|
يقولون في واحد متزوج حولا و يشرب كولا
طيب وش أسوي له الله يهنيه و يهنيها أكيد إنها حلوة و هو حويل :) |
هذا واحد لقيت إسمه في رد من الرودود لمقطع في اليوتيوب و ضحكت منه الله يرجه ( متزوج حولا و يشرب كولا )
ما هو بصاحي الله يسعده |
المهم قلت بنفسي دامه مسافر نهائي اكيد يبي يجمع قرش على قرش بأي طريقة و ما يهمه من احد يشكيه على وزارة الزراعة لانه رايح
سبحان الله و صدق ظني اول ما وديتها حتى ما طالع فيها زين و لا وزنها و لا قاس حرارتها بس طالع بفمها و قال ذي ما بها مرض فقط تحتاج خلع اسنان قلت متأكد ما فيها مرض لانها ما تاكل ، قال كيف تاكل و اسنانها تعبانة قلت طيب ما راح تتحمل البنج لانه قال يبي يبنجها بنج كامل قلت يا دكتور مرة هزيلة ما انت شايفها عندها جفاف عشان ما تاكل لها فترة طويلة و للحين ، طيب عطها مسكنات و مضاد بعدين اجيبها لك لما تتحسن قال لالا ما يحتاج ، قلت طيب مغذي محلول قبل العملية قال لالا ، و انا قلبي يرجف ماني مرتاحة قمت ذكرت دعاء الاستخارة و انا واقفة مكاني و قطع علي دعائي و قال ادفعي ثلاثمية و خمسين ، قلت هذي منقذة و قالوا لي ان اسعارك مناسبة و فيه خصم للانقاذ ، قال انا اصلا معاملها إنقاذ مع اني قبل كذا خلعت ضروس قط في عيادة محترمة و أسعارها أصلا غالية ما اخذوا مني غير ميتين واضح الله لا يجعله يصل سالم انه بيموت على الفلوس و صدق ظني خطفها خطف من على الطاولة و قعد يعدها زي المجنون جعلهم يعددون عليه و بنجها و سوى لها العملية و انا على اعصابي ، خرجت و تنفسها بصعوبة تلقطه مخدرة و جسمها ثلج ما فتحت عويناتها مبنجة ما يمديني رحت البيت و حطيتها في قفصها و بدلت ملابسي الا رجعت لقيتها ميتة و فوق ذا خرجت من عنده تنزف دم من أسنانها مو راضي يوقف ، غيرت لها مفرشها هناك و غيرته و انا في السيارة و غيرته مرتين بالبيت قبل تموت بالرغم انهم كانوا يخلعون أسنانهم ماشاء الله تبارك الله بدون نقطة دم قلت له مريضة ما راح تتحمل بنج ، قلت له عطها مغذي شوف كيف تنزف قال ما يحتاج حسبه الله و نعم الوكيل ياخذ حقها منه في الدارين |
هنا يوم بدلت ملابسي و جيت لقيتها ميتة ،
هذي المفرشين اللي دمانها عليها ، غير المفرشين اللي كانت مليانة اكثر منها غيرتها لها بالسيارة سوى بها مجزرة عساه يلقى مصيرها سامحوني على المنظر http://www.9ory.com/uploads/1531203811721.jpg |
حزنت عليك كثيرا
شكلك تحبيها كثير |
المشكلة اقله الله ينتقم منه غريبة ما صرفت لها مضاد حيوي و لا مسكن زي ما كانوا يصرفون للي خلعت اسنانهم من قبل في العيادات الثانية ، يقول ما يحتاج ما يحتاج ، داري انه قتلها الله يقتله شر قتلة و عارف انه اصلا ما يمديها تبلعه
حياك اخونا الشاكر ، يشهد الله اني احبهم كلهم بنفس الدرجة كأنهم اولادي بل احب كل القطط و كل الحيوانات و كل الضعفاء و لو كانت لقيتها في طريق ابوقف جنبها بكل ما استطيع و راح احمل همها و أحزن عليها مشكلتي ما عندي سلم للمشاعر تجاه الضعفاء بالعموم من بشر او حيوانات او طيور و لا حتى سقف ، الكل أحبهم بنفس الدرجة و يهمني امرهم لذلك ما احب احد يقلي : هواية او تحبين ذا اكثر من ذا لانه خلاف الواقع تماما انا أستغرب من الامهات اللي