اسأل الله العظيم رب العرش العظيم ان يفرج همومنا ويسهل لنا أمورنا
وكل الي نبغاه الستر وبس
أحس صاير الحلال جدا صعب هالايام :(

اللهم آمين ... صادقة والله صاير صعب
الله ييسر الأمور ويجزانا عن صبرنا خير

السلام عليكم ورحمة الله.

عندي استفسار هل وحده تعرف الرقم 8001245555؟

هوا رقم الوزارة لمن دقيت عليهم عشان أبغى أستفسر عن الشرط انه يكون الخاطب عربي, قلي الموظف أتصل على : 4011111 تحويلة 0119

بس الظاهر الرقم خطأ! هل وحدة جربت تدق على هذا الرقم تقولي لانه اعتقد في رقم ناقص او شئ!

أختي - الفواكة الحمراء- أو أي وحدة من سكان المدينة وقدمت على أمارة المدينة. هل يشترط أن يكون عمر الخاطب الغير سعودي أكثر من 35 سنة؟

لأني قرأت في موقع أمارة المدينة هذا الشرط وخطيبي من سكان المدينة ولمن قدمنا من منطقتي - عسير- قالو لنا نفس الشرط. مع أني لمن قرأت في مواقع إمارات ثانية مثل إمارة الشرقية والرياض. بماكتبوا هذا الشرط.!! بالإضافة إنه في بنات هنا جاتهم الموافقة من هذي المناطق ( الشرقية وجدة ) وعمر الخاطب الغير سعودي أقل من 35 سنة.

يابنات
معاملة زواج السعودية من مولود بالمملكة هل ترفع لوزارة الداخلية؟؟

وكم مدة تجلس المعاملة في الشرطة عشان تتحول للامارة؟

صبر جميل والله المستعان

بالنسبة للسؤال الثاني جلست شهر بس هما يقولوا انها تجلس اسبوعين والله الموفق

يابنات أبشركم طلعت الموافقه حقتي خلاص الحمدلله بعد معاناه سنه ونص وحاول يخلي موعد إلملكه اليوم بس مارضيو بس الحمد لله تسهلت وحدوده بكره ماتتخيلون قد ايش فرحانه

آملي ربي الصبر مفتاح الفرج والله يسخر لك الوالد ربي قادر على كل شي دائم صلي على النبي وتتسهل كل أمورك انا نجربه هذا الشي ومريت بمواقف أصعب من كذا لا تياسين

أخواتي أبشركم اليوم تم عقد قرآني بالمحكمه العامه في مكه المكرمه الحمد لله وفعلا الصبر مفتاح الفرج

الله يبارك فيك قلبي وعقبال ما تكمل فرحتنا ببعض ربي قادر على كل شي werw;

الله يبارك في عمرك ويسعدك دنيا وآخره عقبال ماتكمل فرحتنا فيك قريب ان شالله انتي وباقي البنات والله يسهل طريقك لاتياسين ربي قريب يسخر لك الوالد

الله يسمع منك ذاتي ويسعدك انتي كمان ويسهل أمورك كلها انا قلت أبشركم عشان ولا وحده تيأس إحنا طالبين خير وربي بيكون معانا دائم 21l;wqa'

الله يبارك في لؤلؤ ويسهل كل أمورك قريب يارب الله يكمل فرحتنا ببعض l,uiture67

السلام عليكم كيفكم ؟ مبروك للي جاتهم الموافقه وعقدو
انا سعوديه وخطيبي اجنبي قدمنا بعد الحج اوراقنا في اماره جده ردولنا بعد اسبوع انو المعامله حفظت بسبب العمر لاني 22 ولازم 25 لانو غير عربي بعدها شار علينا حق الشرطه انو نرفع معروض للرياض باستثناء شرط العمر وبابا ماقصر سافر الرياض وقدم و ردولنا بعد تقريبا 4 اسابيع الله يسامحهم حفظت المعامله ودحين ندور واسطه
ممكن اللي عندو واسطه وجرب يرسلي رقم الرجال

أهلا فيك عزيزتي. مشكلتك نفس مشكلتي وهو أن عمري 21 سنة أيضا خطيبي غير عربي - أمريكي -. الله ييسر يارب.

إذا ماعندك مانع أختي أسئلك بعض الأسئلة بما ان وضعنا تقريبا متشابه: هل لمن قدمتو للأمارة طلبو عمر محدد لخطيبك ؟ هل في الأمارة قالوا لكم انه الخاطب لازم يكون من جنسية عربية؟ اذا ماعندك مانع ايش جنسية خطيبك ؟

الله يوفقك وييسر أمرك وأمرنا جميعا وكل الأخوات في هذا المنتدى وغيره.

لا ماايهتموو بعمر الخاااطب لان انا زوجى عمرو 35 وجات االموافقه الحمد الله وبعدين دا القرار للرجل السعودى لمن يااخد غير سعوديه لاازم ماايكون اقل من 35اهم شئ عمرك انتى انا قعدت افحط لحدت ماطبقت ال25 سنه واول معامله بعد مااطبقت السن اتيسرت ومشيت المعامله الحمد الله واهم شئ مايكون الفرق بينكم 25 سنه !!!!!!!!!! والله يسرلك حبيبتى

حبيتى اهلا وسهلا فيكي معانا انا بس حبيت اقلك قعدت مخطووووبه بزبط 8 سنين ونص عشاان العمر القانونى حقهم تخيلي بابا راااح قدم برياض وجدة حتى الشرقيه ومااجاات حفظت على طول حفظت او ينكتب في الملف تتبع الانظمه والقوانين حتى بفلوس انتصب علينا من واااحد اخد خمسه وعشرين الف واختفى من الوجود يعنى مااخلينا انا بنفسي خشيت للامير وماامشي الحال جلست لحد مااطبقت ال25 وترا حااولو يعصلوجها وضيعو المعااامله حقتنا ويمااطلو فيها مااتتخيلي التعب النفسي بس لمن ربناا راااد مشيت والحمد الله جااتنى طبعا انا سعوديه قبليه وزوجى عربي وغير مولوود هنا انتى بس اتوكلى على الله واستخيرررري واقري سورة يس والرحمن وقومي الليل وادعى ربنا واهم شئ الاستغفاااار ويااارب يسرلك حبيبتى ومااتعاانى المعااناة الى عشتها

اهلين فيكي..
اول شي -لمن قدمنا ماطلبو عمر محدد بس بالنسبه ليا انا اما هوا لا
تاني شي- في الاماره ماقالو لازم جنسيه عربيه بس لو كان عربي العمر المسموح 21 سنه صراحه مدري مين حاطط قانون العمر الله لايسامحو وعلى اي اساس حطو اصلا حسبي الله بس
اني من متى مقدمه وايش سوولك في المعامله
تالت شي -جنسيتو باكستاني مولود بالسعوديه
صارلي سنه مخطوبه بس صارلي تقريبا 3 شهور من بدينا الاجراءات بس صراحه تعب نفسي ودحين ندور واسطه والله يسهلنا

يحياتي ماشاء الله صبرتي داكلو اهم شي الحمد الله جاتك وماضاع صبرك عالفاضي والله يسامحهم عاللي يسوو فينا قبل كم يوم جابو مقابله مع رئيس مجلس الشورى عن موضوع الزواج المهم يقول انا ما اايد بناتنا يتزوجو من غير سعودين
ويحصل مشاكل ومدري ايه يقولها بطريقه مستفزه حتى المذيع قلو انو لا كيف تقول كده ومدري ايه كانو هما مابيتزوجو اجانب حلال عليهم وحرام علينا استغفر الله بس

اصلا نااس ماتخااف الله 8 سنين و7 شهور واسبوعين و3 ايااام وانا كل يوم وكل صلااة ادعي عليهم والله بينى وبين نفسي مارااح اساامحهم ابدا ابدا ابداااا والله يااخذ حقي منهم في الاخره سنين ضااعت من عمري وانا معلقه بين السما والارض الله يعلم قد ايش اتعذبت وقد ايش بكيت بس الحمد الله بس يااقلبي انتى خطيبك موااليد السعوووديه اذا كان كدا فامعنااتو لازم تكونى طبقتى ال21 سنه اذا كان مواليد برا زى حاللتى لازم 25 وترا شوفي كل اماااره مع نفسها بس انتى حااولى تقدمى عن طريق الرياااض هناااك محد يقدر يلعب وبعدين تترسل للامااره في المدينه الى انتى فيها وعااد هنااك تشوفي العجب والله يمصو دمك وينشفو ريقك من مستشفى لي ادله جنائيه للجوازات للشرطه بس يبغاالهم العين الحمرا تخيلى انا ضيعو معاملتى في المحمكه والله يخليلي بابا رااح وطربق الدنيا فووق تحت لان المواافقه لمن يعدى عليها شهر في المحمكه خلااص تنحفظ والمصيبه ايش ماايحقلك انتى او خطيبك تقدمو معاملة زوااج تاانى والله يسرلك حبيبتي وياارب لاتخلي ولاحده تعدى في المعاناه الى شفتها وبالتوفيق حبيبتى

مو انا قدمتك بالرياض وبرضو انحفظت ان شاء بندور من هنا وهناك احد ويارب نلاقي وتتيسر

صباااح الخير ,,,,,,, حبيت استفسر عن حااجه بليييز الى تعرف ياريت تفيدنى دحين زوجى على كفاالتى حلووو ,,,, طيب في شئ اسمو واافد خااص او زوووج سعوديه حتى هوا في اقاامتو وانا في بطااقتى ومااشين بعقد الزوااج ماافى اي ورقه تجمعنا غير عقد الزواج مو مهم المهم ابغي اعرف ايش وضع الكفاالة لان لمن راح الجوازات قالوله مااعندنا شئ اسمو واافد خااص او شئ يخص الرجال الي متزوج سعوديه خليك في انت عليه طبعااا انتو عاالافين الاسلوب والوقااحه كيف !! فاا الى تعرف حااجه يااريت تفدينى وتفيدددد الكل

السلام عليكم

كيفكم حبيباتي

الف الف الف مبروك لكل وحدة جاتها الموافقة الله يسعدكم و يفرج همنا وهمكم يارب

بنات انا دحين الحمدلله معاملتي راحت من المحافظة الى الامارة

ممكن احد يقولي كم المدة اللي تجلس في الامارة و كيف اتابعهم على النت انا من امارة جدة
الله يسعدها اللي تقولي

بالتوفيق `111`1`

اللهم يارب البيت ورب محمد صلى الله عليه وسلم ورب الأنبياء ورب الناس ورب الكون كله أجمع باسمك الواحد الأحد الفرد الصمد الذي لم يلد ولم يولد ولم يكن له كفواً أحد القهار الحي القيوم الأكرم الأعز الذي ييسر كل عسير الذي لا يقهره شيء في الأرض ولا في السماء الذي يقول للشيء كن فيكون لك الحمد كما ينبغي لجلال وجهك وعظيم سلطانك اللهم صلي وسلم على النبي الحبيب محمداَ وحقق أماني أخواني وأخواتي بالزواج ممن يريدون ولا تجعل عليهم غيرك سلطان ولا تردهم خائبين وزوجهم ممن يتمنون من الأزواج وسهل أمورهم وأقضي حوائجهم عاجلاً غير آجل أنت الأول فليس قبلك شيء .. أنصرهم وحقق أمانيهم فهم يطلبون الحلال الذي أحللت وأنهم لا يفرقون بين عرق و آخر وأنت قلت يا أعز من قال «إن أكرمكم عند الله أتقاكم» وقال رسولك الكريم صلى الله عليه وسلم «لا فضل لعربي على أعجمي ولا لعجمي على عربي ولا لأحمر على أسود ولا أسود على أحمر إلا بالتقوى» .. اللهم سهل لهم ووفقهم وزوجهم عاجلاً غير آجل اللهم آمين والحمدلله رب العالمين والصلاة والسلام على أشرف الأنبياء وسيد المرسلين نبينا محمد صلى الله عليه وسلم.

كيفكم بنات ايش صار على معاملاتكم ان شاء الله خير

عشان تشوفي المعامله تدخلي الخدمات الالكترونيه بعدين في اليمين في ديوان وزاره الداخليه بعدين الاستعلام عن المعاملات وتكتبي رقم المعامله ويطلعلك معاملتك وين وصلت

يا قلبي مااعرف انتي في اي اماره بس اغلبهم مو متطورين ماتقدري تدخلي عليها من الموقع لازم يروح احد يتابعها عندهم او تتصلي عليهم

والحقوق الخاصه هاذي اللي تكون فيها معاملات الزواج والوقت مااعرف بالزبط حسب المتابعه

انا اخذت تقريباً من شهرين لثلاث لان ماكان احد يتابعها

الله يوفقكم ويحقق لكم اللي تتمنوه يارب
هذي اول مشاركه ليا
انا سعوديه وخطيبي يماني ومعاملتنا اليوم راحت المحافظه
وبكره بابا حيروح يراجع المحافظه ياااااااااارب اكتبلي الخير
وبعد المحافظه فين حتروح تتوقعو ؟!!!
انا قصتي طويله بعدين اقولكم بس ادعولي الله يفرجها عليا وعليكم ياااااااارب العالمين