|
اقتباس:
سلمت ،، وسلم محبوك .. ودمت مـتألقا كما أنت .. |
اقتباس:
اخباااااااااااارك يا غااااالي وش علومك مع رمضان على فكرة ما تعرفنا بك يا ابن الكراااااااااااااام من اي دولة |
اقتباس:
بس ياليت يتغير اسم الا فضفضه المرضى أما المكتئبين تكون الفضفضه ماساويه هنا الحبايب طاقينها سوالف وضحك وبعدين كلامك مو صحيح موكل من يضحك ويسولف مبسوط الا مبسوط ونص |
اقتباس:
|
اقتباس:
لانك راضي تعيش هالشعور ،ماتبغى تسولف ولا تضحك ولا شي هم الصح انهم يحاولون يعيشون حياتهم لحد مايتغلبون على الشي اللي اسمه اكتئاب ، |
أنا مابغي اسولف واضحك اصطناع ابي يكون حقيقه
يمكن عشانهم اكتئابهم بسيط وموماثر على حياتهم لاكن انا متمكن مني هذي وجه نضري يمكن صح يمكن خطأ |
اقتباس:
انسحاب تكتيكي يحفظ لي طاقتي وراحتي 😅 |
اقتباس:
مباحث شكله هههه 😅 يعجبني في سر القلم انه محايد ويحاول يرضي الجميع 👍 والله يصلح يكون قاضي ومصلح اجتماعي نستدعيه في الهوشات هنا 🤔 |
اقتباس:
انا بلاد الحرمين الشريفين ( السعودية ) .. |
اقتباس:
|
اخ صبري
تدري صبري عليك طال 😄 ماش يدي تحكني لازم ارد عليك ماقدرت انسحب انسحاب تكتيكي 😅 بلا تكتيكي بلا بطيخ بحاول اوصل لك شي واتمنى يوصل شف المكتئب يحتاج جو من الفرح والايجابيه والتشجيع يحتاج تحسسه بقيمته واستحقاقه للافضل هذا له تأثير على النفس انت حاول تختلط بناس كذا يحبونك يشجعونك باختصار ابتعد عن المحبطين قد ماتقدر صدقني في شي بداخلك بيتغير ولو شي بسيط |
اقتباس:
هههههههههههههههههههههههه |
صبري عليك طال واحتار فيك امري 😂
كلامك صحيح مدري شفيني اليوم زعلت شخص عزيز مع أني ما قصد والله متى يتعدل المزاج عشان اكون رايق المهم لاتؤاخذوني ترا النفسيه والأعصاب لها دور وانتو ادرا |
مساااااااكم الله بالخيرات
هلا سر القلم والنعم فيك والله معليش انا ملقوف احب اعرف الواحد من اي بلد هههههههه مباحث سري هلاااااااااااا ميموري هههههه انحشه منك تخوفين من تالي ههههههه اخبااااااااااارك واخباااااااااار اختك عساااااااااااه بخير في الشهر الفضيل اسال الله لها الشفا العاجل |
نداء الى خبيرنا محمد البدراني
تعااااال ابي استشيرك واسولف عليكم اليوم جلست مع بروفيسورين نفسيين الاول دكتوري المعتاد والثاني بروفيسور نفسي بريطاني من اصل عربي شاااايب جاي هنا زياره لمستشفى حكومي . الزبده ياطويل العمر انا نومي سيء لي فتره مانام بسهوله ونومي قليل جدا اليوم وصف لي الدكتور حبة ادازيو اللي هو سركويل ٢٥ قال وقت اللزوم فقط مع البرنتلكس اللي مدري متى باكله 😨 وش رايك بااسركويل محمد هل له اثار جانبيه بديت اتنافض من الحين قلت استشيرك ؟ بعد الصلاة بقولكم وش قالي البروفيسور البريطاني وبصراحه كلامه اقنعني جظا وطمني على نفسي وعليكم . |
رجعت .
بكتب وش قال عشان ما انسى . سألته قلت له عندي اسئله محيرتني الا وهي كيف ان الاكتئاب مرض مزمن وسببه الناقلات العصبيه وهرمون السرتونين والدوبامين وكيف في مدارس نفسيه سلوكيه يتشافى معها بعض مرضى الاكتئاب والهلع ؟ طيب وين راحت نظرية ان هالامراض نقص في الهرمون والناقلات ؟ قالي برافو عليك سؤالك جميل . ليتني طلعت دكتور 😂 قال اولا نظرية ان مريض الاكتئاب سببه الناقلات هذي نظريه قديمه جدا وطلعت بعدها نظريات احدث وذات فعاليه رائعه بالعلاج ولكن اكثر الاطباء مايخاولون يطورون من تخصصهم ابدا صحيح فيه حالات متقدمه بالمرض وخطيره لكن الاغلب يمكن علاجه في فتره وجيزه . ثانيا : يقول نظرية الناقلات والهرمون اثبتت بالابحاث انها غير صحيحه والصحيح اننا لانعلم الى الان هل السيروتونين يحصل فيه اضطراب قبل المرض ويكون هو المسبب او ان المرض كان سبب في اضطراب الناقلات والسيروتونين . ثالثا العلاج النفسي لايعتمد فقط على دواء وعلاج سلوكي بل يعتمد على اكثر من عشر انواع من العلاجات ومنها مدرسة التحليل النفسي الطويل . رابعا ان التشخيص لايمكن مم جلسه وحده لاتتجاوز ٣٠ دقيقه .. يقول انا ٤٠ سنه امارس الطب النفسي والى اليوم ماقدر اشخص من اول جلسه . خامسا الجلسه النفسيه لاتقل عن ساعه قابله للزياده . سادسا ان المريض النفسي يمكن يكون له اخ توأم ومصاب بنفس مرض اخوه ولكن لكل واحد فيهم ظروف مختلفه والاثنين ياخذون نفس الدواء ممكن يتشافى واحد والثاني لا .. بمعنى لو كنت تاخذ دواء والضغوط والظروف سيئه معناها الدواء لايعمل الا فقط بالتهدئه لذلك العلاج التحليلي والسلوكي مهم مع علاجات اخرى نسيت اسمها . سابعا : على المريض ان لاييأس ويجرب جميع المدارس الطبيه لأنه بمجرد مايشخص صح فالعلاج يصبح سهل وبمده قصيره . بس انتهى كتبت اللي اتذكره . تذكرتكم كلكم والله وقلت له لي اخوان يعانون قال عليهم بالتشخيص الصحيح والأمل . |
اقتباس:
|
اقتباس:
اولا سيروكويل دواء في الاصل للذهان بجرعات عالية جدا 800 الى 1200 ملج لكن يستخدم بجرعة 25 الى 50 ملغ كدواء منوم ودااااعم لادوية الاكتئاب نعم العلاج ممتاز لكن انصحك بمراقبة السكر ولكلسترول والدهون الثلاثية لما تاخذين العلااج لابد ان تكوني جالسة ثم تنامي اذا اردت الوقوف بالتدريج لان اي دواء منوم يسبب دوخة انا انصحك بدواء الاكتئاب لان اذا زال القلق الشديد والاكتئاب تحسن النوم تلقائيا لكن لا مانع من استخدام سيروكويل كمنوم وداااعم لدواء الاكتئاب المصروف لك هناك ادوية وخيارات ثانية في حالة لم يناسبك العلاج هناك ترتبيزول وهناك ريميرون انا انصحك باستخدام اولا دواء الاكتئاب فاذا لم يتحسن النوم ممكن اضافة سيروكويل كمنوم وداعم |
اسمعوا المقطع قبل النوم
والله تحس براحة كيف لا وهو الشيخ خالد الراشد اسمعوه مواسينا لكل مبتلئ ومصاب ومحزون ومهموم https://www.youtube.com/watch?v=EpRhNGGFLQY |
الف شكر محمد .
بس بقولك ترى السركويل مو كل يوم اخذه قال وقت اللزوم فقط اذا معاي ارق بجرعة ٢٥ مل . يمكن بكره اخذ برنتلكس اذا الله اراد بس اليوم مره مصدعه ومنزعجه ومانمت الا ساعتين فقط نفسي انام نومه عميقه تريح جسمي ومخي |
اقتباس:
|
حسبي الله على عدوكم طقتني النفضه من الخوف ههههه.
اذا انت يامحمد الاي تعود جسمك على الدواء تقول هالحكي اجل انا وش بيصير فيني اللي عمري ماكلت دواء نفسي ولا منوم .. ياحسرتي حسرتاه |
هلا سر القلم ربي يبارك في عمرك وعملك وصحتك
هلا قطراااات انا من النوع الى ما ينصح باستخدام اي دواء نفسي بشكل متقطع لان في الاصل عمل الدواء النفسي تراكيم ويحتاج مدة ليعطيك المفعول المطلوب والمفعول العلاج يعني لازم كورس علاجي وهذا ما انصحك فيه |
هههههههههه قطرات
والله النصحية ذمة ذمة ذمة كما قلت لك كورس علاجي لمدة سنة وتتخلصي من الهلع والدوخة والقلق باذن الله الواحد الاحد |
ايوا صادق الكورس العلاجي يكون مع البرنتلكس لكن السركويل الدكتور يقول وقت اللزوم فقط لان الغرض منه النوم فقط لاغير وبجرعه مره صغيره .
الارق صار يسبب لي يامحمد شد براسي وتوتر وعصبيه وقلت للدكتور نفس كلامك قال السركويل نعطيه بجرعات عاليه للذهان او داعم لأي دواء لكن نعطيه وقت اللزوم للارق بجرعات صغيره جدا . وقال خذيه يوم او يومين لحد ماتحسي ان جسمك ارتاح بعدين وقفيه وابدأي بالبرنتلكس . نسيت اقولك شي ان صاحباتي ثنتين اللي يستخدمون فينيكس ولاميكتال من اربع سنين بعد ماراخو عند دكتوري اضاف لهم دواء وخفف لهم دواء وغير لهم دواء الحين لهم سته شهور ماشتء الله عليهم تغيرو ١٨٠ درجه يقولون لي البنات رجعت نحس بالحياه الحمدلله . وحده منهم كانت تاخذ سركويل ٢٠٠ خفف لها الى ١٠٠ بعدين ٥٠ بعدين ٢٥ بعدين وقفته تقول ما اثر علي ابدا . شوف باخذ ادازيو اليوم لان الصيدلي يقول وقفو سركويل ٢٥ وادازيو مثله بالضبط وبشوف نومي كيف وبكره ان شاء الله ابدا في برنتلكس وش رايك ؟ |
السلام عليكم جميعا
اختي قطرات الف لابأس عليك مستشارنا الغالي البدراني ... الكورس الاساسي هي 6 أشهر قابلة للتمديد عند الحاجة..اليس كذلك؟ وانا اتفق تماما معك بأن العلاج النفسي ليس هو بندول حتي يأخذ عند اللزوم لابد من الاستمرارية..يعني انا مثلا كنت اخذ ميرزاجين قبل النوم حتي انام بشكل جيد مع العلاج الرئيسي للاكتئاب (باروكسات)وأذكر أن طبيبي قال لي ذات مرة بعد ان تركت الميرزاجين بالتدرج قال لي اذا عاودتك اضطرابات النوم خذه عند اللزوم مع العلم ان الميرزاجين يهد الجسم هد في الثلاث ايام الاول حتي يتعود عليه الجسم فكيف اخذه عند اللزوم؟ ثانيا يا قطرات وحسب خبرتي المتواضعه جدا العلاج النفسي يبدإ بجرعة تمهيدية ثم ترفع الي جرعة علاجية واخيرا انسحابية فوقائية..لازم تمرين بهذه المراحل بمتابعة طبيبك اخيرا انا لدي قناعة راسخة ان الاكتئاب حتي الان الابحاث لم تصل الي سبب واضح ومباشر او تفسير علمي قاطع لأنهم اذا وصلوا الي تفسير قاطع كان توصلوا الي علاج نهائي لكن الحمد لله العلماء نجحو في كبح جماحه وهذا في حد ذاته انتصار كبير وان شاء الله انا متفائل بأنه في يوم ما سينتصر العلم لملايين المرضي واسدال الستار عن هذا الكابوس المدمر تحياتي لكم جميعا |
هلا بك اخوي طه عمار ..
صحيح صدقت وانا كتب لي برنتلكس للاكتئاب بجرعة ٥ مل عشره ايام وبعدين ارفعها الى ١٠ واتابع مع الدكتور كل اسبوع واعطيه اخر التطورات . لكن السركويل انا ما احتاجه الا للنوم فقط لاني مانام ابد عشان كذا قال اقل جرعه ٢٥ مل ليلتين او ثلاث بالكثير . بالنسبه لمرض الاكتئاب بالضبط كلامك مثل ماقالي الدكتور اليوم يقول للان مانعرف هل النواقل تسبب اكتئتب او الاكتئاب سبب اضطراب بالنواقل بس بشكل عام كلامه يشبه بالمعنى كلامك الى حد كبير . شكرا لمرورك اخوي طه |
اقتباس:
عقبال ما نبارك لك بالشفا يا رب اسمعي كلام الدكتور وابدا بالتطبيق وتشجعي وباذن الله تتحسن حالة القلق الى عندك ممتاز ابدا اليوم بالسركويل ومن بكرا عليك بدواء الاكتئاب برنتلكس وانا متفائل جدا ان نومك سوف يتحسن |
اخوي الغااالي طه نعم صحيح
ستة اشهر بجرعة علاجية ثم بعض الاطباء يسحب العلاج بالتدريج والبعض ستة اشهر بالجرعة العلاجية ثم جرعة وقائية ثلاثة اشهر ثم يسحب العلاج ستة علاجية و3 وقائية ويختلف الاطباء بعضهم كورس 6 اشهر وبعضهم سنة |
ابشرك محمد اكلت الحبه لي ربع ساعه ادازيو ٢٥ مل ..اللهم اجعلها سبب شفاء ونوم مريح يارب
|
نوم العوااافي ان شاء الله تشوفين فيها الخير والعافية
|
اللهم امين ويرزقك العافيه والسكينه والسلامه وراحة البال يارب
|
اسعد الله صباحكم احبابنا في الله
|
اقتباس:
|
اقتباس:
نعم الامر يتوقف علي رأي الطبيب وحالة المريض اذا رأي هناك حاجة لتمديد فترة العلاج وفي الغالب الاستجابة في اول كورس علاجي سريعه وبنسبة نجاح عالية بعدها تبدأ الهجمات الارتدادية ويحتاج المريض الي اضافة علاج آخر او مدعم |
اقتباس:
اختي آمين الله يشفيها ويتقبل دعائك مازال عندها بعض الضلالات والافكار الغير صحيحه واصوات براسها الاصوات خفت لكن ما اختفت مبدئيا حالها مستقر والحمدلله على كل حال |
مساء الخير جميعا .
ابشرك محمد نمت عوضت عن اسبوع ارق لكن سركويل مو مثل ماوصفو لي انه ينوم بعد نص ساعه لا .. اخذته ٧ الصبح ونمت يمكن ٩ او ٩ ونص بس اني كل ساعتين اصحى لكن بشكل عام نمت وحسيت براحه ولله الحمد .. اليوم ان شاء الله ابدأ في برنتلكس دعواتك . هلا بك اخوي طه عمار . ابشرك عائلتي كانت من اسعد الاسر يعني استرجعت تاريخ بيتنا لقيت اننا اسره هاديه وسعيده وتاريخ جداتي واجدادي اللي لحقت عليهم كانو طبيعين ويميلون للمرح ومستقرين نفسيا لذلك استبعدت السبب الوراثي . مثل ماقلت يمكن من صدمه لفقد الوالدين لأني فقدتهم بنفس السنه بينهم كم شهر بس . مؤمنه الحمدلله بقضاء الله وقدره ومثل ماقال الدكتور فقدانهم يمكن ترك بؤره موجعه . كمان قالي الدكتور من اسوأ الاشياء ومن اهم اسباب الاكتئاب اجترار الذكريات سواء كانت حلوه او مره لأن الحلوه موجعه وتتحسر على ايامها والمره موجعه ايضا وتسبب الاشفاق على النفس والشعور بالضعف والقهر . وهذا حقيقه انا لما اتذكر ايام حلوه انوجع كثير واحيانا تخنقني العبره . الصحيح اننا نكون هنا والان ان نكون في اللحظه . دخلت دورات تنميه بشريه ومن اهمها عيش اللحظه لان النظريه تقول التفكير في الماضي يسبب اكتئاب والتفكير بالمستقبل يسبب قلق بالتالي عليك فقط ان تعيش الان واللحظه فقط .. طبعا صعب ويحتاج الى تدريب النفس على هالشي . شكرا لمرورك اخي |
اقتباس:
ما شاء الله .. تبارك الله .. وفقك الله تعالى اختي قطرات الندا ،، ويسر امرك .. واتم الله عليك العافية الظاهرة والباطنة .. |
اللهم امين اخوي سر القلم لنا ولك والمسلمين اجمعين .. الله يجزاك خير
|
الساعة الآن 05:00 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا