|
اقتباس:
اقتباس:
بخصوص الوساوس حاول تتعوذ منها وكررها الين ماتروح منك اقتباس:
وبكره موعد مراجعتي والله يعنني على الانتظار اجلس موسوسه طول الوقت ههههههههه لاحول ولاقوة الا بالله اقتباس:
لذلك الواحد لازم يشكر ربه على جميع النعم ويارب تحفظها من الزوال |
(﴿ فلا يُحزنكَ قولهم إنَّا نعلمُ مايسرون وما يُعلنون ﴾)
لا تـؤلـم نـفـسـك بـكـثـرة الـتـفـكـيـر لـمـاذا قـالـوا ! ولـمـاذا لـم يـسـئَـلـوا عـنِّـي ! ولـمـاذا يُـعـامُـلـونـنـي هـكـذا ! ثِـق بـربـك ، ثـم بـنـفـسـك طـالـمـا هـم بـشـر فـلـيـسَ لـديـهـم سِـوَى الـكـلام ولا يـمـلـكـونَ نـفـعـاً ولا ضـراً فـلا تُـعْـطِ الأمـر اكـبـرَ مـن حـجـمـه وفـوِّض امـركَ للـه . |
اقتباس:
|
السلام عليكم
هلا بكم أخواني أخواتي الكرام و الكريمات هلا بك أخوي متأرجح ، للحين و الله ما تناولت شي ، مع إني مع الوقت أتعب زيادة ، ماني مرتاحة الرهاب كبلني ، التزامات كثيرة خارج البيت كل يوم ااجلها ، و اتعب اكثر شي من القلق و الهلع و توقع المكروه في الفترة الصباحية لين بعد الظهر تخف تدريجيا ، و شايلة هم زيادة الأعراض اللي ما تنطاق ذي في الاسبوع الاول من العلاج ، اخاف وقتها ما اتحمل و اهج من البيت |
لإني دايم في اول اسبوع من العلاج تزيد الأعراض و أتمنى الموت كل وقت و يزيد الوسواس و الخوف و انا ورايا مسؤوليات ليوم المسؤوليات
اول على الأقل فيه من يسد مسدي ، الحين غير و الله المستعان و مترددة بين البروزاك اللي شارية منه علبتين و بين السيبرالكس و البرنتلكس لان حتى اللاميكتال لازم يؤخذ مع علاج أساسي لانه هو بنفسه مدعم للعلاج خايفة من التغيير و الله المستعان |
اقتباس:
|
اقتباس:
|
وبالاول والاخير الدواء ماهو الا سبب خصوصا الادوية النفسية تكون بالتجربة على المريض بناء على خبرة الطبيب (بمعنى ان الدواء الاول تصل نسبة الشفاء فيه 50٪ اذا حالفك الحظ وكنت من ال 50٪ شيء جميل اما اذا لم يحالفك الحظ فينقلك الدكتور الى دواء آخر لترتفع النسبة الى 70٪ وتظل في نسبة 30 ٪ لا تستجيب للدواء او تستجيب بشكل جزئي ويتم التعامل معها بطرق آخرى دوائية كدمج مضادين اكتئاب او اضافة مثبت مزاج او مضاد للذهان ..وفي بعض الاحيان يتم اضافة هرمون الغدة الدرقية
|
تدري اخوي ملامح شفاء انا جربت البروزاك و السيبرالكس و السيروكسات ، كل فترة بلعت واحد منهم مدة كورس كامل
و كل ذي الادوية زودت الاعراض في الاسبوع الاول من تناولها بشكل بغى يطير عقلي حتى النوم هج شفت أشبه الوضع بايش ؟ مثل يوم تصب قارورة عطر على جرح مفتوح نازف تحس يبي يغمى عليك وقتها من الألم و الحرايق ، خاصة يوم كنا صغار كل ما انجرحنا قاموا الاهل يجرون على اقرب زجاجة عطر و يفرغونها بغض النظر عن عمق الجرح و اتساعه ، الله لا يعيدها من أيام بالضبط هذا الاحساس تحسه بالاسبوع الاول من تناول اي علاج كل عرض عانيت منه يبي يزيد مثلا انا عانيت في مراهقتي من الوسواس القهري ، زاد الوسواس من يوم تناولت السيروكسات اللي غير جغرافية قوامي تماما و لعب في هرموناتي و اللي لو اموت ما راح افكر ارجع اتناوله مع قتله للوسواس و الرهاب. ، بالقوة و من خلال التمارين و الانظمة الغذائية مدة عام تداركت الوضع و الحمدلله انا تناولته و انا في الجامعة مدة عام ، و قعدت عام آخر أصلح ما خربه العلاج و أرجع لسابق عهدي ثم اظل كم عام بدون ادوية مع زيارة الوسواس لي كل فترة لكني احاول اجاهد نفسي في دفعه ، بالاخير طحت بدوامة الاكتئاب ضيق يبي يفجر ضلوعي و اضطريت أتناول السيبرالكس ايضا كورس مدة عام تقريبا ، و اخرهم بعد عدة اعوام اخرى تناولت البروزاك و لي منقطعة عن الادوية مدة عامين و نصف طبعا كل ذيك الادوية كانت بوصفة طبية و مراجعات و بدأتها بالتدريج و انهيت الكورس بالتدريج و الحين استجد علي الرهاب و خاصة رهاب الخروج من وفاة الوالد رحمه الله تعالى |
اقتباس:
|
الله يجزاك خير يارب اخوي ملامح
و يرحم اموات المسلمين اللهم آمين قطرات يا غالية صايرة توحشيني ، حتى ما صرت تخصيني بالسلام و السؤال ، ترى صايرة افتقدتك كثير ، ربي يخليك لي و يبارك فيك من أول ودي أسوي التمرين اللي قلت عليه ، اللي يخص الفضفصة ثم شق الورقة انا يبي لي اقل شي اتفرغ ساعتين و لوحدي و مو ورقة إلا مذكرة تدرين اذكر أشياء اثرت فيني و احداث و انا عمري ثلاث سنين و اقصها على الوالدة تقول لا ، لا تبالغين أكيد انا قصيتها عليك قطرات اذكرها بالاماكن و الاحداث لكن مو بالتفصيل ، و ليش قلت من عمر ثلاث سنين و اكبر لاننا عشنا في بيت بمكة المكرمة من الولادة لين عمر ثلاث سنين و اذكر الحوش و مكان الثلاجة و يوم تجمعت الكلاب علي و انا بالحوش اصارخ ، و يوم كسرت طبق البيض و امي ضربتني بلي المغسلة ، عشان كذا قلت لك اذكر مكان الثلاجة و الحوش و الكلاب و بصراحة كل ذيك الاحداث اثرت فيني خصوصا ضرب الوالدة لي باللي ، حسيت انها اوجعتني كثير الله يسامحها ثم انتقلنا لبيت ثاني جنب بيت عمي الله يرحمه من عمر ثلاث سنين الى ما قبل الدراسة و برضه اذكر بعض الاحداث اللي من بينها اصابتي بالعنقز اللي انتقل لي عدوى من عيال عمي ثم يوم طبيت المدرسة عشنا بأم الرخا و الشدة جدة و تتوالى الأحداث الحزينة اللي فاق رصيدها رصيد المبهجة ، و دايم استحضرها و أتألم لذكرها كأنها البارح ، يمكن لو دونتها و مزقت القراطيس كود ارتاح |
مسااااااااااااكم الله بالخيرات
متارجح وعيون وقطرات وملامح وبدر والكل الكل توني راجع من الاستراحة بالنسبة للتغيير الدكتور ياخوان انا اعالج عنده وجربت جميع مضادات الاكتئاب ومضادات الذهان ولم يناسبني الا العلاج هذا سيروكسات ولامكتال وابليفاي جربت اغير الدكتور جاني لخبطة وتعب شديد وجربت اغير الدكتور مره ثانية في مستشفى الامل ونفس الشي حاسني حوس اصبحت الان خبرة واعرف ازود واخفف وطريقة استبدال العلاجات بالتدريج وهكذا امور |
عيون هلا بك حبيبتي ..
والله ماقصدت اني ما اخصك بالسؤال ابدا بس احيانا انرك لك مساحه تحكين احس ان ودك بس تفضفضي بدون مقاطعات قلت في نفسي حاسه فيها اكيد تبي مساحه بالذات لما قلتي قاعده تمري بقلق وخوف قلت الكتابه مريحه لها والا بالي عندك واتابعك من بعيد عسى ربي يبدل كل مشاعرك لبهجه وفرح تعجب منه الخلايق |
اخوي محمد والله مو قصدي تطفل واكيد انت ابخص بنفسك وطريقة علاجك لكن قلوبنا عليك ماودنا تعيش بهالوجع والضيق قلت ابحث و دور لعل الله يبدل الحال الى احسن حال .. الله يسخر لك كل خير بهالدنيا
|
هلا بك اخوي محمد
الحمدلله إنك غيرت جو ، ربي يسعد كل أوقاتك بالعافية و الصحة و الخير العميم ماشاء الله عليك محمد انت موسوعة في الادوية النفسية ، لذلك سؤال المجرب أفضل من وصفة الطبيب ما أنسى وقفتك معي و إبداء رايك في علاج اخوي الله يعافيكم جميعا و يعافي جميع المسلمين محمد مرة مخنوقة و شايلة هم و قاعدة اتهرب من واقعي الأليم ، القطط اللي عندي كل يوم يمرض واحد ، و عندي اثنين حالتهم متأخرة مرة ، كل ما اروح لهم اقول اكيد القاهم ميتين ، كأنه مغمى عليهم استنفدت معاهم كل انواع العلاج و فوق ذا ممتنعين تماما عن الاكل و انا فقط اللي اقطر لهم في حلوقهم غصب عنهم مرق دجاج و محلول الجفاف و لبن مع عسل و هم على نفس وضعهم ، حتى العلاج ما اعتقد راح يتحملون زيادة لأنهم صاروا هياكل عظمية ، و فوق ذا الرهاب كبلني ، تدري إني اليوم بعد ما صليت العصر حطيتهم بصندوق تنقل و مشينا انا و اخوي الصغير ندور سيارة توصيل رجعت دربي ما وديتهم بسبب الرهاب صايرة مقيدة بشكل ما تتصور و كل ما دقيت على بيطري يشوفهم يعتذر بحجة انشغاله او ما يرد |
هلا بك الغالية قطرات
ربي يحفظك و يبارك فيك ، دارية قلبي إنك ما تقصرين ، يكفي دعواتك المخلصة اللي تهون علي كثير ربي لا يحرمني منك و يجعل لك من ذي الدعوات اوفر الحظ و النصيب يارب |
هلا وغلا قطرات افااااا عليك انت مثلي اخواتي تماما ثقي بذلك
لا تطفل ولا حاااجة بالعكس والله افرح لما اشوف واحد يواسيني الله يعطيك العافية هلا وغلا عيوووووون ما تشوفي شر ليش يا عيون ما تبلشين بالعلاج خلاص اشوف حااالتك زاد فيها القلق والرهاب مكبلك جربي حضك لو تكون المرة الاخيرة ممكن تكون فاتحة خير اشوف علاج لامكتال مناسب لك دواء محايد وسليم ولا يسبب سمنة ولا تبلد ولا نوم فقط استشيري دكتورتك فيه وتوكلي على الله الرهاب يحتاج شجاعة وكسر الخوف الغير مبرر مرا ثم مرا يخف ====================================== قطرات ودي افيدك بعلاج لكن ما جربته لانه جديد ولكن الاعضاء يمدحون فيه ويقولون مقارب للسبيرالكس اهم شي تتحمل الاعراض في اول مراحل العلاج ثم تتنطلق للحياة بعون الله |
عيون اخر جلسه لي مع الدكتور سألته عن كل مخاوفك من البرنتلكس لاني خفت منه سألته عن زيادة القلق والدوخه والنوم وكل هذا قعد يضحك قال عندي بالعياده ٤٠٠٠ مريض مابين اكتئاب وادمان وهلع وذهان ووصفت البرنتلكس لاكثر من ١٠٠ شخص ماجتني اي شكوى منه بخصوص الاعراض الجانبيه ومو معناها انه عجب الكل واتى بنتايج حلوه لا لكن كانو مرتاحين لانه خفيف بس ماوصلو للمرحله اللي يبونها منهم من غيرت له الدواء ومنهم استمر وتشافى والدواء عموما اعراضه الاقل من بين الادويه .
قوليلي قولي هالكلام لنفسك 😄😄😄 انا من يوم الثلاثاء شاريته وما اكلته للحين من الخوف |
قطرات قلبي صلي ركعتين استخارة و توكلي على الله تبين ترتاحين ان شاء الله
أجل ابشوف دكتورة يمدحونها اخليها تكتب لي البرنتلكس لاني الى الان ما جربته و اسألها عن لاميكتال كمعزز له لاني قرأت عن لاميكتال يمدحونه انه معزز للادوية الاساسية ممتاز و استخير ان شاء الله |
محمد اكيد عارفه شعورك والله بس حاسه فيك ومابي اضغط عليك اعرف شعور الضغط من اي شخص علي بالذات لما اكون بحلانه بنفسي ومو طايقه حالي خذ راحتك وانا اختك حتى لو تبونا نتهاوش عشان نفرغ شحنات سلبيه ترى عادي انا اكبركم سنا وراح اكون مديرة الهوشه ههههه
محمد تدري وش مشكلتي ؟ الاعراض الجانبيه في بداية استخدام الدواء .. لأن عمري ماجربت دواء نفسي واصلا اعاني من الدوخه ويجيني رعب وهلع منها شلون لو زودها لي الدواء ؟ وممكن ماتجيني بس وش دراني انا وشي الاعراض ؟ مو قادره اكسر حاجز الخوف ابد ثاني شي عندي رعب من الشي الغامض اي شي غامض وما اعرف نتايجه اخاف منه الى حد الرهاب بجد . الجرعه بكبرها نص حبه لكل مو قادره ابد تجيني نفاضه اذا فتحت العلبه واقوم ارجع الحبه اقول وش حادني اخاطر بتحمل هالقلق والدوخه ولا اخذها ولما يروح الهلع ارجع افكر اخذها وهذا ليلي سرا وانا بين باخذها وماني ماخذتها 😁 |
هههه قطرات توكلي على الله وخذيها دام الدكتور وصفها لك هو ادرى بحالتك
انا شايله هم بكره متى ارجع من المراجعه الانتظار في المستشفى يخليني اوسوس )-: |
عيون ذكرتني بالصوص الصغار االي كان عندنا قبل كم سنه
كانو اثنين اهتميت بهم لما كبرو في يوم رحنا زياره لبيت عمي ورجعنا ولقينا واحد فيهم ميت ولاندري ايش السبب اما الثاني جلس الين مامرض وصار ماياكل ومره نحف وصرت مثلك افتح فمه بالغصب واعطيه لكن مافيه فايده بالاخير مات 😭 |
هلا قطرات يالله اعجبني فكرة اننا نتهاوش ونشد في شعر بعض هههه
الله يسعدك ابدئي في العلاج ولا تخافي صدقيني مب كل الناس تجيهم الاعراض كثير ناس تناول الدواء بدون اي عارض انتي نص حبة والله سهله مراااا انا اخر علاج تناولته هو سيروكسات من كثر ما سبوه الناس وانه كثير الاعراض وشنيع و ووو الخ خفت منه بس بالاخير جربته وتشجعت وكان افضل علاج لي انا لو اخوك كان جبرتك على العلاج بس لازم تحطيني في بااالك انه كورس علاجي استغليه في معرفة طرق سلوكية في مواجهة الدوخة والهلع والقلق |
يسعد صباحكم ،،،
|
اهلين ابوعلي ويسعد صباحك
كيف حالك؟ |
هلا لوليتا ،، الحمد لله بخير ، كيفك والوالده ؟. تذكرت الكتكوتين ههههه زمان والله
|
فيني نووووم تصبحون على خير
|
يالله متذكرها ياابوعلي ؟؟ هو انا سبق حكيتها؟
انا وماما الحمدلله بخير |
هلااااااا ابوعلي والله زماااان عنك اخباااارك واخباااااار الدقاقات عااايشين لحد الان
-------------------------------- اليوم رحت اصرف علاج من مستشفى الامل قال ما نعطيك علاج الا حق يومين وتعاال الاحد خذ علاج لمدة شهر قلت تم قالوا تعااال ناخذ الضغط وصاااار مرتفع جدا طبعا انا مصاب بالضغط بس المشكلة كل ما رحت لمستوصف واحد يقول كويس والثاني يقول مرتفع وهكذا بكرا بروح للمستوصف اخذ القياس واذا كان مرتفع بقول له يصرف لي علاج لان يعتبر القاااتل الصامت الله يجيرنا من الامراض نحتسبها والله يعوضنا خير |
ايوه الله الضغط مشكله هو اللي تسبب بغيبوبه ولد اختي وتوفى بعدها الله يرحمه
والله يحفظك من كل شر وسوء ويشفي الجميع يارب مع قرب رمضان |
هلا ابو حميد ،،، شخبارك ؟. ما ترى باس ، اي والله انتبه للضغط بس تشخيصه يحتاج عدة قياسات باوقات الراحه ..
|
اقتباس:
|
يبو حميد الدجاج يحتاج عنايه ومتابعه خصوصا انهم يمرضوا كثير واشيل همهم ويأنبني ضميري قلت بلاش
|
ايوه انا كبرت وخرفت ياابوعلي
ختيرت على قولة الشوام ذكريات الصندوق والله اشتقت للبنات والسهر معاهم للفجر |
لي ساعه اقاوم النوم
دحين اطفى النور واجي انام يطير ههه |
ابوعلي ابشرك انا خلاص كرهت الدجاج
يعني خلاص مابحط عيني على دجاجك ههههه |
تصبحون على خير يااارب
|
اقتباس:
|
قطرات و عيون
اتمنى تبدون بالدواء لاني اتمنى لكم السعادة ادري انه قرار شخصي و ما احب اكون مزعج لكن و الله اتالم اذا شفتكم تتالمون و الحل موجود قدامكم عيون بالنسبة لخوفك من الاعراض ...ترى الاعراض نادر تكون شديدة و يمكن لان دواك السابق غير مناسب لجسمك و ان شالله الدوا الجديد بيكون بدون اعراض او اعراض خفيفة؟ قطرات اختي ... صدقيني العلاج تعمة و الوساوس اللي رادتك عنه مالها اساس ختاماً ثقو انا بندعمكم مهما كان قراركم و انا متفائل ان شالله انكم قريبا بتتخلصون من هالقلق |
محمد / شف لك دكتور شاطر مرت عليه الاف الحالات و اكيد عنده الخبرة و العلم و مرت عليه حالات مثل حالتك
يمكن يعدل لك الدوا او يعرف الجرعة المناسبة او يسوي تركيبة تفيدك |
| الساعة الآن 06:48 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا