرين دايم أشوفها بالمنام أنها شابة ما تتجاوز الخامسة عشرة من العمر و لابسة أخضر و خدودها موردة و رشيقة لدرجة أن خصرها ضامر للداخل ناحل جميل طيب كيف و أعمار أهل الجنة ما تتجاوز الثلاث و الثلاثين سبحان الله ليش أشوفها في ذا العمر تحديدا و أسأل الله الكريم أن يجعلها من صاحبات الفردوس الأعلى و والديك و أموات المسلمين اللهم آمين |
حسبي على اللي خان حبي وزمانه
بثوب الخداع اليوم شفته بعيوني اهً على اللي كان عنده امانه قلبً سقاه المر عنه إسألوني عكس الهنا وياه عشت بإهانه حبه شقى وهموم وايضاً طعوني حسبي كثر ماقال اسمي بلسانه خلاني وسط النار مظلم بي كوني كني وحيد الناس ضيع مكانه امشي ولاادري وين لو ينشدوني إسقاني مر الكاس وارخص حنانه بعثر دموعي فوق خدي مزوني خطاي انا فيوم عليت شانه وبيدي انا عطيته خنجر متوني طيب وكل ظني يوفي لهوانا خان الملح والزاد خيب ظنوني انسى العتب ياقلب وانسى زمانه مثله حرام يكون ساكن عيوني خاين يجيله يوم ويلقى الخيانة ومثلي يحس الجرح ويحتاج عوني https://www.youtube.com/watch?v=rrjsV6Z82gI |
كان الشاعر مفرح الظمني
يراجع احدى الدوائر وبرفقته ولده((بدر))وقد كان عمره انذاك 12 سنة وقد كان شاعرنا يشعر بالم في رجله فقال له ولده ((لماذا ياوالدي حتا العجائز اسبقتنا في المشئ))فأجابه بهذه الابيات يابدر رجلي بالمسيـر عثرننـي صارت هقاويها البعيـده قريبـه نخيتهـا لا شـك ماساعدتـنـي تمسى وتصبح في مرضها عطيبه حاولت اطول شوحها واشلعتنـي شلع الحنيش اليا تعاقـب خليبـه عثرت حيـاة يابـدر صادفتنـي العيش ضيق والليالـي رهيبـه حتى العجايز بالطريق اسبقتنـي غليبتـن ياكبرهـا مـن غليبـه |
صحيت من النوم و النفسيه تبن و مطوف موعدي
حسبي الله على الجور |
تبا لك يا دنيا
كم هي عنيده ياللي تسآئل عن سبب ضعف حالي حالي عسى ما يمر بك ما دمرها |
|
يا هلاااااااا بالجميع
هلاا عااالى نورت وش اخبار رجولك احسن الحين ولا كيف انا يا جماعة صرت اتنرفز لو تجي ذبانة على خشمي كسرت وجهي هههه مدري العلاج بطل مفعوله ولا انا مب صااااااااااااحي الوكاااد اني تدمرت تدمير |
|
|
روح وجسد للبيع
المواصفات ماشي 324 الف كيلوا البدي انواع الصدمات ما بقى شي ما صدم فيه المكينة مخبطة رااااااااااااااااااااايحه فيها القير مفصوله فيووووووووووووووووزته الروح والجسد للبيع تشليح من ذكر الله وفتح الباب بدون كفيل وبدون تحويل راتب اقساط منتهي بالتمليك |
عيون حبيبتي التمرين تسوينه لحالك وبدون اي ازعاج خارجي واكتبي لو تبين الف صفحه او نص سطر مايهم اللي ودك تقوليه اكتبيه
|
ابو نجلا سلامتك بشرنا عن ركبتك عساها احسن
|
مـسـاء الـخـيـر جـمـيـعـاً
الـحـمـدللـه خـلـصـت اشـغـالـي بـس مـا غـسـلـت الـسـيـاره لأن احـتـمـال يـجـي غـبـار واللـه اعـلـم والـنـفـسـيـه شـبـه مـسـتـقـره كـل مـا الـقـى حـل لـعـلاجـي فـي داخـلـي شـي يـصـدنـي اللـهم اصـرف عـنَّـا شـيـاطـيـن الـجـن والانـس . |
|
اقتباس:
ههههههههههه الله يرجك و يسعدك |
واللـه الـعـظـيـم انـي تـحـمـلـت كـثـيـر
الـيـوم دخـلـت احـدى الـصـيـدلـيـات قـلـت يـا دكـتـور عـطـنـي ( سـبـرالـكـس ) قـال عـطـنـي ( الـوصـفـه ) ! قـلـت مـاعـنـدي وصـفـه يـادكـتـور اخـذه دايـم بـدون وصـفـه قـال الادويـه الـنـفـسـيـه لازم بـوصـفـه ( قـلـت انـا مـريـض نـفـسـي ) تـجـادلـت مـعـه واصـر انـه مـايـعـطـيـنـي طـلـعـت مـن الـصـيـدلـيـه وانـا شـبـه مـنـكـسـر اسـأل نـفـسـي الـى ويـن وصـلـت يـا بـدر ! حـسـيـت انـي ذلـيـل ! وقـاعـد اشـحـذ الـدكـتـور الـعـلاج كـنـت سـلـيـم ومُـعـافـى ومـا كـنـت اعـرف نـفـسـيـه وادويـه واعـراض وووو ! حـسـبـي اللـه وكـفـى . |
هلاااااااا قطرات منوووووووووووورة كيف حاااااااااااالك
هلااااااااااااااااا عاااااااااااااااالى يا مرحبا فيك اخبارك يا بعدهم هلااااااا بدر وسع صدرك الدنيا هيك وهيك ماشية مصيرها للزوال |
|
بدر ماتشوف شر بس وسع صدرك ولاتخلي هالمشاعر تحوسك .. ترى الانسان فكره ومشاعر وسلوك وكل هاللي فينا من الفكره اللي هي الشراره وبعدها نبدا نشعر يابغضب يا بألم او ضيق او هلع .. الخ لين ماتوصل للسلوك اللي احيانا لاتحمد عقباه .
صديقتي تستخدم فينيكس ومن اسبوعين كنت طالعه قالت جيبي لي معك فينيك ١٥٠مل قلت طيب ورحت خمس صيدليات ورفضو يعطوني الا بالوصفه حقة الدكتور عصبت على اخر صيدليه قلت له هذي مو مخدرات قال يا اختي احنا موظفين وجانا قرار نطبقه الادويه النفسيه لازم وصفه عشان البعض صار ياخذها من نفسه او بتوصيه من اصحابه واذا ماطبقت القرار ان تصير لي مشكله .. فكرت بكلامه قلت صح رحت لصديقتي قلت لها خذي وصفتك وروحي جيبي دواك جتني دوخه من الفرفره على الصيدليات . خل معك الوصفه بالسياره عشان ماتتعرض لموقف يعصبك . ملاحظه اننا صرنا ماننتحارش يادافع البلا على قول محمد البدراني لو ذبانه تجي على خشمي كسرت وجهي .🤣 ترى الدنيا عنيده يا اخواني وكل ماعاندتها زادت عناد . خلونا حليلين وناخذ الدنيا سهالات وتزين ان شاء الله |
هلا بك اخوي محمد ابشرك بخير الحمدلله .
امس كان عندي جلسه عند المعالج السلوكي وسويت حلسة استرخاء والله فادتني الحمدلله الدوخه كنها احسن والنفسيه اروق شوي .. طبعا الاسترخاء مايبين اثره على الشخص الا بعد اسبوعين الى شهر وتقدر تسويه بالبيت |
اقتباس:
لا زال فيها آلام و مورمه . يضيق خلقي زيادة منها على ما هو ضايق خلقه أكثر وقتها ممتدة و الثني يتعبها و ما أقدر أتربع و لا أقدر على القرفصاء ( الإحتباء ) للحين مداوم على المسكن و المرهم المضادين للإلتهاب و الألم و شريت لي مرّة و دقيتهم بالنجر و ننتظر فرج الله القريب يجيها ألم حتى أحس اني خلاص راح أجيب مطرقة و أضربها عشان أهَجَّد الألم سلامتك من التدمير و النرفزة أكيد ما أنت بصاحي شوف إذا دخلت خشمك الذبانه خلها راح تلقى المخرج من أذانيك في لها أكثر من مخرج فلا تتنرفز يا صاحبي :) بيني و بينك كرهت نفسي من ثلاثة أيام يا حسافة و الله الأدويه ما عادت تنفعني بشيء لو آخذ السركويل بالحاله ما ينومني أبد لازم أعززه بالزيبركسا و الديباكين مثل قلته 100 سركويل 10 زيبركسا 1000 ديباكين آه من المزاج و النفسيه و العقل و الدنيا |
اقتباس:
ماهي بخير و فرج الله قريب آمين يا رب |
اقتباس:
وش اللي يصدك من شان تسعى لعلاجك ؟! الحمدلله دوووم نفسيتك مستقرة و زين تقضي لزومك الجو غبار و أحسن ما سويت ما غسلت الموتر لأن الجو متقلب |
مشكور ع الإهداء يا بو حميد
أعتذر منكم المزاج مش و لا بد آه يا عمري الضايع |
ما تشوف شر ابونجلاء
مشكلة الوقت الطويل وانت فااااضي مدري وين اروح لا ومزكم اكتملت الحفلة اليوم فتحت نقاش مع الاهل هههه طبعا الاهل اخوي وانا وامي بس ما عاااد به احد كل واحد تزوج وراح قلتهم البيت ما شفنا منه الا كثرة المشاكل والمصائب من سكناه ليش ما نبيعه ونغيير يمكن يتحسن الوضع قاااااااااااااااالوا وش بعده بعد خراب مالطه خلاص ما عااد بقى احد الا وراح وانا واخوي نطالع في بعض بيتنا كله مشاكل ودي نغييره بس المشكلة فيه ورثة وين يجتمعون او يوكلون احد كل واحد نفسي نفسي شكلي بخربها بنقل لشقة لحالي بس الا كاسر ظهري امي ما اقدر افارقها اكثر من ساعتين على بعض |
السلام عليكم
كيف حالكم جميعا كلن باسمه سلامتك أبو نجلا و محمد و قطرات و الجميع فعلا ما عاد يعطون حتى شراب الأطفال المضاد الحيوي إلا بوصفة أمس أرسلت مواصلات كريم و قالوا لازم وصفة و أنا بغيته للبسوس اثنين منهم بالذات ما يأكلون غير أسقيهم بالغصب لبن سائل مع نقطتين عسل و أحيان مرق دجاج ، تجننت كل يوم تطلع لي حالة تعبانة قبل يومين المندوب اللي يوصل لي الحبوب الجافة و الرمل كل شهر رمى عند الباب بسين صغار كسروا خاطري قلت ليش ترميهم ما ني قادرة اعتني بعدد ثاني قال أجل اتركيهم يرعون مع اللي يرعون قدام الباب و راح و يوم شفتهم و لاهم صغار ما تجاوزوا الثلاث شهور قلت حرام أتركهم صغار بعدين خايفين مرة منكمشين داخل بعض و يوم دخلتهم إلا و ينشبون في صحن الموية يشربون و اقعدوا جنبه كأنهم حارسينه و كأن لهم دهر ما شربوا قعدت عندهم اراقبهم يمكن خلال ساعة شربوا فوق ثمان مرات و من بعدها لحد الآن ما ذاقوا شي مرة تعبانين |
أنا اللي يخليني أتردد في الاكثار من التبني الخوف عليهم من جيران السوء اللي شغالين تسميم و تغريق بالمياه يسلطون عمالتهم اللي ما يخافون ربهم الله ينتقم منهم
ياليت لو المكان آمن و واسع كان تبنيت كل ساعة ما يقهرني غير لا شفت قط في الطريق مصاب او رضيع بدون ام و أجيبه و أنا القلق ذابحني ما غير أتلفت كأني شايلة ممنوعات الحين بالله لو القطين اللي رماهم ما دريت عنهم و لا شفتهم كان أستسلموا للمرض و الموت البطيء غير الدعس بحكم أنهم صغار و كانوا عايشين ببيت ما يدركون شي عن أهوال الشوارع أنا عندي قطة عمرها ثلاث سنين و متعودة علي و فجأة استقعد لها كم قط من اللي داخل البيت و خافت و هربت ، و الحمدلله طبيت فيها بعد شهرين بالشارع صايرة هيكل عظمي حتى حجمها تضاءل و صغر كأن عمرها أربع شهور ، و هي اصلا كانت من القطط اللي متعودة تتسلق و تروح و تجي يعني الشارع مو غريب عليها ، كيف أجل قط متعود على البيت و تنزعه نزع من الأمان للخوف و من الشبع للجوع هذا موت بطيء المراد أن الشوارع على بؤسها و اهوالها ما بها عيشة محمد نصيحة لا تترك والدتك ربي يحفظها ، الوالدين يوم يكبرون يصيرون أطفال في كل شي ، محتاجينا أكثر من حاجتنا لهم يوم كنا أطفال ، أول كنا أطفالهم الحين هم أطفالنا ربي يحفظهم و يمد في عمرهم و يرزقنا برهم |
هلاااااااااااا عيووووووووون
لا اكيد ما يخطر ببالي الانتقال من البيت الا لبيت ثاني والوالدة معي بس ما هنا دراهم ================================================== ==== |
محمد الله بيجيب الخير وتشتري هاك البيت اللي يشرح صدرك وتحط فيه اميمتك وزوجتك ويجعله بيت الخير وفال السعد ان شاء الله
|
الله يسمع منك يا قطرات
بس ما ابي اتزوج خلااااااص راح العمر ابي العافية ورضا الله ثم رضا امي بس الدنيا ما عاد تهمني لا سيارات ولا زواج ولا وظائف ولا مال ولا جاه ولا شي ابي العافية بس وامي جنبي يحفظها لي رب العالمين |
ان طلبت من الله يامحمد كثر ماعليه بعيد الله يرزقك الصحه والعافيه وراحة البال ان شاء الله
|
ربي ينولكم مرادكم و فوق مرادكم اخواني أخواتي في هذي الليلة المباركة
ما جاني نوم قلت خيرة كود ربي مقدر لي دعوة مستجابة في هذي الساعات المباركات يارب كما جمعتنا في هذا المكان اجمعنا في فسيح الجنان جنة الفردوس الأعلى يارب اجمعنا باحبابنا اللي غادروا قبلنا يارب نور قبورهم و وسع مدخلهم و اجعلهم من أصحاب و صاحبات الفردوس الأعلى و جميع موتى المسلمين اللهم آمين |
هلا بك الغالية قطرات
ما عليه بعيد سبحانه كانت فيه جملة دايم جدتي ترددها الله يرحمها تقول : الله أبو الردات الردات تقصد يرد العافية يرد الخير يرد السعادة لكل من فقدها يارب رد لنا صحتنا و عافيتنا و أمننا و استقرارنا و راحة بالنا يا كريم |
ما للزمن صاحب يا قلبي يا ذايب
حسرة على الأيام بس مين ألوم شسوي بغربتي وحدي دولابي دار نساني بدنيتي سعدي و زماني جار أريد أبكي و ما أقدر نشفت العين يا جرحي و كل سنة يكبر أحبابي وين أنا بهالعمر يا يمه ما عشت لو يوم نسيت الفرحة و البسمة شايل هموم https://www.youtube.com/watch?v=Z6tVfZ8r8wg |
الله المستعان يا بو هذال مالك الا الصبر و أنا أخوك
حاول تفتح ملف في أي مصحة نفسيه أهليه كانت أو حكوميه و أنا برأيي مستشفى الأمل و تداوم على مواعيدهم و يصرفون لك العلاج مع الوصفه حتى لو جيت تسافر و معك الأدويه الا و معك وصفتها و ترتاح تعرف نقاط التفتيش يستقعدون و كذلك الجمارك و نعيما ع الحلاقة و الشياكة يا حلو الله ييسر أمورك يالغالي و يقويك و ينصرك و يسعدك |
ماني طايق أحد حتى روحي
آه منك يا ذا الراس أجي ودي أتسلى معكم لكن المزاج ما رضي يا رب عونك و لطفك يا كم تجرعت الألم يكفي خلاص ملينا من الدنيا |
السلام عليكم
كيف حالكم جميعا أبو نجلا شدة و تزول أن شاء الله اليوم طرت على بالي عفراء و قعدت أدعي لك في ساعة الإجابة قبل المغرب ، ما يدريك ربك يبي يفرج عليك بلحظة بسبب احسانك لها ما قط حزنت على قطة قد حزني عليها ، كل البؤس و مرارة الحياة في عويناتها ، و خصوصا أنها ما تاكل إلا الأكل الجاف ، و هو غير متوفر في الشوارع القاحلة المرمضة إلا من بواقي الطعام المتعفن المسموم ، حسبهم الله تجار الندامه هم و اللي شروها و عودوها على هذا النوع من الأكل ثم رموها يارب سخر لها المنزل الآمن هي و كل ضعيف و سخر لهم الأوفياء اللي ما يتخلون عنهم |
تدري قبل كم يوم معلنين عن كلب مصاب و منكسر ظهره اخذته وحدة مدة اسبوعين ثم طلبوا منها اهلها رميه و رمته قدام باب منزلهم و ما سلم من الاطفال أحفاد الشياطين اللي ما ذكروا عليهم والديهم الدعاء ذيك الليلة ما خلوه في حاله و أنواع الاذية و هو مصاب يزحف على يديه
ما عمري تمنيت اتبنى كلب قد ما تمنيت اتبناه ضعيف مع أنه بالرياض لو البيت واسع حوله مزرعة ما حوله مجرمين يستقعدون لهم كان تبنيت و لا فكرت و حسب هم الله و نعم الوكيل |
| الساعة الآن 06:23 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا