اللي فاهم يترجم هههههههه 🤦🏻‍♀
كونوا بخير بس| هههه

سلامتك أختي لمياء .. ألف لا باس عليك . ربي يشفيك ويطمئن قلبك ..

بيت طين ونت ما تجي تروح حلاته هههه . تقولي كذا لانك تعودتي ما تتخيلي تعيشي بدون نت .. انا عشت في بيتين طين باعهم كلهم الوالد وواحد اتهد هههه ، كنت زمان اجيهم وادخلهم واحس نفسي عملاق عند مداخل الغرف مدري كانوا اباءنا قصار ولا كيف عايشين ، سبحان الله موضوع التكيف عجيب ... القهوة مهنا عنها غناة على فكة الريق مع التمر هذا أساس اما اللي بعد المغرب مب اساسية هههه

شكرا ليك أبو نجلا قصيدة جدا مؤثرة ، ربي يفرجها على كل أصحاب المنتدى يا رب ..

تقول البيت اتهد ههه الله يهد راس العدو
من كلامك عن الطين ههههه
كني اشوفك عملاق وجهه مكدس بالطين معفط بتجاعيد الزمن والطين وتعلوه الغبره ههههههه
عملاق قادم من عالم الطين بكل بساطه و معتق بريحة الطين
انا قادمه من عالم الرخام والحديد واجهل عالمك ياجدي😅

ايوه اتهد واتبنى مطرحه بيت مسلح هههه تعرفي الحين بيوت الطين والبيوت الشعبية تسكنها العمالة الوافدة في الأحياء القديمة ... أجل وجهي أشهب من الطين هههه أنا معجون ومعتق روحياً بطعم الطين هههه

صبحكم الله بالخير

سبح ، وهلل ، واذكر الله ، دقايق
ما اظن تاخذ وقت ي مضيع الوقت

واطلب جليل المُلك لا صرت ضايق
عساه يفرج ضيقتك كل ما ضقت

‎يقوم الحظ / الا فـ الحلوم
‎كل ما يخطر فـ بالي أحلمه

‎لين صرت اقضي الأيام / نوم
‎أبني طموحي ولاقمت أهدمه

من يقول العمى بالعين ماهو بصادق
كم عينٍ تشوف الدرب والعقل غادي

ارويت صدري ضما والحقت دربي سراب
وتقول واصل مسيرك وانت في ذمتي

في ذمتي ماوراك الا الشقى والعذاب
ماهيب في ذمتك ذا المره على ذمتي

‎كنت احب الصبر واحلامي تضيع
‎وضاعت الأحلام يـوم اني صـبرت

‎كنت أقـول أكبـر و أحققها جـميع ؛
‎ما تحقق شـيء بـس أنـي كـبـرت.!

‎الجرح جرحك وجرح اخر كلام السكّات
‎شِف كيف تندم على نفسك ومافاتها
.
‎دورات الأيام تكفي عن أَذًى الذكريات
‎ورضاك مقرون فـ الدنيا ودوراتها
.
‎لاتكتئب لاجعلوك الناس قارب نجات
‎خل أكتئابك لاجيت أدوّر رضاتها
.
‎أزعل على الكل هٓمش كلهم والوصات
‎الناس تهملك لا شفت اتصالاتها
.
‎مثلك نبيل وحياته ماتسمى حيات
‎وإثر التعاسة مثل دايم حواراتها
.
‎تعلمك كل ماتبكي فوقت الصلاة
‎تضحك على نفسك الاولى وعثرتها
.
‎صديقي الخلق ماعاشو على الالتفات
‎الخلق عاشو على الكلمة ومغزاتها
.
‎ياصافي النفس مامثلك مِثل فالصفات
‎لاتزعلك صده العالم ونياتها
.
‎بينك وبينك محيط من الفكر واحجيات
‎عزاه يانفسك الاولى وضحكاتها
.

سبحان الله وبحمده سبحان الله العظيم

صبحكم الله بالخيرات

هلااا خالد منور يالعود وشخبارك وعلومك

هلااااا ميموري يا مشاغبة هههههه انا لحقت على البيوت القديمة في الشميسي بيت دور واحد مساحته 130 متر يا زينه من بيت كان الحياة بسيطة ورايقة او احنا صغار ما ندري عن الحياة ومشاكلها


هلاااااااااااا ظلول .......... هلاااااااااااا عيووووووون ............ هلاااااااا صاااامدة

وين خلود غايبة

وين علو اليوم

وين كل الشباب والصبايا اشتقنا لك غائب

يا رب يجعل ايااااااااااااااااامكم سعيدة

هلاااااااااااااا ابوعلي يالله صبحه بالخيرات

وشلونك يالشيخ وش اخبارك

ابوعلي فتحت جروح الماضي الله يا زينها من اياااام

كان لعبنا كله بالحارة ومن بيت لبيت كل الابواب مفتوحه

والعزايم في البيوت وبساطة وراحة نفسية

اتذكر ابوي واعمامي الله يرحمهم

تذكرت اشياء كثير اخوياي وما فيه تلفزيون

هلا وغلا بالحبيب ابو جاسم

تمام الحمدالله انت اخبارك يالجينرال

سهران اليوم ابو جاسم مو عوايدك :)

ابو جاسم بسالك لو عندك علم

احس دايم عوار ب يدي اليسار قوي

كل ماافحص مايطلع شي فيني

سالت الدكتور النفسي قال حاله نفسيه

بس اناا ماادري تضن النفسيه تسبب هذا الالم

يا هلااااااااااااا وغلااااااااااااااااا خاااالد

والله الامور طيبة ابشرك بخير ونعمة

بين رخاء وشدة متقلب المزاج

تقول اني مصاب بثنائي القطب

ابشرك من رقيت نفسي تحسنت النفسية كثير

بديت احس اني لي لازمة بالحياة او مدري ليه عااايش على الاقل الواحد يجاهد والحمدالله المعنويات مرتفعة

ومتأمل كثير وثقتي بالله سبحانه كبيرة جدا

انت وشخباركم وشلون الجو عندكم

شكلك ابو الوليد ما خذ اجازة لانك تسهر هاالايام

ربي يكتب لك الخير والسعادة الدائمة في الدنيا والاخرة

ماشاءالله تبارك الرحمن ابيك كل يوم مثل هذي المعنويات :)

الرقيه كلها خير وبركه احرص عليها وكثف منها ي الغالي

الاجواء عندنا حرر موت على غبار يقولون هذا الاسبوع بتضربنا رطوبه:)

اي كانك تدري ماخذ سنويه عشان لو ماخذيتها تروح كل اجازاتي هباءا منثوره

الله يسلمك خالد ما تقصر

دعمكم المعنوية يرفع المعنويات فوق

ان شاء الله بس يطيعني ابونجلاء يبدا معي الرقية

الرطوبة فيكم فيكم يالله براااااااد الجنة

استودعك الله ابوخلود بروح انااام سهران وتعبان الله يكفيك شر التعب يا بعد راسي

نحن معاك بالسراء والضراء سير ونحن من خلفك :)

نوم العوافي ي الغالي واحلام سعيده وكوابيس بعيده :)

انا استاذن ♥👋🏼

صباح الخير
انا حاولت النوم ماقدرت هاليومين احس بقلق
قاعده انتظر شي يصير مسبب لي ارق اعوذ بالله
صرت انام بصعوبه

اخي ابوعلي اهلا بعودتك

ابو نجلا الرابط مايشتغل 😄😄😄

احذر أن يستولي عليك الإحباط..
فـتصبح صفراً في الحياة، لاوزن لك ولا قيمة
اصبر ، قاوم ، تحمل ، استمر فـالله معك ،
والضربه التي لاتميتك تقويك..


يسعد صباحكم بكل خير وحب وطمأنينة حبايب قلبي
اتمنالكم يوم مشرق كإشراقة حضوركم 🌹🌹😍😊💝

السلام عليكم
اللي يعاني من وساوس في العقيده انصحه يستمع للمقطع بأذن الله يشفي صدرك

https://www.youtube.com/watch?v=ekM7onxRDyM

لعب علينا ابو نجلاء مهدينا روابط ما تفتح هههههههه الله يصلحه 😅
انا اشتغل معي لكن بعد جهد جهيد

مساكم الله بالخير

[IMG]http://a.up-00.com/2018/08/153323461570341.png[/url][/IMG]

مرحباااااااااااااا بالجميع منورررررررين

مسااااااااااااكم الله بالخيرات

=======================================

تلاوة جميلة


-------------------------

https://www.youtube.com/watch?v=q1CCksPXXy8&t=184s

بدات بتطبيق فكرة او بالاصح

اقوم ارتب غرفتي وابخرها افتح شبابيك الغرفة

السيارة مغسلها ومرتبها ومنظفها

بيت الشعر كذلك

كلها كانت افكار في راسي وخلصتها

الحمدالله احس اني خلصت اشغالي يمكن باقي بعض الشغلات البسيطة اخلصها بكرا

وارتاح

في حالة كان الاكتئاب متوسط تنفع معي هذه الافكار في تخفيف شدته وخاصة الاستحمام وترتيب نفسي والتعطر وبتخير الغرفة

اما اذا شد الاكتئاب في اقول استريح بس هههه ما ينفع معه الا النوم او حبة مهدئ وما يفرجها غير ربك الكريم

يا اخواني وش افضل عسل لقرحة المعدة

انا سمعت انه عسل السمرة وينصح به

اتعبتني المعدة حاليا اخذ علاج نيكسوم 40 ملغ

بس ما ودي اواصل عليه ودي بشي طبيعي

ياهل الخبرة عاااااااااااااااااالي وينك انت من الجنوب وخبرة بالامور هذه

اسال الشايب لعل وعسى يكتب الله لنا الشفا من القرحة

قبل يومين وديت قماش شاريه من الانستقرام من كاكولي الكويتية وصلني اربعة اقمشة

قلت بروح لاقرب خياط صراحة العجز والكسل خلاني افصله بقرب خياط توه فاتح عندنا المهم شكل المحل فخم قلت بس يا ولد هذا بيزبطه على المقاس

قالت فصل واحد تجربة رحمه من الله ما فصلت كل الاقمشة المهم بعد اسبوع اتصل على قال تعال يا عم استلم الثوب رحت وخذيت ولبسته في الثوب

واهلي خذ ضحك وطقطقة علي تقول صعيدي كم اطول من كم و وسيع جدا اغوص فيه الله يسامحه شكله بنشري قبل وما لقاء شغل فتح خياااااط

لا حول ولا قوة الا بالله ضاق صدري على القماش لانه حلو ما عليه قلت يا ولد تصدق بالثوب واخذ بعضي واروح لخياط ثاني بشارع ثاني اسمه الخياط الدولي للخياطة الرجالية

سميت بالله وقلت يا كريم انه يضبطه لقيت هندي قلت يا رجل ارحم من جنسية الى قبله وان شاء الله خير فصل يا صديق ثوب واحد تجربة قال تم ابشر واخذ المقاس وقال مر علي بعد يومين

انا قلت يالله خيره ان ضبط ولا الشكوى لله

بعد ثلاثة ايام خذيت الثوب الا وهو صح رسمي وعلى مقاسي وتفصال الحمدالله عجبني كثير قلت يا ولد اشكر ربك واقول خيط الباقي من الاقمشة وهذا سالفه الثياب

والله عندنا بالسعودية قصة تفصال الثياب قصة ويالله تلاقي خياط صاحي بعكس دول الخليج يومين ويخلص شغلك كله ومضبوط مدري ليه صراحة شي يقهر

انا اعرف خيااااط محترف جدا جدا بس نفسه خايسة وشايف نفسة هندي لو اروح له لاسوي قضية قتل انا ناقص يجلس الثوب شهرين

السلام عليكم ورحمة الله وبركاته

اسعد الله جميع اوقاتكم بكل خير اخواني الكرام و اخواتي الكريمات

هلا بكم جميعا و حياكم الرحمن

سلامتك اخونا البدراني ما تشوف شر

حتى أنا قايم علي مريئي من بعد تناولي للعصفر مع اني ما طولت في تناوله

بعد المغرب تعشيت بروست و انا من زمان عنه و المشكلة قرمشت الجلد المقلي و من وقتها ما عينت خير

حرقان فظيع احس اني صرت تنين ما بقي الا ابخ نار و شرار

احترق مريئي احترق و ما حيلتي غير أشرب في الماء البارد كود يطفي الحرايق و مهنا إطفاء عسى الله يعافينا جميعا

صدق ان المعدة بيت الداء

انا جلست عام كامل من شهر الحج العام و انا مبتعدة عن المقالي و الزيوت و كنت مرتاحة و لا دريت خلالها عن الحرقان

هذا ما جنته علي يدي

و كابوس العافية يارب

زين انك ما غامرت بكل الثياب الحمدلله

بالنسبة لي يمكن فوق عشر سنين تين ما فصلت غير العبي
مريحة راسي كل شي جاهز و لا قلق التفصيل

فكرت اخذ كورس خياطة السنوات الأخيرة لكن ما الله يريد

كل ما اتفق ما احضر

الوالدة ماشاء الله عندها كورس خياطة و تصميم درسته مدة عامين و ماشاء الله تبارك الله فنانة و تخرجت منه بامتياز
و عندها كذا مكينة خياطة لكن ما لها طولة بال على الشرح و انا ما احب اضغط عليها و اضايقها

يوه على الجوال اللي يفشل

بغيت اكتب ملبوس العافية

انكتب كابوس أعوذ بالله

و شتان بين ذا و ذاك

المعذرة اخوي محمد

العتب على الجهاز