ومتمرجحة احلى واحلى .. (:

الله يسعدك دنيا وآخرة ..

تقدر الادارة تلبي طلبك .. ما عليك الا الطلب ..

هلا بالجميع

كيفكم يا مرحبا

قطراااااااااات الله يجزاك الخير كله ويرحم والديك عن النار

بيض الله وجهك يا غاالية ما تقصرين اعرف والله انك اختي واشد والله

وقفتك لن انساها

العلاج ان شاء الله بكرا وهو عندي باذن الله

معرووووووفك على راسي من فوووووق

ها ما تحمستي على العلاج او هونتي الله يكتب لك الخير

شكرا يا سر القلم سأفعل ،،


للقلم مداد واسرار
يسطر حروفا وكلمات ينثر آهات و ألحان
يضمد جرحا
ويجبر قلبا
ويحيي املا

ياترى ماسر قلمك 🤔

ياربي ماجاني نوم. 😕
بأزعجكم

تتذكرون الفدعوسي وش اخباره طمنونا عليه
حالته كانت تحزن

شدعوا محمد ياحظ من يخدم اخوه المسلم .
لا والله للحين ما اخذت الدواء وابشرك نومي صاير شين وقليل وملخبط .
بتسألني ليه ماخذت الدواء بقولك مدري بجد فيني رعب ويالله لعلها خيره

فدعوسي وينك عساك طيب اتمنى تطمنا عليك
للأسف شكل ولا احد من الاعضاء يعرف عنك شي😞

بداية اعتذر على تطفلي ..

ولكن سبحان الله تعالى .. بعض الاعضاء ..

تشعر انك تعرفه منذ مبطي .. (:

وان كان هذا ليس مسوغا للتطفل ..

اها يبدو اني انا المتطفله 😅 عندما سألتك ما سر قلمك
😏

لا أبدا ..

ولكن صدقيني ..

انا لا اعرف سري ،، فكيف ابديه .. w8

الله يسلمك ويرفع قدرك يا قطرااااااااات ادري والله انك بنت اجاويد وبنت رجال

والله انا نومي مضبوط برمضان انام 7 واصح 7 هههههههه يعني صيام 3 ساعات

ادري والله اني مقصر بحق الطاعات لكن يشهد الله علي ان ما باليد حيله


ان قمت تهبذلت بسبب القرحة فالله راحمني بالنوم


قووووووووووووول ما شاء الله

اما علاجك والله اني مثلك وادي انصحك به ومرااات اقووووول وش لها وللعلاجات الصعبة واثارها

اكون مع صريح كل شي له بالدنيا سلبيات وايجابيات والادوية مثل ما هي مفيدة لها مضار

سلامتك استاذي محمد ،، وما تشوف شر ان شاء الله تعالى ..

القرحة في المعدة أو الاثني عشر ..

قال لي الدكتور مرة .. ان شعرت بالألم عند الإمتلاء فهي معدة ،، وان كان على الجوع فهي الاثني عشر ..

ابشركم حصلت العلاج واخذت حبتين منه وان شاء الله ترجع الامور تحت السيطرة


اخي الغااالي سر القلم والله ان سويت ثلاثة مناظير طبية

وكلهم اجمعوا اني اعاااني من تقرحات بالمعدة

واخذت علاج ولكن دون فاااائدة وانا الان على علاج نيكسوم وان شاء الله نحصل منه نتيجة طيبة

بارك الله فيك

بشرك الله تعالى أخي بالجنة والعافية العاجلة ..

وفالك العافية ،، وطهور ان شاء الله تعالى ..

سلامتك محمد
ابشرك ان نيكسيوم من افضل الادويه للقرحه الوالد الله يرحمه نزل عنده الهيموجلوبين الى ٥ واستغرب الدكتور وبعد التحاليل قرر يسوي منظار ولقى ان عنده ست قرح نازفه عشان كذا نزل الهيموجلوبين وعطاه نيكسيوم ٤٠ مل ثلاثه شهور وبفضل الله تعافى ورجع احسن من اول .. يقول الدكتور النيكسيوم زي الرقعه للقرحه .
تقصيرك بالعبادات انا ما افتي ولا اتفلسف لكني دائما اتذكر ان رحمة الله سبقت عذابه وربي يشوف القلوب والنيات قبل الاعمال وهو عارف وشايف انك مبتلى وتعبان وهو ارحم علينا من امهاتنا لاتفكر ابدا ولا تأنب نفسك مابيدك حيله وان شاء الله ان الله مايواخذك لانه عالم بنيتك .
الحمدلله انك لقيت الدواء وبكره تنوز ان شاء الله وتطامر هههههه

حياك متأرجح الغالي كيف حالك عساك طيب

الحالة مش و لا بد المزاج ما وده بشي تقدر تقول كاره لأي شي بنسبة تتراوح ما بين 50 إلى 80 % ما غير أتنهد أغلب الوقت و رفيقي العزلة و الخمول و الصمت ( مغصوب ع الحياة ) أتمنى الموت بس الحمدلله ما هناك أفكار إنتحاريه
يدقون علي العرب و أقفل بوجيههم

بإذن الله يجي يوم و أنطلق بالحياة و يا رب قريب

من جا رمضان و قلب جدولي قلب خصوصا ما في البيت إلا أنا و أخوي و لا ألقى من يقومني من النوم للفطور إلا بعض الأيام لما يكون أخوي مسلم من دوامه و الا راجع بدري

هربت بعد ما قرووا تنويمي و ديني و دين التنويم في مستشفى الأمل كله تربيط و عزل و إبر تنفخ الورك

هههههههه شكلي بقصفك يا ذي البنت و الله ما حدني عليها الا الكسر
قولي خير يا بنت الحلال لا عندي أمل في الله كبير راح ترجع مثل ما كانت و أحسن و الدكتور المناوب للإستشاري طمني و قال لما يلتم العظم راح ننزع الحديد . دعواتك الله يسعدك

الله يذكره بالخير الفدعوسي يا رب يكون بخير

اها سلامتك والله ماتشوف شر 😕
عساك احسن الحين

ان شاء الله ركبتك تطيب
بس انتبه من الحركه

الله يسلمك ميموري

شدة و تزول بإذن الله و الله يعين

على الله متى ينزاح ما في خاطري من الشين

و تضحك لي الأيام .. أولها و تــــاليــــها

عسى الله يفرجها على كل حال / زين

غمومٍ و همومٍ طاولتني ليــــاليها

أداري و أمشيها يوم ٍمع يومين

سنين العمر راحت و ما أحدٍ درى فيها

https://www.youtube.com/watch?v=iF28yL4Xpas

هلا وغلا بالغالي سر القلم

وانا اخوك ما له داعي لقب استاذ

كلنا اخوان وحبايب الله يرفع قدرك دنيا واخره

الشر ما يجيك يا غاااالي وتسلم

هلاااااااااااا قطرااااااااااات

والله وانا اخوك القرحة لازم لازم لها حمية وانا مطنش

اما النيكسيوم فهو تحت التجربة واسال الله ينفع به

مشكووووووووووووورة وان شاء الله نشوفك باحسن حال وعافية ولا تحتاجي العلاجات ابدا

على الله يابقى دمعي محد غيرك وفا ليه
جفوني كل هلي وربعي وانا مقفي على النيه
يادنيا لو على قلبي... احبك بس وش ذنبي
رضيت انا بردى حظي وحظي مارضى بيه

منبع الثلج

يامنبع الثلج كيف تصب لي جمـره .. وأنت السحايب بكفك والضما فينـي

ياشين هالليـل كنـه طايـل عمـره .. أحس وجهه تعلـق فـي شرايينـي

من حجة العام جرحي ماقويت امره .. لاقلت هانت رفـع صوتـه ينادينـي

والبارحه من طعونك كانت السمـره .. مابين نزف القصيد وفركةايدينـي

اذكرك كان الغلا فنجال مـع تمـره .. أيام تقدع غلاك ومجلسـك عينـي

تضحك وانا في سعادة غامرة غمرة .. تحكي واقول الغلا جاني يواسيني

ومن الخجل لا نظرتك تشتعل حمرة .. كنك شربت الزمان اللي يبكيني

عزاي في وقتي اللي فاتني أمره .. أني الى الحين مالي من يعزيني

ما شاء الله تبارك الله جميل جد الطرح المتفائل يا رب يا رب تكتب لنا الشفا العاجل

ياااااااارب ان شاء الله قريب نشوفك يامحمد كاتب لنا انك تخلصت من الاكتئاب
الله يشفيك ويشرح صدرك ويبعد عن كل هم وضيق وحزن يااااااارب ،

اللهم صل وسلم على رسول الله

https://www.youtube.com/watch?v=ymfDN0jXGxs

القصه ممتعه اسمعوها

‏ﻻ تفكر في كيفية الفرج فإن الله إذا أراد شيئا هيأ له أسبابه بشكل ﻻ يخطر على البال!
قال تعالى: ﴿ﻻ تدري لعل الله يحدث بعد ذلك امرا﴾.

ابو نجلاء انت نفسك رسوم متحركه !
ياخي مره تغيرت وش جاك؟ والا ماتلتزم بدواك

وش مرضك بالضبط
عندك هوس مثلا ؟ او تسمع اصوات

لاني اول كنت الاحظ من كتاباتك يجيك فترة حماس زايد ثم فترة اكتئاب
صح والا.؟ اذا صح هذا اضطراب ثنائي القطب

التزم بعلاجك افضل
الله يكتب لك الشفاء ويسعدك ويعوضك خير

اول مره اشوف مكتئبين وطاقينها سوالف وضحك
الظاهر فاهمين الاكتئاب غلط

يقول حمد الحجي رحمه الله :


مالقيت الأنام الا لقوا مني ابتساماً وهم لا يدرون ما بي !

أظهرِ الانشراح للناس حتى يتمنوا أنهم في ثيابي !

لو دروا بأني حزينٌ كئيبٌ ضاق به فسيح الرحابِ

لتولوا عني ولم ينظروني ثم زادوا نفورهم باغتيابي!

اعوذ بالله مستكثر مجرد السوالف والضحك هنا
عسى ماضايقناك بس 😒
ترى حلو الواحد يكون ايجابي وينشر الطاقة الايجابيه ومايحاول ينكد على غيره قد مايقدر

لا اكثر ..
وكل واحد ونيته

ولمعلوماتك ترى مو كل من ضحك وسولف يعني مرتاح

صدقت .. فالاكتئاب ، كل همه ان يطوق كل نواحي حياتك .. ولا يجعل لك

منفذا تتنفس منه ..

حاول ان تكسر هذا الطوق بالفكر الايجابي ، والابتسامة حتى لو كانت متصنعة !

رحمه الله تعالى وتجاوز عنه ،، وجميع موتى المسلمين ..