سلامتك يا بوحميد ،،،، مراجعه ولا ايش ؟
|
هلااااااااااا ابوعلي الغالي
لا والله مراجعة عاادية وصرف علاج وعطوني موعد بعد ثلاثة اشهر وقال خفف دخان ومارس رياضة المشي واخذوا قياس الضغط وطلع مرتفع 170 على 100 وقال لازم دواء للضغط بكرا بروح اكشف على الضغط واشوف مراااا عااادي ومرااا مرتفع بلشت فيه |
وووووووين عيوووووووون مشتاقين لها
قطرااااااااااات بشري خذيتي علاجك او لا |
هلا بك محمد اليوم كان عندي موعد مع الدكتور و٩لاص باخذه اليوم بس معاي احتقان عادي ؟ نص الحلسه راحت والدكتزر يضحك علي عشان قلت له تراي اقرا المعوذات واية الكرسي على الحبوب 😐
|
هلااااااا قطراااااات
هههههه طبيعي يضحك توكلي على الله وخذي علاجك عااادي جدا المهم عدم تداخل ادوية ثاااانية مع دواء الاكئاب انا مزكم بقوة وعضامي مكسرة ولا خذيت علاج لها بس ادوية الاكتئاب |
------------------
اخترت بالدنيا ثلاثة الصحة والعفو والصلاح |
اجل لاتنومون اليوم لاني كل شوي بطمر هنا باخذ الحبه يامحمد والله يعينكم علي .. برنتلكس 5 مل
|
اقتباس:
يا رب اخذتي الحبة (: |
ابشرك صديقتي اللي بتنام عندي وبتشجعني ماجات وخفت اخذه وانا بلحالي بالبيت قمت اخذت سركويل عشان انام .. واصلا عصبت منها
|
ما تشوفون شر إن شاء الله
|
استغلوا هذه العشر واسألوا الله بقلوب منكسرة لعل الله يريحكم مما انتم فيه اعاننا الله واياكم وشفانا واياكم انه جواد كريم
|
أهلًا أصدقائي..
اليوم كان موعدي مع الطبيب.. وصرف لي (فالدوكسان -اقوميلاتين- 25 ملغ) لمدة ثلاث أشهر حبة واحدة كل يوم |
ما تشوفون شر جميعا
كيفكم وشخباركم اليوم منهك بسبب الانفلونزا عندي سوالف لكن كسلان اكتب هههه |
اقتباس:
الأحوال حزينة لكن مع قليلًا من التفائل بسبب الدواء الجديد |
محمد البدراني تعال بعلمك شي توك تطيب من الانفلونزا ورجعت لك مره ثانيه خذ نصيحة اختك واشرب فيتامين سي كل يوم اول ماتفطر يقوي المناعه لأن تكرار الانفلونزا معناها المناعه ضعيفه شوي .. منت بطايعني ادري لكن حاول هههههههههه
|
ظلام تحمل وانا اخوك وتفائل ب العلاج الجديد والله يكتب لك الخير والصحة
هلاااااا قطرااااات ههههههههه والله تروشت وجلست تحت المكيف وهذا الى ما يسمع كلام امي تقول انقلع بعيد عن المكيف واقول لا ههههه اخبارك قطراااات ما شاء الله عليك اذا سمعتي نصيحتي سمعت نصيحتك هههههه |
ايوالله انك صادز انصحك وانا مثلك يامحمد ههههههه .. بس اليوم بحول الله باخذه .. ابشرك سركويل نومني اليوم ١٢ ساعه .. اثاري النوم شي عجيب عمري ماذقت طعمه لان اصلا اصلا نومي قليل من صغري وخفيف قمت الساعه ٩ بالليل ههههههه وجهي تقل خبزه توها طالعه من الفرن منتفخ 😂😂😂
|
اقتباس:
عقبال الشفا التام هههههه اما خبزة هههههه بس حلو النوم المتواصل تحس انك رايق وما خذ كفايتك والحمدالله مع ان جرعتك صغيرة مرااااااااا 25 ملغ ما ينحكى فيها والحمدالله انها جابت نتيجة طيبة |
لا ابشرك جابت نتيجه وابشرك طلعت رحت المول بلحالي والله ثم والله لو جيتني قبل خمس شهور وقلت لي روحي المول زبعطيك مليار مارحت بس اليوم رحت ولحالي بعد . سبحان الله الانسان عباره عن مشاعر واعصاب متى ما ارتاحت هالاعصاب تلقاه مستانس ويعطيك عيونه ومتى ماتوتر صارت الدنيا بعينه ضيقه كنها ابره والنوم له دور مهم واساسي بجد ..
بس تراي مادجت بالمول مثل عادتي محلين وانحشت هههههههههه |
هههههههههه الله يسعدك يا قطراات
اجل ما دجتي بالمول مثل اخواتي خمس ساعات ويقولون والله مخيس هالسوق طيب وش مجلسكم فيه خمس ساعات هههههه الحمدالله هذي بشارة خير وانتي تستاهلي بصراحة متفائلة ومساعدة للجميع بااااقي تتحمسي وتاخذ برنتلكس وتصير امورك مضبوطه ونشوفك تفرين الموالات الشاطي مول وسنتر مول والظهران مول عاااد الظهران مول يبي لياقة من كبره |
اللياقه اااخ ياللياقه كنت امشي ساعتين باليوم وافر الظهران واطلع اروح الراشد ولا اتعب الحين تصافق ركبي اذا شفت الزحمه بتزين ان شاء الله بحول الله وقوته انها ازمه وتعدي
|
ان شاء الله بتفرج وبتزين الاوضاع
اليوم الحمدالله احسن من امس ومرتاح لا نوبة هلع ولا ضيقة يا رب لك الحمد والشكر |
الحمدلله عساك بزود عافيه وسعاده يامحمد والجاي احمل بحول الله
|
أبوس رآسِك يا زِمن
ما عاد فيني للجراح خلاص كافي أسى أبوس راسِك يا زِمن يا مكثر ذنوبك معي ما كل ذنبٍ لك يُباح إن هو زعلت وش تستفيد وش مكسبك من ذا الحزن |
انا شعاااار دنياي الصبر .......وشعار هالحياة كفااااح
|
انت مدري وين تروحون
بصراحة طفشان وزهقان على الاخر ما عندي شي اروح له ومزكم انت كييف تقضون اوقاتكم |
|
سجتي كلها هموم واحزان
|
ابشرك محمد اخذت الدواء الان ادعي لي
وين سر القلم بعد ببشره . يارب انك تجعل هالحبه سبب في الشفاء التام |
اقتباس:
|
اقتباس:
|
هلاااااااااا قطرااااااااااات اخيرا بالعافية وتشوفين الشفا التام باذن الله
هلااااا ظلام ما يفيد الهرووووب من الواقع بس معك كل الحق صراحة وضع لا يطاق انا اليوم اقسم بالله مقهوووووور امي اغلا ما عندي تعبانه المسكينة عندها دوخة قوووووية وصدااااع عنيف ورافض تروح المستشفى لا حول ولا قوة الا بالله وانا ما بيدي حيله ااااااه يالقهر |
اقتباس:
ويرزقك برها ،، فهي نور البيت وسعادته .. |
سلامتها محمد ماتشوف شر ان شاء الله .
لاتخاف يمكن لخبطه بالجسم مع الصيام لكن اذا عندك جهاز قياس الضغط قيس ضغطها والحراره والنبض اذا طبيعيين لاتخاف كل شي زين ان شاء الله |
الله يسلمكم من كل شر
الدنيا صاااااااااارت ما تستاهل الواحد يعيش فيها كلها الم وندم وحسرة وحزن وش ادري بتقولون نكدي وممل بس والله العظيم من حر ما فيني |
ماحنا قايلين نكدي الله ابتلاك وشي مو بيدك لكن الفرح قريب ان شاء الله
|
الله يكون بالعون ويصبرنا جميعا
بكرا لازم اروح لدكتوري الخاص الوضع صاااار لا يطااااق |
استودعكم الله تسجيل خروووووج
الى اللقاء الى ان يزين الحال وتتعدل الامور كذا الوضع ما عاااد ينسكت عليه فمااااااااااان الله يا غااااااليين |
نور الامل تسلم الله يسعدك ويتمم لك شفائك .
الله معاك محمد يشفيك ويعافيك ويفتح لك باب فرج وعافيه يارب |
|
الساعة الآن 02:51 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا