السلام عليكم

في حال الطرف الاجنبي حامل للمرض
تسلم التحاليل باليد ولا كيف

انا من جده

لا تترسل من المستشفى للشرطه
ما تتسلم باليد

الله يريح قلبك وبالك ويسهلك كل امورك يارب
ولا يعسرلك شي
ويجبر خاطرك يارب يارب يارب

طيب حبيبتي بدي اسئلك انو جنسيتو سورية
هادا الشي ما بيأثر ؟! بحكم الحرب وكداا !!
انو رح اواجهه مشاكل يعني بما انو جنسيتو سورية مقيم في مصر ولا عادي ؟؟
ازا تعرفي شي عن دا الموضوع قوليلي الله يستر عليكي ويسهلك

يعني قصدي في حال قدمت طلب زواج وبعدها ازا تمت ان شاءالله
وبدي اعمل طلب زوج مواطنة الجنسية السورية تأثر ؟؟
يعني صعبة ولا سهلة
وبدي اسألك اي اجرائات اسهل زواج داخل ولا خارج المملكة ؟؟

والله بحكم الي اشوفو دحين كلل المعاملات تطول
سواءا سوري او غيرو او مقيم او غير مقيم
هوا اذا انتو عقدتو خلاص حتقدري تجيبيه بسهوله
المهم انكم تعقدو اول ويصير زوجك والجنسيه لا ما تاثر
بس حطي في بالك انكم ممكن تنتظرو الموافقه سنه
لا تفقدو الامل واتوكلو على الله
واذا مرا مستعجلين تقدرو تشوفو معقب وكدا

السلام عليكم ...
امس وصلتني رساله ...
تم تسجيل طلبكم بمحافظة جدة رقم **** وسوف تصلكم رساله حين صدورها ..
مع العلم اني كملت اوراقي في الشرطة واعطوني موعد اراجعهم فيه بس باقي بعد اسبوعين
راح يجي موعد مراجعتي لشرطة ... فمادري اي الاجراءات الي اتخذها واتبعها بعد كذا

س/ ابغى اعرف بعد كذا ايش يصير لانه لم شيكت في استعلام المحافظة طلع لي مكتوب


رقم المعاملة : **********
جهة المعاملة : محافظة جدة
تاريخ الورود : 1438/**/**
جهة الورود : شرطة محافظة جدة
رقم الخطاب : *******
حالة المعاملة : جديدة. احيلت الى قسم الزواج.

افيدوني من واقع تجربتكم جزاكم الله خير (سعودي+مقيمه)

المعامله خلصت من الشرطه واتحولت للمحافظه
يعني ما يحتاج تراجع الشرطه خلاص
تابعها ع الموقع الين تصدر للاماره

طيب حبيبتي المعقب دا ممكن في قد ايش يختصر المدة ؟!
يعني انا اسمع انو عادي في ناس شهر شهرين تلاتا وتطلع الموافقة صح ؟!
يعني خصوصن انو انا مطلقة
وبدي اسئلك تقريبن كم يآخد المعقب انو ايش اسعارهم
يعني نحنا تقريبن مرا مستعجلين !!

وكمان بدي اسئلك ايش هوا المعقب بالزبط ؟! يعني ايش وظيفتو
معليش حبيبتي قروشتك بس لانو لسا ف البداية
ومني عارفة شي وحاسة كل شي قودامو علامة استفهمال

حتى لو انتي مطلقه راح تاخد وقت ..
في ناس تطلعلهم بمدة قصيره اذا كان الاجنبي
مولود هنا وجنسيتو عربيه ومن دول مافيها حروب
المعقب يعني يطلعلكم موافقه بفلوس بمدة قصيره
اسعارهم تتفاوت حسب المعامله ماعندي علم صراحه
في منتدى اتحاد المعقبين في كم واحد

متاكده ؟! وكل المناطق كذا
انا خطيبي اخذ التحاليل من المستشفى بس ماقلي شي قلت اسال

مو شرط كل المعاملات تطول قريبتي خلصت معاملتها في 6شهور سعوديه خطيبها يمني
احس تختلف المعاملات


ربي يسهلها يارب
عليكم بالاستغفار والصدقه 👌🏻

ما اعرف
انا بتكلم عن جدة

عشنو يمني ما طولت ولو هو مولود
المعامله ما تروح الداخليه
لكن ربنا يسهلها لنا ان شاء الله

طيب الله يعافيكم في احد منكم قدم استثناء ومقابله مع الوزير
صار لنا 4 شهور وكل مانتصل على قسم المقابلات يقول رقمك قريب
وبالاخير اتصلت انا وقلت لوه ياخوي كل بين فتره وفتره تقولوا للوالد رقمك قريب الين مرت 4 شهور
الى متى !!
قال اصلاً المقابلات موقفه حالياً والارقام لازم ترشيح قدامك الالاف مو بس انتي 💔💔💔
كيف كذا بالله

معقول موقفه؟
و اربعه شهور كثير مرا
ايش سبب الاستثناء حقكم؟

السلام عليكم
لو سمحتو انا قبل فتره قدمت اوراقي للشرطه وطلبو مني احظر عشان اوقع على بعض الاوراق كم المده اللي تجلس بالشرطه وبعد كدا وين تروح ؟؟

هما يعطوكي موعد عشان تراجعيهم
ما اعطوكي موعد؟
هيا حتخلص من عندهم وتتصدر للمحافظه
بعدين الاماره والداخليه

..
اي وربي كثير وخليها على ربي بس
سببه زواج سعوديه سابق ، وحصل الطلاق بسبب مرضها
انارك منطقتي قالو ا لازم يكون مر على صك الطلاق 6 شهور وتوقفت المعالمه والان صار لوه 9 شهور
وقالولنا اعملو استثناء
واهوامنتظرين ربي ييسر لنا امرنا ياحي ياقيوم

سمعت انو اذا كان مثل كذا سبب الاستثناء ينقبل وان الوزير او الوكيل يساعد الشخص فيه
يارب يكون صحيح

اماره منطقتي .. **

ايوا لازم استثناء لانو اتزوج قبل كدا سعوديه
الله يسهلكم ويسهلنا اجمعين

السلام عليكم ورحمه الله وبركاته..
إخواني الله يوفقكم جميعا ويكتب لكم الخير في كل حياتكم

أبا اتكلم عن موضوعي انا ويآليت اللي عندو حل يساعدني. ..تقدم ليا ولد خاله امي هوا يمني وانا سعوديه..وبدينا في المعامله قبل شهر ...مشكلتي هي انو بابا عليه قضيه وموقفا خدماتو ...وما عندو هوية مضيعها وما يقدر يطلع إثبات. ..بس عندي كرت العائله القديم وصوره من إثباته. ..وما يقدر يوكل أي أحد لأن ما عندو بطاقه... وما عندي إخوان ايش اسوي في الموضوع ذا ...لانو استدعوه شرطه مكه عشان إقرار الزواج ايش الحل ساعدوني

قالو بعد 20 يوم نراجعهم
طيب بالنسه للاماره والداخليه كم تجلس مع العلم انه مو مواليد السعوديه

بالاماره تجلس حوالي اسبوع
ممكن تروح الداخليه حسب جنسيتو وممكن لا
لو راحت تجلس شهرين او تلاته او اكتر الله اعلم

ياربي والله خايفه من الاستثناء جداً .. يارب تسخر لي من بيده تيسير امري
يارب بقدرتك قل لامري كن فيكون يارب ..
يارب ييسرلي ولكم جميعاً ..

شكراً الله يسعدك 💜

طيب الجنسيه اليمنيه تروح الداخليه ؟؟

اذا مولود غالبا لا ..
بس اعرف مواليد يمنيين وبرضو راحت
فشكل الموضوع دا حظ!

اهاا .. ربي يسعدك 💜

الحل انكم تدورو احد يمشيلكم المعامله
بالشرطه وخلاص مافي حل تاني
او روحي الشرطه كلمي المدير ع الحكايه دي
وان شاء الله يتفهمو وضعك

السلام عليكم ورحمة الله

احتاج اجابه لذا السؤال المعاملات لمن مثلا ترجع من الامارى الى الشرطة او ادارة لاي نقص وبعد كذا يتم اكمال الناقص وترجع للامارة

هل ترجع برقم صادر جديد ولا بنفس الرقم يبين معايا ايش استجد بالمعامله ..؟

برقم جديد

يعطيك الف عافية

الحمدلله ... تم تحويل معاملتي للمحكمه .. حيث وصلتني من الاماره هذي الرساله
المعامله ********* صدرت إلى محكمة الاحوال الشخصية بجدة برقم ******

اشكر كل الاخوه والاخوات والقائمين على هذا المنتدى
على كل معلومه ورد كان منهم بخصوصاً استفساراتنا
واسئل الله لي ولكم التوفيق والسداد ...

ماشاء الله الف الف الف مبروك اخ انور

وعقبالنا وعقبال الباقيين

اكتب سير معاملتك للاستفادة

السلام عليكم اخت خلود سالم ابغا اسالك انحنت قدمنا من جده وطلعت انا الطرف الاجنبي حامل لجين الامنجليه والطرف الاخر سليم وجبنا تقرير من استشاري امراض دم وحابين نقدم استثناء لمكتب وزير الداخليه فرع جده ف رأيك احسن الاستثناء ولا نجرب معقب وف ايش راح نستفيد منه يعني هل المعقب اللي بتحكوا عنه راح يقدم لنا من مكه ويمشي امر التحاليل ولا كيف ارجوكي ساعديني ع حسب علمي ان واخوات ثانيات ازواجكم كانو حاملين ايش عملتوا ف دا الموضوع وجزاك الله الف خير وسهل امرك وامورنا جميعا

وعليكم السلام
حسب خبرتي لسنين طويله للاسف التحاليل صعبه جدا
ولاتتعبي نفسك بخصوص الاستثناء تضيعي وقتك ولايقبلوه
حاولي تلاقي حل من نفس المستشفى وحاولي تجيبي حلول ولاتائسي لان مع ان التحاليل صعبه لكن فيه كثير تجاوزوها بامر ربي وتوفيقه

حبيبتي سلموكي التحاليل باليد
ووين عملتوها بالاقليمي ؟!
ربي ييسر لك امووك يارب

ماشاء الله .. الف الف الف مبرووووك الله يتمم لكم ع خير

السلام عليكم
لو سمحتو كيف اقدر اتابع المعامله اذا كانت بالاماره ؟؟
وهل رقم المعامله مكون من 5 ارقام ؟؟

وعليكم السلام
زي ماقالت الاخت لوليتا لاتضيعو وقتكم بالاستثناءات مره ماتمشي تقععدي كم شهر بالاخير حسب النظام وماتمشي

ايوا المعقب يمشي المعاملة في مكة حسب تجربة من كذا شخص احنا تواصلنا معاه انسان ابن حلال واخلاق ووللان متابع معانا معاملتنا اللي مع المعقب الثاني لكن ماكتب لي ربي ان اتعامل معاه بشكل كامل

معاملتي مع شخص ثاني بس عدلنا التحاليل والان كملت الشهرين معاه وعسى ربي ييسرها وتخلص دي الكم يوم ..

عموما لو انتم عندكم الصبر قدمو الاستثناء لو مش حابين توكلو على الله وقدموها على المعقب ..

الحلو بالموضوع لو انتي مخلصة اوراق من جدة عادي ياخذها مايطلبك بأوراق جديدة اهم شي تاريخها مش منتهي