ما نسيتك بـ الدعاء والدنيا جفاف .. كيف بنساك والدنيا مطر !
الله يبلغك ما يسرك في دينك ودنياك ♥️

صاير زي اللغط على هالخبر .
منهم اللي يقول أن عشان الحمله الإنتخابية وعشان يكسب الرئيس .. أعلن هالخبر .
ومنهم اللي يقول هذي السالفه مثل سالفه التنافس بين أمريكا وروسيا على الفضاء وسالفه الهبوط على القمر .خصوصا بعد إعلان روسيا أولا عن إكتشاف لقاح ضد المرض .
ومنهم اللي يقول أن العلاج موجود من سنين وللتو أظهروه .
عاد الله أعلم

يا حظي أنا كلام حلو ودعاء كمان ٠٠٠ آمين وياكِ ياغاليه ٠

‏"اللهمَّ لا يأتي رمضان إلا وغزة
عالية راضية منصورة مجبورة
مفتوح عليها بركات من السماء والأرض"

تعرفون الندم على كلمه كان المفروض تقولونها ..
الحكيم يقول ندمت على صمتي مرة وعلى كلامي مئة مره
صحيح أنها ندم مره لكنها وجعها أكبر من ألف مره
ياخي شئ يقهر 😭

الموضوع زاد عن حده راسي مصدع من البراد .. وآحس بالحر الشديد .. لدرجه لاتطاق .
مالحقيقة الغائبة ؟ والأسباب ؟

أنا من كثر ما أقابل ناس عصبية في حياتي .
صرت أستغرب إذا شفت أحد رآيق .
ودي أحنطة وأحتفظ فيه لأنه شئ نادر في الوجود .

أكلت حبه بنادول عشان أنسى موقف 😭
أعاملها كأنها حبه سحرية لفقدان الذاكرة المؤقته .
وعلى قولتهم بكرة تنسى يا قميل

النفسية الآن تقول
لزووووم أرحل عن الديرة وأهلها
أنت متى تحس أنك محتاج تقولها ؟

للتو سمعت مقطع عن كلام ابن تيمية رحمه الله .. فيما معناه
أنه قد يقدر لك الرزق الوفير ولكن إذا عملت بالسبب وجب لك ..
ومن أعظم الأسباب الدعاء .

كلام عظيم استوقفني ..

في جداول متداوله الآن .. إستعدادا للعيد ..
للإهتمام بالبشرة والشعر منها لا تنامي وأنت متضايقة لتحافظي على جمالك .. 🤣😭
تخيلوا وأنا أصيح قبل النوم أتذكر و أمسح دموعي عشان بشرتي ما تخرب وشعري 🤣🤣

هوس الجمال ..أحيانا يدفعك لعالم موازي ..

كل شخص يسولف معك
حسب إهتماماته سيارات سياسه
ألعاب مصارعة كورة سواليف العمل
ويظن أن الشئ اللي شده
هو اللي بيلفت نظرك .
في هذي الحالة تضطر تجامل .؟
ولا تقول عذرا ما هو من إهتماماتي ؟..

ما أدري ليه آحس أن العالم اللي نعيش فيه غير حقيقي .
وأن المستقبل كذبة ..
والدنيا كلها عبارة عن عداد وقت ننتظر نهايته .
وأشوف الناس ظلال ما أسرع إختفائها عند المغيب .

ما أقدر أتعامل بجدية مع الحياة .!

أنا بطبعي شديدة الحياء والخجل ..
لكن مع الأدوية .. آحس بإنطلاقة قوية .
وما أهتم لأي أحد ..
صاروا غالبا يقدموني عالصف .. أتحدث .. وأتناقش .
وما عدت أتحمل المجاملة .

ما أدري .. نضجت من تجارب الحياة .. أو العمر له دور .
أو الأدوية محت جزء من شخصيتي .

بما أني اتمشى فالهواء الطلق .. ذكرت موقف محرج .

مرة من المرات طغى علي الطبع الطفولي
وبديت أودع الطائرة الهيلكوبتر في السماء 😂
شوي إلا استقرت فوق بيتنا وماتحركت .
عرفت وقتها إن رسالتي وصلت 😂
ومافيه إلا حط رجلك يا ولد .