اقتباس:
|
اليوم أنا صاحي بالليل ما نمت..
يظل الليل أرق وأحن عليّ من النهار الكئيب.! (ولو جزئيًا) ماذا تفضلون؟.. الليل أم النهار ؟... |
صادق انا افضل الليل بالنهار احس بغربه وشعور غريب ماعرف اوصفه
|
انا بعكسكم انت ومحمد انا متمسكه بالحياه ولسا اشوفها جميله وفيها اشياء ممتعه لكن الخوف والاكتئاب منعوني استمتع الله يشفي كل مريض
|
السلام عليكم ورحمة الله وبركاته..
ارجو المساعده يااخوانى انا شاب مصرى بعمر ال30 مغترب باحد دول الخليج وعندى وسواس الامراض منذ 3 سنوات والوسواس مسيطر على بشكل فظيع لكن مايعذبنى حقا هو مصادفتى فى مكان لما اوسوس به...اخاف تحديدا من مرض معين واجد سيرته تتكرر امامى بشكل مستفز ..هل هذا طبيعى ويحدث معكم وهل هى اشارة ما؟ ارجوكم اجيبونى فانا فى حاله لايعلم بها الله والوحده والغربه يزيدون عذابى...فانا على هذه الحال منذ 3 سنوات.. وكيف اتخلص من هذا الوسواس اللعين نهائيا.. ولكم كل الشكر |
هلا بك اخي عبدالحميد
الوسواس والقلق سبب رئيسي باللي تمر فيه . لما تفهم الية عمل العقل الباطن سوف تعرف ليه انت يصادفك المرض هذا بكل مكان .. الية عمل العقل اخي كالتالي : لما تركز على شي يتواجد في عالمك ومحيطك بكثره .. هو موجود من زمان وبنفس الاماكن والاوقات لكن مخك ماكان يركز عليه فكنت لاتراه ابدا او ان رأيته فهو يمر مرور الكرام عابر . هذا مو كلامي كلام علماء ومفكرين وبالفعل هذا حقيقه انا كنت اخاف من الدوخه واتخيل كل الامراض السيئه وفعلا صارت تتكرر امام عيني في كل مقال او لوحه اعلانيه او حتى بفيلم قمت قطعت الشك باليقين وعملت فحوصات كامله وبفضل الله النتيجه سليمه قلت في نفسي انا سليمه انتهى . صحيح لما تجيك الوساوس شي مؤذي ومزعج لكن بعلمك طريقه جدا بسيطه لكنها فعاله في الهاء عقلك الباطن اول ماتصحى من النوم اقرأ المعوذات واية الكرسي . بعد ماتخلص قرر انك تركز اليوم على لون معين وتكتشفه بأي مكان سواء بالشارع او المحلات او اللوحات الاعلانيه او حتى بملابس الاطفال مثلا : قرر اليوم تركز على اللون الاخضر طول ما انت ماشي ابحث عن اللون وحاول تختار لون صعب شوي .. يوم يومين راح تتحسن بالتدريج ان شاء الله . طمنا عليك |
اقتباس:
والشخص المثالي معرض للاكتئاب بشكل كبير لو فشل بتحقيق المثالية اللي يسعى لها لأنه وقتها راح ينسحب ويهرب من واقع الحياة < هذا الكلام ينطبق عليّ |
صح كلامك قالي الدكتزر تحنبي الدقه بكل شي وتحنبي طلب الوصول للمثاليه لأن مافيه شي كامل ومافيه شي دقيق ١٠٠ بالميه لازم نعمل حساب الظروف والوقت والاحداث المفاجئه او حتى الخمول والكسل ممكن يغيرو دقة الاشياء
|
اليوم الثاني من استخدامي للدواء الله ينفع به ويشفي كل مريض
|
اقتباس:
اهلا بيكى اختى الفاضله الكريمة قطرات الندا.. حقيقى شاكر جدا لردك ريحتينى بردك وجوابك الله يريح قلبك وبالك .. ان شاء الله أطبق نصيحتك وربنا الميسر.. أكرر شكرى العميق على ردك ونصيحتك.. تحياتى |
لا شكر على واجب اخي عبدالحميد الله يريح بالك ويسخر لك خلقه .
ملاحظه : البحث عن اللون يكون بعينك فقط وانت ماشي بالطريق . اخي عبدالحميد مثل ماذكرت انك مغترب في دول الخليج لاتنسى ان هذا الشعور او هذا الظرف ممكن يكون احد اسباب القلق عندك لانه من اهم اسباب القلق او الاكتئاب والوسواس تغيير بيئة الانسان و ظروفه وتغير بلده فنصيحتي لك انخرط بالعلاقات الايجابيه وتكوين صداقات جميله واخلق لك بيئه ومحيط يساعدك واعمل لك جدول اشبوعي ترفيهي ولو كان جدا بسيط يعني خصص يوم لرفاهيتك واسترخائك وراح تعدي الايام وتنسى الوسواس ان شاء الله . |
قطرات طمنيني عليك كيف البنترلكس معاك
وهل تنامين طبيعي ولا تاخذين سركويل أنا اليوم ماخذت الحبوب لان حسيت قاعده تسببلي قلق وارتباك وتلعثم كذا حبوب جربتها لما اخذتها تسببلي ارتباك والله هالحبوب مفروض مايسمونها مضادات اكتئاب هذي تجيب اكتىاب هههه شر البليه مايضحك |
والله اليوم لي ثالث ياصبري لسا مابين شي بس البارح جاني غثيان وشوي دوخه بس الصبح قمت اغني لأم كلثوم بصوت عالي مدري وش السالفه 😁
لما بديت في البرنتلكس وقفت السركويل ماداني كثر الادويه و نومي عادي مو سيء . انت وش دواك ؟ |
دام تغنين معناها رايقه ومبسوطه 😂دوم أن شاءالله
أنا حبوبي ترازدون ففتره سابقه حصل تحسن مفاجى وبعدها لما رجعت له راح التحسن أنا تدرين اش ودي ودي اركز على الجانب الروحي يعني الرقيه لان انا فيني عارض بس انا مشكلتي مااواصل لو استمر كان صار تحسن يازين العافيه متى تنزل علينا ونرتاح صراحه انا اشوف فالدنيا ناس مرتاحه وناس تعاني بنسبه لي اكتفيت معاناه ابي ارتاح واعيش حياتي أو ربي ياخذني وافتك من هالدنيا كلها امراض وابتلاءات |
هذا قبل امس الغناء اما اليوم حاسه بشوي قلق و دوخه احس اني مو على بعضي مدري من الدواء والا وش فيني .
ايوالله يازين العافيه طيب اسأل دكتور وغير دواك اذا معد يفيدك الحين يمكن صار ماله مفعول |
اقتباس:
فرحان لك و الله يا قطرات استمري و كلنا معك |
هلاااا وسهلا متأرجح
جيت والله جابك تكفى بسألك انا اخذت الدواء من ثلاث ليال يعني البارح ثالث جرعه اول يومين طبيعيه بس اليوم احس بدوخه خفيفه وغثيان ومزاجي موب زين ومعدتي مو مرتاحه مش غثيان قوي لا غثيان عدم راحه وقلق كذا مدري وشو هالاحساس .. طبيعي والا فيني شي ؟ |
ونسيت اسألك بعد هالاعراض تستمر وقت طويل ؟ مزعجه مره واذاني متسكره كني بطياره
|
دامك بداتي فيه تو الناس يبيله وقت بس لاترجين منه شي كبير وفعلا اذكر يوم خذته سببلي لوعه وصرت مااشتهي اكل كبدي حايمه
|
هههههههههههه حسبي الله على ابليسك ياصبري تبي تزيدني احباط انت
|
اقتباس:
.اقنعني عقلك وروضي نفسك بضرورة استخدام العلاج |
ايه شفت طه عمار انصح الناس وخفت لما اخذت الدواء .
السركويل قالي الدكتور وقت اللزوم اذا جاك ارق ومانمتي تاخذينه وانا جرعتي مره صغيره ٢٥ مل . بس الدواء الاساسي هو برنتلكس ٥ مل عشى ربي ينفع به |
لا اصلا خذيها قاعده كلهم ماعندهم سالفه اذا حصل تحسن بسيط بركه هذا الي اكتشفته من استخدامي للادويه انتي ماتتوقعين أن فيك شي روحي ؟ ولو تطيعين شور صبري كثفي قراه ايه الكرسي مكرره لين ساعه كذا ويدك عل قلبك من داخل والفلق مكرره برضو وشوفي كيف الوضع مع الاستمرار
وتابعي عاليوتيوب الراقي محمد حسن بتستفيدين من مقاطعه كثير انا صراحه الادويه صرت ماعول عليها كثير |
صبري انا لي ثلاث شهور اقرأ سورة البقره كل يوم الحمدلله واحصن نفسي واية الكرسي .. الحمدلله مافيني شي روحي ولا احب ادخل بهالمتاهات للامانه افوض امري لله وحده وانا اصلا من زمان وانا الاذكار صبح ومساء .
ماعولت على الدواء ابدا معتمده على ربي وبيشفيني ان شاء الله |
اقتباس:
الأمل كله بالله - والمشيئة لله وليست لنا - & الأخ محمد البدراني أتمنى أن تكون بخير |
ايوالله محمد البدراني وابو نجلا وعيون متفائله غايبين عساهم بخير وسعاده وراحة بال والمهم انهم سالمين .
|
السلام عليكم و مساء الخير ع الجميع
أيام تجيني متدهور تفكيري للحضيض خلاص مقفلة معي الحياة و متشآئم لحد النخاع وقتها أتمنى لو مت و لا أكون بهكذا وضع وضع مزري من ذا المزاج و التفكير السلبي المفروض علي فرض و أكره نفسي فما بال الكره للنفس يتعدى لأبعد من ذلك حتى يكون بالمحيطين بك و بالعالم كله العيد له أيام قليله و لاا حاسين فيه و لا لنا أي شغف بقدومه يا رب لطفك حسبنا الله و نعم الوكيل لا حول و لا قوة إلا بالله صدق المزاج هو الحياة و الحياة هي المزاج المزاج فيه الإرادة لا طاح مزاجك فعلى الإرادة السلام و حلاوة الحياة في المزاج الطبيعي و الموت أرحم بكثير من حياة يكتنفها ألم و قهر و مزاج سيء طاحت أعمدة الصبر طاحت بيوت المنى و جارت عليها السنين يا رب مالها إلا أنت مقوم حظوظنا المتلاشيه و مشيدها و مقويها و منفضها من غبار جور الزمن عنها لا إله إلا أنت سبحانك إنا كنا من الظالمين اللهم إنا نعوذ بك من جهد البلاء و درك الشقاء و سوء القضاء و شماتة الأعداء اللهم إنا نعوذ بك من زوال نعمتك و تحول عافيتك و فجأة نقمتك و جميع سخطك !! خطوة متعثرة !! آه على آه و أوف بس أوووف أوووف |
سلامتك ابو نجلا يارب انه يرفع عنك هالحزن والألم ولا يطول بك شده .
توقف الحروف بصراحه ماعندي شي اكتبه او اواسيك فيه لكن الله يغير حالك الى احسن حال يارب ويكتب لك الخير والخيره |
اقتباس:
هلا بك قطرات الندا حياك يا بنت الأجواد لي أيام و الله ضايق و متردد أروح للأمل أقولهم فيني أفكار تمني للموت بس فكرت في الأدويه ما في دواء إلا أستخدمته و صار جسمي يرفضهم رفض تام ودي بس المزاج يفكر بإيجابيه و أكون مرتاح تصوري عمري من الطفولة و مغرز بالسلبيه هواياتي تبخرت تلاشت إرادتي تم قصفها عقلي تدمر أعصابي ذبلت على . إيش عايش ما أدري أتمنى الموت بأسرع وقت آخ بس ما أبي شي من الحياة سوى ان المزاج يستوي أنتي كيفك قطرات الندا و كيف حال أبو حميد قاعد أقرا لكم كلكم و أدعي الله يشفي أم أبو حميد كيفكم جميع كلٍ بإسمه و محله |
آمين و إياك يالغاليه قطرات الندا
الله يهون على كل صويب مصابه و يشفينا جميع |
ننتظر رجوع عقيد القوم أبو حميد و بسمه الغاليه
|
https://b.top4top.net/p_890d1hr61.png
على الله متى ينزاح ما في خاطري من الشين و تضحك لي الأيام .. أولها و تــــاليــــها عسى الله يفرجها على كل حال / زين غمومٍ و همومٍ طاولتني ليــــاليها أداري و أمشيها يوم ٍمع يومين سنين العمر راحت و ما أحدٍ درى فيها https://www.youtube.com/watch?v=iF28yL4Xpas |
أممم بديتي في العلاج يا قطرات الندا
كيف العلاج معك |
ابو نجلا انا ابتديت بالدواء برنتلكس ادعي لي ان الله ينفع به لي اربع ايام بس ضايقتني بعض الاعراض توتر وتململ ودوخه خفيفه وشوي يجي غثيان وشوي يروح وشوي نبض براسي وشوي يروح وشوي طنين وشوي يروح مدري مو عارفه اوصف بس اني متململه والله يعين وتعدي الايام الاولى على خير .
ابو نجلا ليه ماتشوف الدكتور محمد المقهوي ؟ تراه رئيس قسم الادمان في مستشفى الامل وعنده عياده خاصه وكثير يمدحونه صحيح انك جربت كل الادويه لكن ماجربت خبرة طبيب جيد يعطيك خلطه جديده تناسبك وتطلعك من عنق الزجاجه المقرف . جرب ماراح تخسر شي لعل الله ييسر لك الشفاء بابسط الطرق اللي ماكنت تتخيلها . ابنصحك نصيحة اخت لاتفكر بالماضي ابد لو فيه اللي فيه كل ماطرالك قم تحرك كلم احد ترى الماضي هو الاكتئاب والحزن . قرأت لديباك شوبرا طبيب هندي مشهور امريكي الجنسيه يقول ثلاث اشياء هي محور الانسان وهي كالتالي : ماضي حاضر مستقبل التفكير بالماضي =اكتئاب حاد التفكير بالمستقبل = قلق حاد التفكير بالحاضر = السعاده ادري ان كل كلامي وانت بهالمزاج مايقدم ولا يأخر لكن ابدأ بشي بسيط وهو زيارة الطبيب ومن ثم اكتب ورقه وحطها جمبك قبل تنوم واول ماتصحى قل الحمدلله والله يكتب لي بهاليوم الخير والخيره وبس الله يابو نجلا شايفك وعارفك وعارف وش تحس فيه وصدقني ماراح يخليك لكن متى وكيف ؟ مدري |
ايوا بديت ابو نجلا من ثلاث ايام والليله الحبه الرابعه .
ابشرك اول يوم اكلت الحبه قعدت الظهر اغني لأم كلثوم بصوت عالي ورحت لولو هايبر اغني هناك مو مزاج عالي بس كان شعور مريح غريب وثاني يوم كنت اوكي بس امس واليوم مرتبكه ومتوتره ومو مرتاحه شوي دوخه شوي غثيان شوي وهن وكن رجولي ماتشيلني مدري كيف اوصف لكن تململ غريب وعسى ربي يعديها بخير |
يوووه اثر مخي مو معي طلعت راده عليك بخصوص الدواء وارجع اكرر امحق ههههههه
|
اقتباس:
يا رب تشوفين من وراه خير و تعدي الأيام على خير و تزول منك تدريجيا كل هالأعراض حاولي تستفيدين من الأخوات هنا مثل منو القحطاني و من هم على شاكلتها اقتباس:
اقتباس:
تفاكيري كلها متشربكه ماضي على مستقبل عكروا لي حاضري ودي أطلع من اللي أنا فيه الحاضر ما أقدر مو لأن الماضي كذا و المستقبل كذا لا . هو بسبب ان العزم و الإرادة راحت مرواح جدي و مثلك عارف الإنسان إرادة و الإرادة من المزاج فلو أسقيت بذرة المزاج راح تتغذى كويس و تنمي لي الارادة فعقدتي هي في المزاج و الإرادة . و الأدويه ما عادت تعدل مزاجي ما نقول الا يا رب تخلصنا من أوجاعنا و مشكورة يا بعدي و كل عام و أنتي بخير يالغاليه ما أدري قطرات الندا صحيح ان والدينك غدوا و الا أنا تحلمت فيك كذا و الا أنا شايف فلم و أختبصت |
شلون غدوا يعني توفو ؟ ايه عليهم رحمة الله توفو كلهم
|
اقتباس:
توقّعي لا تطيحين طاح الشر مني و منك و من الجميع دووووم و في القريب العاجل :) |
اقتباس:
وفاتهم كان في يوم واحد ؟ |
الساعة الآن 04:44 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا