|
اقتباس:
|
افكاري السلبيه و تخيلات سلبيه مسيطره عليه بقوه
احس بعذاب !!!!!!!!! تعبت والله ! حد يفهمني؟؟؟ مخي كل مرقف كل شيء كل انسان كل نقطه يقلبها بتفسير سلبي ! مخي صار عالم مخيف ! تعبانه يمكن انجن |
اقتباس:
ومدة الاستضافة يوم واحد من 7 مساء الي 7 ص |
اقتباس:
|
مساء الخير
كيفكم حبايبي مع اول يوم صيام ان شاءالله كلكم بخير مافي صداع ولا شي :( اتمنى لكم صوما مقبولا وافطارا شهيا :) |
رمضــان كـــريـــم
|
كل عام و الجميع بخير يارب الحمد لله مر اليوم الأول بسلام يا حبيبتنا ظل و إن شاء الله القادم أجمل صاد حبيبتي أحنا معاك روحا و عينا و قلبا و قالبا و حاسين فيك لكن راقبي كلماتك أحس ما أحد يحبني أحس ما أحد يفهمني أحس بكره شديد لنفسي أحس إني شي مو حلو أبدا أحس إني مراهقة .. الخ يعني كلها مجرد إحساس و الإحساس قد يكون غير الواقع كما قالت حبيبتنا هبه كل أحاسيسك عبارة عن معاناة سابقة هذه الأحاسيس موجودة في عقلك الباطن تحرري منها بالتدريج و الإصرار و الرغبة الأكيدة في تغيير أفكارك السلبية إلى أفكار إيجابية شوفي نفسك من الداخل شوفي مواطن الجمال فيها .. و مواطن الخير فيها .. إبحثي عن نفسك و بتلاقينها و بتحبينها أكيد.. فقط أبحثي عن ذاتك و قدري انجازاتك |
صح هالكلام! بس صعب التطبيق احس بوحده شديده ماعرف من وين ابدأ
مش قادره اكون سعيده او مرتاحه... ليت اعرف شوفيني ! |
السلام عليكم
مبارك عليكم الشهر كيفكم حبايببي اليوم اسوء يوم لي لانه فيه تغيير لوقت الجرعات هلكت وربي البيت هلكان على الاخر مدري وش اسوي بكره |
اقتباس:
كيف يكون شعور لما تاخذ دوا عشان شيء نفسي؟ يعني الحبه تخليك تنسى اللي ماذيك؟ |
مثلك يامحمد وأصلن مهلوك قبل تعديل الجرعات الله يعييني أصبر إلى موعدي القادم بعد شهرين
|
هلا وغلا اختي صاد شوفي لما تكون بين الحياة والموت لا تستطيع ان تختار شي كان ولا بد من اخذي للادوية النفسية والا هلكت الروح وقتها اما الشعور عادي مثل اي دواء سكر ضغط خو يخفف الالم ولا يعالج المشكلة تقدري تقولي استفدت منه 30 في المائة
هلا وغلا عبدالله حبيبي والله كلنا هلكانين من رمضان الله يقوينا على صيامة وقيامة مالنا وانا اخوك الا الصبر وان شاء الله يتعود على الجسم على وقت الجرعات الجديدة ربي يبارك لك عمرك يا غاالي |
حبيبتي صاد ابتدي من أي جزأ تبينه و تكلمي عن معاناتك و قولي لنا حكايتك مجرد الفضفضة و الكلام بيريحك و احنا أيضا ممكن نستفيد من تجربتك حبيبتي لي طلب منك و هو استخدمي الألفاظ الإيجابية لتطرد الطاقة السلبية التي بداخلك دائما قولي أنا قوية بدليل المواقف التي حدثت وما زلت متماسكة أنا مؤمنة و راضية و لكن الرضا الإيجابي الذي يشحن أعماقنا و أرواحنا بحب الله قولي كل اللي بخاطرك و صدقيني بترتاحين كلنا مثلك و الحمد لله تخطينا هذه المشاعر السلبية واستبدلناها بطاقة مشعة و تعرفنا ع شخصياتنا الحقيقية القوية جداا و الجميلة جداا نحن كلنا معك و لسنا ضدك قولي كل ما حدث لك و ستجدين منا كل خير و فائدة |
اقتباس:
الله هالكلام وايد حلو. . . شوفي انا انسانه شخصيتي عاطفيه. اخر العنقود و اخواني كلهم كبار واهلي معقدين نوعا ما وتفكيرهم قديم. . وانا شخصيتي جدا متفتحه بحدود ، اقصد يعني احب الحياه ومنطلقه . . . لكنهم لهم دور كبير ف كبح اجنحتي .. صحيح احبهم بس تعقيدهم متعب جدا! المهم .. مر عليه حالات هلع و وسوسة امراض و سواس الموت !والنظافه و الوضوء وكثير اشياء! مع العلم مافي اي انسان يعرف عن هالاشياء ابدا! تعديت البعض من هذه الامراض بدون دكاتره او ادويه بس بعضها باقي اكيد . . واغلب اللي مصيطر عليه حاليا الاكتئاب و الافكار السلبيه . . يعني مثلا قبل فتره صار لي موقف مع اهلي يعني عرفواا شيء و ضايقهم مني و دخلت ف حالة اكتئاب اللي خلتني انزل واضعف كثير من وزني ! المهم هالموقف زعلهم و كنت تحت ضغط ! صحيح عدا الحمدلله لكن دايم اربط كل شيء فيه . . . يعني اغلب مخاوفي منهم . . انه اخاف يصير كذا ولا كذا يعني مدري لو فهمتوني بس اربط المواضيع في بعض ! يعني اقول بييصير لي موقف معاهم نفس هذاك ومن هالقبيل... وصارت حياتي بس ادور حول هذا التفكير .... وصارت وساويسي كلها اني لو ما سويت هالشيء بيصير لي موقف و مشكله كبيره ومثلا لو فكرت اتغير او اتشجع على طول اقول لا بيصير شيء مش زين خليني حريصه وحذره نفس ما انا ! احس بكره لنفسي لاني ضعيفه ! صرت شخصيه بايخه كان عندي مليون صديقه ! الحينه احس محد عندي ومحد يحبني صارت شخصيتي بايخه ومش جذابه وتافهه ودلوعه افف اول مره اتكلم هالكلام ! ودايما اختي شخصيتها جذابه و على طول تجذب الناس ! صرت اقارن نفسي فيها واحسني بايخه ! استغفرالله انا وصلت لمرحله اتمنى اختفي ماريد انا اكون موجوده يعني ولا كاني موجوده للابد. صرت وسواسيه وافكار سلبيه جدا جدا جدا جدا ! عمري 23 بس احس بتعاسه و ووحده حتى شخصيتي تغيرت للاسوء! احس بضغط اهلي صاكين عليه وافكارهم قديمه . . وتخرجت و ما توظفت و لا انخطبت ولا شيء . . . الحمدلله ع نعم الله والله انها لا تعد ولا تحصى . . . يمكن البعض يشوف كلامي تافهه! بس ماعرف احس بلخبطه وضياع . . . بس هاذي انا . . . |
محمد البدراني
ها وش صار على التقاعد يابعد راسي شايل همممممك |
| الساعة الآن 12:38 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا