|
مساء الخير
|
اسعد الله اوقاتكم بكل الخيرات
هلا قطرااات غريبة عاادة سيروكويل ينوم على طول ونوم عميق ممكن الجرعة ضعيفة لكن الحمدالله انك عوضت ولو القليل وتحسنتي الله يوفقك ويشفيك يا رب |
هلا بك محمد .
ايوا الجرعه ٢٥ مل وابشرك بلعت الحبه وانا ركبي تصافق من الخوف 🤓 ولو فيه اقل من ٢٥ كليتها بعد ههههه لكن الحمدلله عدت بخير والنتايج حلوه بنسبة ٧٠ بالميه .. اليوم ابي تشجعيكم لاني باخذ الدواء الاساسي ال big boss اللي هو البرنتلكس والله يجيب الخير . من الحين وانا اهوجس ههههههه . نسيت اسأل محمد انا اخذ ديوفان للضغط هل يتعارض مع برنتلكس ؟ وهل ينفع اخذ برنتلكس مع سركويل ؟ |
اقتباس:
ما عليك ابلعي من ولا تخافي ولا تهوجسي لا ما يتعارض برنتلكس مع السيروكويل اما مع دواء الضغط حقيقة لا اعلم انا مثلك عندي ضغط بس ما اخذه له دواء لكن مثلا دواء افيكسور يرفع الضغط لكن برنتلكس لا اعلم ولم اجربه في الاصل ما لك الا تسوين بحث في قوقل |
مع اني سألت دكتوري امس وقال مايتعارض الا مع الادويه المسيله للدم بس تو سر القلم قال بتعارض وطقتني الروعه .
بسألك ضغطك كم يوصل اذا ارتفع ؟ |
اقتباس:
يوصل ١٦٠ على ١٠٠ |
اسعد الله صباحكم بكل خير
قطرات والبدراني وكل للأعضاء ياقطرات بالنسبة للضغط اذا كان ظهر عندك مع بداية الاكتئاب فهو بسبب التوتر والقلق ويزول مع استخدامك لعلاج الاكتئاب كما حصل مع معظم مرضي الاكتئاب وانا منهم وتوقفت عن استخدام علاج الضغط لأكثر من عامين امااذا كنت مصابة من اول فلاعلاقة للاكتئاب به ان شاء الله سترتاحين مع العلاج وفالك العافية |
أين صاحبة القلم المميز الاخت عيون متفائلة..كوني بخير وان شاء الله تعودين ونأمل أن لايطول غيابك
|
هلا محمد .. والله عالي ضغطك وماتاخذ دواء للضغط ؟ انتبه بجد الضغط مو شي سهل ابدا الله يتمم لك العافيه والاجر يارب .
اخونا طه عمار انا معي الضغط من فترة طويله يمكن ٥ سنين قبل الاكتئاب واخذ حبوب ديوفان ٨٠ مل ومحتاره اذا اقدر اخذ برنتلكس الليله والا لا خفت يسبب ارتفاع للضغط .. انا ماسبق لي اخذ ادويه نفسيه ابدا عشان كذا متردده وخايفه |
صباااااااااااااح الخيرات
لا حول ولا قوة الا بالله ما اصعب العيش مع الانفصام والاكتئاب والقلق الشاديد كل رمضان اتعب من جد والغريب يزداد التعب بعد صلاة الفجر الان احس بخفقان وقلق ودوخة والنفس ضيق قطرات والله ما خذت علاج للضغط مليت اصلا من دنياي |
اقتباس:
الظاهر رهابك من الادوية اكبر من المرض نفسه .. من اين اتاك كل هذا الخوف ؟ |
اقتباس:
أسأل الله تعالى ان يفرج همك وكل مسلم .. |
اقتباس:
عادي محمد معروف ان الاكتئاب والقلق وضيق التنفس يزيد الصباح انا كنت مثلك بالضبط بس مادري ايش السبب وايش معنى هالوقت ، اقرأ ايات السكينه وحط يدك على صدرك وقل " بسم الله ثلاث مرات واعوذ بعزة الله وقدرته من شر ما أَجِد وأحاذر " سبع مرات " |
استرخي يامحمد وحط يدك على قلبك واقرا الفاتحه وكررها وتنفس بهدوء .. ياشين الدوخه تلخبط حياتي حاسه فيك والله .
التنفس محمد ضم كفوفك على بعض وحطها على خشمك وفمك وخذ شهيف عميق وزفير طويل هادي هالطريقه مره تريحني بنوبات الهلع والقلق .لازم تعادل ثاني اكسيد الكربون بالجسم .. لاتقلق الله معاك وراح يساعدك . احنل سهرانين يامحمد طمنا عليك كل شوي الله لايوريك مكروه . سر القلم والله مدري ياختك ليش كل هالخوف من الادويه بجد شي مزعج قاعده اتحمل اعراض مزعجه جدا ولا اخذ دواء . الله يكتب الخير |
الله يجزاكم خير الجزاء
ودي اناااام لكن ما قدرت دموووووووعي على خدي رجال وصلت 37 سنة ولازلت ابكي من القهر والتعب الله المستعان والمشكلة لما اشغل مواعظ او قران احس اني المقصود بالفاسق والفاسد والهالك لا حول ولا قوة الا بالله جالس اسمع محاضرة للشنقيطي يا رب رحمتك بعبادك الضعفاء |
حينما لا يدرك أحد حجم توجّعك
ولا يعلم أحد قدر تخوّفك وحزنك وغصّتك طبطبْ على قلبك ورتّلْ عليه : { أَوَلَيْسَ اللَّهُ بِأَعْلَم بما فِي صُدُورِ الْعَالَمِين } تذكر دائماً : أن الله لقلبك الله لأوجاعك الله جارك وإلى الله جوارك الله طبيبك وحبيبك ورفيقك الدائم وما سواه عدم ❤ |
اقتباس:
وبالعكس ابكي وطلع اللي بخاطرك واذا رجال وعمرك 37 ؟؟ ابدا لاتكتم بنفسك ، الله يشرح صدرك وييسر امرك |
|
لا تقُل كيف سيحدث المستحيل ..
فعندما قالها زكريا ومريم كان الرد : " هو عليّ هين " ❤ |
اقتباس:
ولا تعين الشيطان على نفسك .. ما تزداد الامور تعقيدا لا لقرب فرجها بإذن الله تعالى .. فلا تيأس ، فالله معك .. وكفى به وكيلا .. |
يامحمد لاتأنب نفسك وتتألى على الله يمكن انك عنده افضل من ناس كثير ماغلطو بحياتهم .. ادري كلامنا الحين معك لايسمن ولايغني من جوع لكن من اكبر اسباب الاكتئاب تأنيب النفس .. ابتعد عن هالمحاضرات اللي ماسوت خير بأحد صدقني هذي تزود البلاء والهم .. استمع لتلاوة قران عشان تهدا نفسك .تذكر ان رحمة الله سبقت عذابه .. ياخي حتى القاتل اذا تاب وادى الديه تقبل الله توبته لاتسوي بنفسك كذا مايجوز عليك .. اقعد ابحث ليش بالذات هالوقت تشتد عليك الاعراض بدل ماتقعد تسمع اشياء تضيق صدرك .. طمنا عليك
|
طمنا عنك يا ابو حميد ..
|
السلام عليكم و رحمة الله و بركاته
أسعد الله جميع أوقاتكم بكل خير و تقبل الله من الجميع الصيام و القيام و الطاعات و أشكر الأخ الفاضل طه و الأخت الغالية قطرات و كل من نافح عن الإسلام و المسلمين بصراحة الواحد ما وده يقعد في مكان يهان فيه دين الله و المسلمين الواحد وش موزمه يقرأ ما لا يرضاه الله و رسوله صلى الله عليه و سلم خصوصا إن ما أحد طلب من الإدارة حذف الأشكال المسيئة للدين و ثوابته و مر الموضوع مرور الكرام و كأن الخلاف كان فيما بين الأندية الرياضية حاقدين على الدين من حقدهم على السعودية و حسدهم لأهلها الذين ينعمون بالأمن و الخيرات و النعم و الأمان يشهد الله إن ما زاغوا عن الدين و تركوه إلا لأن السعودية بلاد الحرمين معقل الدين تمثله ، كله حسد و غل على أهلها بسبب النفط قبل النفط ما كانت هذي الأحقاد و ما شفنا هذا الكفر الصريح و الانحلال المباح لدرجة يتمنون إننا نكفر و نلحد مثلهم و نبيع شرفنا و نظل بلا شرف و لا كرامة مثلهم و يريدون نساءنا يكن مثل نسائهم فعلا : كل العداوات قد ترجو مودتها إلا عداوة من عاداك عن حسد قبل كم يوم مجموعة من تونس في نهار رمضان خارجين شبه عراة نساء و رجال و في يديهم قوارير الخمور يتبادلون شربها رافعين لافتات معترضين على الصيام و يبون فتح المطاعم بنهار رمضان بصورة جهرية مثل باقي الأيام و الإفطار في رمضان و فوق ذا قاعدين أثناء المظاهرة يسبون السعودية بلاد الحرمين و كأن السعودية هي من جاءت بركن الصيام و فرضته ؟ طيب ابفهم وش دخل السعودية في تركهم لثالث ركن من أركان الإسلام و ارتكاب الكبائر و شرب الخمر في نهار رمضان كله بسبب حسدهم و حقدهم على بلاد الحرمين حقدوا على الدين و تركوه لأنهم يرون أن إسلام يعني سعودي و يتمنون يتركون السعوديون دينهم و أخلاقهم و يصيرون مثلهم و كأن الله في حاجة لصيامهم و عبادتهم مساكين كل العناوين كالتالي : سعودية تفعل ، سعودي يقول و أعلى نسبة مشاهدات حسد و حقد فظيع يصعب على الخيال إدراكه أعوذ بالله منهم |
|
بعدين تعليقاتهم في كل وسائل التواصل عن الدين و السعوديين واحدة من سنين طويلة ما تتغير و كأن من يكتبها شخص واحد
حسد و حقد دفين راضعينه رضاعة مع حليب أمهاتهم الله ينتقم منهم تجرؤوا هالمنحلين عديمي الدين و الأخلاق و المروءة و ياليت من يحسدك و يحقد عليك و يسبك فيه ذرة خوف من ربه او ضمير ، إلا شرذمة مسلوبة الدين و الشرف و الرجولة مرتزقة تبيع أوطانها و شرفها ما تعرف للفضيلة طريق من حسدهم و حقدهم يتتبعون اخبارنا السياسية و الاجتماعية حتى أحوال الطقس أكثر مما يتابعون أخبار بلادهم و أحوالهم ، مثل السلايف بالضبط ، السلفة الحاسدة المدعوس عليها من زوجها المتفول عليها من حمولتها تحقد على سلفتها الملتزمة السنعة المحبوبة و تراقبها و تراقب عيالها تنتظر الزلة عفن ليوم العفن وجع يوجعهم موتوا بغيظكم ربي ما يتقبل من خارج عن الملة فاسق خبيث و ليتهم يصلحون من أنفسهم حتى ربي يرضى شوي عنهم ، إلا يتباهون بالحادهم و انحلالهم تجي وحدة ساقطة منحلة ما لها مذهب أو ملة تنقد مثلا على وحدة متبرجة من بلاد الحرمين ، وش ذنبنا إن كان باب التجنيس مفتوح على مصراعيه في السنوات السابقة ، بالذات في جدة اللي الواحد يخشى بيوم تغرق بسبب التجاوز حيث من يقطنها من أحفاد الصحابة و التابعين ما يجي عشرين بالمية ، لا يمكن السعودي الأصيل من بدو أو حضر يرضى بالسقوط الديني و الانحلال الخلقي ، حفيدات الصحابيات و التابعيات تميزهن الحشمة و الحياء منذ القدم و الحمدلله هذا لا يعني أنهم مبرؤون جميعا ، لأن لكل قاعدة شواذ ، و الشاذ نادر أي في حكم المعدوم يعني لا يقاس عليه او يعد أصلا حتى نحكم أسأل الله أن يحفظ علينا ديننا و أمننا و أخلاقنا و عافيتها اللهم آمين |
اصلا يكفي زود على العفن اللي في عقولهم و الشر اللي في قلوبهم صفة الحسد اللي أخرجت جدهم إبليس من الجنة يوم حسد آدم عليه السلام ، يكفي إن هذي الصفة لوحدها كفيلة بالقضاء عليهم و تنهي على دنياهم و اخرتهم و يكون مصيرهم مصير أبوهم إبليس عوضا عن الموبقات اللي سقطوا فيها جعلهم ما يقومون
موتوا بغيظكم أيها الحسدة الفجرة |
و ألف سلامة عليك أخونا البدراني
لا تحمل نفسك فوق طاقتها ، دامك مصلي مسمي ، نفسك طيبة دام الواحد ما ظلم أجل الدنيا سهالات الله عز وجل قادر أن يغفر ما بينه و بين العبد ما اجتنبت الموبقات و الظلم و غير إنك ماشاء الله تبارك الله شخص خلوق محبوب تحب تعين و تسعى في الخير ربي يحفظك و يكثر من امثالك و أسأل الله أن يهون عليك و يتمم عليك عافيته بالنسبة لي عندي بروزاك و ودي أتناوله لأني سبق جربته ، و من باب جني تعرفه أفضل من انسي تجهله و عارفة أعراضه الجانبية لكن يلزمني مدعم له في الأسبوع الأول لوقف أعراضه غير المرغوبة من زيادة للخوف و القلق و زمان كنت أتناول في الأسبوع الأول العصيب هذا الريميرون ثم اوقفه و خاصة أن ما له أعراض انسحابية و الآن زي ما تعرفون كل شي منع بيعه في الصيدليات إلا بوصفة ، و حولي علاج اخوي الله يعافيه ابعرضه لكم هل يمديني أتناول نوع منه فقط في الأسبوع الأول بدال الريميرون بدون مخاطر بالاضافة للبروزاك المتوفر عندي ؟ ادويته كالتالي : ديبرالكس ليبونكس ديباكين ريدون و عافى الله الجميع |
اسعد الله صباحكم بكل خير
|
[QUOTE=عيون متفائلة;1332966]السلام عليكم و رحمة
و أشكر الأخ الفاضل طه و الأخت الغالية قطرات و كل من نافح عن الإسلام و المسلمين بصراحة الواحد ما وده يقعد في مكان يهان فيه دين الله و المسلمين الواحد وش موزمه يقرأ ما لا يرضاه الله و رسوله صلى الله عليه و سلم خصوصا إن ما أحد طلب من الإدارة حذف الأشكال المسيئة للدين و ثوابته و مر الموضوع مرور الكرام عودا حميدا اختنا الغالية فعلا الادارة كان دورها دور المتفرج لهذا التجاوز الخطير والسقوط الاخلاقي المريع..والمصيبة ان البعض يهاجم الدين بل ويتعدي علي الخالق بذريعة المرض النفسي وأن المرض هوالذي يقوده لهذه الافكار |
مستشارنا الغالي لابأس عليك طهور إن شاء الله
نوبة وتعدي بإذن الله |
اقتباس:
والله الدنيا ذي ماتسوى شي لاتشيل همها ولاتتضايق كل شي يهون ولاتهتم ووكل امرك لربك سبحانه ماتخفى عليه خافيه تدري ذكرتني بجدتي الله يرحمها ويغفر لها 😢دايم اذا شافتني متضايقه تغني لي : دنياك يازين ماتستاهل الضيقه يا ضايق الصدر بالله وسع الخاطر الله على مايفرج كربتك قادر والله له الحكم في دبرة مخاليقه مافات خله ولاتهتم من باكر واغنم من اليوم ماشائت توافيقه |
هلا وغلا عيون متفائله .
فقدناك والله لكن مثل ماقلت لك احيانا استشعر برغبتك بالبعد . مثل ماقلتي بالبدايه تعامل من باب المسكنه وبعدين تقيأ على ديني وبلادي بكل الاحقاد اللي جمعها سنين بقلبه . مو ذنبنا مشاكلك النفسيه تحط حرتك فينا ليه ! ناسي المسكين ان الاخلاق الطيبه هي معيار رقي الانسان .. عموما ذلف عنا والله يعامله بما يستحق . كان ودي افيدك بالادويه بس تعرفي اني اخوف انسانه منها بس ابشرك تجاوزت نوعا ما الخوف واخذت سركويل ٢٥ مل ولي يومين انام مرتاحه واخذ كفايتي الحمدلله . لكن برنتلكس لسا ما اخذته بصراحه ومازلت ابحث عن التجارب واللي لقيته ماهو كفايه يعني في اعضاء ابتدو فيه وبعدين اختفو مادري وش الزبده . لكن نصيحتي لك عيون تزورين طبيب وتشرحين له المشكله لأن الحاله تتغير والعمر يتقدم والمشاعر تتغير لازم المتابعه صدقيني واشرحي له مشكلتك مع الادويه كثرة النوم وماتدري لعلك تجدي طبيب او دواء جديد يناسبك . هذا رأيي وشوفي انتي وش يريحك .. طمنينا عليك حبيبتي |
محمد البدراني طمنا عليك ان شاء الله عدت هالمشاعر والاعراض اللي تطفش حتى الطفل .. راحي يعدي كل شر ان شاء الله وبعد العسر يسرين وبعد الضيق فرج وبعد الليل الطويل صبح . جعلك ماتشوف شر يارب
|
مساااااااااااااكم الله بالخيرات جميعا
اسال الله ان يجزيكم خير الجزاء على المساندة والدعم والوقوف بجواري ما اعرف والله كيف اوصف حاااالتي عند اذان الفجر انتكس مية درجة اسال الله العظيم ان يمر اليوم بسلام وراحة بال هلاااااا عيوووووون والحمدالله على سلامتك اشتقنا لك طه وقطرات وسر القلم شكرا من القلب |
الحمد لله على سلامتك مشتشارنا الغالي ..
والله يكتب لك العافية في الدنيا والدرجة العالية في الجنة .. طهور ان شاء الله تعالى .. |
يا هلااااااااااااااا وغلاااااااااااا
سر القلم الغااااالي الحمدالله على كل حااال بشرنا عنك عساك بخير وصحه ذبحني الجوع من بعد صلاة العشا رحت اشتري عشاء لي و للوالدة شريت لحم مندي رهيب على اصوله بس جونا حريم وما طلعوا الا قبل شوي برد الاكل بس الجوع كافر انتقمنا من اللحم ناكل اكل مودع هههههه الوالدة اعجبها المطعم ولله الحمد يا زين امي كم احبها حب |
الحمدلله ع سلامتك محمد .. شفت كل شي يعدي وتنقشع الغمه .
ربي يحفظ لك والدتك ويرزقك برها وجعلها تفرح بعافيتك وتشيل عيال عيالك يارب . |
اللهم ألطف بأجساد عجزت عن النوم من أمراضها
و أرحم عقولا سهرت من أفكارها و أشرح صدورا لم تنم من ضيقها ♥ |
سلام عليكم كلنا اكتئاب ونفسيه لله امرنا بس في حد منكم لقاء حل لمشكله التعب والارهاق الدائم والله موت
|
السلام عليكم أصدقائي.. -حبيت أشاركم يومياتي- تم صرف لي دواء فلوكستين 20 ملي جرام (حبة كل يوم) والآن أنا في اليوم -11- لكن لم تتحسن حالتي بل عند بداية مفعول الدواء بعد -4- إلى -8- ساعات يزداد الاكتئاب |
| الساعة الآن 06:54 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا