|
لا بينهم سته شهور بالضبط اول شي الوالد بعدين الوالده يامال الجنه
|
الله يجزاك خير يابو نجلا ويسخر لك خلقه ..
تو وحده مقروده ارسلت لي فيديو عن واحد يكلم امه فيها زهايمر وامه ماعرفته وقعد يبكي نفس الموقف هذا مريت فيه مع امي قاعده اسولف معها واقولها يمه تعرفيني تناظرني وتضحك مستحيه تقول ماعرفك .. الزهايمر يعذب يوجع اهل المريض نفسيا الله لايجيبه لمخلوق .. واقعد ابكي تو وارسل مسج لصديقتي قلت لابارك الله في كشرتك قولي امين وش جاك علي قاعده اتعالج نفسيا وتنقضين جروح يالمقروده |
شوف ابو نجلا انا ترى قد رحت للدكتور محمد المقهوي اول ماجاني الهلع وكرهته يوم كتب لي دوا قلت ذا مهبول لكن بعدين يوم غيرت الدكتور وقعدت اسولف مع دكتوري قعد يمدح بالمقهوي حيل ويقول الطب النفسي مدارس مختلفه وكل دكتور له مدرسه ونموذج يمشي عليه والمقهوي دكتور يؤمن بالادويه ويقولك انها تضمن لك الشفاء بعد الله .
ترا له سناب وكل يوم ينزل مشاركات عن الاكتئاب بانواعه والهلع وكل الاضطرابات النفسيه . الشي الثاني ترا المقهوي يعطيك وقتك ساعه كامله مو بس يسمع لك عشر دقايق ويقضبك الباب واذا رحت له اشرح له كل شي عشان يقدر يرتب لك خطه علاجيه ماتخرش الميه 😁 |
اقتباس:
الزهايمر صعب شفت حلقة لعادل إمام عن الزهايمر و الله شي يحزن من قلب كيف اللي يعاني منه الله يفك عوقهم و يسلمنا و إياك سلامتك و الله لا يجيب لك طاري حزن يا رب والله يسعدك دووووم |
ايه تدري ان امي فيها زهايمر وتعرف حجم وجع قلبي عليها لكن بعض الحريم كدايش تدربي راسها .
امين يارب ويجبر خاطرك ويسر قلبك |
اقتباس:
بإذن الله أزوره لكن مو الحين بعد ما أدخل على دكتوري إبراهيم الصايغ في 24 / 10 و أدخل على الإخصائي و الإجتماعي ان أعجبوني كملت ان ما عجبوني كنسلت و طلبت من دكتوري يحولني عليه و الله يدبر لي و لك و للجميع ما فيه الخير |
اقتباس:
|
قلت لها معد ابي اشوف لك واتساب الا للضروره والا تراك بلوك .
الله يدبر لنا ولك الخير والخيره يابو نجلا ولعل الله يفتح لك باب ماكنت تتوقعه بحوله وقوته انه على كل شي قدير |
اقتباس:
حياك الله أخوي أبو نجلا.. أنا بالنسبة لي الطفولة لها دور باللي أنا فيه حاليًا كنت أعاني من أعراض نفسية من أيام الطفولة وللأسف المدارس لم يكُن فيها طبيب نفسي.. ولم يكن بعد عندي أي أمال ولا أفكار للمستقبل ولا هوايات |
|
اليوم الرابع من استخدام برنتلكس
اعراضه بالليل شوي دوخه وتوتر وبعدين خمول بعدين مدري وشو لكن الى الان مافيه تغيير .. ماني مستعجله بس ابي اتابع معكم التطورات لعل الله يكتب فيه الشفاء وغيري يستفيد .. لكن شعور غريب ماعرف اوصفه لما اتذكر اني استخدم دواء نفسي مدري هو خوف والا مجازفه والا ترقب مدري . ياااارب اشفي كل مهموم وارفع هالبلاء عن كل روح تتألم . غريب امر هذا المنتدى فجأه تحس بالاعضاء الموجودين وتتوجع لهم وتشيل همهم سألت نفسي ليه وانا ماعرفهم شخصيا يمكن لأن شعور الاكتئاب والهلع رهيب فما تتمنى يصيب احد او يمكن يحسسونك بالامان او الأمل ؟ مدري لكن الاكيد انه متنفس ومصدر معلومه |
السلام عليكم
أسعد الله جميع أوقاتكم جميعا و عافاكم و تقبل الله طاعاتكم و رحمكم و غفر لكم و جميع المسلمين اللهم آمين هلا بك الغالية قطرات و ربي ينفع بالعلاج اللي اخذتيه و يكتب لك من الخير كله عاجله و أجله بالنسبة للاعراض الغير مستحبة اصبري عليها و أنا أختك الأيام الأولى فقط ، و كل ما عدت الأيام تبدأ تخف تدريجيا ، اعطيها فقط من أسبوع لاسبوعين بالكثير و فالك العافية يارب هلا بك اخوي أبو نجلا ربي يعافيك و يحقق أمانيك يا رب يعافي والدة أخونا البدراني و يطمنا عليها و عليه و يرجع ينور مجلسه و هو في أتم صحة و عافية يارب |
و هلا بك أختي الغالية لمياء ربي يسعد أيامك و يحقق أمنياتك
و هلا بكم اخواني الكرام طه و نور الأمل ما ودي اقول ظلام اليأس و متأرجح و الجميع يارب يتمم عليكم عافيته و رضاه و رحمته و مغفرته حبيت أطل عليكم و أسلم عليكم و اقلكم إني ما زلت أذكركم و ادعو لكم |
اقتباس:
|
اقتباس:
شكلي راح أغير اسمي لنور الأمل f7.. الله يسلمك وجزاك الله خير على دعواتك |
اقتباس:
جزاك الله خير وافتقدنا مداخلاتك ومواضيعك الرائعة والقيمة..لا أسكت الله لك حساً |
هلا وسهلا عيون نورتي
الحمدلله انك طيبه وبخير حبيبتي ابشرك ابتديت في برنتلكس لي خمسه ايام وتراه ماينوم ابد بس لسا ماشفت ايجابياته اذا عدى كم يوم بعلمك عنه اذا حابه تاخذينه |
تم بحمد الله اخذ الحبه الخامسه برنتلكس الله يكتب الشفاء لي ولكم يارب
|
محاولات للتغيير ولاكن الفرق واضح بينك وبين الاصحاء لااعلم متى نهايه الالم
كان بالإمكان افضل بكثير من ماكان |
اقتباس:
|
انا عجزت في صبري خلاص
|
لحظه حلوه انت ماخذ مقلب فالادويه
يقولي اصبر ٦ شهور ياشيخ لوبكيفي ٤ ايام ماخذها وانت تقولي ٦ شهور اصبر لا وياليته اكيد فالاخير العلاج يفشل وجرب مره ثانيه ٦ شهور اصلا انا صرت ماعول على الادويه كثير انا لو بس عندي القدره اني أشد على روحي فالعباده وروحيا اتوقع بتحسن بس ماقدر اتعب قطرات وين وين تو الناس بدايه المشوار ترا شوفي في بعضهم يحصل تحسن واضح وملموس بعد فتره فانتي لاتراقبين نفسك وعليك بالصبر لو على رايي انا انك ماتاخذين ادويه بس طالما أنك بديتي فيهم وحاسه انك محتاجه لهم لازم تعطيهم فرصه اصبري تعلمي من صبري 😜 |
صبري هلا هلا شلونك ؟
اخترت اختصر الطريق لاني انعزلت كثير عن الناس وتغيرت اطباعي وصرت اكره الطلعات ابي ارجع لطبيعتي وحياتي الحلوه عشان كذا اخذت الدواء . طبعا اعتمادي مو على الدواء لكنه وسيله اعتمادي الكبير على رب الدواء ورب المعجزات سبحانه وماراح يخيب ظني وبحوله وقوته ارجع مثل اول واحسن . وان شاء الله اشوف لك مشاركه ياصبري وانت كانت ابشركم تعافيت من كل اوجاعي بحول الله وقوته. انا مو مستعجله ابدا على النتايج متى ماكتب لي ربي الشفاء انا راضيه الحمدلله |
إن شالله بتفرحين بالعافيه قريبا طالما عندك هالايمان والثقه برب العالمين ماشالله تبارك الله
تدرين لو عندي هالايمان والثقه والقرب من الله بالعبادة صدقيني بيخف كثيييير انا بالعربي ابي اتلذذ بالعبادة انا رحت مسجد فصلاه التراويح كانو مستمتعين بالصلاه كبار وصغار انا أطالع والله اني ودي اكون مثلهم من جد الي يصلي ويعبد الله تهووون عليه المصاعب وتتيسر ابي اوصل لمرحله الرضاااااا الي تتمثل بالايه (ولسوف يعطيك ربك فترضى) |
قد لجأت له ياصبري ؟ قد اشتكيت له ؟ قد هربت له ؟ بيعطيك لين يرضيك ..قرأت هالايه ؟ ( الظانين بالله ظن السوء عليهم دائرة السوء وغضب الله عليهم ) ادري ان ودك يكون بداخلك يقين ورضا وانه مو بيدك هالبعد وسوء الظن لكن حاول واطلب ربي بصدق وناجيه بالليل وانت بلحالك .. فكر وش اللي خلاك كذا وش الاسباب اللي احبطتك وش اساس المشكله واكتب كل شي وفكر وش الحلول بنظرك حتى لو كانت مستحيله ووش اللي بيطلعك من عنق الزجاجه حلل المشكله وفلسفها وشوف اصغر تفاصيلها و دور على السبب والبؤره حاول من هنا وهنا ازرع بقلبك نقطة تفاؤل لو بحجم الذره اصحى من النوم وقل الحمدلله غير دكتورك غير دواك غير الناس اللي حولك تصرف لاتقعد مكتوف الايدي وربي بيساعدك ماراح يخليك كذا
|
يسعد مساك الغاليه بسمه و كل لحظه من لحظاتك
و يا هلا بك و بالجميع ربي يطرح في قلوبكم السرور دايم الدوم و تسلمين ع الدعوات و الله يتقبل منك و من الجميع |
بعد ما كنت أسجد على ركبي و جبهتي تلامس الأرض الحين ما عاد أقدر الا بالجلوس ع الكرسي .. الله أيام أيام صدق الدنيا ما تنومن لكن في رجا اللي ما يخيب عبده يشفي صوابي و يجبر كسري و الجميع يا رب
أهم ركائز العيش و الجريش و المرقوق هو التتبيله اللي على كيفك .. قصدي أهم ركيزة للعيش في هذي الدنيا ( المزاج ) حتى لو انك بلا أطراف أو مشوه أو أو و مزاجك أوك راح تبحر في المحيط العاتي المتلاطم أمواجه و أنت مبتسم المحيا و إرادتك أصلب من الحجر .. ترم ترم طيب لو مزاجك ليس على ما يرام و أصبت بمصيبة ما .. و الله ان تقوم الأرض و لا تقعدها و هذا حالنا الله يلطف بنا |
فاقدينك يا بعدهم أبو حميد 🤕
|
هلا صبري قطراات أبو عمار و الجميع
|
كيف مزاجك اليوم يا قطرات الندا عسى زين
|
فاقدين بقوة للأخ بدر هذال العنزي
|
هلا وسهلا ابو نجلا
الله يكتب لك مزاج اروق منه مافيه .. صادق المزاج هو كل شي يارفع يومك يايخليك مشلول الاراده . والله توي صاحيه مابعد اكتشف وش المزاج اليوم بس هدوء والليله الحبه السادسه والله يكتب لنا ولك الخير يارب |
صح النوم و الله يجزاك خير ع الدعوة الطيبه و لك بالمثل يا غاليه
اللهم إنك أمرتنا بدعائك و وعدتنا إجابتك و قد دعوناك كما أمرتنا فاستجب لنا كما وعدتنا يا أكرم الأكرمين يا أرحم الراحمين و مسا الخير عليك و على الجميع |
لا تنشدين الغصن وش فيه ذاوي
مليت أجاوب كل من صاح نشّاد هذي مواري علّتي و البلاوي و هذي مواري دمعتي حزن و حداد هذي جروحٍ مبطيه يا مضاوي دايم عليها تنزف جروحٍ جداد جرح الزمن أصبح لقلبي مخاوي مثل الرفيق اللي عن الدرب ما حاد أسير قلبي في همومه شقاوي كنه سجينٍ سيق للموت منقاد لا عاد له ضحكٍ و لا له غناوي و لا له مع العالم تباشير و أعياد بين الضلوع يجر صوته خلاوي يغني جروحه شقى هم و اسهاد |
بلا ميعاد عانقت الظلام بخاطرٍ مكسور.. وعلى متنه لقيت أيام عمري تكتم أنفاسي
لقيت أيامي الحلوة غريبة بعضها منثور.. على كف الزمن تصرخ وتشكي حظها القاسي |
صح بدنك ابو نجلا الله يسعدك .
نور الأمل متى بتغير اسمك هههههههه |
يا ربي ما أدري وش أسوي بهالحظ
من وين ما صدّيت حظي متردي كل ما وصلت الشمس تجذبني الأرض و كل ما بنيت أحلام حظي يهدِّي الحزن في عمري مشى الطول و العرض و أنا بمكاني أرسم الحلم وردي |
ظلام وابو نجلا مسوين محاوره شعريه 😀😀😀
|
صح بدنك و قلبك الطيب قطرات الندا
صح بوحك ظلام الياس الله يبدل حالنا أشوف العالم تزن عليك تغير إسمك هههههههه خلوه في حاله أنت مرتاح ع الإسم خلاص :) و الله العظيم عالم ملقوفه خخخ من ظلام و ياس إلى نور اممم ما ودي أقول و أمل لأن ذا الإسم الأمل يذكرني بالمستشفى الله يلعنه بذا الليل و لا يستحق لمسمى الأمل و الله مقهور منهم قهر لا يعلمه الا فاطر الأرض و السما ، طيب بقولك غير إسمك إلى نور و رجاء :) عاشت الأسامي |
أنتي تشوفين قطرات الندا
منيف بن منقره مع منيف نفسه ههههههههههه الله يسعدكم |
| الساعة الآن 02:53 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا