لا ما اتحفظ ولا شي الا ابي اللي يساعدك ويفيدك .
دكتوري اسمه علي السلامه في مركز السلامه الطبي في شارع المزارع كان استشاري بالتعليمي وفتح هذا المركز خاص . والمركز فيه اقسام للتوحد والادمان والاضطرابات النفسيه .
اول مابديت مع المقهوي بس يوم كتب لي دواء ارتعت ومعد جيته عطاني سيبرالكس بس ماكليته وقعدت ادور من دكتور لدكتور لي طحت على الدكتور علي .
ميزته مستمع جيد وكل سؤال تطرحه عنده اجابه مقنعه وعلميه مو يسلك لك وبس

خاص يعني ( أهلي ) بفلوس و بكم الكشفيه

تسلمين و الله يا قطرات العيون و الندا و المطر و كل شي زين ربي يبارك بعمرك و لا يوريك مكروه يالغاليه

طيب ما رحتي لمستوصف إبن رشد في الشارع الأول حي الطبيشي

ايه بفلوس الكشفيه ب ٣٠٠
لا والله مارحت لابن رشد تدري ليه حبيت مركز السلامه ؟
عشان بمواعيد ومواعيدهم قريبه كل اسبوع مو يرميك بعد كم شهر .. وعطاني الواتساب اي تغيرات اسأله ويرد علي بكل ذوق وادب وسعة بال .
ماحبيت المراكز الثانيه تروح تنلطع تنتظر دورك انا خلقه ماطيق الانتظار وا دوخ واقعد اسمع بانتظار الحريم صراخ هالبزران والازعاج ههههه
الطب امانه وامان واذا ماحسسك دكتورك انه مهتم لحالتك ويحاول يساعدك ماش مامنه فايده
وانا وحده كبرت ودبرت وانهبلت صرت حساسه من ادنى كلمه .
امين يابو نجلا ويبارك لك بشبابك ويعوضك خير بالدنيا والاخره كل امين

تدري وش مستغربه منه ابو نجلا ؟ وش معنى ماجتني هالاعراض من اول يوم استخدمت الدواء وقلبت معاي اغاني ؟ ليه بعد كم يوم ؟ والا عادي ؟

حلو راح أحفظ إسمه و الله يكتب اللي فيه الخير لي و لك و الله يعطيك طولة العمر و العافيه اللي تقدي قلبك للفرح دوووم

و أنا أخوك مو مهم العمر المهم حلاوة الروح و المزاج العالي اللي منه يخليك متفائل رغم الظروف القاسيه و أنا ظروفي قست علي و لا أسعفني المزاج يا هذي القرادة فوق ما هي مقرودة من إكتئاب غير نمطي و ثنائي قطب و ذهان و قلق و كآبه خليها على الله ما غيره يزيّن الحال

و سلامتك من كل شر و موذي و يريح بالك و قلبك

حسبنا الله و نعم الوكيل
لا حول و لا قوة إلا بالله

امين يارب ويرزقك الراحه والسعاده ياخوي ويكتب اجرك ويفرح قلبك عاجلا غير اجل

اهلا اهلا انا غيرت اسمي🤗 عسى يتغير حالي😬
بس بالأخير ماش هالدنيا عجزت تضحك لي
بس ولو بأضحك عليها حتى لو عطتني كفوف 💪
صامدون رغم المحن🖐 😅

غدا اجمل انت وجه السعد ؟ اللي هو ظلام اليأس ؟

يالله صبرنا

لا 🙈

بشرحلك شلون صاير الموضوع

مستقبلات المخ في حالة القلق و الاكتئاب تحتاج لضبطها ....بعد اخذ العلاج اول اسبوعين يصير فيها حالة تذبذب لان العلاج بدا ياثر فيها و التذبذب هذا مثل لو رميتي حجر في بركة ماء راكد بتتحرك الموية فترة بعدين ترجع للوضع الطبيعي

اللي صاير معك الحين المستقبلات متاثرة بالدواء و تحاول ضبط نفسها و تزيد و تنقص و تتلخبط لمدة اسبوعين الى شهر بعدين تركد الامور و تبدا الزيادة في تركيز السيروتونين و تحسين بالراحة و مرحلة الراحة تبدا بعد شهرين الى خمس شهور


لا تقلقين ابد اختي قطرات و ترا بتجيك اعراض اشكال انواع وقتها تذكري البركة و الحجر و قولي انها ان شالله موجة و تعدي

الله يحزاك خير متأرجح نسخت المعلومه بمخي .
الف شكر ماقصرت والله طمنتني

السلام عليكم ورحمة الله وبركاته ..

سلمت اناملك اخي المتأرجح وسلم محبوك ..

كلامك يكتب بماء الذهب ..

ولكنك ازعلتني بالفقرة الاخيرة .. تدري ليه .. !

لأنها من الطيره .. التي نهى الاسلام عنها ..

مسالخير و كل عام و أنتم بخير و عسانا و عساكم من عواده

اي عادي لا تدققين و عيشي اللحظه

غدا أجمل شكلها ميموري😂

تنصحوني أروح السوق العصر و الا العشا شكلي بدزها بعد العشا

راح رمضان الحالي رغم فيه ما فيه و أسأل الله رمضان الجاي يكون أهون و أحسن و أفضل يا رب لي و لكم

هلا علاجي الموت حياك

ما عليك تهون ان شا الله مالنا الا الصبر عسى المقبلة خير و أحسن بكثير من الرايحات نقول يا رب

حبيبنا أبو حميد 🤕😷😢🕭🔊

عميدنا أبو علي كيف مستعد للعيد ؟ الله يعين يا رب

👀 انت ياكونان
يعني الواحد مايعرف يتنكر شوي.
اكيد عرفتني من ريحتي 😂

اصلا اسم ( غدا اجمل ) ابي اغيره يحسسني بالضعف بالاحباط
وش ذا كل غد يجي اشين من اللي قبله 😒
هالغد الاجمل ماشفته
انا اصلا مابي غدا يكون اجمل ابيه مايكون اسوأ بس
ايه المنحوس منحوس وين ما اطقها عوجه
اداره لو سمحتوا ادري اني بثره وازعاج بس ابي اغير مره أخيره لاسم ( انا لها 💪) كذا اكون اقوى و مستعده للصدمات

كل عام وانتم بخير وعساكم من عواده وانتو طيبين ومتعافين وسعيدين يارب

نعمة العيد في
السلام
و الكلمة الحلوه
و مشاركة وليمه الفطور مع الاحبه

كل عام وانتم بخير يارب

اي عيد واي بطيخ هههههههههه
اقسم بالله من أكثر من عشر سنوات ماذقت فرحه لا فعيد ولاغيره هذي الحقيقه المؤلمه

ماقول الا انا لله وانا اليه راجعون وحسبي الله ونعم الوكيل 🤕

خلييك يا صبري احبس نفسك بس
حيكون في عيد و حناكل بطيخ كمان

الله يهنيكم كنت اتمنى اكون مثلكم لاكن مومشكله اصلا تعودت مو اول عيد يمر والوضع كذا من زمان 😊

السلام عليكم ورحمة الله وبركاته

كل عام وانتم بخير جميعا .. صباح الخير

شلونكم شاخباركم يارب تكونون بصحه وعافيه

مباراة روسيا و السعودية الحين على كآس العالم

توقعاتكم ينهزم و الا يفوز

أتوقع تعادل سلبي

نقول إن شا الله يفوز يا رب و نفرح لهم :)

إلى متى في عالم الحزن و الويل

إلى متى و أنا أتعذب و أعاني

بقعا ٢ لروسيا بس باقي أمل بالشوط الثاني 🤔

أخوي قام على الهدف الأول قال و الله لو يلعب مع بنقلادش راح يفوز بنقلادش🤣

السلام عليكم ورحمة الله
كيف حالكم إخواني أخواتي
جميعا كل واحد بإسمه حتى لاأنسى أحدا
طال الغياب لكن دائما كنتم في البال

** أنا لها **

هلا بست البنات
نعم أنا الإستاذ اللي درّس كونان :) ثواني بس و من بينهم كفشتك كفش هههههههه الله يسعدك لك نكهه يا ميموري و هل تخفى الزهرة في الأرض القاحلة:) لا أنا ما تمشي معي الريحه شايفتني مثلا جرو من الجراوه يشمشم لا أنا تعديت لأبعد تعديت للمشيه شفت مشيتك و عرفتك خخخخ تقولين بركبتك فيها بلا الله يصلح ركبتك في القريب العاجل و لي طبعا دعوتي تسبق دعوتي لك :) يا رب كلنا في الهوا سوا خير و نعمه و سعة صدر و فلة حجاج :)

تعالي و الله أسألك من جد ميموري تعانين من وجع في ركبتك ؟

و الله و طلعتي ( سفسطائيه :) هههههههههههه ما نبي غدا أجمل نبي أكبر من هذا اللي هو الآن الآن ثم الآن و بعد الآن أجمل و أجمل صدقتي يا بعد حيي :)

صدق نجيها من يمين تصفقنا شمال
الله يسمحها لك يا خيّه ما لنا إلا هو و حنا في رجا رب الأرباب سبحانه و تعالى

حنا نبغى المزاج بس لأن المزاج لا قوى و صفى و زان كل الأمور الكايده و المتعبه تهون و تتطوع و تتيسر و تتسهل

آه منك يالمزاج و الإحساس أخرتوني كثير كثير كثير لكن الحمدلله على كل حال

:)

كفو بس يا عسى الصدمات ما تجيك يا رب

يا إدارة غيروا إسمها إلى أنا سنفورة :)

و كل عام و أنتي بخير

قد قلتي لي عن إسمي زمان رسوم متحركة إي أنا هو

و إيانا و إياك يالغاليه قطرات ندا مشكورة لا هنتي