![]() |
عليكم السلام اخوي عبدو
طمنا عنك كيف الصحه والنفسيه ان شاء الله الامور زينه |
مساااااكم الله بالخيرات
قطرات اخبااااارك هلا عيوووووون بشر رحتي مشوارك هلاااا بالجميع |
|
اعتقد ان التفكير في الماضي لان يفيدني بشي
والحاضر علي التوكل بالله ثم فعل الاسباب ثم الصبر وحسن الظن بالله اما المستقبل فهو في علم الله انا دمرني الندم والتحسف على الماضي بكل ما يحمله من ذنوب واخطاء اعتقد اني اعذب نفسي كثير بالتفكير بالماضي الذي لا يمكن ان يعود صبرا جميل والله المستعان على ما تصفون حسبي الله وكفى حسبي الله ونعم الوكيل |
اقتباس:
السلام عليكم الحمد لله الامور زينة وانتم ؟ بالتوفيق دائما |
الحمدلله اخوي عبدو الامور ماشيه بفضل الله .
هلا بك اخوي محمد شلونك عساك رايق ؟ حضرت محاضره من سنتين اسمها هنا والان ومضمونها ان التفكير في الماضي يسبب الكآبه والتفكير بالمستقبل يسبب القلق والصحيح انك تعيش هنا والان يعني انا هنا بهالمكان واعي مكاني جيدا والان يعني هاللحظه وهالدقيقه ومايخصل بعد ساعه لايعنيني بشي . النظريه هذي حقيقيه لكن وقت النوبه صعبه في التطبيق .اخوي محمد لاتندم على مافات وتقضي عمرك بالحسره والالم وانت تحت رحمة ارحم الراحمين لانأخذ دور الله بالحساب والعقاب انظر للنعم اللي وهبك ربي اولها والدتك الله يحفظها لك قدام عيونك وهي باب من ابواب الرحمه انظر للابتلاء اللي اصبت فيه وكم من ثواب تحصله ان شاء الله عليه . انا انصحك وانا بنفسي بلشانه بعمري ههههه لكن الانسان يحاول ويحاول ويحاول ولا يفقد الأمل . اترك الماضي بزينه وشينه ماراح يمديك تغير فيه شعره وحده وحيسبب لك الالم والحسرات عيش لحظتك واللي ربي مقدره علينا حاصل حاصل والله يكتب لك الخيره بحياتك واخرتك ان شاء الله . عيون تختفي ماندري هي طلعت وخلصت مشاويرها والا خافت وقعدت الله يساعدها ويقويها يارب |
هلاااااااااا قطرااااااات
والله كلامك عين العقل تدري كثير جلست الوم نفسي واتالم واتحسر بدون فاااايدة والله المستعان اكثر ما يحزني يا قطراااااات هو تبلد المشاعر كنت اذا سمعت القران ابكي واحس بروحانية لكن الان لا لم اعد احس بها ابدا ابدا وهذا احد عيوب الادوية النفسية الشديدة التي تألمت منها لذلك يا قطراااااااات ان كااان نااااوي تقدمين على العلاج لازم علي اوضح نقطة وهي التبلد وانا اشوفها اصعب نقطة بالادوية بالنسبة للحاضر صراحة كنت افكر كذلك فييه واشغلت نفسي كنت افكر لو قدر الله وتوفت والدتي اكيد رااااااح اتحطم اتحطم اتحطم لان هي الباقي لي بالدنيا وهي الصدر الحنون وهي كل دنياي |
شوف محمد انت رجال وتحاتي شلون انا امرأه وحيده لا ولد ولا تلد واغلى ماعندي ابوي اللي هو ظهري وسندي وقوتي كنت مثلك احاتي يوم كان مريض اقول اذا راح من لي انا ماعندي اخوان اولاد و توفى عليه رحمة الله وهذا انا قدامك فهمت الدنيا وترى الدنيا اتفه من جناح بعوضه نشوفها تخوف لكن تأكد ان الله مايحملك فوق طاقتك ابدا .
بخصوص الخشوع بالصلاة والتلاوه انا مثلك محمد ماني مثل قبل لكن الله سبحانه عالم ويرى لاتلوم نفسك ابدا ولاتجيب الشين ولاتفكر بوالدتك وادعيلها بالعافيه وطول العمر وخذ كل شي بايجابيه وحسن ظن بالله ويقين لان لا كذا ولا كذا بيدك شي ولا تقدر تفير شي فتفائل احسن لك ولنفسيتك ولعل الله يحدث بعد ذلك امرا وامرا جميل ان شاء الله . اما التبلد يازينه وانا اختك انا حرمتن وسواسيه وابي الشي المثالي بكل شي وعصبيه كود التبلد يريح مخي شوي . البارح جاني صداع نفسي وشد في رقبتي وكتوفي مانومني الا الظهر بغيت اخذ ريلاكسون واشوف العلبه الا منتهيه من شهر ٤ قلت هاااااا هذي رساله اني ما اخذ الحبوب وقعدت اتالم لين نمت ههههههههه بالله هذا تفكير ناس عاقلين بس شسوي انا خيخه واخاف من ظلي . لو اني افهم كان بديت في برنتلكس وعشت حياتي لكن رعب يجيني يلخبطني الله يعين |
ما شاء الله عليك يا قطراااات اشوف فيك الصبر والرضى الله يكتب لك الاجر ووالمثوبة ويرحم والديك
ما شاء الله تبارك الله عليك عيني بااااااااااردة لا تخافي ههههههه بس انتي ادري مني بالامراض هذي بعض الاحيان تكون الافكار وسواسة قهري غصب عن الواحد ان بسلم امري لله الواحد القهار وهو خير حافظ وهو ارحم الراحمين شوفي قطرات اجل تشجعي وانا اخوك وابدئ بالعلاج واستعيني بالله يمكن يكون فااااتحة خير ان شاءالله صراااااااااحة البنات اوالنساء عموما جباااارات في الصبر والتحمل الله يرزقك الزوج الصالح الطاهر والله يسخر لك عباده ولا يحيجك لاحد اجل كيف تقدرين تتقضى وتخلصي امورك صراحة انت وعيون الله يكون بعونكم ويصبركم بس فيه نقطة يقولون الرجل مثل الطفل يحتاج للحنان والدلع كلما كبر ههههه يعني اتخيل شكلي طفل كبير هههه ما تجي ابدا |
الحمدلله يامحمد الخير واجد وابوي جعله باعلى جنات النعيم راح وترك لي ما يأمن حياتي والحمدلله بخير ونعمه وعندي سواق يقضي اغراضي وعندي خواتي بالرياض الله لايحرمني منهم كل وحده منهم تبي اشاره مني وعيالهم الله لايخليني منهم ودهم اعيش بالرياض قريبه منهم بس ماحب الرياض وزحمتها ومجتمعها احب الشرقيه هاديه رايقه لا مظاهر ولا وجع راس ولا تطفل على حياة الاخرين .
الزواج مالي به راضيه بحياتي ولله الحمد ومتعتي مع صديقاتي كلهم بعمري وعوانس مثلي 🤣🤣🤣 ماغير نطبخ وناكل ونتسدح على الافلام وعشقنا البقالات ماغير بالبقالات نتقضى حلاو وكيك وكل ماشفنا طبخه بالتلفزيون طبقناها . الحياه كانت جميله جدا لكن جاني هالهلع والقلق لخبطني وان شاء الله اني برجع مثل اول واحسن والحمدلله . كل يوم يامحمد اناظر في علبة البرنتلكس واراود نفسي لكني اجبن من اني ابلع الحبه اقول وان جتني دوخه قويه وان جاني ضعف وتعب وان وان .. انصح الناس وانا ترللي . بالفعل محمد انظر للحظه ولاتتحسف على شي دام برقبتك لايوجد دم ولا اكلت مال يتيم ولا عقوق لوالديك ولا قطعت رزق احد ولا اشركت بالله عش سعيد ولاتبالي . هذي قناعتي الراسخه ان الله بيعاملنا برحمته وليس باعمالنا ابدا ابدا وهو ارحم الرحمين |
السلام عليكم وصباح الخير
كيفكم نفسي اقرا كلامكم السابق بس مالي خلق مرهقه وخاطري زعلاااااان هالايام بس يارب تكونو بخير وياااارب تتعافو قبل رمضان وتصيرو كويسين ومافيكم الا العافيه |
سلامتك لوليتا من التعب والزعل بعد الليل الطويل صبح
|
اللهم اشرح لي صدري
|
الله يسلمك ياقطرات
الله لايكدر لنا خاطر ولا يضيق علينا امر لاحول ولا قوة الا بالله صباح الخير |
السلام عليكم
و كل عام و إنتوا بخير قبل الزحمة يارب تغير احوالنا لأحسن حال و تعيننا في رمضان على الصيام و القيام |
اقتباس:
|
|
السلام عليكم
اسعد الله جميع اوقاتكم بكل خير اخواني الكرام اخواتي الكريمات يارب تكونون جميعا دوم بخير و في خير و إلى خير سامحيني الغالية قطرات ما طمنتك علي من يوم جيت وصلت البيت بعيد عنك و الصخونة ما فارقتني التهاب شديد بالحلق لأني ختمتها بايس كريم و انا من زمان ما أكلته ما غير ارتجف تحت لحافي و على البنادول حبتين حبتين وصلت و لقيت ولدي الرضيع اللي انقذته هو و اخوه اخر مرة مو قادر يقف على قوائمه الاربعة من شدة الصخونة و للحين ما فارقته مع اني تركته يلعب و يحارش اخوه ، احزني كثير عطيته شراب مضاد و للحين ما وقفت الصخونة و لا قادر يقف خرب ابو مزاج الخرجة كلها ربي يعافيه مع اني بفضل الله استمتعت بها كثير و الحمدلله و راح أسرد تفاصيلها في رد آخر بإذن الله |
اول شي تقابلنا انا و الغالية شرواك عند الدائرة الحكومية الساعة ثمان و نصف الصباح و انتهينا حول تسع و نصف و توجهنا انا و هي و بنتها الصغيرة اللي ما تتجاوز سبع سنين و افطرنا في مطعم على البحر ثم توجهنا لأحد المولات و تسوقنا و لعبنا مع بنتها الصغيرة ربي يحفظها و استعدت شيئا من طفولتي و اهديتها هدية النجاح من مركز التعليم المبتكر و فرحت بها ربي يسعدها ، انا احب أهدي الأطفال هدايا تعليمية و بنفس الوقت ألعاب ، كان عبارة عن قلم ناطق باللغتين و معاه كتب و احضرت معي شيء من الخرز الملون و الخيوط المطاطية لأني آخر مرة علمتها تصنع اكسسوارات بسيطة سلاسل و عقود و حبت الفكرة ماشاء الله عليها
ثم اعزمتني الغالية على الغدا ربي يكثر خيرها و كنت طافية ما أقدر أفتح عويناتي من الإرهاق لأني قبلها كنت مواصلة ، و الله يسعدها ظلت تلقمني الأكل بفمي و انا نعسانة ، تحط بفمي لقمة و بفم بنتها لقمة و خلتني اضحك و اضحكتني يوم تقول إنها تحس كأني بنتها اللي معنا ربي يسعدها مع انها فقط أكبر مني بسنتين ، لكن عندها فرط حنان زايد ربي يحفظها و اللي يضحك اكثر و حنا نازلين من السلم كان عبارة عن سلم مسطح مائل كهربائي قامت انقزت قدامي و انا ماسكة يد بنتها تقول عشان لا قدر الله لو طحتوا تطيحون علي سبحان الله بعض الناس حتى لو ما يربطك بهم دم يربطك بهم اللي اقوى من الدم ربي يديم اخوتنا لآخر العمر هي عندها ماشاء الله تبارك الله ست اخوات و اخ ، تقول اول وحدة تدري عن حملي بعد زوجي انتي فعلا .. لا خير في الدنيا ان لم يكن بها .. صديقنا صدوقا صادق الوعد مخلص ربي يسعدها و يحفظها و يبارك في ذريتها و يرزقها برهم عاد انتهى اليوم و ما مداني أقضي لوازم البيت مع اني تحركت بعد العصر بقليل ، و لكن النعاس الشديد و ارتفاع الحرارة خلاني انام بالسيارة دايم الساعات الحلوة تمر بسرعة على قولة المثل : ساعة الحبيب محسوبة |
سلامتك ٧يون ماتشوفين شر ان شاء الله كثير جتهم هالحراره والتعب من تغيير الجو والفصول .
المهم طلعني وغيرتي جو وارتحتي شوي . ماحبتي برنتلكس ؟ تراي انتظرك تستخدميه عشان انا ابدأ فيه ههههههه |
السلام عليكم
هلا بك الغالية قطرات نسيت أقول إني مريت صيدليتين في المول اللي رحت قالوا لازم وصفة ابحاول ذي اليومين اوفره بإذن الله حتى لو أروح أطرف عيادة يكتبونه لي ما أقدر يدخل علي الشهر الفضيل و أنا بذا القلق و الخوف و الرهاب ، أبغى أركز شوي بالعبادة ، غير إني ارتبطت ببرنامج تسميع القرآن الكريم لعشر طالبات يوميا أمس ارسلوهن لي و اضفتهن في قروب مستقل ، لازم يكون التركيز و حضور العقل و القلب كامل ، هذي أمانة انواع اللخبطة و ما بعد رحت اجيب اللوازم التموينية و الوالدة زعلانة ، غير الضعوف المرضى اللي كلهم طاحوا علي سوا و قاعدة أعالج فيهم ، يارب ما يطب الشهر الفضيل إلا و هم متعافين و كل مريض يارب و يارب يهل علينا رمضان و حنا وياكم جميعا بخير و يعيننا على صيامه و قيامه و يرزقنا فيه القبول و المغفرة و جميع المسلمين اللهم آمين ان شاء الله إذا كان هناك متسع من الوقت الليلة اتكلم عن العصفر و بذور الفجل و فوائدهما الصحية و النفسية |
https://youtu.be/PpwCY0uoa7w
إذا ما انفتح رابط التلاوة علموني ربي يرزقنا وياكم القرب منه و الخشوع و كل عام و الجميع بخير الحاضرين و الغايبين |
مساااااااااااااكم الله بالخيرات
هلااااااا عيوووووون غريبة والله انا توني جايب علاجات نفسية ثلاثة ادوية بدون وصفة شوفي غير هالصيدلات ممكن يعطونك العلاج وما على قلبك شر يا ناس مصدع صدااااااااع شنيع |
سلامتك محمد ما تشوف شر
اذا ما بتنام الحين سو لك شاهي ثقيل تلقيمة و اطبخه ، يعني شاهي عمال ، الشاهي ذا يذهب صداعي و الحمدلله علمتني عليه معلمة صعيدية من المنيا كانت معنا يوم كنت معلمة في القطاع الخاص ذات يوم على الأقل أخف ضرر من البنادول اللي ابلع فيه تقل علك ، حتى صرت ما أستفيد منه الحين ابقلكم على طريقة العصفر لذهاب الخوف الشديد و الإكتئاب الحاد يطحن العصفر و يؤخذ منه ملعقة كبيرة على لتر ماء و ينقع بالثلاجة مدة يوم و لو يضاف عليه قطرات ماء زهر أفضل للمذاق ، ثم يؤخذ منه كوب صباحا و كوب مساء و لو نقع في ماء زمزم المبارك يبي يكون أجدى نفعا و فالكم العافية جميعا |
هلااااااااااا عييووووووون
لا الحمدالله راح الصداع بلعت حبتين بندول وحبتين ليركا ونمت شوي وراح الصداااع |
هلا بك عيون .. صادقه شفت تعميم نزل بالصيدليات حتى المضاد الحيوي معد ينصرف بدون وصفة دكتور .
شدي حيلك حبيبتي رمضان قرب وحاولي تقوين نفسك عشان نفسك اولا واللي برقبتك ثانيا .. الله يتقبل منا ومنك يارب.. هلا بك محمد على قول عيون خذ لك شاهي تلقيمه وادهن راسك بفكس واربطه بشماغك وادعي لي .. سلامتك ماتشوف شر |
|
هلا بكم قطرات و محمد
تهيضت على الشاهي قمت سويت لي تلقيمة و زي الجنية اشربه لحالي بتوالي الليل : ) تدرين قطرات كنت ابروح اليوم أجيب التموينات و اشري العلاج لكن ربك ما أراد على أساس كنت أمس أنتظر البيطرية التونسية تجي تشوف الاثنين الرضع اللي انقذتهم آخر شي و كم حالة أخرى لكن بعد انتظارها اعتذرت و قالت بكرة أن شاء الله يا أختي قطعوا قلبي بالذات الصغار كانوا يمرحون و يلعبون ماشاء الله ما بهم شي حتى بدؤوا يتضايقون من القفص مع أنه كبير و ودهم يطلعون يلعبون ، و كنت اطلعهم على سريري فوق الساعة و الساعتين و الاعبهم بخيوط الكروشيه ما تتخيلين قد إيش ينحبون و من بعد تعب اللعب ينامون على يدي تقولين كناري ماشاء الله ثم ارجعهم قفصهم و فجأة مدري وش جرى لهم ارتفاع شديد بالحرارة و بطونهم تنفخت كأنهم سلاحف و واحد منهم ما عاد قدر يقف على رجليه تماما له ثلاث ايام و بس يبكون من الالم طوال الوقت لين اختفت أصواتهم صاروا يفتحون أفواههم و يبكون بدون صوت و امتنعوا عن الأكل ، لدرجة رجعت اقطر الحليب تقطير في حلوقهم غصب عنهم ، تدرين أن حتى عيونهم تصب دموع ، مقطعين قلبي بشكل ما تتخيلين زودوا همي و كرهوني بالحياة أكثر يشهد الله ، حتى اللقمة تحدر غصب ما لي نفس و أنا اشوفهم ما ياكلون و يتالمون طوال الوقت بالله دعواتكم لهم |
صرت بس حاطتهم قدامي اتفرج فيهم و هم يبكون بكاء صامت و يتالمون
حتى رقية شرعية رقيتهم و حطيت يدي على بطونهم و قرأت أدعية الشفاء و نفثت عليهم بعد ما كان مرحهم و جريهم وراء بعض و حركاتهم مضفي جو على البيت ، تبدلوا تماما ، حتى عويناتهم صغرت و انطفت |
هلااااااا عيوووووون
هلاااااااااا قطراااااااات ما عاااد فيه احد هنا غيرنا ما تلاحظون ان المنتدى تغيير كثير خفت المشاركات ان شاء الله يروجعون الاعضاء الغاااائبين بالسلامة ابونجلاء صديق الروووووح وزميل المعاناة اين انت ظلول شمعة المنتدي كذلك غاااااائبة ما لها اي حس خلوود اتوقع زعلانه ولا زالت زعلانه كان الكثير هنا منهم ابوصدام ونوووايا وظلول وعالي وخلود وشاااطي و صاااامدة وغيرهم الكثير احس اني بصير لوحدي هنا |
و الله فعلا غيابهم يحير ، و كلن ما أحد يقدر يسد بمكانه ، ربي يسمعنا عنهم كل خير
و دام هم مرتاحين هذا أهم شي ، لابد من عذرهم لأن إكرام النفس هواها و الحمدلله الدعاء موجود ، و هو حلقة الوصل اللي تربطنا بهم بعد غيابهم ، و هذا يبي يسعدهم أكثر من الحاحنا في طلبهم اللي يبي يضايقهم |
علمتني الحياة إني ما أسأل أحد عن بعده او غيابه مهما كان قدره ، لأن إذا ما جاء من نفسه راح يحس بالعبء و الإحراج و إنه مقصر و هذا يزيده نفور و هجر ..
ما احد يحب يظهر حتى قدام نفسه إنه مقصر ، كيف أجل لو عاتبته و حاسبته ؟ خله على راحته و التمس له ألف عذر لين الشوق يجيبه غصب عنه و يسحبه على خشته تسحيب .. و الحمدلله الناس واجد .. يعني تبي تفهمنا إننا أنا و قطرات و لوليتا و باقي الاخوان ما نسد و الا كيف .. ؟ >> وحدة تدور حرش أمزح : ) |
هلاااااااااااا عييوووووون
افا عليك انتي وقطرات على راسي من فووووق لكن يعلم الله ان عااالي وظل لهم قدر كبير في النفس احنا ثلاثي لا ينقسم ولا يدخل معنا احد كنا وما زلنا على قلب واحد انا تجي فتراااات وانقطع لذلك انا اعذرهم كل العذر بس المسئلة شوق وحنين وارتياح نفسي وصداقة عمر |
|
هلا بك أخوي محمد
خلاص دام أنتم الثلاثة ما أحد يدخل معكم يصير أطلع أنا منها بئى .. و يارب يديم اخوتكم و يجمعكم على خير هو صحيح الواحد وده يتركهم براحتهم و ما يضغط عليهم نظرا لسيطرة ظروفهم اللي امنعتهم عنا لكن الهوى غلاب و الشوق طاغي و جبار أنا أشهد و هو اللي يجبر الواحد على البوح و سؤال الأحباب عن غيابهم لكن عزاء الواحد حاجتين بالحياة تبي تصبره و تطمنه عليهم : الاستيداع نستودع من نحب اللي خلقهم و المتكفل بحفظهم وحده سبحانه ، و ثاني حاجة الدعاء لهم بظهر الغيب أن يفرج عليهم و يزيل ما يعيقهم و يردهم إلينا ردا جميلا اللهم آمين |
بعدين سبحان الله في هذي الحياة العريضة يوم يرزقك ربي باخ لم تلده أمك و تلقى حروفه و وقفاته ضماد يعني عبارة عن علاج متحرك ياخي غصب تبي توده و تشتاق له مو بكيفك ، لأن اللي مثله قليل و يكاد ينعدم في دنيا المصالح و الحسد و الأذى
بعض العرب لا صد ما عنه منشود ... و بعض العرب لا صد .. صده خسارة |
هلااااااعيوووووووون
لا تفهمي كلامي غلط يشهد الله اني احبكم في الله عمق المحبة انتي وقطرات يشهد الله على واعتبركم اخواتي والى يضركم يضرني والى يسعدكم يسعدني افا عليك بس يا بنت الاجواد تدرين يا عيوووووون ان موسم رمضان يشد علي التعب دائما او بالاصح المناسبات عااااااد العيد كابة ما بعدها كأبة |
علمتني الحياه وعلمتني سنين عمري الخمسين ان مثل مالي انا ظروف الناس لها ظروف ويمكن اصعب مني .
محمد الله يجعل رمضان هذا عليك بداية الخير والسعاده وتغيير الحال الى اجمله قل امين . لاتدري لعل الله يحدث بعد ذلك امرا . عيون متى حبيبتي بتروحين لدكتور وترتبين الوضع قبل رمضان ؟ لاتزعلين مني انتي قاعده تعطين الحق لكل الناس والاشياء بحياتك ماعدا نفسك والصح ان لبدنك عليك حق . اهتمامك بكل شي حولك واهمالك نفسك هذا مو صح صدقيني ساعدي نفسك عشان تقدري تساعدي اللي حولك . حبي نفسك ودلليها وقدريها وانسي كل شي بالماضي . انتي انسان روح مشاعر رغبات افراح واحزان . بعلم النفس والطاقه يقولك كل شي حولك بالحياه هو مرايتك وانعكاسك انتي قاعده تهتمي بالبساس اكثر من نفسك حبيبتي هذا مو صح . انتي كذا راح تحسين باجهاد جسدي ونفسي بالتالي ماراح تقدري تساعديهم اصلا . وراك رمضان يتطلب عبادات وقيام ليل وتراويح وتقرب للرب عز وجل واذا كنتي ماتنامي زين ولا تاكلي انتاجك راح يضعف وجسدك يتعب . استودعي كل شي رب العالمين واجعلي رمضان بدايه لنفسك . الله يكون معك ويساعدك ويعينك يارب . |
هلاااااااااااا قطراااااااااااااات
ربي يسمع منك يا رب لان الافكار الانتحارية قهرية وسواسية تجيني في رمضان وانا ما صدقت تخف عني ها قطرات ما تشجعتي على العلاج او ناااويه بعد رمضان اسمعو المقطع رهيب https://www.youtube.com/watch?v=KNNoLf-IU54 |
لا والله يامحمد كل يوم اناظر بالعلبه واتصدد هههههه .
ان شاء الله ماتجيك هالافكار ابدا واعمل احتياطاتك بالادويه لين يعدي الشهر بسلام . الله يقويك ويساعدك يارب |
الساعة الآن 11:09 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا