المشاركة الأصلية كتبت بواسطة غادة ناصر (المشاركة 1011363)

لحظة تفاؤل انا م ادري وش اللي صار معاك بالضبط بس لو قدرتي تعتذريله احسن حتئ ان كلم اخوك انتي سوي اللي عليك اعتذريله عن غلطك وفهميه اللي تبيغيه وصدقيني بعد كدا لو ييغاك ويحبك
حيرجعلك اهم شي اعتذري منه لاتقولين كلم اخوي خلاص لا
وانا حاسه ان حتزجعو احسن من اول يارب
لاتعبي نفسك ربي بيسعدك ويوفقك ويجمعك بالي تحبيه يارب

المشاركة الأصلية كتبت بواسطة حكايه (المشاركة 1011342)

لحظه تفائل
من سجلت بالمنتدئ وانا اقرا لك واشوف تفائلك وكنت اتفائل بيكي
حبيبتي
صدقيني بالصبر كل شي يصير
إزا غلطتي مايمنع انك تعتذري
انتي خطيبته ومن حقك تبيني وجهه نظرك
وتسمعي وجهه نظره
ان شاآالله مايكون اتصل ب اخوك ولا انها شي يمكن لحظه زعل وغصب
انا لو احكي لك الي حصل معايه والله تبكي عليا
تخيلي واحنا مخطوبين ب اول مشوارنا صار سوء تفاهم بين ابويا وبينه وابويا اتصل عليه قال له مافي نصيب
المهم انا ما ادري بالي حصل وكالعادة اتصل عليه بالليل ابا اكلمه قال لي كلام جرحني بانه بابتي رفضو
تخيلي من نفس الوقت قفلت وكنت ابكي وادعي ربي بان يرجعه ليا تاني
وبعدها ب اسبوع جو ناس وخطبوني
الرجال جا ويبغا يشوفني واهلي غصبًوني ادخل عنده
المهم كنت مكشره وادعي انو مايكون من نصيبي
طلعت من الغرفه وابكي
الرجال عرف اني مو موافقه
قال ل ابويا ممكن اسمع موافقتها ب أذني
لمن نادوني قلت والله مو موافقه وما ابغا اتزوج
وراح الرجال والحمدلله ماكان
تخيلي بعدها ب اسبوعين خطيبي يتصل عليا
يقول لو تبغيني لسه ابغاكي
قلت تعال صلح الوضع مع اهلي وانا ابغاك
والحمدلله وماشالله رجعنا لبعض واتمسكنا ببعض اكتر
المواقف دي تعلمك الصبر وتاخدك لربك وتقربك منه
صدقيني لو هوا من نصيبك حيرجع يكلمك تاني ويشد حيله ب امر المعامله
هوا مستحيل يلقا زيك ياقلبي انتي انسانه مافي منك وتعلمنا منك حاجات كتيره والاهم التفائل
ربي يجبر خاطرك ويسر امرك وامر كل شخص يبغا الحلال

المشاركة الأصلية كتبت بواسطة رسسيلْ (المشاركة 1011350)

لحظة تفائل خلي من اسمك نصيب في امرك
انا اقول انه كل شي له حل وتفاهم والرجال عموماً تفكيرهم مره غير عننا
ف اللي ابيه منك تسألين نفسك هل يستحق هذا الرجال مني فرصة عشان احرك نفسي وارجعه لي
بالاعتذار و الاحساس بالندم من الرجل و التفاهم يغير فيه الكثير
انا اقول استغفري و استجمعي نفسك واتركي عنك العاطفه و خلي عقلك يتخذ موقف في وضعك الان
اتركي كل اللي فات ولاتتعلقين بمسألة المعاملة و تلقين عليها شماعة حالتك النفسية
اذا كنتي تحسين لك حق في هذا الرجل وتستحقين انت وهو اتركي المعاملة وخليك فيه
بعض المرات ننسى الاهم وننشغل بالمهم و نجرح بعض و عذرنا معامله
اذا المعامله عملت فينا كذا واحنا لسه ما تراكمت علينا كل ازمات الحياة سوا كيف بعدين
لا ابغاك قويه و تتمسكين بربي ثم نفسك و اعصابك و ترجعي لنفسك
استهدي بالله و الاهم حطي في بالك الدنيا ماتوقف لا على احد ولا على معامله ولا اي شي في هذي الدنيا
اكلمك بحكم تخصصي و الحالات اللي اشوفها
كثير عميلات ينسون علاقتهم مع الشريك و ينشغلون عنها و تتراكم مشاكل ومشاحنات
يا قلبي انتبهي لنفسك و صحتك و انفضي عنك كل يأس و وساوس شيطان واستعيني بال

ربي ييسر لي ولكم ♥️

المشاركة الأصلية كتبت بواسطة عززيز (المشاركة 1011352)

السلام عليكم ورحمة الله وبركاته

الله يعيننا على حر ورطوبة جده

حررر موووووووت المهم توي داخل البيت

وجاي من شرطة منطقة مكه المكرمه
كلمت الموظف على المعامله ( الاستثناء ) وعطيته الرقم شافها عنده في الجهاز
وقالي خلاص اوك تعال الأسبوع الجاي وأعطيك رقم الصادر لها
قلتله ليه وايش المكتوب فيها قالي والله إنتا عارف اليوم اول يوم دوام واللحين راح ابداء اشتغل عليها
قالي انت من جده قلتله آيه قالي تمام المعامله راح تتحول لمكتب الزواج عشان تكمل الإجراء
وأعطاني رقم التلفون والتحويله وقالي اتصل علينا وشيك عليها وبسسسسسس

إيش ألي حيصير بعد كذا....... الله أعلم

والله مواصل من أمس ما نمت عشان اروح للشرطه
والحمد لله على كل حال ،،،،،

الله يسر أمورنا ويسعد قلوبنا ويتمم أمورنا على خير يا كريم

لا اله الا انت سبحااانك إني كنت من الظالمين

المشاركة الأصلية كتبت بواسطة حكايه (المشاركة 1011487)

وانا كمان من المواليد والطرف الاجنبي وانا البنت
والطرف السعودي هوا الرجال
ماراحت معاملتي للداخليه
من الشرطه تحولت للاماره وقعدت فيها شهر ونص وبعدها صدرت للمحكمه

المشاركة الأصلية كتبت بواسطة الفواحه (المشاركة 1011504)

ايش قصة شرطة مكة اللي بجدة دي حولتوني
يعني اللي من مكة يروح شرطة مكة الي بجدة)فيس احول)

المشاركة الأصلية كتبت بواسطة فصايل (المشاركة 1011373)

باركووووووولي معاملتي تحولت للمحكمه الحمدالله لك ياررررررب توه شيكت عليها حصلتها راحت للمحكمه وربي ماني مصدددددددقه gfdasdwgfdasdw

المشاركة الأصلية كتبت بواسطة ديدو (المشاركة 1011500)

تروح شرطة - أمارة - داخلية - أمارة - محكمة

ترى الداخلية والأمارة مربوطين في بعض والمبنى اللي في طريق المدينة اسمه وزارة الداخلية وامارة منطقة مكة يعني اذا ماراحت للداخلية
لازم تعدي على ادارة هيا تابعة للداخلية

المشاركة الأصلية كتبت بواسطة ديدو (المشاركة 1011506)

مقر شرطة منطقة مكة صار في جدة حي النسيم يعني المعاملات اللي من الامارة رفض او استكمال اوراق تتحول عليه وفيها البحث الجنائي
وبعدها يحولوها شرطة جدة اللي عند مبنى التلفزيون

المشاركة الأصلية كتبت بواسطة حكايه (المشاركة 1011514)

ترا معاملتي كنت متابعتها وكانو متابعينها ناس كمان شغالين في الاماره

سير معاملتي كانت
قدم خطيبي المعامله في الشرطه مع التحاليل والطلبات
نفس اليوم صدرت للاماره
وهناك قعدت 10 ايام من مكتب القضايا ل الوكاله المساعده للصادر العام والشرطه
استغربنا ليش للشرطه
كان ناقصها ختم التصديق
طبعن الشرطه وصلتهم المعامله وبعد 10 ايام وبالمعاناة والواسطات رجعت للاماره
ومن يوم 13 /11
من اداره الحقوق الخاصه ل اداره القضايا والوكالة المساعده ل مكتب الوكيل ومن مكتب الوكيل ل اداره الحقوق والوكالة المساعده لمكتب الوكيل تاني ب اجراآ توقيع سمو الامير وبعدها ب 4 ايام راحت ل اداره القضايا ومنها للصادر العام وتاتي يوم للمحكمه الاحوال الشخصيه
واليوم لمن راح لهم قالو له مافي محكمه احوال ترا لسه مافي وكله كلام جرايد
وقالو له تعال بعد يومين ع الاربعا تكون وصلت المعاملات من الاماره
يارب انها تتيسرررررر معانا وتفرج لنا جميع