يقارنون بين عيال الناس و عيالهم ، اقول يا الله كيف كذا ، كيف يجي لهم قلب يقارنون ، انا لو عندي عيال ما أتخيل اني اتمنى لعيالي اكثر من عيال الناس ، يا ناس هؤلاء اطفال ما يملكون من امر انفسهم شي ضعوف كيف يجي لي نفس اقارن انا يوم اشوف عيال المتوسط او البنات خارجين من مدارسهم او رايحين احزن عليهم و قلبي يعصرني لانهم في مرحلة خطيرة مرحلة المراهقة ، و أقعد اغمض عيوني و استودعهم اللي خلقهم و ادعي لهم و انا بالسيارة انا مشكلتي اشيل هم الضعوف بالعموم سواء قريب او بعيد |
في مشاركة يا بسمه ما أعتمدت ما أدري أنتي جايه شاطحه من القهر أعصابك انفلتت و الا هي موجوده و ما اعتمدتيها
بديتي باللهم قلت بنفسي دامه مسافر... ما فهمنا أول القصة أخبرك موزونه كعادتك إيه صوري كل بسوسك خلينا نكحل عيوننا فيهم خبر محزن ما حدث لهذا الأشهب الله يكون بعونك طيب أخبار الجروين |
بالله موقع الصلاة عليها وين و أي مقبرة :)
|
و الله إشتقت و حزنت من شان عفرا
يآخ يا قلبي قلبي الصغير لا يحتمل :) |
ابو نجلا هذا رابط الصفحة اللي كتبتها برمضان فيما يخص قصة الضعوف الاثنين اللي تسأل عنهم مع الوافد السباك مدعي البيطرة
http://www.nafsany.cc/vb/showthread....5488&page=2112 |
بسمه أنا سهران عطيني خبرهم بالمختصر المفيد
|
يعني حتى هم واراهم الثرى
|
اقتباس:
الله حافظ الجميع أختي الكريمة , ولكن بعض الأباء والأمهات غير مهتمين بالاولاد |
ابو نجلا بالنسبة لسؤالك يوم تقول ما فهمت
انا يوم قالوا لي بنات قروب الانقاذ عن المجرم الاخير اللي قتل الضعيفة أمس خبروني انه مسافر لبلده نهائي بعد اسبوع اسبوعين خلاص ما هو راجع الله ينتقم منه ، لذلك قلت بنفسي دامه رايح رايح يبي يجمع الفلوس بأي طريقة و لو على حساب الضعوف لانه ما عاد فيه فرصة يرجع يعني ما عاد فيه فلوس ، لذلك بدال يكشف عليها و يعطيها دواء كلها ما تجي خمسين ريال ، قال خلني اخترع موال عملية خلع الضروس و اخذ منهم مبلغ كبير لذلك اصر على ثلاثمية و خمسين و هي اصلا ما كانت تحتاج نزع ضروس هي مريضة ما تاكل لها فترة طويلة و انا قاعدة اسقيها غصب سوائل مغذية ، و يوم رجعت سألت بنات القروب ليش كذا اسعاره ، قالوا مع انه اكبر عملية ما ياخذ عليها اكثر من مية و خمسين ، لذلك صدق ظني لانه مسافر و يبي يجمع باي طريقة قال خلني اقلها انزع ضروسها و آخذ ثلاثمية و خمسين جعله يصرف أضعاف اضعافها في صحته و لا يطيب ، و هي سبحان الله كأنها حاسة يوم اطلعها من قفصها اسقيها و ارجعها عادي ، يوم جيت اوديها لحتفها و طلعتها انشبت يدينها في القفص ماهي راضية تطلع تقاوم كأنها حاسة انه يبي يعذبها و ياخذ عمرها ، ربي ياخذ عمره باخس ميتة يارب |
ابو نجلا اقرا الرد اللي قبله بداية القصة في الصفحة اللي تسبق هذي ، تلقاه اخر رد في الصفحة السابقة شكلك ما شفته نعسان
|
الله يصبرك و يعوضك أخت عيون متفائلة ، أنا أيضا يوم ماتوا لنا عصفورين حزنت عليهم كثير خاصة واحد حممناه و ما استحمل جاه برد ، كثير زعلت عليه ، و لما كنت صغيرة كنت بحب القطط لكن أهلي بيكرهوهم و يستغربو لما اعطف عليهم ، بدي أنصحك مادام البياطرة بيقتلوهم لا عاد توديهم إلهم ، خليهم يموتوا بسلام أفضل من تعذيبهم...
|
صادق اخوي الشاكر ما كل ام ام و لا كل اب اب ، زاد اهمال الرعية و الضعوف من تالي و الله المستعان
انا و الضعوف مع انهم مو من صلبي او احشائي و لا جربت كيف شكل الامومة تلقاني اضبط المنبه على موعد علاجهم و احيان ما اصدق اغمض و نفسي الامارة بالسوء تحدثني ارقد ربع ساعة زيادة و لكني اقوم و انا انتفض خايفة يفوت موعد المضاد الحيوي ، لانهم مثلنا في مسألة المضاد الحيوي يضبط بالساعة و بعدد المرات و بالكمية سبحان الله و الا تبي تزيد حالتهم و في الغرفة الخشب الصغيرة اللي أقيل فيها بالحوش لو بس أحد منهم كح او عطس طفيت المكيف و عفته و الحر قتلني ، لان هم ضعوف ما يصدقون متى ادخلها و يسبقوني ينسدحون قبلي و حولي لدرجة يترصصون فوقي و اصحى و ذيل احدهم بين خشمي و فمي دلوخ ربي يحفظهم كيف أجل بالله الامهات و الاباء الله يصلحهم يوم ربي يرزقهم بنعم ناطقة ذات عقول ماشاء الله تبارك الله ربي يحفظهم |
ربي ينصرك اختي امل و بنتك و يوسع عليكم و يعوضكم خير
فعلا اختي معاك حق تدرين وش مشكلتي ؟ انا اصلا اخاف من كل البياطرة و دارية معظمهم ما عنده شهادة ، و حتى اللي عنده شهادة يبي يكون بلا ضمير مرتزق يتكسب من وراء اللي لا ينطقون و لا يتكلمون و لا يشكون لذلك اجتهدت و حاولت كذا يوم اسقيها غذاء سائل و اعطيتها من الفيتامينات المتوفرة و لكن بلا نتيجة و فوقها تكبيل رهاب الخروج اللي يحبسني بالشهور تدرين بيتنا ما عاد فيه تموينات الا الشي البسيط كله لاجل ما اخرج ، و لكن عشانها خرجت لان الاحساس بالذنب يقتلني ، اخاف لو ماتت عندي اقول لو وديتها ما صار فيها كذا و هذا اللي يدفعني أركض بهم ، وش يفكني من الاحساس بالذنب اللي يبي يقضي علي لانه اشبه بالوسواس القهري اذا تسلط علي ما يفكني تدرين وش المشكلة ؟ انها ليتها ماتت موتة طبيعية ، و ربي ما تألمت كل ذا الألم ، لان الموت حق و كل نفس تبي تذوقه ، لكن الميتة اللي ماتتها بشعة خلع و نزف و الم و بنج بالعكس الموت فكة و راحة من الدنيا الكريهة و شقاها مين ما يرجو الموت و يتمناه ، الموت راحة للمؤمن يكفي انه يبي يلقى ربه الله يحسن خواتيمنا جميعا و خواتيم المسلمين آمين |
ابو نجلا ذولا الصغار اللي شفت للحين جرحهم بقلبي ما برا ، و اللي صار لهم فوق الاحتمال ، للحين ما غابوا عن بالي
تعذبوا عذاب ما هو طبيعي ، واحد قعد يحتضر اثناعشر ساعة يصارخ و يتقلب من الالم غير الاستفراغ المتواصل لين صار يستفرغ دم ، و كذلك اخوه قعد يتعذب ست ايام بلياليها بنفس اعراض التسمم الدوائي اللي صارت لاخوه ، السباك مدعي البيطرة حقنهم بجرعة دواء زايدة ، تدري بايش كان يحقنهم الله ينتقم منه بادوية حقت مواشي ، تخيل جمال و ابقار و اغنام اوزانها من مية و فوق يقوم يحقن بها ضعوف ما يتجاوز الواحد فيهم ثلاث اربع كيلو بالنسبة للبالغين ، اما ذولي الصغار ما تجاوز الواحد ثلاثمية جرام و فوق ذا خرب كلاوي واحد ثالث كبير صار ما يتبول و الكرامة لكم غير بعد يومين او ثلاثة ايام أسأل الله ان يحقنه و أمثاله من الخونة بسم يقتلهم القتل البطيء على سنين طويلة لدرجة يتمنون الموت و لا يجدوه يارب خذ حقهم عندك حقهم |
البارحة انتكاسة و اليوم مزاج عالي و حيوية و قوة ههههههه!!! خايفة يكون إضطراب ثنائي القطب ! لطفك يا رب
|
صباااااااااااااااح الخيرات والبركات
اخبااااركم علومكم مدري وش الحل مع النوم المتقطع انوم 3 ساعات ثم اصحى مثل المجنون مدري وش الى مصحيني مع اني عندي موعد في البنك ولازم اروح له الساعة 10 الصبح وما ابي اواصل ودي بنومه بس الامر مستعصى يشهد الله كم احبكم يا غااااااالين |
صباح النور و السرور يا مخاوي الليل
الله يعينك و يقويك مالك إلا تواصل لا يطوفك الموعد حبيبي أنت يا بو حميد ما يحتاج تقولها يالغالي أنا صحيت من النوم الساعة 1 الليل و لقيت معجنات محطوطه ع الطاولة في المطبخ و كانت شهيتي مفتوحه معجنات صراحة لذيذه بسأل أخوي من وين جابها |
هلاااااااااا وغلااااااااااااااااا بالغاااااالي ابونجلاء
الله يسعدك ويوفقك ويشرح صدرك قل امين عليك بالف عاااافية وصحة والله يا ابونجلاء ما ودي بالمواصل اتعب جدا جدا مع المواصل اول قبل المرض عاادي الحين تقول شايب كل شي يتعبني لذلك بحاول اناااام الموعد مهم جدا لذلك ما ابي اطوفه امس قلت للوالدة تصحيني وان شاء الله ما تنسى بس والله عشاي كان عبارة عن رز بخاري ومضغوط ومرقة خضار وقرصان انا و واحد من الربع عزمني ولا رديت عزيمته |
محمد الدوسري
اقتباس:
اقتباس:
اقتباس:
اقتباس:
اقتباس:
|
السلام عليكم
أسعد الله صباحاتكم جميعا بكل خير بالعافية على قلوبكم أخواني تدري اخوي البدراني أمس ما مداني أغمض الا جاتني النوبة ، خفقان و خوف و تعرق ، أول على الأقل بعد ساعتين من الدخول بالنوم و فكرت ب لاميكتال من زمان من يوم علمتني لكن من يوم طروا الحكة اجفلت ، الواحد مو ناقص فوق المعنويات الهابطة يتحكحك و يتألم و أحيان مثل ما قلت أختي أمل بالنسبة لثنائية القطب أشك بنفسي ، بس اني ما اوصل ان يرتفع مزاجي لحد الهوس و الا كان من زمان زرقت و جبت تموينات البيت ، لكن هو نوع من الاطمئنان ما يطول للأسف و الحمدلله على كل حال |
حياك أمل حياة الغاليه زين الحمدلله زان مزاجك اليوم عساه دوووم يا رب و الله يسلمك و يسلمنا من الإنتكاسات ما في أشين منها الإنتكاسه بس الحمدلله دام الواحد بين فترة و فترة يقوم من مطيحه هذا بحد ذاته رحمه و لطف من الله الرحمن الرحيم
حياك بسمه الغاليه حاولي ما تجهدين نفسك و تألمينها بزيادة أنا مع حبي للحيوانات و الطيور لكن مجرد ما يموت ما أوجع راسي الحمدلله هذا قدرهم البياطرة حاولي تحطين سؤال في القروب عن أفضل البياطرة و أسوء البياطرة عشان تجين للمهرة و تتجنبين الغشامى الله يحفظك و يحفظ أمك و أخوانك و بسوسك |
|
ابو نجلا لو شفت الامهم قبل الموت ما راح تقول كذا ، تدري مرة تواصلت مع بروفيسور كبير في البيطرة عن طريق النت و صاحب موقع بيطرة يعتبر مرجع يقول آلام القطط تفوق الام البشر بمراحل كبيرة لأن مستقبلات الالم عندهم اكثر بحكم ان جهازهم العصبي المسؤول عن الإحساس بالألم أنشط منا كثير
لذلك فقط اللي يعاشرهم هو اللي يدرك حجم ألمهم ، عشان كذا انا عندي لا قدر الله يموتون و لا يتالمون اما بالنسبة للبياطرة و مهارتهم و امانتهم ، تدري ان ثلاث ارباع بياطرة جدة سباكين و رعاة غنم و بويهجية ، و الربع اللي عنده شهادة يتدرب عليهم بحكم ان ما فيه معامل تحاليل و أشعة غير في عيادة عيادتين و عشان تسوي تحليل فيها تدفع فوق الخمسمية غير تكاليف الاشعة اللي اغلى من التحاليل و غير مبلغ الكشف و التشخيص و الادوية ، و عشانهم بهائم لا تنطق و لا تشكو و لا أحد يحاسب يقعدون يعالجونهم بطريقة الصواب و الخطأ شختك بختك و يحصدون في ارواحهم بلا حسيب او رقيب تدري حتى العيادة المكلفة و اللي تبي تقول شوي فاهمين من شدة الزحمة يشخصون مرات خطأ و تظل تعطي علاج ما فادهم و يتفاقم مرضهم يعني وضع زبالة بزبالة و الجميع بكرامة |
إذا شغالين حصد في ارواح البشر عشان عطوه ابرة في الطوارئ ما ناسبته بدال يسوون له قبلها تحليل و هذي تحصل كثير ، اخرهم بنت جيراننا الله يرحمها صغيرة ما كملت سطعش عشان الآلام الشهرية تجي قوية لدرجة تطرحها راحت طوارئ عشان ابرة مسكن اللي متعودة تاخذها كل مرة ، و يغزونها ذيك الابرة الخطأ قضوا عليها ما خرجت من عندهم غير جثة هامدة ، مع ان عندها ملف و عارفين نوع الابرة اللي تاخذ لكن الاستهتار مشكلة و هذا اللي دهور المرأة اللي خلدت بالنار يوم استهترت بقطة ضعيفة و حبستها الى ان ماتت ، مع انها ما كانت مترصدة للقطة و لا هي مستفيدة اصلا من موتها ، بس لانها استهترت و قالت قطة وش يعني ، زي يوم قالوا ابرة وش يعني و حطوا لها محلول آخر ، هم ما هم مترصدين و لا كان فيه ثأر قديم لكنه استهتار و الاستهتار دليل على انعدام الامانة و انعدام الخوف من المطلع على الغيب و الشهادة
|
اما بالنسبة للسواقة ابو نجلا ، و الله ودي لكن انت خابر الطواري اللي طرت علي من تالي و قيدتني اعوذ بالله منها ، رهاب الخروج اللي منعني حتى من تأمين التموينات للبيت ، من قبل رمضان ما ظهرت للسوبرماكت ، و الا الوالدة تلح علي يوميا ، غثيتهم بالبانكيك ، كل ما قالوا نبي خبز ، رحت خبزت لهم في دقايق سائل البانكيك و صبيته في الصاج ، حتى صرت اسويه لهم بدون سكر حتى يستسيغون اكله مع الجبن ، الحمدلله ان فيه اجبان طويلة الأجل و تقعد بالاشهر و الا كان امداني رصيت لي بقرة جنب غرفتي الخشب احلبها ، شي فظيع اعوذ بالله مقيدني ، حتى الوالدة قطعت قلبي لقيتها فاتحة مقطع على اليوتيوب تبي تتعلم صنع الجبن عن طريق الحليب تقلي مافي شاش جيبي لي شاش
قلت لو اقدر اجيب شاش كان رحت وفرت الخبز |
انا كان ودي اجيب لي وحدة بمقابل مادي تدربني في ارض فضاء حولنا ، عاد يا كثر الفضاء اللي حولنا ثم اذا تمكنت يصير ما اطول يوم اتدرب رسمي و آخذ الرخصة
الوالدة الله يحفظها كل يوم تقول متى تسوقين يلا روحي تعلمي في المعهد و انا قلبي يرعد بوسط ضلوعي لا طروا لي الخروج سبحان الله عندي استعداد أواجه خلايق جدد و غرباء و اتجادل الا الخروج حتى السواقة ماشاء الله تبارك الله ما عندي رهبة منها الا ان احد يقلي اخرجي |
فيني غصه هنا وعيوني فيها مويه وفمي صار مايل لتحت
احس بضيقه ودي اصيييييييح اصيييييييييح لازم اصيح عشان ارتاح بس عيت الصيحه تجي !! |
هلا بسمه الغاليه
اقتباس:
اقتباس:
هههههههه أما بقرة و الله حقها لو إنا بالريف كان جبت لي بقرة أتمنحها خصوصا إن في لبنها شفاء و سمنها دواء اقتباس:
دام مضادات الإكتئاب ما ارتحتي عليها فما لك إلا تطرقين باب مضادات الصرع الحكة بسبب اللامكتال لا تخافين أنتي بس خذي لك حبه و لاحظي إذا في حكه بطليه إلى ما فيه إستمري وضعك إذا إستمر على ما هو عليه راح تفوتك فرص و تغبنك و يصيبك الإكتئاب حتى أهلك ما يعجبهم أبدا وضعك الله يعينك و يقويك و يسعدكم جميع |
اللهم لا إعتراض في قضاه
لكن أسأله الصبر و اللطف فيه إبن عبده و أعبده و أطلب رضاه و أحمده و أستغفره و أتوب إليه ما حمدنا عقب مكروهٍ سواه و لا كرهنا كل ما يحمد عليه يا إلهي و أنت ما غيرك إله المصاب يفوق حزنٍ مكتسيه أجبر اللي ضاع صوته من بكاه و قوّ عزمه كان صبره بيهديه كل ما شاف القبر قبّل حصاه و كل ما أقفى خطوةٍ عوّد عليه |
سلامتك ميموري من الضيقه و من الصياح
صيحي في مكان مغلق بس لا يسمعك أحد عشان ما يقولون فيك جني |
ياليتني نوّام خلقة كان أرتحت :(
|
-----------------------
الدنيا توافيق وحظوظ............ وانا من الثنتين ما حصلي اقدار الله ماضيه في عباده منهم الصحيح ومنهم المريض ومنهم الغني ومنهم الفقير ومنهم المقبول ومنهم المرفوض حسبي الله وكفى ================================================== ===== |
|
===============
امس كان عندي موعد مهم في البنك وطوفته ان شاء الله بعد بكرا ما يطوفني ودي اخلص شغلي ثم بمر الحلاق ثم بمر المغسلة ثم بروح للمستشفى الامل عندي موعد صرف علاج مدري ليه هالمستشفى كريه من تدخل يتبدل الاكتئاب تقول مسكون بالجن ========================== اليوم جالس اتصفح الانستقرام وطاحت عيني على شركة كويتية تبيع اقمشة ثياب والله شكلها رسمي وحلوة بس طبعا الصورة مدري عن الحقيقة وتعرفوني مهلوس شراء طلبت اربع قطع عشان يشملني الشحن المجاني حسابي 400 ريال فقط لى اربع قطع ثياب خذيتها كلها ابيض ناصع ما احب غيره وقالوا حول الفلوس قلت على هذا الخشم واحول الفلوس وبكرا الشحن وتوصل الاحد |
|
| الساعة الآن 12:52 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا