المشاركة الأصلية كتبت بواسطة ساره-محمد (المشاركة 1009485)

هو من الادمي الي اخترع حكاية تصاريح الزواج هذي
مسكين يا جته دعاوي تهد الحيل
يا رب ان كانت هالقوانين خير لنا وللمسلمين فيسرها وان كانت شر وظلم فامحيها وازلها
استغفر الله انا مرات اتذمر واحس انه حق من حقوقي قاعدة انحرم منه بسبب قوانين وضعية
واقول مو من حق الدولة تمنعني اتزوج من الشخص الي ابغاه مع انه غرضهم شغلات تنظيمية واجتماعية وسياسية
بس انا اش ذنبي وتعبي ونفسيتي :(
اش ذنبي اموري تنقلب فوق تحت :(
اش ذنبي اطلب حقي بهالطريقة داخلية وشرطة و و :( كأنه شي مو ليا واترجاهم يعطوني هو :(
يا ربي تعيننا وتسهل امورنا وتقربنا من احبابنا
يا رب اغننا بحلالك عن حرامك وبرحمتك عمن سواك يا كريم

المشاركة الأصلية كتبت بواسطة ساره-محمد (المشاركة 1009287)

الله ييسرلك
بس مو الفكرة انك تلاقي احد يساعدك هنا الا لو احد تعامل مع مقعب وشارك رقمه وهكذا
وما نقدر نلوم الناس الي عندهم واسطة ومشيت معاملاتهم ليش ما يساعدونا
ما ندري اش وضعهم ومن واسطتهم خلاص هذا نصيبهم
وممكن سبحان الله انه المعاملة تمشي وتتيسر من ربنا حتى لو طولت افضل من الواسطة واخير
صح كل واحد فينا له سير معاملة مختلف بس الفكرة هنا انه نشارك ونفضفض ننصح ونفيد كلاميا وفعليا ان قدرنا
لو الشروط منطبقة خلي املك بربنا كبير وحتاخذي التصيريح باذن الله

الله ييسر لنا جميعا ويعجل بالفرج

المشاركة الأصلية كتبت بواسطة حكايه (المشاركة 1009556)

للاسف مافي
لازم يروح لهم بنفسه
الله يسهل عليكي حبيبتي ويسعدك ويسهل امرك

المشاركة الأصلية كتبت بواسطة حكايه (المشاركة 1009561)

حسبي الله عليه الله لايبارك في عمره
انا عانيت سنتين ونص ومنت كل ليله اقوم وابكي وادعي ع الي حط الانظمه دي
انا ماكانت مشكلتي تحاليل
مشكلتي خطيبي كان متزوج قالو له طلق وبعدها نعطيك الموافقه
ازا الشرع والدين محلل 4
رفضو ورفضو الين طلق لانه اصلن كان في قضيه طلاقً المحكمه بعدما انتهئ بعدها وافقو
حسبي الله ع كل شخص وقف بطريق معاملاتنا واخر زواجنا الله لايبارك في عمره

المشاركة الأصلية كتبت بواسطة حكايه (المشاركة 1009555)

صباح الخير جميعا
اسال الله الكريم بانه يسهل امركم وأمري ويرزقنا الحلال

عندي سؤال
محكمه الاحوال الشخصيه. اللي بمكه
الجديده فين موقعها بالزبط
مكتوب ب حي النسيم
وراح خطيبي الاماره قال بشوف هل خرجت المعامله من عندهم او لا
قالو له راجع محكمه الاحوال الشخصيه له ساعتين وهوا في حي النسيم يدور عنها مو محصل
الي تعرف ياريت لو تقولي
ربي يسعدكم

المشاركة الأصلية كتبت بواسطة لحظه تفائل (المشاركة 1009019)

معليش ياجماعه مشكله التحاليل ماتنحل الا اذا عرفتو او عندكم واسطه بالمستشفى عشان يمشي اموركم من تحت لتحت
اغلب اللي حولها ترا بالواسطات ومايقدرو يخدمونا لان واسطاتهم ماتقدر تخدمنا لانو لازم يكونو يعرفونا لانهم يخافو يخسرو اعمالهم
ومايبغو يخاطرو اعتقد اكيد فهمتو اللي اقصده

المشاركة الأصلية كتبت بواسطة شوكلاط (المشاركة 1009572)

اظن المبنى جنبهم
لان واحد من جيراننا اللي شغال هناك واللي ما قصر ساعدنا
لان انا من الدفعه اللي صارت لهم لخبطة بهذا الخصوص
كانت المعاملة المحكمة العامة بمكة
وكانوا راح يأجلونا ليوم ثاني ع الرغم من ان موعدي اساسا بواسطة تقدم
ع اساس لازم تتغير المعاملة لمحكمة الاحوال الشخصية قبل العقد
والحمدلله ساعدنا وعقدنا بنفس اليوم
المهم مرة كنت واقف كأني سمعته يقول المبنى جنب بعض
وانا يوم عقدت كان بنفس المبنى اللي فيه المحكمة العامة بمكة

عموما لو تدوري ع رقم المحكمة العامة او اي رقم تستفسري عنها


بالتوفيق

المشاركة الأصلية كتبت بواسطة حكايه (المشاركة 1009559)

الشرقيه مررره سهلين ا
ومافيهم تعقيد حتا في التحاليل حتا اقامتي ماشافتها بس سجلو بياناتي في الاستقبال وأعطوني الورقه ودخلت وسحبو العينات
انا عملت تحاليلي فيه في قبل 5سنين وتعاملهم جدا راقي
وماكان فيه انيما الفول
حتا مافي رسوم للاجنبي كان بوقتها
لكن لمن عملت تحليلي. بمكه في معاملتي هادي
دفعت رسوم 1720 ريال للطرف الاجنبي بس ومقعدين مررررره
خطيبي الطرف السعودي وعنده انيما الفول اتاريهم بس يدققو في الطرف الاجنبي

المشاركة الأصلية كتبت بواسطة حكايه (المشاركة 1009562)

ياقلبي مو شغله انو محد يبغا يساعدج
ع قولك الواسطه الي نعرفها مثلن لمن نكلمهم عن اشخاص تانين يرفضو
يقولو صعب
لانه كل الشغل. الي بيسوه بيكون من تحت لتحت
انا اعرف في اماره المدينه
والشرقية ومكه
وكنت كلمت امس واسطه ل اختي لحظه تفائل
قالو صعب نوعدك لكن حنرد عليكي
قلت ابغا بس تقرير انو خطيبها سليم ومافيه اي شي وتكون مختومه وموقعه من البرج الطبي في الشرقيه
قالو حيكلمو الشخص الي يعرفوه ويردو لي
انا نفسي اساعد بكل الي اقدر عليه بس والله مايرضو يقولو صعب
الله يقدم كل خير ويوفق الجميع يارب

المشاركة الأصلية كتبت بواسطة شوكلاط (المشاركة 1009574)

++
كلام الاخت لحظه سليم
ويعلم الله ان لو بامكاني اساعد اول شخص ح اساعده
هي اختنا لحظة ..
حاولت اساعد اشخاص اعرفهم شخصيا ما قدرت
و زملاء من الشباب بالمنتدى هنا برضو ما قدرت

الله يسهل بس
وانا تواجدي بالمنتدى هنا عشان اساعد باللي اقدر عليه
وأي طريقة او شخص معين سمعت عنه او احد خبرني
بشخص يساعد ويحل المشكلة هذه
والله ما راح اقصر

انا انتظر وبكل شغف وكأنني انا المحتاج
عشان اساعد اخوتي هنا
لان عارف ايش يعني ان الواحد يكمل نص دينه
ايش يعني انك تبدأ في شيء وفجأة تطلع لك عقبة
ربما غير متوقعه


الله يسهل ع الجمييييييييييييييييييييع
موفقين
ويارب يفرح الجميع بعقد قرانه