يسعدك مالنا رب سواك وشكرا على المعلومات ... لكن الامور عند مكتب الاشراف اتغيرت التقديم ماصار من عندهم أذا الخاطب غير سعودي ولازم يروح بنفسه للامارة وبعدها هما يكملوا بقية الاجراءات طبعا بالبداية حسنا ماكنا نعرف التقديم من الحقوق الخاصة بالامارة وجلست في الامارة كم يوم واتحولت على شرطة المديرية العامة بالمدينة وبعدها للشرطه الحي طبعا عند الشرطه كنا متابعين لهم على طول عشان قريت هنا أسوء مرحلة للمعاملة الشرطة والفترة اللي تطول فيها ..

يعني أفهم انو التحاليل بجد ماتجلس ل20 يوم بس اسبوع ولا 10 ايام ويتصلوا عليا اذا احتاجوا اعادة تحليل ولا إذا طلعت النتجية ؟؟ لان خطيبي من مكة فانبغي نعرف موعد خروج التحاليل من مستشفي الملك فهد بالمدينة ..

امين يارب راحت الداخليه لان الخاطب اجنبي عربي مو من مواليد السعوديه المعامله حقتي صدرت من الاماره الي الداخليه مدري بعد الداخليه تروح الاماره ولاالمحافظه ولا على المحكمه وكم يوم تاخذ في الداخليه

مايقبلون التفديم في مكه الا اذا كان من مواليد مكه كل مواطن سعودي بيتزوج طرف اجنبي يقدم في مكان الميلاد واذا كان الاجنبي في اي منطقه غير منطقه غير منقطه الطرف السعودي يرسلون الاوراق الشرطه الي المنطقه وبسوي التحالليل ويكمل اوراقه وترجع للشرطه ثاني انا كذا مشيت مسار معاملتي الخاطب في الرياض وانا في جده

بالله يا اخت بك اكون
ياريت توضحي لنا العمر للطرفين و تشرحي لنا الخطوات لمعاملتك في جده والرياض
وانتي تقولي ان في معاملتك الخاطب مو سعودي وبالرياض
لان في كثير من الاعضاء يقولوا المعاملة بالرياض تمشي بسرعه

لا يالغلا معلومتك غلط
انا من سكان مكه ومن مواليد السعوديه
واتولدت في المدينه
وخطيبي من مكه
التقديم في مكه كان طلبو منه فقط يصدق شهاده الميلاد من المدينه
وصدقوها
والمعامله مالها دخل من مكان ميلادك
لها دخل ازا انتي من سكان هالمنطقه تجيبي مايثبت ذالك

هلا اختي انا قدمت اول خطوه محافظه جده 2 يومين وتحولت للشرطه جلست شهرين ونص خطوات الشرطه 1تحالليل 2 تعريف من عملك لو كنتي موظفه او شهاده من العمده 3 برنت من الاحوال المدنيه
الخطوه الثانيه راحت لشرطه الرياض لان الخاطب من الرياض الطلبات خطاب من التامينات التحاليل لازم خطابين من الاماره والشرطه تعريف بالراتب صوره من هويه الكفيل وكشف طبي طبعن كله من اقرب مستشفى حكومي طبعن البريد ياخذ 15 يوم لين توصل الاوراق جده رجعت شرطه جده جلست شهر طبعن الاوراق جاهزه والتاخير من الشرطه الخطوه الثالثه صدرت الي محافظه جده المحافظه عطوني موعد بعد اسبوعين 2 شهود والخاطب ولي الامر هذي يسمونها الموافقه المبدائيه بعدين مرت على 4 ادارات وبعدين صدرت الي اماره مكه واماره مكه مرت على 4 ادارات وصدرت الي وكيل وزاره الداخليه للشئون الحقوق واليوم اجازه وبكره اشوف وش يصير هذي مسار معاملتي الامر الجديد لازم يكون العمر للسعوديه 30 سنه والخاطب فوق 30

انا اول ماجيت اقدم في الرياض رفضو قالي لازم مكان ميلاد الطرف السعودي ورحت محافظه جده قالو نفس الكلام

الف مبروك للي تحولت معاملاتهم للمحكمة
ربي يتمم لكم على خير ويسهل للبقية

انا من اخر شهر 10 بالهجري ارسلت المعاملة بالبريد للداخلية باسم الوالد
وارسلوا رقم للمعاملة على جوال الوالد مكون من 6 ارقام
واتوقع صارت عندهم بتاريخ 1 شهر 11 لانه هذا التاريخ الي مكتوب لما اشيك في موقع الداخلية
بس من وقتها للحين المعاملة في ادارة الحقوق الخاصة قسم الاحوال الشخصية!!!
مو كأنها طولت في هالقسم ولا كذا طبيعي؟
وهذي ثاني مرة اقدم
المرة الاولى قدمت قبل سنة والمعاملة حفظت في الشرطة لاني خارج البلد وانا الطرف السعودي وخطيبي عربي غير مقيم
انا مرة تعبت هنا حتى مو مركزة في دراستي ومو قادرة اتاقلم
احس اني حسيب كل شي وارجع عشان تمشي المعاملة
بس لو رجعت حتمشي ولا لا!! مافي شي مضمون حسبي الله ونعم الوكيل :(

الله يوفقك انا الي اعرفه مو متاكده لازم تكوني موجوده الله يكتب لكي التوفيق والنصيب ركزي في دراستك واستغفري وصلي قيام الليل واكثري من سبحانك لا اله الاانت استغفرك واتوب اليك لا حول ولاقوه الابك وكلي امرك لله قولي في كل خطوه في المعامله الحمدالله وكلت امري لك يا الله بس وصدقيني كل ماكنتي قريبه من الله كل ما امورك مشيت

موعد الاماراة
 

السلام عليكم صباح الخير
الان هل كل المعاملات التي تنتهي من الشرطة وتذهب المحافظة او الامارة هل لابد من اخذ موعد من المحافظة او الاماراة لحضور الخاطب و الشهود لأنو إلى الان ماطلبو مننا هذا الشي انا معاملتي في مكة لني قريت اكثر من واحد يقول الامارة او المحافظة طلبو موعد لحضور الخاطب وشهود افيدوني الله يوفقكم

من فين عرفتي حكاية العمر للاجنبي
انا لمن اتحفظت معاملتي سالتني عن عمري وقولتلها عمري وعمر خطيبي
قالتلي اصلا عمر خطيبك مانطالع فيه لانو الطرف الاجنبي
اهم شي عمر الطرف السعودي

وهذا مبين وواضح في موقع الامارة


وبعدين حتي عمر الطرف السعودي
مايمشي ع الكل
واحب اقولكم انا معاملتي حفظت من شهر 6 بسبب العمر وانا مقدمتها من شوال 1434 يعني 8 شهور جلست وفي النهاية رجعت وحفظت
حسبي الله ونعم الوكيل وبعدها كثيييير في المنتدي مشيت معاملاتهم في عمري
دا غير اللي مو فالمنتدي
يعني اللي جالسين يقولو العمر دحين حطوه جديد عشان كدا في معاملات مشيت

لكن مااقول غير حسبي الله ونعم الوكيل
الله ينصرنا عليهم ويفرحنا بالموافقة يااارب العالمين يااكرم الاكرمين وارحم الارحمين

إذا كنت انتي وخطيبك عاملين التحاليل في نفس المستشفى توخذ اسبوع
اما لو كل واحد فمنطقة تطول حدود 20 يوم

السسسلام عليكم كيفكم ايش اخباركم والله وحشتوني كثيررر شايفه ناس جدد كثيررر ماشاء الله يارررب فرحتكم تقررب ويوفقكم جميعا يارررب جالسه اقرء المشاركة ولقيت مشاركة الاخت حكاية انتي معاملتك اذا عند وكيل الوزارة الداخليه لشوون الحقوق عااااااادي تطووووول انا معاملتي طولت من قبل رمضان ودخل شهرر رمضان والحمد الله في شوال رجعت للامارة وما طولت في الامارة ابدا فلاتشيلي هم باذن الله قربت تخللص وبالتوفيق لكم جميعا طبعا انا وخطيبي بسبب العادات الي تقهر ما شفنا بعض غير يوم الملكه وبعدو وبعدين سافر الرياض وحيجي الاسبوع الجاي ان شاء الله بابا ما يمنعه يجي او يخرجني والله قهرر هههههههههه معليش طلعت عن الموضوع بس حبيت اغير جوكم يسعدكم ربي جميعا❤️❤️

الله يوفقك ويسعدك يارب
انا راضية مااخرج مع خطيبي الا بعد الزواج
بس نملك ونتزوج ونرتاح يااااارب

ياااارب بشرنا بالموافقة على معاملاتنا كلنا ونملك على خير جميعاً ياااارب
يا أكرم الأكرمين ويا أرحم الأرحمين ياواحد يا أحد يا من لا يقدر عليه أحد