مالها وقت ثابت ممكن شهرين أو 3 ادعي ربك ييسرها ويسهلها لك وللجميع

انتي مو مواليد صح؟

والله على حسب
تاخد من 3 ايام لاسبوع بالكتير وتوصل
انا اخدت 3 ايام ووصلت

لمن توصل امارة مكه روحيلهم
وقوليلهم انك حابه تغيري
اتوقع ينفع

وش الأوراق اللي تبيها الداخليه؟
اللي عنده خبر ياليت يفيدنا الله يجزاكم خير

السلام عليكم ورحمة الله وبركاته ..
عندي استفسار وأتمنى منكم المساعده..
أنا عمري 30 من مواليد السعوديه ومعاي شهاده جامعيه اتقدمت لخطبة وحدة سعوديه والحمدلله الأمور تمت بين العائلتين ..
حبيت استفسر وش الإجراءات اللازمة اللي لازم أسويها من أول شي لآخر شي ..
أنا من سكان جدة والبنت عمرها 24 .. يعطيكم العافيه

تروح محافظة جدة البنت او الاماره
وتقولهم ابغا اقدم طلب زواج من مواليد مقيم
وهما راح يدوها الطلبات هذا مبدئيا
بعد كدا المعامله راح تاخد مجراها من الاماره
للشرطه بعدين محافظة بعدين امارة
وبعدين محكمه او الداخليه حسب جنسيتك

ومن ناحيتي أنا وش اللي أقدر أبدأ أسوي فيه وإلا لازم هي تروح أول شي وأشوف الطلبات ..؟

انت ما تسوي شي حاليا هيا تروح تقدم
لمن يطلبو الاوراق تجهز اوراقك وتعطيهم
بالشرطه حتروح تبصم وكدا
وبالمحافظه حيقولولك تروح توقع بعض الورق

الحين من وقت ماسوينا التحاليل
شهرين وكل شي سليم ومطابقين الشروط الحمدلله
الحين لها 3اسابيع في الاحوال المدنيه عشان ختم شهاده
بعد كذا وين حتروح ؟؟!

السلام عليكم ورحمة الله وبركاته

انا لي معاملة من الزواج من اجنبي غير مقيم قدمتها في البداية من وزارة الداخلية والوزارة ارسلتها للإمارة والإمارة أرسلت اوراقي للشرطة وطلبوا مني اوراق وفرت كثير منها لكن الأوراق الي تخص الخاطب حتى الان ما وفرتها وكل مره اروح اسأل الموظفة ايش الأوراق تخص الخاطب تقول ماعندي خبرة في الزواج من الأجنبي غير المقيم انتظري حتى يرجع الموظف في قسم الرجال من إجازته
وانا سمعت أنه مطلوب شهادة اسلام الخاطب من بلده ؟ الي عنده خبره كيف نحصل على هذي الشهادة ومن اي جهة يجاوبني مشكور

الله يسعدكم ويحقق امانيكم

ماراح يطلبون اي شي يخص خطيبك الا صورة من جواز السفر مترجمة عربي + شهادة الاسلام

شهادة الاسلام ياخذها من المركز الاسلامي اللي أعلن فيه إسلامه. وإذا ماعنده عادي يروح لهم ويقولهم انا أعلنت إسلامي وابغى شهادة.

ميسووووو طمنيني ايش صار على معاملتك

ولاشي ربي يسهلها ويسخر لنا من عباده الصالحين
وانتي بشري عنك؟

يارب الله يسخر لنا
والله على حالها معاملتي ^

الله يفرجها علينا

كم صار لها من طلعت من الامنيه؟

الله يوفقكم و يخليكم انا رحت اليوم مع الوالد إمارة المدينه المنوره
قالو لي لازم معروض و تجهيزي الأوراق المطلوبه أقولهم ايش الأوراق المطلوبه يقوله
تلقيها في الويب سايت المشكله ان زواج السعوديه من اجنبي غير مقيم
مافي له معلومات كثير
الله يوفقكم و يخليكم اي وحده عندها نموذج عن المعروض و ايش يقصدو بالأوراق المطلوبه تعلمني
الله يفك همكم زي ما راح تفرجو علي

و الله الوحده تبغى تتزوج ليش الصعوبات هاذي احس انه المفروض يسهلوً علينا 😭😭😭

ايو والله الله يفرجها من عنده
طلعت 26 / 4 اتوقع قربت تخلص 3 شهور في الحقوق

والله ما اعرف ان شاء الله يجو البنات ويردون عليك

ربي ييسر لي ولك وبشرينا اذا استجد معك شي

طيب هما لازم يعطوني أوراق مثلا
ورقه موجهه للمستشفى عشان التحاليل
و كمان للعمدة عشان يوقعها و يختمها

او انا اروح بنفسي و اطلب الأوراق هاذي ؟!

لان بناءً على الي قريته انه لازم هما يعطوني الأوراق هاذي من الشرطه
و هو اجنبي بس دولته مسلمه
هل يحتاج شي اثبت إسلامه و لا كيف

و الله يجزاك الف خير على ردّك و تفاعلك يعلم ربي كيف
متضايقه و قد ايش جالسه أسعى عشان ذي الأوراق


الف شكر مقدما

الله يسعدك يا رب ويسهل امورك و يبارك لك فيها

انا رحت الشرطه اليوم قالو لازم معروض للاماره
و بعدين الاماره بتحول أوراقك عندنا
و فعلا أعطاني أوراق الي تنختم من العمده

بس لاحظت انه ما عندهم خلفيه كبيره عن الزواج من اجنبي غير مقيم

ما اعرف تطول موضوع المعروض على ما يرسلوها للشرطه
و لا الموضوع نسبي يختلف من شخص للاخر


و فعلا شكرًا مقدما و أتمنى التوفيق للجميع

حاولت اقدم أون لاين ولكن
مالقيت النموذج لزواج السعوديه من اجنبي غير مقيم

السلام عليكم ....صباح الخيرات
بخصوص العمر للبنت قبل 21 بثلاث شهور كيف اقدم المعامله في الرياض وهل يستلمون المعامله ويعطونا رقم عليها
وش الاوراق اللي يطلبونها من قسم النساء عند التقديم

انتي روحي موقع الإمارة (حسب منطقتك) وادخلي على خدمات الكترونية

وبعدين طلبات الزواج > بعدين طلب زواج سعودية من اجنبي

مايتحدد هنا اذا مقيم او غير مقيم.. بس كذا وبعدين تسجلين وترفقين هويتك

وتحطين رقم جوالك وبعد يومين يرسلون معاملتك للشرطة

وتبدا باقي الإجراءات.. انا اشوف ان هذي اسهل طريقة بدل المعروض

انا بجرب آسوي كدا ،، انا من المدينه المنورة
لان العمده حق الحي كل شوي يعطينا موعد عشان يوقع لنا على الأوراق

والله لو تحصل لي فرصه الزواج من السعوديه لبادرت فيها بس وين الولود الودود الطيبات الحبيبات ....!

السلام عليكم يا قمر .
انا ليا تقريبا سنتين عن المنتدى .
انا متزوجه من اجنبي غير مقيم طبعا هولندي غير عربي بس راح اعطيكي الطريقه اش تسوي

انتي من المدينه من اي حي لانه انا كمان عمدة المدينه كان كل شويه يتهرب بس الله يعينك المهم اول شي انا قدمت على الاماره بنفسي من قسم النساء وانا كنت اراجع بنفسي طبعا هدا المعروض اللي قدمته للاماره ازا حابه تغيري فيه براحتك

هلا يا قلبي ان شالله افيدك انا من المدينه والمعروض اللي كتبته بدا الشكل >>>>>>
بسم الله الرحمن الرحيم
الى سيدي صاحب السمو الملكي الامير/ فيصل بن سلمان بن عبدالعزيز آل سعود .
أمير منطقة المدينه المنوره حفظه الله
السلام عليكم ورحمة الله وبركاته.. وبعد:
اتقدم بطلبي هذا لسموكم موضحة فيه لكم أني تقدم إلي شاب ممن نرضى خلقه
ودينه بطلب الزواج مني. وهذا الشاب/ روبرت ويليام رتير. رقم جوازه : ...................جنسيته هولندي. مسلم .
يبلغ من العمر: 22 عاماً. غير مقيم .لم يسبق له الزواج . يعمل في شركة والده كمستشار

وبعد السؤال عنه تبين انه ذو خلق ودين ومن الناس الذي يشهد له بالخير والصلاح.
حيث أني ابلغ من العمر 30 عاما وسبق لي الزواج من ابن بلدي ولم يكن هناك اتفاق بيننا .
وبعدها لم يكتب لي نصيب بسبب نظر المجتمع للمرأه المطلقة.
وانه لامانع لدي من زواج هذا الشاب مني والاقامة والعيش معه في مكان اقامته او اي مكان.
وكلي امل في الله عزوجل ثم سموكم الكريم بإصدار أمركم السامي بالموافقة.

شاكرة ومقدرة لسموكم الكريم وجزاكم الله خير الجزاء وأثابكم حسن الثواب والله يحفظكم ويرعاكم لنا.

مقدمة الطلب:
الهوية الوطنية :
العنوان :
رقم الجوال :
رقم جوال الوالد :
__________________________________________________ ________________
طبعا لامارة بس طلبو مني المعروض هويتي بس وقالت بعد اسبوع راجعيهم واعطتني رقم المعامله والتلفون .
وطبعا بعد باسبوع حولها على مدرية الشرطه وبعد مديرة الشرطه راحت شرطة لحي وطلبو مني اشياء:
وكانت طلباتهم:
1- موافقة الزوجة.
2- موافقة ولي الامر.
وتكون الاثنين معتمده من عمدة الحارة وعمدة الحارة حقتنا غثيث وما نلاقيه بسهوله وابوويا يمكن ما يرضى يوقعها.
3- برنت من الاحوال.
4- صورة هويتي.
صورة من هوية الوالد.
وانا اضفت طبعا شهادة اسلام الزوج صوره من جوازه وصوره له وصورة من صك الطلاق . وبس

ويسهلك يارب ان شالله وتفريحينا قريب توكلي على الله وقدمي

بعد.ما تخلص من الاماره والله ناسيه كم قعدة في الاماره اتوقع اسبوعين بعدين تتحول لي مدرية الشرطه . بعدين تقعد اتوقع أسبوع . وتتحول لشرطه. طبعا الشرطه راح اتصل عليكي وتروحي انتي ومحرمك حيطلبو منكم اوراق تعطيهم هي وتحاليل . يطلبوكي ورقة موافقة من ولي الامر و اتوقع ورقة من العمده ازا كنتي ما تشتغلي موقعه مختومه منه. بعدها اتوقع ازا ما كنت غلطانه راح الشهود وابوكي وانتي تروحو مركز الشرطه ازا كمان الاوراق راح يرسلوها على الاماره وازا كنتي محظوظه وقعها الأمير سريع راح تتحول الداخليه اللي في الرياض وبعدين الخارجيه تحولها لي السفاره السعوديه الموجود الزوج فيها . وعقد القران في السفاره السعوديه هدا اللي صار معايا والله يوفقك ان شاءالله

السلام عليكم ....مساءالخيرات
بخصوص العمر للبنت قبل 21 بثلاث شهور كيف اقدم المعامله في الرياض وهل يستلمون المعامله ويعطونا رقم عليها
وش الاوراق اللي يطلبونها من قسم النساء عند التقديم

السلام عليكم اخوتي واخواتي .. أبارك لكل من خرجت موافقته وتم عقد زواجه والله يفرجها على من ينتظر خروج موافقته قريبا .. لدي سؤال اذا تحولت المعاملة للمحكمة كم المدة المدة التي تمنحها المحكمة للطرفين لعقد نكاحهم؟

انا دحين قدمت على الاماره و ارسلو رساله
انه انحفظت ، بعدها جاتني رساله انها اتحولت على الشرطه حقت الحي

طيب بسالك كم الإجراءات اخذت معاكي لما طلعت الموافقه

و كمان اذا وصلت السفاره السعوديه في بلد الخاطب
يحتاجو حاجه منه و لا ايش !؟

السلام عليكم اخوتي واخواتي .. أبارك لكل من خرجت موافقته وتم عقد زواجه والله يفرجها على من ينتظر خروج موافقته قريبا .. لدي سؤال اذا تحولت المعاملة للمحكمة كم المدة التي تمنحها المحكمة للطرفين لعقد نكاحهم؟