|
|
صباح الخير
معليش يابو نجلا ومحمد البدراني بتلقف واسألكم .. انتو الثنين ماغير تكتبون حسايف وحسايف وش تتحسفون عليه ؟ توكم صغار شباب والعمر قدامكم لاتتحسفون على شي ناظرو قدام واطلبو الله خير الايام الجايه حتى الكفر والتوبه بعده تمحي كل شي .. ادري ودكم تصفقوني لان الكلام مستهلك بس والله جد اكثر مايزود الاكتئاب التفكير بالماضي هذا كلام علماء النفس .. مهما سويتو بالماضي او الزمن سوا فيكم خلاص صار ماضي وانتهى لو تفحطون بيديكم ورجولكم ماغيرتو فيه شي وارجع واقول مالومكم السيطره على تسلط الافكار شي صعب والله ربي يكون بالعون . لاتهاوشوني انتو الاثنين تراي والله حاسه فيكم بس اني افكر بصوت عالي ههههههه |
اقتباس:
البارح رحت للعمل ..... مداومة ليلية سبحان الله حتى انا طرأ على بالي ان اسالك عن الجو عندكم عندنا الجو حار نهارا ...... لكن بالليل فيه شوي هواء يخلي الانسان يقدر ينام دون تعرق حتى في منطقتنا الجو تغير و اصبح فيه رطوبة |
هلا قطرااااااااااااااااات
والله يا غاااالية اني اتحسف على الصحة ما عااااد به صحه واتحسف على العمر ومحلك سر لا تقدم ولا شي ابدا نحاول يمين تجي شمال نجي شمال تجي يمين مب راضية تتعدل الامور ما علينا انتي وش اخبارك تعدل نومك ومزاجك |
هلا بك محمد البدراني
نومي مهوب شين صرت انام بالليل واصحى الصبح بس اطفش الصبح لاشغل ولا مشغله ماغير اتسدح لين عورتني جنوبي . اليوم رحت العثيم مول الصبح افتريت واشتريت خرابيط ورجعت البيت . المزاج لاهو شين ولا زين مستقر الحمدلله بس غندي مشكله انا اكره الصوت العالي من زمان والحين زادت الحاله ماداني صوت سوالف ناس واجد ولا اصوات عاليه مدري من الحاله والا الكبر يالله حسن الخاتمه هههههه |
اقتباس:
معذرة على التأخر في الرد ..... كتبت رد لكلامك لكن البطارية فرغت .... خليت التابليت في الشحن كلامنا مزيج من العربية و الامازيغية و بعض المفردات الفرنسية المستعربة و انا احب طريقة كلام اهل الحجاز واش اقول لك يا محمد ؟ الحمد لله ..... رغبتي في الحياة و الدافعية صارت بين 10 الى 15 ٪ لكن هذا لا يمنعني من التصبر و الانطلاق احيانا ، في محاولة مني ... لعل و عسى الاهل الحمد لله و امي عارف انها حاملة همي محمد ابن اختي ماشاء الله اجتاز امتحان و اخذ نقطة قريب من الجيد ، العام الاتي يبدا بالثانوي ان شاء الله و عمته اكرمته بسفرية لتونس ، لانه من الي يحبون المغامرات و البحر .... اسال الله ان يحفظه بحفظه و ستره و يعوض له غياب ابوه المتوفي رحمة الله عليه لا لا ماشاء الله عليك ، الله يبارك و يزيد ، ذاكرتك قوية .... الله يخلفلك قوة في سمعك و بصرك و فؤادك و بدنك و يمتعك بهم في الدنيا دايما وين ما يجي عندنا ( ابن اختي ) و يلاحظ اني مشغول على التابليت ينادي علي ب : ( نفساني ) هههههه اسأل الله ان يهب لنا من لدنه رحمة و نورا و يقوي لنا السمع و البصر و الافئدة و يمتعنا بهم ابدا ما احيانا و يشفينا من كل علة و من كل سقم امين امين امين اليوم طلب مني اخي يصغرني سنا ان اروح عند احد المعارف القدامى لاشتري لنفسي بعض الملابس ( شفقة على حالي ) قال اذا ما معاك مال روح و علي الدفع ..... اسال الله ان يجعل عمله. في ميزان حسناته و يغنيه غنى القلب و الروح و غنى الجيب ، و الله يحفظ له اهله و يجعلهم من الصالحين. ( الله يسجيله الجنان ) = يمعنى الله ينجح له ابناؤه و يحفظهم و يصلحهم لان جل ملابسي اكل عليها الدهر و شرب ، و صارت رثة كصاحبها لي هو انا .... و اعوذ بالله من كلمة انا المهم و انا طاهب لهذا البائع بديت اتصبب عرقا ، خائفا اترقف هههههههه ( استغفر الله ) اتوجس خوفا و قلقا و رهبة ( بسبب الرهاب الاجتماعي ) من كثرة انعزالي و هجراني للمدينة و دايما اتحاشى الناس التي اعرفها و تعرفني المهم وصلت عنده و التقيته. و رحب بي ، و من الصدف اخي هذا دخل المحل ، كأنه استبشر خيرا و ضحك بدت الفرحة على وجهه ماشاء الله اخترت لي بعض الالبسة الصيفية لاني اكيد احتاجها ، خصوصا اذا سافرت ان شاء الله عند اختي وجدت نفسي قريب من السوق دخلت غصبا و اشتريت سمك و فاكهة صيفية لكن القلق و الخوف ملازمان لي و في نفس الوقت افكر متى اصل البيت سيحان الله خرجت من السوق و اذا ب احد الناس يعرفني نادى علي و قال تعالى اوصلك لانه يسكن تقريبا فوق الحي الذي اقطن يه ، لم اكثر معه الكلام الا الي يلزم و فقط اوصلني البيت دخلت و كاني حققت شيء كبير ياااااااااا الحمد لله ، حسيت بنوع من الفرحة صدقوني يا اخوان ..... لم يكذب من قال يجب المواجهة و كسر جدار المخاوف و القلق و الرهاب فليعلم العالم اني رهابي ، مكتئب ، مقلق و موسوس ...... المهم اخرج و احاول العيش و لو شبه طبيعي يوم ورا يوم ، محاولة وراء اخرى ربما يجد الانسان ظالته و الله اعلم ، هذا لي حسيته اليوم يا ناس نفساني احببت ان احكي لكم ما جرى معي اليوم بالذات اتمنى تكونوا بخير و يلاقيكم ربنا بالخير سلام |
ماشاء الله شاطيء الراحه يكفي انك فرحان لانك خاس انك انجزت شي وهذا بحد ذاته نجاح وان شاء الله القادم اجمل ماتدري لعل الفرج بشي بسيط ماكنت تتوقعه .
الله يشفينا اجمعين |
صحيح اختي قطرات الندى
كما الجبال مكونة من الحضى ، اظن ان مشكلة الرهابي او المكتئب ايضا يخلي اموره تتراكم و في لحظة من لحظات حياته تبدو له شيء مستحيل يتجاوزه لا اخفي عليك اختي نعم احسست بفرحة حتى و لو انها ليس كالفرح السابق ..... لكن افظل من لا شيء شكر الموجود يجيب المفقود الحمد لله على كل شيء الان و الان فقط راجع من المستشفى العام بالمدينة رحت عملت تحاليل للدم بالامس و قبل ساعة كنت هناك لاجلب ورقة النتائج النهائية كنت موسوس و قلقان لكن الحمد لله ما عندي شيء يدعو للخوف الحمد لله رب العالمين ازداد يقيني بان في معشر نفساني من هو مستجاب الدعوة سبحان الله اموري تيسرت منذ الامس بفظل الله ثم دعوة شخص و الظن الغالب من بينكم. الله يجزاكم خير و يعطيكم فوق ما تتمنون دنيا و اخرة |
في السابق امور مثل التي حصلت معي اليوم كانت تبدو لي عادية و لازم تحصل
حاليا اعتبرها انجازاااااااااات كبيرة شا تدير ؟ هذا ما عطى ربي |
اخي شاطيء هي دعوه مستجابه وهي حسن الظن بالله سبحانه ماكان اليقين بالله في شي الا تحقق لي وماكان الشك والخوف من شي الا صار .
الحمدلله على نتايج التحاليل السليمه وكل يوم راح ينفتح جزء من النافذه الى الحياه انا اشبه الاكتئاب والرهاب بوجود الانسان في عنق الزجاجه لاهو عارف يطلع ولا عارف ينزل مخنوق لكن مابعد عنق الزجاجه الا فتحة الزجاجه والفرج ان شاء الله . كل يوم حاول تعمل اي شي لو بسيط حتى لو تمشي بالشارع لمدة ٢٠ دقيقه وتتأمل الناس وتخلق سيناريوهات لحياة الناس من ملامح وجوههم هالشي رائع وفعال جربه . الله يبشرنا عنك كل خير |
مزاجي اليوم مدحدر
هلا بشاطي ما شاء الله عليك متفائل هنيئا لك هذا التفاؤل و التضحيه و الله يشفيك و يقويك أنت كاتب مجلد و الا ديوان عن قصة يومك :) هلا مراحب بقطرات الندا لا و الله كلامك عين الصواب يالغاليه بس على قولة أبو حميد الأمور ما هي راضيه تتعدل و صبرنا كثير و طفح الكيل ربي ييسرها ع الجميع يا رب في العاجل القريب هلا بالبائس الفقير هلا بنعناعة بتكبر هلا بلولو هلا بأبو علي حياكم جميع |
بكرة عندي موعد للعلاج الطبيعي الساعة 8 الصبح
بقولهم إذا التمرين نفسه ما راح يتغير لتمارين ثانيه في المستقبل فبسحب على أبو مندوبهم و لاني بجايهم حتى موعد عيادة العظام بعد شهرين أسوي التمرين بنفسي أفضل من خسارة بنزين و حر و رطوبه |
ابو نجلا قايلتلك استعمل حبوب الشيا ماشفت احد الا ويمدحها للركب تلقاها بالدانوب .. تاخذ ملعقه صغيره على قارورة مويه صغيره اول ماتصحى من النوم حط ملعقه صغيره مليانه بقارورة المويه وقم افطر وخلص امورك من شاور وكذا واقعد اشرب من هالمويه لين تخلص وشوف بعد اسبوعين بتحس فرق كبير ان شاء الله وعموما ان مانفعتك مهي ضارتك الشيا زينه للدم والاعصاب ومقويه للجسم .. الله يكتب لك العافيه
|
هلا قطرات ان شا الله أشتريه أنا تابعت فيديوهات عن الشيا لقيته قريب من الثفاء حب الرشاد
بيني و بينك حتى الدخن اللي يا كم نصحني فيه من واحد لي فترة ما كليته لكني مداوم على حبوب الكالسيوم و فيتامين سي و ان شاء الله تجيب نتيجه الحمدلله و الله مرات أفكر فيها يا قطرات الندا و تعكر مزاجي فوق ما هو معكر بالأصل و أفكر أقتل نفسي و مرات يجيني تفاؤل يعني زي الحين قاعد أتابع مصيبة المعاق محمد الشريف و أقول في نفسي ليش الضجر يا عالي ليش كذا ما تتحمل الضروف ليش ما تتفائل ليش ما يكون لك طموح و أهداف لكن هذا الهاجس شوي يشع ثم ينطفي و أقبع في سجن الإكتئاب المكدر لصفو المزاج و المعنويه |
المشكلة الإكتئاب يطاردك وين ما كنت سواء في خلوتك أو في إختلاطك بالبشر عكس الرهاب بأنواعه هو نقطة خطيرة معينه أما الإكتئاب مخاويك وين ما كنت في الجو في البر في البحر حتى لو أنت بالحالك
|
صليت العشا و بغيت أسجد على جبهتي حنيت للسجود ع الجبهه فيه كمال الخضوع و الخشوع للرب جل وعلا لكن تعوذت من الشيطان و قلت لا تفركش العمليه و سجدت و أنا ع الكرسي
|
|
مساء الخير
كيفكم جميعا صراحه ماااقدر اتابع واقرا كل اللي تكتبونه مرره كسل معاي وضعف بالذاكره ملحوظ صرت لما اطبخ شي احط سكر بدل الملح ههههههه |
يا ناس أنا مشاعر دون عقل
قلب بلا عقل تفكيري لا يتعدى الحدود الطبيعية للإنسان الطبيعي ما أدري ليش تعبت و الله من هذا الشعور لو بعقلي صحيح كانت لدي إرادة الإنسان الطبيعي فقدت الإرادة و هي المحرك الأساسي لا أدري من ألوم صيحات الأيام تشجب نفسها |
اقتباس:
استهدي بالله وطمئن بالك وقلبك ياعالي فانت بخير ?? |
اقتباس:
ان شاء الله ربي يستجيب للجميع الحمد لله على التحاليل ب اذن الله تنحل كل العقد و تزول العراقيل و ترفع البلاوي و يحل مكانهم الشفاء و العافية و نعيش التعويض المادي و المعنوي هذه الايام موفقني الله اكثر من الماضي حاسس شيء ايجابي ...... اتمناه من كل قلبي لكل الاعضاء اخوة و اخوات ماذا تقصدين يا قطرات ؟ اخلق سيناريوهات لحياة الناس ....؟ اللهم امين يا رب الله يجعل فيك البركة الله يرزق الجميع شفاءا تاما |
اقتباس:
الله يبارك فيك .... و عقبى لك التفاؤل و الخير كله .... و للجميع اللهم امين يا رب و يشفي الجميع آسف على الاطالة .... بغيت نحكيلكم كيفاش فوت نهار اليوم على خاطر كنت فرحان تبارك الله ، و الله يديم الفرحة و تمنيتهالكم ليكم فاني اي حاجة شابة نبغيهالكم فاني ههههه .....عالي حاول تفك اللهجة ان استطعت .... هل فهمت شيء يا ابو حميد ؟ |
مساء الخير على الحاضرين
الاخ ابو حميد الاخت لوليتا الاخ البائس الفقير و الاخت قطرات الندى وين هي الاخت عيون متفائة ؟ متعود اشوف كلامها تقريبا يوميا بالصفحة الاخت صامدة رغم المحن ... |
اقتباس:
بس لو تآخذين مكملات غذائيه و تقرين في المكملات و تبحثين عنها و تشوفين الأنسب لك |
السلام عليكم
كيفكم يا حلوين اليوم كان بالنسبة لي شاااق وممتع للغاية رحت العصرية استلم بضاعة سبح جايه من تركيا والحمدالله طلعت مضبوطة وحلوة ومرتبة شي فاخر بعدها دق علي خوي الروح وطلعنا نتمشى ثم مرينا ديوانية الربع وجلسنا نتسامر وشاهي قهوة تركية بعدها رحنا للدرعية والمباني التراثية وتعشينا شاورما وبعدها خذينا بليله وشاهي وسمرة وتوني واصل البيت ياليت الايام كلها مثل اليوم بس ما اتوقع ولا اظن بس نقول يا رب يا كريم تغير الحال على الجميع بالاحسن والاكمل الشفا التام |
اقتباس:
الدنيا بايزه بوزه .. ما عادش ليها عوزه إلعب يالا هيص يالا الدنيا بايزة يالا ترررم ترررم يمشي وحيدا أوي وحيد و فريد من نوعه شفتي هذا العقل اللي أقولك الحين أكيد بتقتنعين 🤧😷🤕 |
اقتباس:
و عليكم السلام و رحمة الله و بركاته و الله كان يوم جميل يا رب تتسمح الأمور و تصير أحسن من هاليوم أما أنا صحيت العصر رحت لمقهى نت مشي ع الأقدام مع ما فيها من علة تكيت فيه .. لين العشا طلعت أتعشى في مطعم ع طريق العودة للمنزل بعدها خذيت كافي سادة و أمشي الهوينا لين وصلت البيت و متابعكم الحين من الجوال بعد ما خذيت علاجي طبعا كان يوم ممل صراحة ما أقول إلا الله يزينها اي نسيت ما أقول ان قبل العشا رحت الحلاق و ضبطني بعد ما جرحني الغشيم العليمي جرح في الدقن و جرح عند الشارب .. توبة ان شا الله ما أحلق عنده مع اني متقاول مع حلاق أعرفه زين بس كان بعيد علي و الموتر موقفه مالي حيل أسوقه من الطفش .. رافقتكم السلامه |
مزاجي حاليا لا بأس به
|
لسان حالي يمثله القصيدة
من بادي الوقت وهذا طبع الايـــامـي عذبات الايام مـا تــــمـدي لــياليهــــــا حلو الليالي تــــوارى مثل الاحلامــــي مخطور عني عجاج الوقت يخفيهـــــــا أسري مع الهاجس اللي ما بعد نامي و أصوّر الماضي لنفسي و أسليـــهـا أخالف العمر أراجع سالف أعوامي و أنوخ ركاب فكري عند داعيهــــــا تدفا على جال ضوّه بارد عظامــــــي و الماء يسوق بـمعاليقي و يرويــها إلى صفالك زمانك علّ يـا ظامـــــي اشرب قبل لا يحوس الطين صافيها الوقت لو زان لك يا صاح ما دامي يا سرع ما تعترض دربك بلاويهـــا |
هلا شاطي أستطيع ترجمة ما تقوله بواسطة الإيماء و الإيحاء :)
مالفرق بين الإيماء و الإيحاء 🤓🤔 |
صح لسانك يا بو حميد
أنا بآخذلي عصير و أتتن حيرة و هوجاس و لوعات و هموم اللهم أنا نعوذ بك من الهم و الحزن و العجز و الكسل و الجبن و البخل و أعوذ بك من ضلع الدين و قهر الرجال |
اسعد الله صباحكم احبائي في الله
|
الله يبشرك بالهير محمد عسى دوم مزاجك عالي .
ابو نجلا ان شاء الله البرنتلكس يرفعك بالعلالي توك لك اسبوع صح ؟ شاطيء الراحه اعتذر عن التأخير بالرد خلق السيناريوهات ياعزيزي هذي طريقه معروفه في العلاج السلوكي التحليلي يعني تكون جالس في حديقه فيها ناس اللي يلعب كوره واللي يشوي واللي يتصفح جواله واللي واللي .. الخ انت بدل ماتكون مركز على داخلك وهمومك ٩٥ بالميه ومركز على الخارج ٥ بالميه يصير العكس تركز على الخارج ٩٥ وتنسى التركيز على نفسك انت تلقائيا لما تتأمل بالناس عقلك راح يخلق سيناريو لكل وجه او شخص تتأمله مثال : تشوف رجل يلعب طفله تقوم انت تقول ياترى هالانسان سعيد وهل ياترى عنده اطفال اخرين وياترى ماهي وظيفته ؟ زي كذا بالتالي العقل يلتهي عن القلق والهموم حتى لو لمده قصيره جدا مع التكرار راح تلاقي ارتياح .. اتمني اني قدرت اوصل المعلومه بشكل جيد |
اقتباس:
شكلك داهية في الرد و القصف يا عالي ..... الله يبارك ما شاء الله عليك و انت تقول مالي عقل ، ماني مهم ...... ردودك و معانيك .... قصفات بعدة اشكال و الوان لا فرق بين الايماء و الايحاء ...... اظن هي لغة الصم البكم و الحمد لله ان ميزاجك لا باس به .. الله يخليه دايما مظبوط ، انت و ابو حميد و الجميع |
اقتباس:
بدون اعتذار .... معليش ..... ما عليه اااااه فهمتك ... اطبقها غالبا حتى انسى همومي الداخلية لذا الخروج من البيت جدا مهم .... المزاج يتغير المريض النفسي دايما متصارع مع نفسه و نقائصه الداخلية ..... لذا وجب الانطلاق خارج البيت قد اوصلتي المعلومة كما ينبغي مشكورة |
اقتباس:
اسعدك الله ايها الحامد |
السلام عليكم
اخباااااااااااااااااااااااركم مسااااااااااااء الخيرات عاااالى طمنا عنك اليوم كيف المزاج قطراااااات مرحبا تراحيب المطر كيفك يا غااالية ان شاء الله بخير قطرااات انتي سااااكن في كمباوند صح اسمه او غلط ترا ما اعرفه بس وشلون السكن فيه مريح او لا تدرون وش قاعد افكر فيه بعد عمر طويل اذا قرب عمري خمسين سنه اعيش في كمباوند او انقل الى مصر ما عندي احد هنا غير الوالدة الله يطول عمرها هاجس فكري ياخذني و يوديني ولا ادري كيف اخطط للمستقبل طبعا انا شايل فكرة الزواج نهائيا ولا ارجو مناقشتها خلاص العمر راح بس كيف اعيش اذا وصلت الخمسين ودي بكمباوند او بلد زي مصر في حياة ومقاهي وناس اتفرج عليها خطط عندي بس مع وقف التنفيذ الله يكتب الخير لي ولكم اجميعين |
عليك السلام ابوحميد ...
ايش الكمباوند ؟ |
هلا أبو حميد المزاج نص و نص لك عليه
هلا شاطي الراحة أظن الإيماء هي التعبير بالإشارة و الإيحاء هي الأحاسيس و التعابير الإيحائيه كلغة الجسد و العين و غير ذلك :) أنا أقصف جبهات لا و الله بالعكس |
اقتباس:
أنشهد الله يزينها من عنده |
| الساعة الآن 02:48 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا