|
اقتباس:
مرحبا .. اسعد الله مساكم طبعا ماحبيت اكون متواجد ومااضيف ولو الشيء القليل رغم عدم معرفتي بالكثير خصوصا بها الوضع , لكن الارجح تنتظروا لين يتم العده لجل ماتتلخبط اموركم مع الجهات الحكوميه لان اي خلل بتاريخ او ورقه بنص المعامله ترجع ويتعبكم الموضوع نفسيا , اسال الله لكم التوفيق الاجراءات من بعد ذلك بتكون روتينيه ويارب تتم لكم بسهاله دام الموضوع فيه صك طلاق اسال الله لا يعوق بشر لاي احد بتكون المعامله مسأله وقت قفط ( الاستغفار ) , وامشوا بمعاملتكم وان شاء الله قريب نسمع منكم خبر جميل يارب . دمتم بود |
اقتباس:
اللهم آمين يارب العالمين.. والله يسهلها علينا وعلى الجميع كلامك مريح.. وشكله كدا ما باليد حيلة سوى الإنتظار.. وجزاك الله خير.. على النصيحة بارك الله فيك وفعلاً الاستغفار دائم على لساني حتى عند دخولي الآن للموقع كنت أرددها وبإذن الله نسمع اخبار عاجلة وسعيدة من الجميع.. وسأحاول موافاتكم بكل جديد بإذن الله.. دمتم بود.. ودعواتكم |
اقتباس:
ممكن تتقدمون لوكيل الامارة بشكوى |
اقتباس:
إذا كانت هذه النقطة صحيحة.. فالله موجود وإذا على الشكوى.. فيكفي أن نشكوهم لله.. فحقنا محفوظ عنده ولن يضيع.. وحسبي الله ونعم الوكيل على كل ظالم ومتلاعب وفاسد..وكفى استفسار آخر.. لو حبينا نقدم المعاملة بإمارة مكة والطرفين من جدة.. ينفع؟! وممكن تسألوني ليش بإمارة مكة!.. لأن ممكن نجد شخص يمشيها لنا هناك بدون مماطلة بالإجراءات ..هذا طبعاً إذا ربنا أراد.. لاتنسوني من دعواتكم..ولكم بمثله بإذنه تعالى |
اخواني واخواتي مساء الخير عالجميع
انا قدمت معاملتي للزواج من اجنبي غير عربي (غير مقيم) مع انه مقيم بتأشيره يتم تجديدها كل 6 اشهر لكن الشرطة رفعو المعاملة على اساس انه غير مقيم وتم ارسالها للأمارة بتاريخ 27\5/1439 اتصلت عشان اتابع معاهم اليوم قالت لي انه مطلوب: 1- حضور ولي الأمر شخصياً 2- احضار شاهدين 3- حضور الخاطب شخصيا الصراحه استغربت الطلبات جداً والوالد مو حابب انه احد من معارفنا يعرف الين يتم الموضوع فسألني الشاهدين لأي غرض قالت لي الموظفة ما اقدر افيدك خليه يراجع قسم الرجال فإللي مر بوضعي ياريت يفيدني الشاهدين لأي غرض بالضبط وليش طلبو حضور الخاطب بما ان المعاملة زواج من غير مقيم ؟ |
اقتباس:
وعسى الله يبشرك بكل خير يارب يطلبونهم عشان يعبون أوراق ويوقعون عليها.. يعني موضوع روتيني والشاهدين يكونوا سعوديين.. مو متأكدة ولكن نقلتها لك مثل ما قريتها من تجربة شخص وان شاء الله احد يقدر يفيدك |
السلام عليكم ورحمة الله
انا عضوة جديدة ياريت أحد يقدر يفيدني اختي غير سعودية مقيمة نظامية وانخطبت على سعودي لكن في التحليل كان معاها حامل لفيروس بي وخطيبها سليم هل في امل تتم الموافقة ؟؟ اذا رفضوها ممكن تمشي بالواسطة ؟؟ كيف ممكن تتم الموافقة الله يسعدكم تساعدوني اللي عنده خلفية عن الموضوع |
اقتباس:
مساء الخير عليكم جميعا .. بخصوص هالوضع واللي اعرفه ان الطرف الغير سعودي اذا كان عليه اي شيء بالتحليل مايتم اعطاؤه ورقه التحليل ويتم ارسالها لقسم الشرطه برقم المعامله وتنرفض هذا الشيئ صار مع واحد اقاربي .. والله اعلم ان كان في اي شئ استجد اما بخصوص في امل اكيد الامل بالله اكبر من كل شيء ومو معناه هالشيء نهايه الموضوع بالعكس في ناس كثير امورهم مشيت بامر الله ثم باستخدام الواسطه من اشخاص لهم قدره على هالشيء اذا اوراق التحاليل اعطوكم اياها اتوقع الامور طيبه باذن الله واذا كان في مجال للعلاج من هالشيء والتقديم مره ثانيه بيكون هذا افضل حل واسلم لكم من وجع القلب . اتمنى من الله يتم امركم ويتسهل امر اختك بالخير وان الله يشافيها باسرع وقت لجل تتم فرحتكم اسال الله اني افدتك ولو بالقليل . كل التوفيق للجميع يارب دمتم بود .. |
اقتباس:
مساء الخير , ماراح اضيف اكثر على ماذكرت الاخت رغبه بالستر الشاهدين لجلكم ولجل المعامله يعني باذن الله مافي خوف من هالناحيه مجرد اجراءات روتينيه تكون للبعض وللبعض عكس مافي استغراب دام الكل اموره تمام والاوراق مستوفيه , اغلب طلباتهم للحضور تكون مبهمه وهذا الشيئ اللي يربك المتقدم على المعامله لكن الامور تكون مثل ماطلبوا او تكون اجراءات ورقيه روتينيه ما استكملت لازم تسابقوا الزمن لجل تعرفوا ايش المطلوب ,, لان مثل ماذكرتي انه غير مقيم كل التوفيق باذن الله , ونسمع الاخبار الطيبه دمتم بود |
السلام عليكم ورحمه الله وبركاته
حبيت اتطمن على الاعضاء الطيبين اللي كانوا مقدمين مااشوف احد بالمرة اتوقع الكل تمت الموافقه معاه باذن الله وخلصت اموركم يارب بالخير الله يوفقكم ويبارك حياتكم .. شاركونا سير معاملاتكم وفرحتكم نفرح معاكم الله يسعدكم جميعا ويسعد المتواجدين حاليا ومقدمين على المعامله يارب نسمع كمان اخبار حلوه بالموفقات للجميع والله يتمم لكم على خير ويجمع بينكم على خير ... دمتم بود |
اقتباس:
وعلى دعواتك ربنا يتقبل ويارب يتم على خير يا ريت اللي كمان عنده تجربة يفيدنا |
السلام عليكم
عندي سؤال .... اخوي الكبير مطلق وعند ولدين وخطب برماويه كيف الاجراءات هل السعودي يستطيع ان يتزوج غير سعوديه من الجنسيه البرماويه عندها شهادة ميلاد ومواليد السعوديه ومقيمه قديمه من زمان هنا اجادها يعني كيف الطريقه ؟ جزاكم الله خير |
اقتباس:
مساء الخير جميعا ً الله يجعلها افراح عامره لكم ويعوض عليه بالخير , ع حسب علمي ان الامور اجراءات روتينيه تقديم عن طريق الاماره والخطوات من بعد كذا على طلباتهم شرطه وتحليل الى اخره الامور باذن الله ميسره وسهله له وان شاء الله نسمع الاخبار الطيبه منكم .. معامله ميسره وسهله باذن الله دمتم بود |
استفسار عاجل وطارئ
السلام عليكم ورحمة الله وبركاته استكملت كامل الاوراق وتم تسليمها ولكن ادارة تنفيذ الاحكام الحقوقية لم تقبل تحويلها الى الامارة مرة ثانية لان طالبين توثيق لتقرير طبي للزوجة الثانية لانه مو من مستشفى حكومي ولما راجعت الامارة عن الموضوع قالوا لازم الدكتور يكتب "غير صالحة ...." يعني كيف بالله دكتور راح يكتب غير صالحة مع العلم ان الزوجة الثانية اكبر مني بخمس سنين يعني حاليا عمرها 55 سنة كل ماراجعهم لهم كلام وكل مرة يطلعولي بقصة جديدة مو عارف متى بيخلص هالموضوع سوينا التحاليل والحمدلله سليمة وكل شي مكتمل وموقفين عند التقرير. اذا في احد يجزاكم خير ممكن يفيدني او يساعدني مع العلم ان المعاملة بالرياض ولي 7 سنين اجري على هالموافقة وكل شوي يطلعوا بشي لحد ماوصلنا لهذه المرحلة فاحتاج الفزعة منكم ياشباب؟ |
اسعد الله اوقاتكم بكل خير يارب
الله يرضي عليكم افيدوني معاملتي من من لجنة سكرتاريتة الزواج بإحراء مغلق جلست هناك من 5/5الي 6/23 واتحولت للامارة مع العلم انها كانت في الشئون الامنيه شهر تقريبا ورجعت للامارة باعادة التحاليل وبرنت ليه وخلصنا ورجعوها الداخليه مرة ثانيه والان تصدرت للامارة زي ماقلت لكم هل يعني ذلك انه تمت الموافقه والحمد لله كل شي تمام في عندنا لكن طولنا فيه ثلاث سنوات وهاذي الرابعه ويجعلها ربي الاخيره يارب واتصلت بالداخليه اعكوني رقم الصادر للمدينه ولكن ماوصلت الاماره للان افيدوني الله يجزاكم خير |
انا تقدم لي سعودي وتم الاتفاق
وكان يبحث على معقب عشان يطلع الترخيص اغلبهم يقولوا له الامور صارت اصعب من اول حتى لو قدمت ودفعت فلوس ممكن تطلع وممكن لا الله ويعوضنا خير وييسر لكل شخص تأخرت معاملته |
اقتباس:
عليكم السلام ورحمه الله وبركاته والله اتمنى اذا كنت اعرف لك طريقه تحل موضوعك رغم سهولته لكن الوصف اللي يبغون الدكتور يكتبه مو كويس والله اعى واعلم عرفت منهم ليه يبغوا هالكلمه تنكتب رغم مفهوم معناها اسال الله العلي العظيم يسهل كل عسير لك وتتيسر المعامله افهم منهم طلبهم لجل ترتاح باتخاذ القرار بها الشيء موفق باذن الله |
اقتباس:
مرحبا ومساء الخير بما ان الامور وصلت لها المكان والعلم عند الله الموضوع منتهي وكل اللي باقي اجراءات روتينيه وتتصدر للمحكمه باذن الله اسال الله انه يعوض صبركم خير ويتمم لكم على خير تاخذ خط سيرها المعتاد باذن الله دام كل شيء تمام وتتصدر وخلينا نسمع منكم الاخبار الطيبه قريب يارب وتبشرونا كل التوفيق يارب |
اقتباس:
السلام عليكم ورحمه الله وبركاته مافي شيء صعب باذن الله رغم مستجدات الامور اذا كان الوضع بينكم مستوفي عمر و اوراق وكل شيء بيكون التقديم باذن الله ماشيء تمام اهم شيء تقدموا قبل ماتقدموا ماراح تقدروا تحكموا على الموقف وقبل كذا اسالوا كمان الطلبات اللي يبغونها بخصوص زواج سعودي من غير سعوديه وان شاء الله بيكون امركم ميسر موضوع الزواج مسأله وقت للجميع اذا كان كل شيء مكتمل من طلبات لا يصيبكم اليأس توكلوا على الله المعامله تمشي والموافقه تصدر باذن الله تمموا اموركم وتوكلوا موفقين باذن الله |
اقتباس:
هلا فيك اخوي بوحضرم سالتهم وقلتلهم كان ردهم هذا من شروط الموافقة كذا قالي والله المستعان ليت في احد ممكن يفيدني ايش الحل معهم يعني بعد التحاليل وكل الاوراق كاملة وقفوا عند هالكلمة حسبي الله ونعم الوكيل اعطيني رأيك اخوي ايش ممكن اسوي عشان تمشي هالمعاملة وتخلص الله ييسر امور الجميع يارب |
اقتباس:
أسعد الله صباحك وباركه ياليت والله ان كنت اعرف احد يقدر يفيدك بالموضوع تزعل هالكلمه والله لكن ماباليد حيله اذا كانت هي طوق النجاه من الموضوع وتخارجك لخير هو مطلبك .. أسال الله ييسر لك كل صعب وتتيسر استخير الله وباذن الله مايعدي الاسبوع هذا الا وانت مختار الامر ومتوفق باذن الله الله يسعدكم وييسر امركم ويوفقكم ونسمع منك الاخبار الطيبه قريب يارب دمت بخير وعافيه |
السلام عليكم
أنا تقدم لي شخص غير مقيم وغير عربي إيش هيا الأوراق المطلوبة والإجراءات وهل تأخذ وقت طويل علماً إنو عمري 25 و3 شهور السكن جدة وكمان ماعندي أعمام وأخوي صغير فينفع الخال يعقد أو لازم القاضي بنفسه او يسوي وكالة.. |
اقتباس:
مرحبا بالتوفيق يارب اول شيء لازم تقدموا خطابكم للامارة وبعد ماتروح المعامله على الشرطه بعدها بكم يوم تقريبا يومين باذن الله هناك راح تعرفوا الطلبات لانه غير مقيم وغير عربي كمان حيكون اجراءات روتينيه طلبات وباذن الله الامور تتم العمر اعتقد انه المطلوب لانه مو مقيم او مولود وبخصوص ولي امرك خالك بالوكاله اعتقد مخول انه يكون ولي عنك باذن الله لين يتم امرك بالخير .. كل التوفيق وبالبركة مقدما يارب وافينا بالجديد لجل نعرف وين وصلتوا أسال الله ييسر لكم كل خير بود دمتم |
السلام عليكم
مساء السعادة وقبول المعاملات ان شاء الله انا صارلي كم يوم احاول اشارك لكن ماتطلع مشاركتي ...ماعرف يمكن اني ماعرف استخدم المنتدى المهم ياخواني واخواتي انا معاملتي في الامارة ويقولون التحاليل ماوصلت رغم ان المركز ارسلي رساله ان التحاليل اترسلت من شهر واسبوع.. ويطىعلي بالموقع ان المعامله في ادارة القضايا والمطالبات الخاصه اش يعني ذا الكلام |
اقتباس:
عليكم السلام ورحمه الله وبركاته أسعد الله صباحك , الحمد لله انك تتواصل وقدرت تدخل المنتدى وتطرح موضوعك اسال الله لك التوفيق وللجميع بدخل بالموضوع على حسب علمي , الحين تقول ان التحاليل ماوصلت وان المركز قال ارسلها التحاليل يوم سويتها استلمتها بنفسك او المركز قال بيرسلها , انا ماعرف بالنظام الجديد ان كان تغير رغم ماسمعت انه تغير , والله اعلم المفروض انك تاخذها من قسم التحاليل وترفقها مع اوراقك لقسم الشرطه , ماوضحت لنا اخي الغالي خط سيرها من البدايه لجل اقلها اللي يعرف يفيدك باذن الله , اذا كانت الامور سليمه واخذت مجراها الروتيني وسلمتها للشرطه وكذا يبغالك تراجع الشرطه برقم المعامله على اساس ان المعامله الصداره لديكم ماتصدرت للامارة كامله وناقصه التحاليل وحبذا اذا كنت مصور منها فقط للاحتياط لك الاقسام اللي تروح لها المعامله طبيعيه جدا للكل , واتمنى تفيدني بالاخبار واسال الله التوفيق لك اخي الغالي وان شاء الله اكون افدتك ولو بالقليل . |
اقتباس:
شكرا على ردك نعم اخوي بو حضرم قالولب الفحص ينرسل عالامارة على طول واحنا بنرسلك بس رساله عالجوال انه انزسل ...اليوم رحت لهم وقلت لهم ليه مارسلتوا الفحص وانتو مرسلين لي رساله قالوا الا ارسلناه رجعت الامارة قالوا خلاص خلاص مادري هم يلعبون علي عشان يسكتوني ...المهم اوراقي كامله والشروط منطبقة عمري فوق الثلاثين وخطيبتي مواليد السعودية وعندنا واسطة لكنه مايسوي شي ههههه وان شاء الله تطلعلي الموافقة لكن بسأل اذا في الموقع الإدارة الداخلية المحال اليها إدارة القضايا والمطالبات الخاصة جهة الوارد فرع الاحوال المدنية - الشرقية والمعاملة قيد الاجراء يعني كم باقيلها ووين وصلت واش الخطوة اللي بعدها وارجع اشكر الجميع على جهودهم بنفع الغير احبكم في الله جميعا |
السلام عليكم ورحمه الله وبركاته
يا اخوان الحمدلله انا تقدمت لفتاة غير سعودية وعمرها قريب من عمري وهي من مواليد السعودية وكملت الاوراق المطلوبه واتجهت للامارة الرياض عبيت النماذج وارفقتها مع الاوراق 11/6/1439 واخذوها تم الاتصال علي بيوم 18/6/1439 بانه الاوراق ناقصه برنت من الجوازات لها - برنت من تامينات لي وخلصتها بنفس اليوم من هذاك اليوم حتى اليوم اتابع المعاملة عن طريق الموقع الى الان تحت الاجراء :- هل الاجراءات تطول ؟! هل تروح الاوراق لوزارة الداخليه ؟! < والا فقط غير مواليد السعودية باقي شهرين عن رمضان هل ستنتهي هالمعامله في هذه الفتره؟ وهل اروح لهم والا ما منها فائدة الذهاب لهم ياليت تطمنوني لاني بديت اتوتر |
اقتباس:
|
اقتباس:
مو مثل المناطق الثانيه اي امارة مقدم انت ؟! |
اقتباس:
|
اقتباس:
صبحك الله بالخير والتباشير الحلوه كويس دام الموضوع يكون ان هم يرسلون لان افتكر انا خذيتها وقدمتها لهم والحمد لله , الوضع انه روتين يا عزيزي موضوع الزواج والموافقات مشكلته اللي تتعبنا الوقت ياخذ وقت الاجراءات الحكومية ممله بالنسبه لنا لكن بالاخير تجيك الامور الطيبه , مدام ان الامور طيبه ووصلهم كل شيء اتوقع الامور وشيكة انها تنتهي باذن الله داخل الجهات الحكومية في خط سير للمعانله من ادارة لادارة تأخيرك كان بسبب عطل التحاليل والحين الحمدلله وجد يبغالك مراجعه فقط وباذت الله تبشرنا قريب بالموافقه , لاتشيل هم بس قول يارب موفق ياغالي . |
اقتباس:
صباحك تفاؤل زلزال الله يجمع بينكم على خير ويوفقكم , ان شاء الله العمر يكون شيء متفق عليه لديهم مافي شيء يوترك ترى اجراءات الحكومه كذا تحسها طويله كنها سنه , بالعادة المواليد ماتروح للداخليه لانها تاخذ وقت هناك كمان ان شاء الله تنتهي المعامله قبل يحل الشهر الفضيل بس كمان يبغالك بس تراجع تشوف وين راحت وكذا ( كثر الدق يفك اللحام ) روحتك لهم لها فايده اكيد لاتقول مالها فايده والتوتر هذا شيله من راسك دامك مقدم وكل شيء مستوفي توكل على الله الله يكتب لك التوفيق ويسهل امرك والجميع وعقبال تبشرنا تباشير الخير |
السلام عليكم ي جماعة الخير كيفكم اخباركم وكيفكم مع قرب شهر رمضان الله يبلغنا وياكم ي ي أخواني انا معاملتي تحركت من وزارة الداخلية بتاريخ 5/6/1439 وراحت الامارة مكة المكرمة بجدة وبتاريخ 13/6/1439 راح الصادر البرقي السري والي الان مافي اي حركة روحت لهم قبل اسبوع قالو لي تعالي لنا بعد ثلاثة ايام أربعة وانا اشيك برقم الامارة عبر رسالة نصية ماتغيرت موجودة في الصادر البرقي السري موقعة وش الحل ..وش باقي من ذا كله .. يعني في امل انها تروح المحكمة .. اختكم قرموشة ..**
|
يااخوان ممكن حد قدم معاملته بامارة معينه مثلا يكتبلنا
قدم وين باي منطقة الاجراءات اللي مشت عليها المعامله كم وقت خذت انا في الشرقية ياليت حد قدم قريب بامارة الشرقية يقولي كيف كانت معاملته واش صار بالتفصيل بكذا نكون نفع لبعض ونقدر نخفف على بعض وقع الانتظار هذا وشكرا |
اقتباس:
اتمنى تروح المحكمة وترتاحين من ذا الانتظار والله انه تعذيب والف مبروك مقدما |
اقتباس:
|
احس من حقها تتزوج اذا هو الرجل المناسب
|
اقتباس:
مساء الخير عليكم جميع عساكم بخير وصحه يارب اخت قرموشة خلاص باذن الله هانت مابقى غير بس تبشرينا انها صدرت لمحكمه الاحوال باذن الله دام طلعت من الداخليه الامور لخير يارب وان شاء الله ان اللي تبقى هي اجراءات روتينيه للكل ومنها تتصدر يارب قريب دعواتي لكم بالتوفيق وللجميع ولاتنسو تبشرونا معكم دمتم بود |
اقتباس:
مساء الخير طال الانتظار اسال الله ايطول انتظاركم وتقعدو بالخير قريب يارب ( خطوات سير المعاملة تبعي سردتها من قبل بـ صفحه 2031 ) للي حابب منكم يشوف خط سير المعاملات والله الموفق http://www.nafsany.cc/vb/showthread....5166&page=2031 هذي سرد تفاصيل معاملتي باذن الله كامله ولله الكمال وان شاء الله تفيدكم بشيء ولو بسيط والفال لكم وللجميع ونسمع اخباركم الحلوة يارب بالخير لكم مودتي |
اقتباس:
مع مين اتواصل !! بنتصل ع الرقم المجاني لوزارة الداخلية ! يخبرونا ننتظر ! بدون ما يطلبوا منا القيد او رقم معاملة ! او حتى يعطونا الرقم الجديد المراجعة ف الوزارة نفسها ، بيفِيد ! ولا لا ؟ ؟ |
| الساعة الآن 12:08 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا