|
|
هلا وسهلا بمحمد يالله حيه ..شلونك اليوم بشرنا عنك وعن خاطرك عسى الخاطر زين
|
هلااااااااا قطرااااااات
والله مدري وش اقول بس احسن من امس لاني وقفت ادوية السعال الخاصة بالكحة وكاني احسن انتي بشرينا عنك ======================================= لولو صدمتيني وش العلاج الى تاخذينه كاني قريت امس انك تاخذين دواء ليش وحق وش |
والله يامحمد كني اراود نفسي على الدواء النفسي يابروزاك او برنتلكس .. الحمدلله اما احسن من اول لكني مو انا اللي كنت قبل سنتين .. واشوف ثنتين من صاحباتي ياخذون ادويه حياتهم ماشاء الله جميله وماشيه لاخوف ولا اكتئاب وبكل عرس لهم قرص مايفوتون عزيمه ولا طلعه
|
لكني بستشير دكتوري وعسى ربي يسخر لنا و لك الخيره
|
الله يجزاك خير اخوي محمد على الافادة بخصوص لاميكتال
و قاعدة اسوي بحث عنه و بصدد إني اجربه إذا ناسبني بحول الله و قوته و قبلها استخير بإذن الله |
قطرات بكل ما تقدرين تجنبي الدواء لانه له اثار ولا يعالج المرض فقط يسكن المرض وبعد ما تخفف الجرعة او تترك العلاج ترجع المشكلة
بعكس لما تواجه المخاوف والاكتئاب وتتخلص منه خاصة بالاذكار وقرءاة القران انا من الناس الى ندم على خطوة العلاج بس ما عااااد بوه فايدة من تركه الحمدالله لو تشوفين لك شغل او عمل ممكن تندمجي بالمجتمع وتتحسن عندك النفسية عندكم ممشى على الكورنيش حلو وجميل احبه جدا امشي فيه كل يوم ساعة حلو لما تسكن عند بحر يا سلام انا اتخيل نفسي كل يوم بالكورنيش اختي ساكنه بالدمام عندكم لما اروح لها استانس بالكورنيش حزة الفجر |
انا متحسنه محمد وكنت امشي كل يوم وجتني الدوخه روعتني ووقفت مشي .. الله يكتب اللي فيه الخير
|
الـسـلام عـلـيـكـم
صـبـاح الـخـيـر جـمـيـعـاً الـقـلـق والـخـوف والـوسـواس عـذبـونـي انـا ويـن اروح ! يـارب كـيـف الـسـبـيـل الـى الـشـفـاءِ دلـنـي حـسـبـي اللـه ونـعـم الـوكـيـل . |
اقتباس:
منظورك للحياة يتغير و ترجعين لطبيعتك و تحسين بطعم الدنيا و تتخلصين من الوساوس و القلق المرهق البعض يخاف ياخذها لانه يخشى ما يقدر يتركها ....طيب وين المشكلة ؟ هالأدوية مصممة للاستخدام الطويل و ما منها اي ضرر ع الجسم الله يكتب لك اللي فيه الخير |
متأرجح انا قناعتي ماعندي مشكله اخذها بس اخاف من اعراضها الجانبيه في بداية استخدام الدواء بجد لما افكر اشعر برعب منها والمشكله محد يقدر يفيدك لأن كل شخص يختلف عن الثاني .. اهم عرضين خايفه منهم الدوخه والخفقان .. امس سويت بحث لقيت البرنتلكس اقل اعراض من بين الادويه لكن برضو ما ادري عن جسمي يتقبله والا لا
|
اقتباس:
ما راح احاول اقنعك و اقول ان مخاوفك مو صحيحة .... بخليك تفكرين بالموضوع و تسالين دكتورك و متاكد انك ان شالله بتسوين الشي الصح |
مساااااااااااااكم الله بالخيرات
لازالت الحرب دائرة بيني وبين الانفلونزا كملت عشرة ايام |
الله يسعدك متأرجح ماقصرت على دعمك بس الله يعينكم ان خذت دواء بنشب لكم بالمنتدى لين ارتاح 😄
محمد ياختك خذ حلبه مطحونه مع عسل ليه جسمك ضعيف ؟ كثر الليمون والكيوي .. شوربة خضار مع لحم طازجه لاتحط فلفل اسود ترى يزود الكحه ولا تاخذ زنجبيل ابد يزود حساسية الصدر وتذكرت شراب كحه ياهو ريحني كانت كحتي ناشفه تقطع عضلات صدري تقطيع واحس ضلوعي تتكسر والله ومن خذت هالشراب وانا هاجده يومين واختفت الكحه .. الشراب اسمه اكسيلين .. علبته لونها ابيض واخضر وماعليك شر |
هلا وغلا قطرات الغالية
لا ما عاااد ابي شراب كحة بهذلني تو رحت للفوال وشريت فول قلابة وفول جره وخبز بتعشى ما تغديت ولا طب بطني شي شاهي وقهوة على جوع وشريت اكواب شاهي ثللاثة وشريت وهو المهم اوراق جوافة وتتصلح مثل الشاهي يارب تنفع بها واتشفى من الانفلونزا قطرات مشكوووووورة على الدعم واذا نشبتي لنا ابركها ساعة باذن الله نجيبك على كل اسئلتك حسب خبرتنا |
اقتباس:
ما ترى باس و انا اخوك و فكر ثانية بالليركا ....الليركا مو علاج ...الليركا تشتغل مثل مهدئات البنزو و يصير عليها تعود لذلك ما تنصرف الا بصعوبة و وصفة لك وحشة و انا اخوك |
اقتباس:
|
هلا وغلا متارجح واحشني بزاااااااااااااااااف
اخبرك يا غاااااااااااااالى واخبار علاجك معك بالنسبة لليركا بالفعل صدقت اغلب الناس ما تحتاج تاخذه كتسلية واعرف انه مب علاج مهدئ لكن ليس ادماني انما تعودي يعني تتعود على العلاج ولا تحتاج رفعة الجرعة الا فيما ندر انا استخدمه بشكل متواصل من سنة وما احتجت ارفع الجرعة الا الايام الماضية بسبب انتكاسة قوية والحين رجعت للجرعة المعتاد لدي والمعقولة وهي 150 ملغ فقط وهو جرعته القصوى 600 ملغ الحمدالله انا من الناس الشاده على نفسها بالنسبة للمهدئات ولا ارفع الجرعات ولا استهين بها ابدا جربت كل ما يخطر ببالك من الادوية لوكساتنيل وفاليوم وزناكس وريفوتريل كلها ادمانية وتحتاج الى رفع جرعة وما هذا لم ارفع جرعتها لا تخف على يا صديقي الغاااالي انا حاااازم مع نفسي |
اهدااااااااء الى عيوووووون
وانا اتصفح الانستقرام اعجبت بالصور هالقطط ياليت اهلي يوافقون على شرائها كان ما تاخرت عنها بدون اذان ولا اعرف حقيقة فصيلتها https://f.top4top.net/p_849qn9x31.png |
تسلم متأرجح الله يسعدك جعلك ذخر وانا اختك .. ببلغك بعد زيارتي للدكتزر يوم الثلاثاء وش الله يكتب
|
اقتباس:
|
اهلين اخي روح معنوية منور المضافة
لا طبعا الدكتور اهو واصفه لي وانا ما اشتري شي من السوق السوداء اشتريه من الصيدلية بوصفة مقيدة |
السلام عليكم
كيف حالكم جميعا اخواني أخواتي الكرام هلا بك اخوي محمد و أختي قطرات الغالية و اخوي بدر و اخوي متأرجح و الجميع سلامتكم جميعا و أجر و عافية اخوي محمد من زمان و حنا المنقذين ضد التجار اللي يتاجرون بالأرواح البريئة ، شراؤها يشجعهم على الاستغلال أكثر بحيث يجعلون منها تتكاثر في ظروف صعبة قاتلة راح أشرح هذي الظروف بالتفصيل غير أن بيعها و شراءها محرم حيث نهى الرسول صلى الله عليه و سلم عن بيع السنور و شرائه من ظروف إيذاء التجار للضعوف يخلون القطة تنجب مرات و مرات متتابعة لين تضعف صحتها و تموت غير أنهم يأخذون رضعها منها قبل الفطام و يبيعونهم حتى ينتجون غيرهم و غيرهم أقل مدة حتى تفطم القطة رضيعها مدة شهرين هم ينزعونهم من أمهاتهم نزع قبل يتمون شهر و ييبعونهم و هم ضعاف البنية لكثير من اللي ما يخافون ربهم لعبة لأطفالهم ، مجرد ما يكبر القط شهر آخر و تنمو أظافره يرمونه خوفا على عيالهم المؤذين مع أن القط لا يمكن يهجم ، هو يوم يخاف يهجم ، لذلك نشوف الام إذا أحد قرب من صغارها تهجم لأنها خافت عليهم تخيل أحد المحلات حاكرين قطة عمياء في قفص طير ضيق و جنبها قليل من الماء الملوث و كم حبة من الطعام الجاف مستغلينها للإنتاج لأنها من فصيلة الهيمالايا كل ما أنجبت نزعوهم من حضنها و باعوهم في سوق النخاسة و يعرضونها في كل مرة لحمل جديد غصب عنها و هي ما زالت ضعيفة و هزيلة من الحمل الأول و الرضاعة ، و تظل هكذا من حمل لحمل لين تموت و فوق ذا بعد شرائهم بشهر شهرين يطردون قليلو الخاتمة الضعوف ، و لأن قوائمهم قصيرة ما يستطيعون القفز على الحاويات لالتقاط الطعام المتعفن و النتيجة يموتون جوع ، غير فراءهم الكثيف اللي يسحبونه فوقهم و وراءهم تقل بطانيات على الأسفلت اللاهب و تحت الشمس الحارقة يعجل بهلاكهم المفروض كمسلمين نحتسب الأجر و ننقذ الطايحين اللي بالشوارع و ناويهم و نطعمهم رغبة بما عند الله و نرحمهم من الشوارع و يا كثرهم أمس متصلة علي وحدة تقول لقت خمس رضع بدون ام يلزمهم رضاعة و إلا يموتون و قعدت أقنع الوالدة و رفضت و أنا إلى الآن قلبي حزين عليهم |
بعدين اللي يقتني حيوان عشان الشكل و القشور أول من يتخلى عنه لأي ظرف حتى لو مرض الحيوان
مرة جاء بيطري يعالج القطط في حوش البيت ، و كان فيه قطط مرضها مزمن و مستعص و كل فترة اضطر اخليه يشوفهم قال كلام تقشعر منه القلوب قبل الأبدان ، قال أنه متعود يسوي زيارات منزلية لعلاج الحيوانات عند أهل الثراء من الناس ، يقول بالرغم من ثرائهم و حياة الترف بمجرد يمرض حيوان و تكرر مرضه تخلصوا منه بالرمي بالرغم أنهم مستوردينه من الخارج بمبالغ و قدرها أعوذ بالله من الشر يتخلون عنها في عز حاجتها بدال يخففون عنها و مستغرب إني مجتهدة أعالج قطط الشارع اللي ببلاش و ادفع لعلاجها هنا يظهر الفرق اللي يأوي ابتغاء الأجر يبي يعالج ابتغاء للأجر لكن اللي يشري عشان الشكل أول من يضحي عند المرض و الحاجة المبادئ و ما أدراك ما المبادئ ؟ ما يدري أن شواربهم المتفرقة ذيك تسوا عندي قرايب و قبايل أنا مدري حتى كيف العشرة تهون عليهم أعوذ بالله من الأنذال إذا غرض او قطعة اثاث يحز بنفس الواحد يغيرها كيف حيوان من لحم و دم إلا الأنذال ما لهم عندي دية ، وجع يوجعهم ما له طب ، من كثر مو قلبي مليان قيح و صديد من عديمي المروءة ودي أمشي و اتفل عليهم و أنتم بكرامة ، سلامتكم من النذالة و الأنذال و صدقت جدتي الله يرحمها يوم قالت : اللي ما فيه خير فراقه خير |
الحين يجي واحد مدرعم و مطفي النور و يقول : لالا مو لذي الدرجة تخلين الهواية أفضل من الناس ؟
على فكرة مو الناس ، افضلهم على الانذال و أقله : وقف لو سمحت أولا هذي مو هواية ، أنا سبق تطلقت بسبب امرأة عجوز حسيرة كسيرة على كرسي متحرك في الحرم المكي او بمعنى اصح ما كانت سبب طلاقي ، كانت فقط القشة التي قصمت ظهر البعير اللي دعاني لطلب الطلاق هو النذالة بعد زواجي المشؤوم بكم شهر طلبت نعتمر عدة ايام و نمكث في أحد الفنادق القريبة من الحرم و بأحد العصاري نزلت الحرم أصلي و أدعو الله بصلاح الحال ، و اطب في امرأة عجوز ضعيفة عند باب الملك فهد رحمه الله على كرسي متحرك تبكي ، طلبت مني دفعها ، دفعتها و عرفت قصتها ، امرأة بلا مال او ولد ، كانت تسكن في أحد الغرف التابعة للأحياء القريبة من الحرم و لكن نظرا لتعطل جهاز التكييف الخاص بغرفتها اضطرت للمكوث بالحرم و كانت ذيك الفترة في عز الصيف ، و كانت أقصى امانيها تصليح جهاز التكييف فقط و نظرا لأنها على كرسي متحرك لا تستطيع الاستعانة بعامل تصليح فطلبت من الذي كان زوجي و بمنتهى الأسف كان من تلك الفئة التي ذكرتها أعلاه رفض بشدة و أخذ يزمجر ، قلت له أنا ارافقها و أنت فقط من تحضر العامل و أنا من احاسبه على أجرة التصليح ، لم يوافق و استمر في العناد و التعالي بدال يعينني على الخير و تذكرت فورا مقولة جدتي : اللي ما بوه خير فراقه خير قلت بنفسي ما رحم عجوز لا حول لها و لا قوة و استكثر مشوار لين محل المكيفات و كان بإمكانه خلاني احاسب العامل مقدم و دليناه على بيتها كيف أجل يبي يرحمني ، و فررت تلك الليلة فراري من الأسد أقصد من النعجة و إلى الابد ، مع أنه ظل ثلاث سنوات يتردد على اقاربنا يوسطهم من أجل العودة و لكن لا عودة لعينته بعد النجاة سبحان الله كانت آمالي عريضة بعرض المشرق مع المغرب ، كنت أتمنى ارتبط بنشمي اجودي صاحب مروءة راعي فزعة شهم و اتباهى برجولته و مواقفه مع الضعفاء ، ارتكز عليه لا كشرت سود الايام ، يعينني على الخير الرجولة غير و الذكورة غير ، و الكثير يخلط بينهما لذلك غير مأسوف على زمن ،،،، انقضى بالهم و الحزن كنت أشعر بالغثيان يوم كنت أشوف إحداهن متحمسة و تعلو وجهها ملامح الانتصار يوم تتباهى بتحريض زوجها على عدم مساعدة أهله ، أقول سبحان الله كيف قادرة تنظر إليه او تحترمه ، كيف اصلا قادرة تحبه و تعيش معه ، كيف تحس أن وراها سند و ظهر ، كيف تحس بالأمان قد تحترم المرأة رجلا لا تحبه ،،، لكنها لا تحب رجلا لا تحترمه و لكنها لأنها من نفس عينته مرتاحة ، هذي العينة ما ينفع إلا تعيش مع بعضها ، و المشكلة تكاثرت هذي الفئة في السنوات الأخيرة بشكل يخوف من كثر ما شفت حولي من انذال .... بديت أشك إن النذالة فضيلة |
اليوم كله سرحاااااااااااااااااااااااان
افكر وارجع افكر افكر افكر افكر اطاااااااااااااااااالع في سقف الغرفة واهوجس حتى وصلت قناعة ان ما اصاااااااااااابني عقوبة من الله اسال الله ان تكون درس لي وان يغفر لي طيشي ايام المراهقة ويكفر به ذنوبي بروووووووووووووح افكر وافكر لا يمكن تحمل الالم اكثر من كذا عشروووووووووون سنة مضت وانا حالي للاسف سيئ جدا |
جلسااات التأمل والتفكر واسترجاع الماضي ومحاسبة النفس
تعطيك ايجابيات وسلبيات الحاضر وللاسف كلها سلبيات ضدي وهذه السلبيات اقصد بها الانتكاسات والمرض وعدم التوفيق تعتبر نتاج وحصاد ما زرعت يميني بالماضي القريب يا خساااااااااااااارة لا تقدر ترجع الزمن لتعدل اخطاءك ولا تقدر تغيير من الواقع المر شي اما المستقبل فهو في علم الله سبحاني وتعالى ولكن لا ينكر احد ان الماضي والحاضر بما فيه من الالم والحسرة والوجع يرسم مستقبلا مجهول ومظلم |
أَن تَقُولَ نَفْسٌ يَا حَسْرَتَا عَلَىٰ مَا فَرَّطتُ فِي جَنبِ اللَّهِ
|
محمد ياختك الكفار يوم اسلمو غفرلهم ربي ماقبل الاسلام لاتقنط ولا لاتيأس من رحمته ذنوبك كفر عنها بالصدقه ونظافة القلب ولاتقطع رزق احد ولا تنهر يتيم وبر والدتك والله يغفر الذنوب كلها الا الشرك وماظن انك اشركت حتى بعز معاصيك ..وعلى فكره اللي يزيد الاكتئاب استرجاع الماضي وذكرياته سمعتها من كذا عالم نفسي عكاشه والرخاوي وعبدالله السبيعي .. مجرد ماتذكر الماضي وتؤنب نفسك يرجع كل شعور سيء ومؤلم وترجع تدور بنفس الحلقه المفرغه صدقني يامحمد .
اطلب ربي هدوء النفس والسكينه واترك مالله لله ان شاء رحمك وان شاء عذبك ولاتاخذ دور الله وتعذب نفسك بهالشي والله هو ارحم الرحمين |
هلا وغلا قطرات
الانسان العاقل يزن الامور بميزان العقل والمنطق انا كل همي ان يجعل الله اخرتي افضل من دنياي انا ما ودي كل شوي اكتب لكم وانكد عليكم بس غصب ولا كان بنفجر |
محمد حنا هنا اخوان ونشعر في بعض ونخفف عن بعض وش فايدتنا ندخل ونقرا المك ونطلع بدون ماندعمك ونحاول معاك نلقى حل يريحك .. بالعكس كل ماتضيق بك الدنيا تعال وفضفض واكتب لو تبي عشر صفحات اصلا الكتابه من احد الطرق الفعاله بالتفريغ .. عقبال مايجي اليوم اللي تكتب انقشعت الغمه عن سماء حياتي واعيش اجمل ايامي
|
الـقـلـوب الـتـي تـسـامـح كـثـيـراً
وتـصـبـر طـويـلاً وتـتـنـازلُ دومـاً هـي الـقـلـوب الـتـي إن قـررت الـرحـيـل فـلـن تـعـودَ يـومـاً . |
إخـوةُ يـوسـف عـنـدمـا كـانـت لـهـم مـصـلـحـه
مـعَ أبـيـهـم قـالـوا ( أخـانـا ) وعـنـدمـا إنـتـهـت الـمـصـلـحـه قـالـوا ( إبـنـك ) يـتـغـيَّـر الـخـطـاب عـنـد الـكـثـيـريـن عـنـدمـا تـتـغـيَّـر الـمـصـالـح . |
اقتباس:
نعم نعم ادري ذالك فقط استفسرتك لانه في الحقيقة في اغلب الدول العربية اصبح لا يباع حتى ولو بوصفة طبية لان صورته شوهت بدرجة كبيرة الا حد تقريبا ادراجه ضمن المخدرات حتى المريض نفسه لا يستطيع تحصيله ولو كان في عمره 90 عاما |
مساااااااااااكم الله بالخيرات والمسرات
صاااااادق اخوي روح معنوية بس انا متعامل مع دكتوري من عشر سنوات لذلك ما عندي مشكلة في الوصفة بس المشكلة اذا انقطع العلاج من الصيدلية وحينها الجا الى البديل برنكس وهو ليس مثل ليركا بقوته وفعاليته |
السلام عليكم
أسعد الله صباحاتكم جميعا اخواني اخواتي الكرام و الكريمات ربي يسعدكم هذا الصباح و كل صباح و كل وقت و مساء من امس ما جاني نوم ما غير اتنقل بين اولادي اللي يستفرغ و انتم بكرامة و اللي مصخن و طبعا كل هؤلاء ممتنعين عن الأكل لحد الجفاف ، القلق ذابحني اول مرة يمرضون سوا بذي الطريقة مع ذا العدد ، و حالتين منهم وضعهم مرة متأخر و يدي على قلبي الله يستر ، يارب يسهل اليوم روحتهم للبيطري تخيلوا من قو الرهاب ماني قادرة حتى اخرج من البيت و ارافقهم للبيطري ، من امس قاعدة ادور سائق متفرغ يوديهم ، اعطيتهم كثير من الادوية البيطرية شراب و حقن و كذلك البشرية و لا نفع معهم ما طب ببطني شي من امس غير الماء ، مالي نفس و القلق ذابحني ، ما اتحمل استغفر الله لو صار لهم شي و فقدت احدهم ، وضعهم يحزن بعضهم فاقدي الوعي بس مغمضين عويناتهم و لا يتحركون ، مدري وش صار لذا كله اعوذ بالله بالله دعواتكم حتى الرضيعين الجدد ماني قادرة اخصص لهم الوقت الكافي للرضاعة ، قاعدة اعودهم على الدجاج المسلوق المطحون من امس |
اخوي محمد انا مثلك ما عاد لي رجاوي من الدنيا غير العمل الصالح و حفظ الأحباب
احس استغفر الله لو جاتني منقادة انقياد تجرر اذيالها ما عاد تهمني و لا ترف لي جفن احس كل آمالي انحصرت في الآخرة ، الاخرة اللي لذتها بلا انقطاع ، و سعادتها و راحتها و امنها بلا زوال وش لي بالدنيا حتى اذا اعطتني عزيز تبي تخوفني و تذلني و تقلقني عليه ؟ الواحد بس يبي السلامة فيها .. و السلامة فيها ترك ما فيها اللهم لا عيش الا عيش الآخرة ربي يجعلنا وياكم من اهل الاخرة ،،، من اهل الفردوس الاعلى و جميع المسلمين الأحياء و الميتين اللهم آمين |
اصبحنا واصبح الملك لله
اللهم نسألك عفوك ، وعافيتك ، ورزقك ، ورضاك ورحمتك ، ومغفرتك ، وشفاك ، وغناك، وتوفيقك ، وحفظك ،وتيسيرك ، وسترك ، وكرمك ، ولطفك ، وجنتك .. آمين يارب العالمين صباحكم رضا وسعادة حبايبي ❤🌺 |
مساء الخير عليكم جميعا
اخوي محمد البدراني قرأت تو موضوع للدكتور عكاشه عن اكتشاف دواء جديد للاكتئاب الحاد اسم الدواء اجوميلاتين شفت عليه مدح كثير مدري هل جربته والا لا ؟ يقول عكاشه انه يعالج الاكتئاب المستعصي ولا له اثار جانبيه شديده . الله يسخر لك ماينفعك يامحمد من هالادويه |
مسااااااااااااااااااااااااكم الله بالخيرات
هلا وغلاااااااااااا ظلول وين الغيبة الحمدالله على سلامتك يا غالية والله لك وحشة خاصة اهلااااااااااااااا قطرات اول مرا اسمع بالعلاج هذا يمكن جديد ولسى ما نزل للسعودية لكن قبل اي علاج ينزل للعالم يسوون له ضج وبالاخير يطلع خرطي دكتوري يقول افضل علاج لحالتك هو سيروكسات لانه اخف الادوية الى تزيد الذهان والهوس باقي الادوية اتعب معها تسبب لي هوس جنوني الحمدالله على كل حال |
| الساعة الآن 03:29 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا