هذا هو الضعيف فوق إصابته يتعرض للأذى و الرمي بالله مو حرام
http://mrkzgulfup.com/uploads/152485126564241.jpgمركز الخليج |
و هذي عفراء الجميلة ماشاء الله تبارك الله عليها ربي يسخر لها و للكلب الضعيف و لكل ضعيف أطيب خلقه و اوفاهم
http://www10.0zz0.com/2018/04/27/20/605318825.jpg |
مساااااااااااااااكم الله بالخيرات
|
عيوووووووووووووووووووون
ما شاء الله عليك عندك طاااقة تقابلين القطاوة صراحة متعبة جدا جدا لانها ارواح ومسئولية اسمع صوت يقول انه عندك هوووووووس وجنون بعالم القطط وصوت ثااااني يقول لا عاادي هواية ورحمة بس دايما كتابتك عنها وتعلقك بها وصل لمرحلة صعبة نصيحة لا تتعلق بشي بشكل كبير لان كل شي زائل ما عاااد ربي سبحانه الحي القيوم |
هلا بك اخوي محمد
لا بالعكس مو هوس ، الهوس من الهوى ، ان الإنسان يكون مهووس بشي حبه حد الجنون و الهوى متقلب كالهواء ، اليوم ينهوس بشي و بكرة بآخر أنا اللي يدفعني و الحمد لله الرحمة ، ما أحب أحد يعاني ، أي مخلوق كان ، و لا صار في إمكاني اساعد ما أقدر أتركه الحين لو هذا الكلب المشلول المصاب او هذي القطة المشردة الجائعة لقوا ناس يخافون الله فيهم هل راح أفكر فيهم و يشغلون حيز من تفكيري ؟ الهوس هو إني أفكر فيهم و هم مرتاحين عند ناس طيبين أما بالنسبة للطاقة على عمل الخير ، ربك هو المسخر سبحانه ، أحمده أنه سخرهم لي لكسب أجرهم قبل يسخرني لهم لكسب الأجر تدري سبحان الله من صور التسخير و الحمدلله إني أصحى من عز نومي عشان أعطي أحدهم جرعة المضاد الحيوي اللي لازم تؤخذ في وقتها بينما لو دواي ما صحيت من صور التسخير و الحمد لله أذكر قبل أكثر من عشر سنوات كان جنبنا جيران توفت الأم الكبيرة الله يرحمها و تطلقت بنتها و بعد الطلاق أنجبت بنتها الابنة البكر كلها في شهر واحد سبحان الله تخيل وحدة تتطلق و تموت أمها و تنجب بنفس الشهر مولودها الأول كيف بتكون نفسيتها و حنا ما كنا نعرفهم فقط عرفناهم يوم رحنا نعزيهم أنا و الوالدة و بعدها قمت أتواصل مع المرأة اللي كانت حامل حتى أطمئن عليها بعد وفاة والدتها حيث أنها كانت أصغر البنات و الاولاد عند والديها و كان مجتمع عليها ظرفين طلاقها و وفاة والدتها و حامل بشهرها الأخير و يشاء الله تلد بعد وفاة أمها بأيام و كانت معنوياتها بالحضيض خصوصا أنها كانت تحب أبو بنتها و ما توقعت يطلقها و خاصة أنها حامل و فوق ذا أخواتها متزوجات خارج جدة ، يعني ما أحد يبي يستطيع أنه يكون حولها و يساعدها أنا لاحظت يوم كنت أزورها ما تهتم ببنتها الرضيعة و كنت اعاونها الحمد لله و انصحها لين صرت أتضايق من إهمالها للبنت غصب عنها لأن معنوياتها ما كانت مساعدتها و فكرها على طول مشغول ودها ترجع لأبو بنتها اللي ما فيه خير و اللي حتى ما سأل عن بنته و لا أرسل ريال و لا طلب يشوفها أنا هنا غصب تعلقت بالبنت لدرجة يوم تمرض ازبن عندها لين تطيب ، لأني ما أثق بعناية أمها فيها هل معناه إني عندي هوس ، لا لأني لو أدري أن وراها ام تبي تنتبه لها ما كان شلت همها بعدين يوم اكبرت البنت و صار عمرها سنتين و صارت تتكلم و تزعج أمها إذا مرضت او بغت شي تطمنت عليها و ما صرت أشوفها هي و أمها إلا كل وين و وين الله يذكرهن بالخير و يحفظهن |
لذلك ربي يوم يريد يسخر أحد لأحد تلقاه يتصرف تصرفات ما راح يتوقع أنه يتصرفها لنفسه
لذلك حتى انا آمنت بالتسخير لدرجة تشوف حولك بالحياة وحدة مشقية زوجها أو زوج مشقي زوجته و تلقى الواحد يفني ماله و طاقته و عمره تحت أقدام اللي مشقيه و تقول على إيش ؟ لا على تدين و لا على أخلاق و لا على جمال و لا على مال لكن نغفل عن التسخير ، اللي يفسرونه ضعاف النفوس و الإيمان أنه سحر و هو سبحان الله تسخير حتى يعمر البيت و يقوم و تستمر الحياة الزوجية ، يمكن التسخير ذا جاء من دعوة او عمل صالح او حتى جاي من صلاح أحد الآباء او الاجداد و صلاح الاباء و الاجداد سمعت أن بركته تستمر لسابع جد سبحان الله و تأكد أن أفضل تسخير يوم ربي يسخرك لعمل خير و يدفعك له دفع غصب عنك |
اقتباس:
والحمدلله انك تعافيت من اللي فيك عقبال ماتتعافى من الباقي انت والجميع بخصوص القلق للاسف صرت اقلق كثير حتى لو شي تافه لازم اقلق واكبره بعقلي واوسوس الله يرحم الحال اقتباس:
بخصوص المعامله انا مااحتك فيهم واذا احتكيت اكون رسميه معاهم ومااتدخل فيهم واكيد الاحترام موجود الشي اللي قاهرني ان الادويه االي اخذها سببت لي عصبيه زياده وانا ماعندي الا امي اعصب عليها بعض الاحيان لدرجه اكره اسئلتها او اسمع صوتها للاسف احس اني صرت عاقه لها رغم اني اخدمها ومريحتها هذا الشي مضايقني لاني اندم بعدها واحن عليها بس غصب عني صرت اكتم عصبيتي وافضفض لاخواتي فقط |
اقتباس:
صراحه عيون تعلقك فيها وحنيتك عليها ماعمري شفت ماشاء الله عليكي تصلحي في هيئة الرفق بالحيوان هو صحيح يحزنو وتربيتك لهم وعنايتك لهم فيها اجر بس انتبهي منها بعضها فيها امراض وممكن لاسمح الله تعديك احنا عندنا حمام كل شوي يبيض وهالمره شفت اثنين من فرخها مدري صوص حمام عاد مدري ايش يسمونهم ههههه المهم يكسرون الخاطر ودي اساعدهم لين يكبرو ويطيرو بس بعيدين عني بس اشوف امهم كل شوي عندهم ولما افتح الشباك تهرب وكل يوم اتفرج فيهم ولي يومين اشوف فرخ واحد مدري وين راح الثاني هو طار والا مات الله اعلم بس يحزنو والله |
هلا بك أختي لولو ربي يسعدك و ربي يحفظ والدتك و يرزقك برها و بر والدينا جميعا
اطمنك حبيبتي أن أمراض الحيوانات و الطيور حتى الخطير منها و الفيروسية ما تعدي البشر هم يتعادون بينهم و بين بعضهم و احنا نتعادى بيننا و بين بعضنا لأن التركيبة الكيمائية و الجينية و الحيوية تختلف تماما و أيضا من تجربة و لله الحمد اخالطهم في فراشي و في اكلي نأكل سوا من صحن واحد خاصة لا صار شاورما افرطها في صحن اخليهم حبايبي يأكلون معي الدجاج و أنا آكل الخس و انتف من الخبز حتى و هم مرضى يشهد الله و الحمد لله ماشاء الله تبارك الله ما شفت شي بعدين ما شفت أنظف منهم ماشاء الله طوال الوقت يلحسون أنفسهم حتى في العلم الحديث أثبتوا أن ريقهم نسبة الميكروبات فيه صفر بالمية بينما البشر خمسين بالمية و هذا مصداقا للحديث اللي روته آمنا عائشة رضي الله عنها و ارضاها عن الرسول صلى الله عليه و سلم يوم قال : سؤرها طاهر سؤر أي ريق يوم اجتمعن عندها النساء و جاءت قطة و أكلت من طرف الإناء فلم تقبل النساء على الصحن بينما مدت آمنا يدها الشريفة و تناولت من نفس المكان الذي أكلت منه القطة و ذكرت حينها الحديث الذي يخص طهارة سؤرها كذلك كان الرسول صلى الله عليه و سلم عندما يهم بالوضوء يصغي الاناء للقطط فتشرب منه قبل أن يتوضأ هذا غير حديث الطوافون و الطوافات الطوافون أي الملائكة و الطوافات القطط التي تطوف في البيوت و المساجد لأنها طاهرة |
هلا وغلا عيووووووووون
سبحانه الله الى سخرك لهم هالضعوف والله يجزاك خير الجزاء هلا وغلا لوليتا حاول تطبقي برامج الاسترخاء والتطنيش ====================== الله يوفق الجميع انا هلكان من الكحة والزكام رجعت بشكل شديد |
لاحظوا التشريف للقطط ظلت أحاديث شريفة تروى ، و جمعت مع الملائكة في ذات الحديث
الطوافون و الطوافات واو العطف تدل على المشاركة كذلك الكلب نال التشريف من بين الحيوانات في القرآن الكريم كل أسبوع نردد سيرته من خلال سورة الكهف و من تمام التشريف أن معجزة النوم جرت عليه مثل ما جرت على أصحابه المؤمنين حتى عند العدد يحرص الله أن يعده معهم ثلاثة رابعهم كلبهم ، سادسهم كلبهم ، ثامنهم كلبهم كذلك يكرر و يجون الدلوخ الجلوف عديمي الدين يوم يطرونه يقولون اعزكم الله و هو الله أصلا عزه يوم ذكره في كتابه الكريم و في السنة النبوية حديث البغي التي سقت كلب |
بعدين هم مساكين استوثمت فيهم لأنهم متعلقين فيني تعلق الرضيع بأمه لدرجة يصدرون صوت متواصل من حناجرهم يوم أصحى من النوم او أقبل عليهم و ينشبون فيني حتى و أنا نايمة يلصقون لدرجة اتكوم على نفسي حتى اخلي لهم مكان ، صرت أنام بالأرض أقوم ألقى نفسي بدون مخدة ، نايمين عليها اثنين و الباقي حولي و فوقي حتى أخاف انقلب عليهم و اهرسهم ، أنا احزن عليهم لاني بليتهم فيني و تعلقوا ضعوف ، لو أغيب عن البيت كم ساعة القاهم عند الباب ، و سبحان الله نفس غيرة الأطفال يوم أشيل واحد او أقبل الثاني الباقيين يعصبون عليه و يهجمون يطردونه
يشهد الله أنهم أطفال و لكن باذيال |
هلا عيوووووووون
مقدر اقول شي الا الله يقويك ويعينك صراحة ما عاااااااااااد لي خاااطر في الحياة كل شي يتازم ويتعقد في حيااااااااااااتي يارب تفرجها |
|
|
ليس الغريب غريب الشام واليمن .... إن الغريب غريب اللحد والكفن إن الغريب له حق لغربته .... على المقيمين في الأوطان والسكن لا تنهرنَّ غريبا حال غربته..... الدهر ينهره بالذل والمحن. سفري بعيد وزادي لن يبلغني..... وقوتي ضعفت والموت يطلبني ولي بقايا ذنوب لست أعلمها.... الله يعلمها في السر والعلن
إقA8 |
لوليتا حبيبتي لو كانت والدتك تدري انك تاخذي ادويه نفسيه اقعظي معها وقوليلها يمه لاتواخذيني لو عصبت عليك هذا من الادويه ولو ماكانت تدري اي موقف ينرفزك قبل اي ردة فعل منك عدي من واحد الى ٢٠ وبتلقين نفسك خفت الحده عندك .. الله يوفقك
عيون الله يعينك ويوفقك ويختار لك اللي فيه خيره لك ويسخرولك اطيب خلقه |
|
محمد سلامتك
تصدق اليوم مانمت الا تسع الصبح وانا ادور باليوتيوب ومن برنامج لبرنامج ودخلت على مستشفى العباسيه للامراض النفسيه بمصر حالات تبكي لها ٢٠ و٣٠ سنه وتعافت بفضل الله ورجعت تشتغل وتنتج .. انا اقول ان التشخيص وخلطة الدواء عندك فيها شي غلط لاتيأس وانا اختك غير دكتورك غير دواك حاول والطب كل يوم فيه طفره جديده .. ادري انك منهك وتعبت وفقدت الأمل لكن الله سبحانه يفتح باب ماحسبت له حساب .. طمنا عليك .. بتزين ان شاء الله |
اقتباس:
فالاحسن يخلوها تعيش حياتها برا البيت بس للاسف فيه ناس واطفال ياذوها وبعضهم يقتلها استغفر الله المشكله زي ماقلتي تعلقتي فيهم وتعلقو فيك وهذا مو زين لصحتك ونفسيتك بس كويس عندك شي يشغلك وتتسلي معاهم ومنها تكسبي اجر اقتباس:
اقتباس:
بس الحمدلله خفت العصبيه وصرت اقدر اتحكم بنفسي وارد عليها ماسكه نفسي واذا حسيت اني بعصب اسكت بس هي تستغرب تقول ليش ماتردين علي تحزني صراحه 😢 |
ازمه وتعدي لوليتا وكل شي بيرجع مثل اول واحسن ان شاء الله
|
ان شاء الله ياقطرات
ياليت ارجع ثلاث سنين ورى كانت نفسيتي احلى ومرتاحه |
لولو احنا ما علينا من اللي يقولونه الجهلاء و يرددونه ، احنا علينا من اللي يقوله الكتاب و السنة و الكلام العلمي الموثق
يا كثر اللي تردد من مئات السنين و ابطله الكتاب و السنة و العلم و الطب و الحمد لله أننا أمة الكتاب و السنة أمة النقل و العقل |
نداء عاجل لأبو نجلا
ابو نجلا تو اكلم بنت عمي بامريكا امها قررو لها عمليه بركبتها الم فضيع وتاكل بالركبه المهم لهم بامريكا ٣ شهور وهي من استشاره لاستشاره خايفه تسوي العمليه تقولي بنت عمي من شهر تقريبا اتابع وحده بالسناب حقة طب بديل تقول الا تتكلم عن حالتها من كم سنه نفس حالة أمي وتقول وراحت للهند ونصحها الدكتور ماتسوي عمليه وقالها انصحك تاكلين حبوب الشيا يوميا بمقدار ملعقه صغيره وتقول واستخدمت الشيا وبعد اسبوع بديت اوقف وخف الالم تقول بنت عمي من سمعت هالسالفه واروح اشتري لأمي هالبذور ان مانفعت ماضرت وتقول امي صار لها تستخدمها شهر اختفى الالم وصارت تمشي طبيعي واخر دكتور قرر انها ماتحتاج عمليه .. جربها يابو نجلا تراها بذور طبيعيه وكويسه حتى للدم والعظام والصحه العامه منت خسران شي .. تلقاها في الدانوب واحسن نوع ماركة ارض الطبيعه وبالعافيه .. والله من خلصت المكالمه وانا طايره هنا ابي اعلمك كود الله ينفع بهالبذور وترتاح بس ااتستعجل ترى مو من يومين بتشوف نتيجه اقل شي اسبوع الى شهر |
صح ياعيون الحمدلله اننا عندنا كتاب الله وسنه نبيه نرجع لها اذا شكينا بشي او اختلطت فينا الامور
من جد الاسلام نعمه والحمدلله خلقنا مسلمين وفي بلد مسلم |
اقتباس:
الحل انك تقطع الحبوب بالتدريج و تحمل الاثار الانسحابية اسبوع و باذن يرجع لك التوازن |
هلا متارجح ما ضنيت انه من ليركا
اتوقع انه مضادات الكحة مع ادوية الاكتئاب شكلها تتفاعل سلبيا لذلك قررت التوقف عنها يومين اشوف الوضع اصلا صدري انتهى من كثرة الكحة قسم هلكني |
السلام عليكم
أسعد الله جميع أوقاتكم اخواني أخواتي الكرام يارب تكونون دوم بخير صرتم نفس أهلي لازم أطمئن عليكم يوميا ، محمد سلامتك ما تشوف شر حاول تخفف الدخان لأنه يزيدك ربي يزهدك فيه و تتركه مرتن وحدة و لو تمر العطار تشري منه لبان ذكر و تغسل منه خمشة تضعها في ماء صحة ام ريال و تخليه بالثلاجة يوم ثم ترد القارورة و تأخذ منه مقدار فنجال قهوة على الريق و مرة بالليل مدة كذا يوم ، بإذن الله يصفي صدرك |
الله يسلمك يا عيون ويجزاك خير
سمعت بورق الجوافة وان شاء الله ناوي اما ادوية الكحة برميها في الزباله وانتم بكرامة شكلها منها التعب النفسي لان اتوقع تتفاعل مع الادوية |
أنا أحس لابد أبلع لي دواء نفسي تعبت الفترة الأخيرة ، زايد عندي القلق و الخوف بشكل فظيع ، لدرجة الكوابيس ما عاد تفارقني لحد اليوم صراخي قومني ، أشوف مطاردات و ثعابين و أشياء مفجعة
صار الواحد الحمد لله لا يرتاح لا بنومه و لا يقظته و الحمدلله على كل حال مع إني صملت مدة عامين و نص للحين و أنا مبعدة عن أي علاج نفسي الحين مترددة بين البروزاك و الويليبترون الويليبترون ما قط جربته بس يوم قالوا يزود القلق خفت منه ودي اطلب منك طلب أختي قطرات و مستحية ، ودي نكون قروب أنا و أنت و أي بنت من اللي هنا و معنا صديقتك اللي تتناول هذا العلاج ودي استفسر منها باستفاضة لو ما عندها مانع و أسأل الله الكريم أن يجمعنا على الحق و الخير و أن يحشرنا في زمرة المتقين اللهم آمين |
صحيح محمد ورق الجوافة ممتاز سمعت عنه
و بما أنه ورق يتعامل معاملة الشاي بحيث أنك تاخذ حفنة و تصب عليها ماء مغلي و تغطيه و تتركه لين يدفا و فالك العافية سبق قرأت في علم الأعشاب أن الاوراق تنقع و الجذور و الحبوب تغلى |
تكلمت الأستاذة منيرة الخزيم في محاضرة لها عن أستغلال شهر رمضان وذكرت أهمية وقته وأنه لا يحس بأهميته إلا أهل القبور رحمهم الله
⬅وأكدت على ثلاث ساعات يوميا لا تفرط فيها مهما كان الثمن فأنك إذا حافظت عليها وهي ثلاث ساعات بعدد أيام الشهر يكون المجموع (٩٠) ساعة وهن كالتالي … 🎐الساعه عند الفطر جهزي فطورك باكرا وتفرغي فيها للدعاء فان للصائم عند فطره دعوه لا ترد أدعي لك ولأحبابك ولا تنسين أموات المسلمين فانهم يحتاجون منك الدعاء 🎐واما الساعه الثانيه فهي اخر الليل أجعليها خلوه مع الله سبحانه فأنه ينادي هل من سأل فأعطيه هل من مستغفر فأغفر له فأكثري فيها من الإستغفار 🎐واما الساعه الثالثه فهي جلوسلك بعد صلاة الفجر في مصلاك حتى الأشراق 🎐هذه تسعون ساعة وأحرصي على باقي الوقت بالذكر وأجتناب الغيبه فإنها تحصد الأعمال وأعزمي إلا تفوتك صلاة فريضه وأستغلي النوافل فإنما هو ثلاثين يوما وما أسرع ما نقول أنقضى والله المستعان ⏪ثلاث أدعيه لا تنسونها في سجودكم اللهم إني أسألك حسن الخاتمة اللهم ارزقني توبةً نصوحه قبل الموت اللهم يا مقلب القلوب ثبت قلبي على دينك |
هلا حبيبتي عيون
اوكي ماعندي مشكله بالقروب بس صاحبتي هذي مالها ابدا بالمنتديات ولا بالنت تلقينها من مطعك لمطعم واكل و عزايم 😁 اكتبي اي سؤال وانا انقله لها واستفسر لك منها ان شاء الله ولايهمك . بس من اللي فهمته بالادويه عيون ان كل شخص يختلف عن الثاني سواء باعراضه الجانبيه او تأثيره الايجابي . اليوم بعد اتصلت على وحده من المعارف اسألها والدتها تعبانه وقالت سوينا كل الفحوصات ومافيها شي عضوي فيها اكتئاب شديد وعطاها الدكتور برنتلكس ومن ثاني اسبوع صارت وش زينها صارت نصحى وتفطر وتطلع وتمارس حياتها تقول رجعت امي اللي اعرفها .. عسى ربي يكتب لك الخير يارب |
هلا بك قلبي قطرات الغالية
ربي يمتعك و يمتعهن بالعافية و الصحة حبيبتي بالنسبة للبرنتلكس برضه تحمست له العام بس يوم قالوا نفس السيبرالكس و أنا سبق تناولته زود وزني و جاب لي خمول و نوم قطعني عن الدنيا |
اقتباس:
بعد اسبوعين الى شهرين تختفي كل هالاعراض انا استعمل السيروكسات الان ..... و الفضل لله ثم له رجعني طبيعي بعد ماكانت حالتي سيئة |
بالنسبة للخروج من يوم كنت طفلة و أنا ما قط تحمست له مدري من النفسية و إلا طبع
من جد لو خيرت بين كتاب و نزهة أختار قراءة الكتاب في بيتي حتى لو أخرج ما انبسط ، بس ودي أرجع البيت ، مع إني زمان ما كنت أعاني من هلع و رهاب و كنت أستغرب يوم أشوف حولي من الإناث متشفقات على الخروج حتى الوالدة الله يعافيها ، بعدين قرأت معلومة أن الأنثى تدفعها طبيعتها إلى السكون ببيتها ، و خروجها المستمر يبي يفقدها الإحساس بالاستقرار و الأمان لأنه ينافي طبيعتها إللي فطرها الله عليها و اطمئنيت على نفسي بس من جد لو إني عايشة بمزرعة و حولي أحباب الله الضعوف كانت الحياة حياة ، و وقتها من جد و لا فكرت بالخروج |
مسااااااااااااااء الخيرات للكل
عيووووون وقطرات ومتارجح والغائب ابونجلاء عيون مالك الا تجربة بروزاك ثم اذا ما نفع معك تجربة لامكتال بالنسبة للامكتال اهو مضاد صرع في الاساس وجدوا انه محسن للمزاج ومثبت له ودواء يوصف لدعم الادوية بعض الناس ترتاح له كثير وانا منهم ويلبترين يخليك عصبية ويبعد الخمول ويسبب نشاط ويفضل تاخذينه الصباح باقي العلاجات ما تصلح لك لازم تستشير دكتور وقولي له وش رايك بدواء لامكتال |
هلا بك اخوي متارجح
سبق جربت البروزاك و السيبرالكس و السيروكسات ، كل كورس على حدة و كلهن زودن وزني ما عدا البروزاك ، اما عاد السيروكسات زود وزني زيادة فظيعة حتى هرموناتي لخبطها ذيك الفترة ، و ما صدقت انتهي من الكورس و اشترك بصالة رياضية مدة عام غير المداومة على الأنظمة الغذائية و الحمدلله لكني أعترف إنه جبار على الرهاب و كل هذي الادوية الثلاثة تسببت لي بالخمول و النوم الطويل ، حتى البروزاك اللي أسهر الخلايق ، انا كنت ابلعه من هنا و اموت من هنا موتة صغرى عشرين ساعة متواصلة ، لذلك انا حذرة ما ودي أندم |
هلا بك اخوي محمد
ابشوف ان شاء الله لا ميكتال ابسوي بحث عساه بس ما يزود الوزن و يلخبط الهرمونات ، لان فيه دواء من فصيلته قالوا يلخبط الهرمونات أظنه الدوجماتيل او الليركا ماني متأكدة انا مشكلتي لو أنفك من الهلع و توقع المكروه اللي ملازمني و رهاب الخروج كان أنا بخير ما أرتاح و لله الحمد لا بنوم و لا يقظة دايم على اعصابي قلقانة أحس وراي اختبار و ماغص يهتك بمعدتي لين صارت الكوابيس بالفترة الاخيرة ما تفارقني انا بصراحة خلال السنتين و النصف اللي مرت جاهدت نفسي جهاد جبار على عدم العودة للعلاج النفسي و كان ودي اصمل لكن تعبت انعدم التركيز و الراحة و الحمدلله على كل حال |
هلا عيون
دوجماتيل دواء للذهان بجرعات كبيرة جدا وبجرعة صغيرة للقلق بس يعيب الدواء لخبطة الهرومونات والسمنة ليركا دواء للاعصاب والصرع ودواء تعودي وليس ادماني ولكن يحتاج الى وصفة طبية مقيدة لامكتال يختلف لا يحتاج وصفة ولا يسبب سمنة ولا يسبب لخبطة دواء سليم جدا جدا |
الساعة الآن 05:02 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا