انتهت مأساة عمري في هواك
ما اصدق كيف ع الفرقى قويت
التسامح فات لاتنظر وراك
لاتخط بحسرتك الفين بيت
في الهوى الله يحسن لك عزاك
انعني واقبل تعازي من هويت
اعتذر ماعاد بي وقت معاك
انتهى حبك .. مع الحب انتهيت

طويله قصة عيونك وأنا عمري بها موجود...!
تعيشني الأمل لحظة وتكسر حاجز الواقع!!
يقولوا من قديم الوقت : (من سافر يعود)
وأنا سافرت في عيونك ولا أدري متى راجع
متى؟؟؟

جيت وناسي شصار بيه
شايل همومي بيديه
ومن جديد أصبحت ضدي
وضاع من إيدي القرار
عفتني وعفت القلب
تايـه بليل القـطـار
إنت مو صاحب نهايـه!!

سامح الله طبعي اللي للتغير يا لعله
قاضبن خلك عزيز ولين صارت لي عقوبه
ليش تحسب غلطة الصاحب على الصاحب مذله
ليش ماتحسب ميانه لو تجي عشرين نوبه

من قـال أنـا ميتـه عليـك
اصـلاً أنـا مـاعاد ابيـك
تبغاني خاتـم بأصبعـك
ياشيــــخ ذا بـدري عليـك
لاتخـلـط اوراق الهـوى
كلـن تـرى لـه مستـوى
وكانـك على غيري قدرت
أصابعك ماهـي سـوى

منك اتعلمت كيف اقسى وكيف ابدي الشفاعه
كيف ازيف رقة اسلوبي وتأثير اندفاعي
طار طيرك في فضا غيري وبالغ بارتفاعه
والنتيجه تاه عن دربي وساهم بالتيــــاعي
شي مؤسف لو تخلا الخل عن خله وباعه
وانكر العشره وخان الود ذي له كان راعي
قمة المأساه لو صار الوفا مثل البضاعه
بالرخص ينباع ياسوء السلوك الاجتماعي
الزعل هو سبت الفرقه يهز الحب كله
ليتني طولت بالي قبل لايعلن غروبه

لو صحيح إن الحبيبين يجمعهم مصير
كان نفس اللي حرمني من النوم حرمه
والله إن مروتي ولعـت فيني سعير
يوم شفته تل قلبي وداسه بقدمه
مارحم زهرة شبابي وانا توي صغير
لين ضيق خاطري ضيق الله نسمه

أبي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا وابشر بعد بهبال حب ما هو بهبالك
واذا قصدك تهين اسمي عشان تشمت العذال
ترى لا انته ولا غيرك ولا عشرة من اشكالك

لعنبـو جد المفارق فيه هم وفيه ذله
أثر كل الحب لذه والفراق أكبر عيوبه

من يفتح لفرقاي باب أفك له عشرين باب
وإذا خويي مايقدر خوتي ماأقدره
الصاحب اللي مايجي من صحبته غير العذاب
نذرٍ علي إن ماهجرني وإلا أنا اللي بهجره

لاتفكـر إنك لو تغليت أباجيــك
كلما اتغلــــى زود..صــــدي يزودي
وإن كان حارت صورتي وسط عينيك
مانيب أنا صوره سكنها الجمودي
لاتحسب إني لعبـةٍ بيـن أياديـك
كلي تحدي وكبـــــــــريا ء وصمـــودي
الله خلقني ند وأقـدر أجاريـك
وماأعجز إنـي أحبســـــــك بقــيــــودي

اذا فيه بكتاب النحو للفراق اعراب
فهو فعل مطلق بالبشر والجفا ماضيه
ألا ليت ربي ماخلق في الغرام غياب
واذا في فرقا طاري الحب لانطريـه

أهـون علـي الموت من زود وجدي
ولا تـوسل ساعـةٍ بين أياديك
أقــولهـا مجــبور ماهـــوب ودي
أفعالك اللي غيرت نظرتي فيك

مافيه داعي للعتب والمعاذير
الغدر خال الجرح واطيب عمامه
اما يجيب الله مطر ... تالي وخير
والا السلامه (مااااش) ما من سلامه